الفصل الثامن
كفتين الميزان طول عمرنا نعرف انهم لزم تكون موزونه صح و كل كفه تساوي الكفه التانيه هو ده القانون يعني لو حد نزل سوق يشتري حاجه ها يلقي البياع حاطت كتله واحده بوزن الكيلو بس في الكفه التانيه في برتقال اكتير ايوه نفس الوزن بس العدد اكبر لو البرتقال بيفكر ها يشوف نفسه اقوي بكتير لكن لو فرقت بنهم مش ها تجيب الوزن المطلوب دي اطراف المعادلة حاجه قصاد حاجه مش مهم تكون نفس الكميه بس تكون نفس الحجم و الكتلة و ده بطلنا تفتكره ها يقدر يوضح المعادله دي وله لا ها نشوف
بدايه الفصل
نزل سامح و الرجاله يأمنه المكان كله و بعد كده فتح ليا الباب نزلت و مكنش باب العربيه بس لا ده كان باب تاني لي عالم تاني باب لما يتفتح يبقي بتقول لي الكل انا هنا انا معاكم و محدش ها يسلم مني
نزلت من العربيه و قفلت زرار البدله و مشيت و سيف جنبي و الحرس حوليا و قدمنا سامح و الحرس في دايره انا مركزها و الكل مستغرب مين اللي دخل لي بيت سلوي هانم الديب بحراسه...... رحنا لي تربيزه فاضيه و عليها اسم سيف و قعدنا و سيف جنبي و الحرس حولينا
ويتر : تشرب ايه يا فندم
انا : هو انا لحقت اقعد يابني
ويتر : (بتوتر) انا اسف يا فندم دي بس
انا : بس ايه و ليه كل الاعتذار ده كله عادي فك كده احنا في حفله (و ابتسمت ليه بتواضع)
وتير : (رد الابتسامه) اللي تشوفه حضرتك
انا : بص عايز قهوه
وتير : قهوه (بص ليا بستغراب و لي الصنيه اللي عليها كل انواع الخمور و المنكر الحلو ده بس انا لا ممكن ابدا) ايييييي
انا : ايه مفيش قهوه
ويتر : لا في يا فندم بس ها رجع اطلبها
انا : خد وقتك
وتير : (كلم سيف) و حضرتك يا فندم
سيف : اتنين قهوه مظبوط
ويتر : اوكي يا فندم بعد اذنكم
مشي الويتر
سيف : ايه يا بابا قهوه
انا : ملها القهوه
سيف : طيب اطلب عصير
انا : ها نكذب على بعض انتا عارف و انا عارف اني بحب القهوه
سيف : اللي تشوفه يا ابو سيف
انا : جدع
سيف : بعد اذنك ها شوف خالتو
انا : روح
قام سيف و مشي خطوتين شاورت لي سامح يروح وره و اتحرك وره سامح و معاه ثلاثه من الحرس..... راح سيف لي سلوي
سلوي : سيف انتا وصلت امته
سيف : دلوقتي
سلوي : و دخلت ازي و ايه اخرك اصلاً
سيف : لالالا حاسب انا اتأخر براحتي و اجي براحتي انا سيف علي الصمدي مش اي حد برده
سلوي : ايوه دخلت ازي
سيف : جري ايه يا سلوي مش فرحانه اني عرفت اجي امشي يعني وله ايه
سلوي : تمشي ايه انتا عبيط انتا كمان انا منبها على كريم و الحرس اني محدش يدخل معني كده اني كلامي مش بيتنفذ
سيف : فكره يا خالتو لما كنت اقول اني مع ابويا ابواب الدنيا كلها تتفتح بس لما حد يسمع اسم الصمدي
سلوي : فكره
سيف : (لف وشه ليا لقاني قاعد مولع سيجاره و ماسك تلفوني) اهو انا دخلت مع ابويا
سلوي : (بصت هو باصص فين) و ده فين يابني
