Accha suno,
Yu toh hum ladkiya tum ladko k tarah izhar nahi karte,
Aur kare bhi kyu? tum hi karo !
Par chalo tasalli k liye kuch baatain bata deti hoon,
Haan hum jaan jaate hai tum kiske naam se jal jaate ho.
Haan hum jaante hai tum kis baat se rooth jaate ho,
Hum jaante hai ki tum humare rahoge bhi ya nahi !
Par tum nahi jaante hoge ye baatain,
Ki tum jab aap kehke bulaate ho toh accha lagta hai,
Tum jab mere khana na khane par daat dete ho accha lagta hai.
Jo tum khud laparwah rehte ho aur meri parwa karte ho accha lagta hai,
Jo tum meri maa ko sassu maa kehke bulaate ho sunna accha lagta hai.
Aur haan jab hum tumhe apni tasveere bhejte hai aur jo tum unhe dekhkr 'Mine' bol dete ho na,
Bas vo sunke hi accha lagta hai.
Yu toh hum ladkiya mohabbat karne se thoda darti hai,
Ki kya koi sambhaal bhi payega,
Nibha bhi payega.
Par jab koi mil jaata hai na jo sambhaal leta hai,
Jisko dekh lagta hai ki ye nibha bhi lega,
Tab hum khud tumhare hone lag jaate hai
Baat bas ye hai ki tumhe bataate nahi hai,
Thoda tadpaana hum ladkio ko humesa se accha hi lagta hai !
Khair tum sunno agar tum ladke humare rehte ho,
Toh hum bhi tumhare hi rehte hai.
Jo hum ye bachiya ban jaate hai na tumhare saamne,
Unki wajah tum hi ho,
Kyuki hum jaante hai ki tum jhel loge.
Humara roothna, jhagarna sab tumse hota hai,
Aur haan pyar bhi hota hai,
Bas chupaate hai.
Bas ek baat hai jo hum humesa chaathe hai aur bata bhi dete hai,
Ishq karo toh nibhaana,
Bas hume chorke mat jaana !
Nibhaaoge na?
Izhaar nahi kar rahi hu,
Kyuki vo tum hi karna samjhe?
~Pihu
