الـذئـب الأسـود

رئيـس المهمات الصعبـة 📍

| ̨﷽ |
__________________________________

مهم جداً !!

الرواية مبنية علـىٰ قصـة حقيقية

ركز معي :-

لا يمكنك ترويض الذئب أبداً
روض الأسود والنمور أما الذئاب فأبقىٰ بعيداً
عنها كي لاتمـوت ..
.
.
.
.
.
.
.

عندمـا يـقع ضابط فـي حـب مُجـرمة
مـاذا سيحـصل ؟

.
.
.

العـراق ، بغـداد

گاعد خلف مكتبه ساند ظهره علىٰ الكرسي مَد أيده لچيب بنطرونه يطلع جگارة يورثها خلاها بين شفايفه وهو يقرب الجـداحه مـنها بملل نفث الدخان ،

رفع أيده چَر الملف الگـدامه يـطلع على القضية الجديدة ما يلزم بس القضاية الصعبة وقضايا الإرهاب ...

موت ثلاثة أشخاص في ليلة واحـدة والقاتل
أحد أفراد العائلة ، عقدة تكونت بين حواجبه السود الكثيفة ، فتح عيونه وهو يكمل قراءة الأدلة ومعلومات عن الضـحايا ، رمـوش سود تزين عيونه البنيه ...

مِـن خـارج مكـتبه يسـمع أصـوات صـريخ المجرمين بنهاية الممر للتحقيق وياهم و عركة جديدة بين عشيرتين بالممر الثاني ،

أصوات بعض المعتقـلين وهـمه يصـيحون
بطريقة تكسر الگلب ، أنهم بريئين بس يبقىٰ القانون فوق الجميع .

ما يطلع ظالم ولاينسجن مظلوم هنا ...

هذا المركز چان عكس بقية المراكز لأن المسؤول عليه شخص صارم جداً ،

عاد تشكيل الموظفين من جنود وضباط وعاملين أكثر من عشرين مره بس علمود مينظلم أحد  لأنه يعرف وزت الشيطان
وگعت رؤس كبار بسبب السلطة والفلوس ،
وبين ليلة وضحاها ذاگ الچان سيد صار فلان.

قلب الورقة بأهمال خله الجگارة بالنفاضه ،
رفع صور المقتولين يشوف أشكالهم قرأ ملف القضية بتركيز ، حگ ذقنه وهو يدقق بطريقة قتلهم البشعة ،

ظَلّ يفكر شلون شخص يگدر يقتل عائلته هيچ ، همس بتعب :- ليوين حنوصل !

كليومية تمر عليه قضايا أشكال ألوان يشيب الشعر بسببها حتى الناس متـصدگها وتجـذب ألـي ينقـلها ، لان ميشتـغلون بهـذا السـلك العسكري وإلي يشتغلون يعرفون المصايب تدگ بوبهم على مدار الساعات ،

الإنسانية أنفقدت عند هواي ناس ، نادراً تلگي واحد يخـاف اللّٰه وحـتىٰ الدين شـرعوا مِـن جديد حسب ألي يفيد مصالحهم وتلگي الفقير يبيع أمه علمود الفلوس ...