سيف : شايفه اللي قاعد حوليه حراسه كتيره ده
سلوي : ايوه
سيف : اهو ده ابويا
سلوي : قصدك اخوك لكن ابوك ازي يابني ده عيل
سيف : يعني انتي كمان ازي خالتي
سلوي : بس يا بابا انا طول عمري قمر
سيف : قمر ايه بس انا شوفت صور ليكي في قصر جدي كان عندك شنب
سلوي : (بغيظ) اه يا ابن الكلبه
سيف : انهي واحده
سلوي : اللي جابتك ها روح ارحب به
سيف : ها عرفكم ببعض
سلوي : (بتكبر) تعرفنا ببعض مين يا عيل ده انا سلوي الديب
سيف : ادي دقني لو عرفتي تعدي من الحرس
سلوي : (بغرور) اتفرج
سيف : ماشي
اتحركت سلوي لي عندي
ليليان : سوفي
سيف : (مركز اوي) استني ها نشوف لقاء العمالقة
ليليان : الكلاسيكو صح
سيف : يخربيت الكوره اللي لحست دماغي لقاء امك و ابويا اكتر اتنين مغرورين و راسهم في السما و دماغهم نشفه
ليليان : ليه و انتا ابوك في نفس مستوي ماما
سيف : انيل
ليليان : ده ها يكون مشهد ممتع
سيف : تراهني اني الحرس ها يمنعه خالتي لحد ما بابا يقولهم عدوها
ليليان : على الف جنيه اني ابوك ها يقوم يسلم عليها
سيف : ديل
فضله وقفين شويه لحد ما فعلا الحرس منعه سلوي انها تعدي
انا : (لسه باصص في التلفون) سبوها تعدي
سلوي : (دمها اتحرق بس الخدمه تحكم وصلت عندي و مدت ايدها) انتا بقى علي الصمدي
انا : (طريقه كلامها مش عجباني فا سبت ايدها ممدوده ثواني و بعدها سبت تلفوني و سلمت عليها و انا قاعد) و انتي سلوي الديب
سلوي : (بغرور بس عدله ايدها علشان ابوسها كان نوع من الاتكيت بس انا فلاح طنشت) ايوه انا سلوي هانم الديب
انا : مبروك رجوع بنتك اتفضلي
سلوي : (قعدت) شكرا
انا : على ايه
سلوي : انك رجعت بنتي
ويتر : (دخل من ضهر سلوي) لقيت شويه بن عسل نوع اسمه الصعيدي ربنا يستر و يعجب حضرتك (حط الفنجانين و بص على سلوي بلع ريقه) سلوي هانم ربنا يستر
سلوي : انتا مغربي صح
مغربي : ايوه يا هانم
سلوي : انتا اللي ها تدخل الصاله كبار الزوار النهارده
مغربي : ايوه يا هانم
سلوي : طيب اتفضل روح الصاله لحد ما ادخل الناس
مغربي : تحت امرك يا هانم بعد اذنك يا باشا
انا : اتفضل يا مغربي (اخدت بوق من القهوه) قولتلي اسمها ايه
مغربي : الصعيدي يا باشا
انا : طيب لو ممكن تسألي منين علشان طعمها حلو الصراحه
مغربي : تحت امرك يا باشا
مشي الويتر
انا : اتفضلي
سلوي : لي مين الفنجان ده
انا : ليكي طبعا
سلوي : (بصت لي الفنجان) بس دي مش مظبوط
انا : لا مضبوط الواد ده ايده مظبوطه حتي في الوش
سلوي : (اخدت الفنجان و جربته) و عرفت منين اني بشرب قهوه و بعدين هو في حد بيشرب قهوه في حفله زي دي ايه البار مش عجبك
انا : هو في صاحب سرك يسكر لا طبعا صاحب السرك لزم يفضل فايق و عينه في وسط راسه علشان يعرف يدور السرك صح
سلوي : بس ده مش سرك دي حفله رجوع
