اسكريبتات و خواطر بقلمي/نورهان صبري

صديق صح

#صديق_صح..
_حقيقي رمضان داا جميل اووى عشان احناا سواا
-فعلا السنادى هنكون سواا فى الدروس و الامتحانات و طول الوقت..
_بعيداا عن أن صحبتكواا بتفطر الواحد بس حقيقي بنكون مبسوطين سواا..
-داا غير أننا بنشجع بعض على طاعة ربنا.. يعنى مثلا كل شوية نسأل بعض.. انت قرأت كام جزء من القرآن.. طب الأدعية و الأذكار..
_حاجات بسيطة جداا بس بتاثر فى الواحد و بتخليه عايز يقرأ عشان المنافسة..
مفيش احلى من الصحبه اللى تشجعك على كل حاجة صح.. على القرب من ربنا على الدراسة على كل حاجة.. رغم الزعل و الخصام احيانا.. بس دايما بنرجع و نعاتب.. لان من الاخر مالناش غير بعض.. صحبة ابتدائى و اعدادى.. و اللى بيستمرواا معاك لثانوى.. و ممكن جامعة و ما بعدهاا.. الصحبة دى اوعى تفرط فيهاا.. لان مهماا حصل بينكواا بتفضلواا سواا.. مهما صاحبت ناس تانية و مهما عرفت.. هتفضل صُحبتك الأساسية هم أول حد بتفكر فيه فى اى وقت.. بتظهر عيوبك كلهاا قدامهم من غير ما تتجمل.. على عكس الناس التانية.. يمكن لانكواا متعودين على عيوب بعض اكتر من المميزات..
"انا رهف و دى صديقة طفولتى رؤى.. مع بعض من ابتدائى.. و دلوقت فى تانية ثانوى.."
فى ابتدائى و اعدادى ما كنتش اتخيل ابداا ان رؤى فى يوم من الايام هتكون صحبتى الأولى.. كناا بنتخانق كتيير.. مشاكل كتير بتحصل.. يمكن لأننا ماكانش ناضجين كفاية.. يمكن لأننا ملكناش فاهمين الدنياا او الايام... بس دلوقت اناا بقيت شبه متأكدة اننا لازم نكون سواا.. هى اللى شبهى.. فى طباعى.. فى تفكيري.. فى احلامى.. فى هواياتى.. هى اللى بتشجعنى على اى حاجه.. احنا لازم نكون سواا
صاحبت كتيير و هى كمان.. لكن بعد داا كلو رسيناا على بعض.. داا مش معناه اننا بنبعد عن الباقيين.. لكن ممكن زي التوأم و الباقى اخوات عاديين..
الصديق اللى ينصحك و يوعيك مش لازم ينصحك النصيحه اللى انت عايزها.. لكن لازم ينصحك النصيحه اللى لازم تعمل بيهاا.. و دى اهم حاجة..
الصديق اللى يشوف مصلحتك فين بعد كداا.. مش اللى عايزك ترضى عنه و تقول اه هو داا صاحبى..
حاجات بسيطة اووى بس بتثبتلك مين اللى لازم تكمل معاه..
اللى فى كل صلاة يفكرك و يخليك تقوم تصلى.. اللى ينافسك على قراءة القرآن.. اللى يشجعك على المذاكره.. اللى يشاركك أصغر تفاصيلك..
الصديق اللى بتلاقى نفسك بقيت احسن من الاول و انت معاه هو داا اللى لازم تكون معاه..
اللى ممكن بعد كام سنة قداام تفضلوا سواا برضو رغم اختلاف حياة كل واحد.. اكيد كل واحده فيناا هتتجوز و هتعيش حياة بعيد عن التانية.. بس فى اخر اليوم ممكن رنة تليفون تطمنوا فيهاا على بعض..
من الاخر الصديق دى حاجه لازم تختارها صح فى حياتك من البداية.. لان اختيارك ليه.. هتبنى عليه حياتك كلهاا.. ♥️
#Nourhan_Sabri
رايكوا يهمنى ♥️♥️♥️🌸