انا : رأيس مجلس اداره شركه اتقابل مع مورد ليه اهم وراكي و على ايدك اليمين انتي عرفه هو مين و واصل لحد فين اتقابل مع عضو مجلس شعب عنده ارض عايز يخلصها غير طبعا رضا الغول اللي قاعد قدامي دلوقتي و قبله واحد صاحب مصنع حديد عايز منه عقد توريد
سلوي : (بصت بأعجاب) و عرفت كل ده منين
انا : علشان فايق قبل ما ادخل سرك لزم اعرف النمر المتقدمه فيه و الصراحه النمر عندكم لزيزه
سلوي : عجبتني
انا : مش بسعي لي ده انا اساسا شخصيه جذابه عارف بس نعمل ايه ضريبه
سلوي : و مغرور
انا : باخد شتين غرور على غيار الريق
سلوي : (كانت ها تضحك بس مسكت نفسها) انتا دمك مش خفيف على فكره
انا : برده مش بسعي لي ابتسامتك
سلوي : (قامت و اتكلمت بلهجه تهديد) بلاش تدخل بيتي تاني بحراسه انا اعرف احميك كويس لو خايف
انا : هههههههه انا لو حضرت في حته يحضر صحبي
سلوي : صحبك؟؟؟؟؟؟
انا : ها عرفك عليه كمان شويه
مشيت سلوي من قدامي
عند سيف و ليليان
سيف : ايدك على الرهان
ليليان : رهان ايه انا عايزه اتجوز ابوك وش ده كسر شوكه سلوي الديب وش
سيف : تتجوزي مين دي كانت امي ولعت فيكي
ليليان : طيب عرفني عليه بليز يا سيف بليز يا سوفي
سيف : طيب نزولن عند طلب الجماهير ها عرفك على ابويا الفشيخ جدا و العظيم افشك بكتير من اي حد
ليليان : اخلص ياعم وله اقول لي سمر انك كنت بتعاكس واحده في المطار
سيف : (استغرب ) انا محصلش
ليليان : اثبت احنا ستات و ها نفهم بعض
سيف : بتعرض لي الابتزاز من عيله عندها 15 سنه
ليليان : (بغضب) 16 سنه لو سمحت
سيف : لسه طفله تعالي تعالي
اخدها سيف و جيه عندي
سيف : بابا
انا : خير
سيف : عايز اعرفك على بنت خالتي ليليان
انا : (رفعت عيني من التلفون و انا مبتسم بس ابتسامه صفره انا مش بحب الحفلات علشان كده بس اول ما شوفت ليليان بصيت حوليا زي ما اكون بدور على حد) هو فين راح فين
سيف : ايه يا بابا انا هنا بقولك عايز اعرفك على بنت خالتي
انا : ايوه ماشي و شوفتها انا بدور على المأذون
سيف : هههههههه يا حج عيب انتا كبرت
انا : كبرت ايه بس اسكت انتا (قومت عدلت لياقه القميص و بنظره حمدي الوزير زعيم متحرشين مصر) علي محمد راضي الصمدي متزوج سابقاً و مطلق حلاً
ليليان : ههههههههه شوف المأذون يا سيف بسرعه
سيف : اه طيب اشوف المأذون و اخبي السكاكين علشان ام سيف عصبيه حبتين
انا : و ليه ما اقتل سيف اسهل
سيف : (بص ليا شويه) بدأت اخاف منك
ليليان : هههههه انتو عايشين كده على طول
انا : اعمل ايه طيب
ليليان : انا سعيده اني اتعرفت على حضرتك يا عمو حضرتك متعرفش سيف كان بيقول عليك ايه
سيف : بلاش حضرتك دي بدل ما نتعلق كلنا دلوقتي
انا : انا مش بحب كلمه حضرتك و الرسميات انا بحب اسم علي جداً
ليليان : ماشي يا علي
انا : اقعده وقفين ليه
قعده و شاورت لي سامح يجي
سامح : (ميل عليا) انفذ
انا : ساعه و خلص
سامح : (سمع الكلام و مشي)
سيف : في ايه
انا : لالا متشغلش بالك
قعدنا نص ساعه و انا بتكلم مع ليليان و جيه مغربي
مغربي : علي باشا
انا : ايوه يا مغربي
مغربي : سلوي هانم منتظراك في الصاله الخاصه
انا : بلغ سلوي هانم انها تيجي بنفسها تطلب مني
مغربي : بس
انا : روح يا مغربي
مشي مغربي
ليليان : نفسي اعرف بتعمل كده ازي انا بيني و بين سيف رهان انك مش ها تخلي ماما تعدي الحرس غير لما تقول و حصل
انا : لزم علشان سيف يكسب الرهان
ليليان : لالا انا ابدا اخاف
سيف : تخافي من ايه ده بابا عادي بشوفه معدي في البيت
انا : هههههههه ماشي يا حيوان
رسمت ملامح الجد على وشي و جت سلوي الديب
سلوي : يا ليلو
ليليان : ايه يا مامي
سيف : مفيش ايه يا سيف ايه يا ابن اختي ايه يا اي حاجه
سلوي : بس يا واد (كلمتني) اتفضل معايا يا علي بيه ها نقعد في صاله كبار الزوار
انا : (فضلت باصص ليها دقيقه و قومت قفلت زرار البدله) سامح
سامح : ايوه يا باشا
انا : سيب الحرس مع سيف و انتا تعاله معايا
سامح : (شاور لي الحرس) اتفضل يا علي بيه
انا : (شاورت لي سلوي) اتفضلي
سلوي : اوكي
مشيت سلوي قدامي و انا وراها و سامح ورانا دخلنا جوه القصر قبل ما ندخل أوضه جنبها مرايه طويله وقفت سلوي و لفت ليا
سلوي : (وقفت تعدل ليا البيبيون) كده اشيك
انا : ( بصيت في المرايه جنبي) تصدقي فعلاً
سلوي : اتفضل (فتحت الباب)
دخلت جوه الاوضه و كانت اوضه الانوار فيها قليله و كل اللي قعدين سنه كبير و في تربيزه روليت (نوع من انواع الألعاب القمار) الكل بص ليا بستغرب اللي هو مين ده
سلوي : احب اعرفكم علي بيه الصمدي علي بيه اعرف سعد بيه محمود اكبر مستورد عربيات في مصر
سعد : (قام و مد ايده) اهلا و سهلا يا علي بيه
انا : (مديت ايدي و سلمت عليه) اهلا يا سعد بيه
سلوي : عزام بيه الريحاني صديقي من الخليخ
عزام : (بيتكلم مصري) مرحبا علي بيه
انا : مرحبه بيك يا شيخ عزام
عزام : (ابتسم الانه مش عزام الريحاني لا هو من احد العائلات الحاكمه في دوله من دول الخليج) اتفضل
سلوي : رضا بيه الغول و ابنه يعقوب
رضا : (فضل مكانه مولع السيجار بتاعه و حاطت رجل على رجل)
انا : (طنشت وجوده)
سيد : بتعرف تلعب يا علي بيه
انا : اه بعرف اللعب (طلعت دفتر الشيكات و قطعت شيك على بياض) اللعب مفتوح وله
عزام : بيبدأ من 200 الف يورو
انا : مش مقامك يا سمو الشيخ
عزام : هههههه اهو حاجه نفك بيها شويه
انا : (اديت الشيك لي موظف بتاع الشباك) و ماله نفك شويه
الموظف : حضرتك تحب تبدأ بفيش ايه
انا : خليها نص مليون يورو
الموظف : اوكي يا فندم
سعد : (بهزار) ايه يا علي بيه مش خايف تخسرهم
سلوي : معلش اصل في غياب رضا بيه سعد على طول يكسب
انا : قصدك في غيابي الاتنين يكسبه
سعد :طيب يله نلعب
عزام : اتفضل يا رضا باشا
رضا : (بغرور) مليش في لعب العيال
انا : (لسه باصص قدامي) لا يا شيخ شكله بيخاف يله
قعدنا على التربيزه و مسكنا الورق و كل واحد حط فيشه (الرهان بتاعه) احلي حاجه في دراسه لغه الجسد تقدر تعرف مين بيعمل ايه و بيفكر ازي و تكسبه ازي قعدنا ساعتين نلعب
عزام : نفسي اعرف كسبت ازي
انا : عادي لعبت كسبت
سعد : بس انتا كنت بتخسر في الاول
انا :و الحظ ابتسم ليا و بدأت اكسب
سلوي : (دمها محروق اني كسبت) طيب طيب
انا : ايه يا سلوي هانم مش عجبك اني كسبت (شاورت لي موظف الفيش)
موظف الفيش : ايوه يا فندم
انا : مكسبي كام
موظف الفيش : (طلع ورقه) مكسب حضرتك 12 مليون و 700 الف يورو
انا : طيب اقسم المكسب على اللعيبه و شيل حصتي
موظف الفيش : افندم
انا : انا مش باخد فلوس القمار
سعد :بس انتا كسبت
انا : انا بلعب متعه مش علشان اكسب
رضا : (قاعد وره سقف و قام جيه ورايا و سند على كتفي) عجبتني
انا : مش محتاج اعجابك (نفخت دخان السجاره في وشه)
رضا : عرفه اني مش بلعب لعب عيال ليه علشان اللعب لم كتير
انا : حلوه روسيا صح لسه واصل انتا صح
رضا : (بص ليا شويه) وصلت اشوف السوق اللي لم كتير اوي كلاب عايزه تتأدب
انا : طيب تحب تلعب لعبه صغيره لو انتا كسبت اسيب السوق كله ليك و لي داليا بس لو خسرت خليك في السوق مش ها قولك لا و اسيبك تاكل عيش
رضا : و ماله نلعب و مش محتاج ضمانات لي كلامك انا هاعرف انفذه كويس اوي
انا : متعرفش تعمل معايا حاجه انا مش عايزها انا اتفه من كده
يعقوب : (ابن رضا) انتا عبيط وله شكلك كده انتا بتكلم رضا بيه الغول احترم نفسك عنك انتا يا بابا و سبني انا على البتاع ده و انا اربيه ده اقل من مقامك
انا : (لسه باصص لي رضا) راجل لي راجل
يعقوب : راجل لي راجل
انا : جبته لي نفسك (قومت من على الكرسي و فتحت زرار البدله و طلعت مسدس لونه دهبي ساقيه و مكتب على مقبضه الصمدي باللون الأسود) نلعب رولت الروسي
يعقوب : ايه الرولت الروسي ده
انا : دي لعبه كده (فتحت ساقيه المسدس و طلعت منه الرصاص كله و حطيت واحده بس) مسدس فيه رصاصه واحده و نلف السقيه و نقفلها منعرفش الرصاصه دي فين او مع مين او الدور على مين انه يموت
سلوي : رضا بيه شوف ابنك
انا : جرى ايه مش قال راجل لي راجل وله عيله الغول مفيهاش رجاله
يعقوب : (باندفاع) لا فيها يله
رضا : (دمه محروق من تدبيسه ابنه ليه و اندفاعه) ماشي
انا : طيب ها نلعب في كل مره المسدس على دماغ ابنك ها سألك سؤال و في كل مره المسدس على دماغي ها تسألني سأل تعاله يا حبيب بابا اقعد
قعدت على كرسي و جنبي واحد تاني عليه يعقوب و الكل حولينا حطيت المسدس على دماغي
انا : اسأل
رضا : انتا ايه رجعك مصر
انا : راجع اشتغل في بلدي (دوست على الزنات من غير ما عيني ترمش و اديت المسدس لي يعقوب) دورك
يعقوب : (اخد المسدس بس مهزوز و حطه على دماغه)
انا : قولي يا رضا حلوه فلوس السلاح الروسي يعني أنتا لسه عامل صفقه لي ملشيات سوريا واخد فيها مبلغ حلو
رضا : ( استغرب انا عرفت كل ده منين بس رد ببرود) الصراحه مش جايب همه و المخاطره كبيره
يعقوب : (داس على الزناد و هو مهزوز بس المسدس فاضي اخد نفس و اداني المسدس) دورك
انا : (اخدت المسدس و حطيته على دماغي)
رضا : وقعت حنان ازي
انا : حنان مجرد واحده جت في طريقي عادي وقعتها بشر اعملها (دوست على الزناد بدون خوف و اديت المسدس لي يعقوب) دورك
سلوي : انا من رأي كفايه لحد كده
انا : ايه هو حبيب بابا خايف
يعقوب : انتا مين علشان اخاف منك (اخد المسدس)
انا : لا راجل انك لسه مكمل لحد دلوقتي قولي يا رضا حلوه فلوس تجاره الرقيق الابيض يعني تجاره النسوان بتكسب
رضا : اويييييي
يعقوب : (داس على الزناد بس بخوف اكبر كده مفيش غير مرتين اول ما داس على الزناد و الرصاصه طلعت فاضيه ارتاح جدا علشان انا اللي عليا الدور) امسك
انا : (اخدت المسدس. و حطيته على دماغي)
رضا : جي ليه يا علي
انا : انا جوبت على السؤال ده
رضا : تؤتؤتؤ جي الحفله دي ليه
انا : ليا حق عند واحد جي اخده
رضا : قصدك انا ههههههههه متعرفش
انا : انا ليا حق عندك بس مليش مزاج اخده دلوقتي هاخده في الوقت اللي انتا تكون مطمن فيه و مرتاح فاكر نفسك في اخر الأرض و انا بعيد عنك ساعتها تطمن اخد انا حقي (دوست على الزناد و طلعت فاضيه اديت المسدس لي يعقوب) اللعب
عزام : يا علي بيه ده شب من دورك كفايه لحد كده
انا : الراجل اللي قد كلامه يكمل
يعقوب : (اخد المسدس و هو مهزوز) نكمل
انا : شاطر قولي يا رضا انتا عارف مراتك فين دلوقتي متأكد انها في البيت
يعقوب : (حط المسدس على دماغي) انتا مجنون تجيب سيره امي على لسانك
انا : امك السهرانه مع واحد دلوقتي
يعقوب : (بصوت عالي) انتا كده لزم تموت
انا : (وقفت و عدلت ايده على دماغي) اضرب اللعبه لحد الموت و لزم حد فينا يموت اضرب يا يعقوب اضرب ياض خليك راجل و اثبت لي ابوك كده اضرب ياض اضرب اه عرفت انتا بتحب الدم الكتير (فتحت بوقي و حطيت المسدس فيه) ام (طلعته) ياض اضرب طيب عايز دافع (ضربته قلم حكومه) اضرب اضرب اضرب (زعقت) اضررررررررررب (اخدت المسدس منه و ضحكت بهستريا) هههههههههههه بلاش تلعب لعب كبار يا عسل
يعقوب : (ايده بتترعش جامد من الخوف) انتا ايه
انا : (بصيت ليه ببرود) انا اسطوره روسيه قديمه اسمها البعبع اسأل ابوك عليها (لفيت لي سلوي الديب مسكت ايدها لقتها متلجه من الخوف بوست ايدها حته روقي) سلوي هانم انا سعيد بالتعرف عليكي
طلعت من الاوضه دي لقيت سامح واقف على الباب شورلي و طلعت و هو ورايا و الناس اللي كانه في الاوضه طلعه بره لقيت واحد بيتخنق و يموت ميلت عليه و مسكته من شعره خليته بص ليا
انا : ده تمن وقفتك مع حنان قدام سيدك و تاج راسك علي بيه الصمدي يا كلب
شخص : ابوس ايدك سبني اعيش
انا : عارف السم ده بيعمل ايه في جسمك دلوقتي بيملي الرئتين دم تموت مخنوق بدمك و مش قادر تتنفس
فضلت باصص ليه و الكل باصص علينا بس انا باصص ليه بتشفي و الحرس منعين سيف و ليليان يقربه لحد ما روحه طلعت قومت عدلت هدومي و بصيت في عيون الكل و الكل خايف مني قفلت زرار البدله ببرود
انا : سامح
سامح : امرك
انا : خد الجثه اكرام الميت دفنه
سامح : أمرك (شاور لي اتنين حرس شاله الجثه)
انا : (اخدت نفس عميق و طلعته و جنبي كانت سلوي بصه ليا بشر ازي ادخل بيتها و اعمل كده) اعرفك اعز اصحابي الموت يا سلوي هانم و ده بيجي من غير دعوه سلام (كلمت سيف) يله يا سيف
روحت اركب عربيتي و سيف و قبل ما اركب لقيت مغربي جي ورايا
مغربي : علي بيه
انا : خير يا مغربي
مغربي : البن عرفت بيتباع فين
انا : فين
مغربي : في محافظه المنيا عند واحد اسمه مازن السراجي
انا : شكرا يا مغربي (قربت من ودنه) شيل اي اثر لي وجودي هنا و كمان الكاس اللي حطيت فيه السم (طلعت ورقه بي 200 جنيه و جوها شيك محترم و اتكلمت بصوت عالي) خلي دول علشانك يا مغربي
مغربي : (بصوت عالي) شكرا يا باشا شوفت يا كبير
ركبت العربيه و سيف كان فيها
سيف : هو ايه اللي حصل
انا : لا وله حاجه
سيف : بابا بعد اذنك فهمني
انا : (بصيت ليه شويه) سيف بلاش تفتح ابواب اللي وراها مش ها يريحك
سيف : بس
انا : (قطعت كلامه) ولا بس وله بتاع سيف كده احسن ليا و ليك اكتر ماشي يابني
سيف : ماشي يا بابا
انا : اتحرك يا سامح
اتحركنا من الحفله و رجعنا البيت لقيت الشباب وقفين تحت و متوترين
انا : في ايه يا جماعه
ادم : سندي وقعت من طولها و سمر معاها فوق
حسام : مره واحده اغمي عليها طلعناها فوق
انا : طيب محدش كلم دكتور ليه
ابراهيم : سمر قالت ها تبص عليها
سيف : (سمر أساساً دكتوره) طيب اكيد خير ربنا يستر
انا : خليكم هنا
طلعت على السلم جري و لقيت سمر فوق قدام الاوضه عرفتني سندي عندها ايه و نزلت تحت على السلم و هيا بصه في الارض
سيف : في ايه يا سمر
سمر : (بحزن) مش عرفه اقولك ايه
سيف : (قلقان) في ايه
سمر : مكنتش احب اني اقول كده بس كنت احب اني انقل الخبر ده بجد الموضوع
سيف : (زعق فيها) ما تنطقي
سمر : يا سيف (سكتت شويه و كملت) يا سيف امك حامل (و اتفتحت في الضحك) ههههههههههه
سيف : حامل؟؟؟؟؟؟؟
سمر : ايوه حامل ايوه مش واضح دلوقتي لزم تعمل تحاليل دم بس حامل
سيف : (سمع الخبر و سكت)
سمر : احلي حاجه الواحد عرف احساس بيومي فؤاد لما قال الخبر ده لي احمد مكي في الكبير هههههههههه كان مشهد تحفه بس اعمله ده اتحف هههههههه
ابراهيم :هههههه كفايه يا سمر لحسن سيف ها يفرقع هههه
سيف : لا بس خبر حلو اوي و مش مصدق ده راجع من شهر لحق
الكل انفجر من الضحك
اما فوق في الاوضه بتعتي كان علي و دودو و امي و انا على السرير جنب سندي ماسك ايدها
انا : بجد الخبر ده
سندي : ايوه يا حبيبي طلعت حامل
انا : بجد اسعد خبر في الدنيا (تلفوني رن و رديت و كان سليم) الو يا باشا
سليم : انتا فين يا علي
انا : في البيت ليه
سليم : طيب ممكن تجي عندي
انا : مش عارف احتمال مقدرش انزل النهارده
سليم : لا عايز دروري
انا : طيب ها حاول
سليم : ماشي سلام
انا : سلام (قفلت مع سليم و قومت من على السرير)
سندي : رايح فين
انا : في مشكله في الشغل رايح ابص عليها
سندي : (بخوف) لالا بلاش
انا : في ايه
سندي : اصل اصل الموقف ده حصل قبل كده و رجعت بعد خمس سنين يا علي (دمعها نزلت) ارجوك بلاش تنزل ارجوك
انا : (قعدت على السرير و اخدتها في حضني) بس بس بتعيطي ليه خلاص يتحرق الشغل يا ستي وله تزعلي نفسك
امي : خلاص يا سندي اهو قاعد جنبك و مش نازل
سندي : (مسحت دمعها) خلاص ماشي
انا : بس ايه اول مره اشوف ماما قمر كده ايه الحلاوه دي يخربيت حلاوه امك
سندي : (اتكسفت)
امي : علي يله و نسيب بابا و ماما لوحدهم
علي : ماشي يله يا دودو
دودو : يله يا علي
مسكه ايد بعض و طلعه و امي بتضحك عليها و انا قومت خلعت البدله و نمت جنب سندي و هيا في حضني لحد الصبح و صحيت على وشها
سندي : علي يا علي
انا : (فتحت عيني) صباح الخير يا قمر
سندي : صباح النور يا حبيبي
انا : (اتعدلت) هيا الساعه كام
سندي : 11 و نص
انا : ياه ده انا نمت كتير اوي
سندي : كنت تعبان امبارح
انا : طيب انا قايم دلوقتي
قومت دخلت الحمام اخدت دش و لبست بيجامه و طلعت بره كان سندي نزلت حصلتها تحت
انا : صباح الخير يا جماعه
امي : صباح الخير يا حبيبي
سيف : (مبتسم) صباح النور يا ابو سيف
انا : صباح النور يا حبيبي ايه يا ماما مش ها نفطر
امي : دقيقه و احضر الفطار
سندي : ثواني اجي معاكي
امي : لا اقعدي ياختي انتي حامل ورايا يا سمر
سمر : (كلمت سيف) سيف قول لي غاده بلاش انا
سيف : ليه
سمر : لو غلط ايدها تقيله قوي
امي : انا مش بحب الدلع
سمر : بليز يا سيف بليز
سيف: يا تيته
امي : اسكت يا زفت
سيف : براحتك
امي : قدامي يا بت
سمر : (مسكه في سيف) ايدها تقيله يا سيف ايدها تقيله اوي
امي : شكلي ها جيبك من شعرك
سمر : (مسكت شعرها) لا و على ايه يا غاده
دخله المطبخ و سمر بتفكرني بالعيال اللي بتاخد حقنه في المدرسه نفس الخوف
انا : الله يكون في عونك يا سيف يابني
سيف : ههههههه مجنونه بس قلبها ابيض
انا : و دي اهم حاجه القلب الابيض
حضره الفطار قعدنا نفطر مع بعض و طلعت فوق غيرت هدومي علشان نازل الشغل جهزت نفسي و طلعت بره
انا : صباح الخير يا رجاله
الكل : صباح النور يا كبير
سامح : صباح النور يا علي امبارح كان عندك معاد مع سليم بس
انا : ايوه اصلي نمت بدري
سامح : تمام يا باشا اتفضل العربيه جهزه
انا : طيب على المجموعه
اتحركنا على المجموعه وصلت و طلعت المكتب بتاعي.
