الـذئـب الأسـود

part 5 | اللقاء الأول

الغزالة التي كانت تركض في أرض أبيها
قطعوا قرونها و رموها في عُنق الظلام

ـــــــــــــــــــــــــــــــــــــــــــــــــــــــــــــــ

بغداد ،
الساعة 11:22PM

گاعده سـارا بغرفتها علىٰ بطـنها هي و تحچي ويـه نورس وتـضحك  متـحس إلا أبـوها دفر الباب هو ويصـيح كمزت من مكانها :- ها داده شكوووو..!!!

صحـت بألم  چـرني مـن شـعري وأمـي تـصيح وهي تلطم تحاول تهدي ضربني راچدي وگعت بلگاع وخشمي ينفر دم لزمته ابچي :- داده !!

مخلصت كلام رد ضـربني راچـدي ورا راچـدي لحد ما اغمىٰ عليَّ فقدت الوعي محسيت بشي بعد إلا أني بالمستشفىٰ...

أمي كـاعدة يمـي تبـچي عيـونها مـورمة كل جسمي يوجعني ماگدر احـرك رأسـي أحـس بثگل فـضيع وجـهي متـخدر مِن الألم نـزلت دمعه من عيني وگـعت اباوع بالسگف بصمت بحـياته  مضربني ولا مد أيده عليَّ ... شهـكت ابچي بصـوت مبـحوح ألم بـزردومي عبـالك حجارة محترگة واكفة هناك ... ضليت ابچي وأمي حاضنتني لحد مغمضت عـيوني بتعب ورجعت أنام مره ثانيه محسيت بشي ،

حسيت بدموع علىٰ خدي فتحت عيـوني بعد نوم عميق بسبب المهدأ ألي اطتنـيا المـمرضة شفت بارق گـاعد يبچي فوگايه نطقت إسـمه بصوت مبحوح أثر البچي :- بارق ...

تحولت ملامحه من الخوف والحزن إلى القرف والغـضب قـرب وجـها مـن وجـهي  بعصبيـة وحسرة :- ليش هيچي سويتي سارا ليش !!

كمت ابچي :- شسووويت فهمني ابوس ايدك فهمني وووالله كلشي ممسوووية والله العظيم كلشي ممسوية !!

مسح آخر دمعـة وهو يعتدل بوكفته :-خليتي شرررفنه بحلگ أليسوا والمايسوا ..

گـمت بسرعة نسيت كُل الألم والتعب ألي بيه وگفت لازمه بقميصه بقوة وأني منهارة:-شرفي شبي شرررفي !

بقيت أصيح بعد أيدي عنه بقرف كلش انقهرت ودموعي ماوگفت :- أنتِ وكرام ال*** ...

عگـدت حـواجبي  أزم رأسي بقوة گعدت علىٰ الفراش اباوعله بفراغ وعيوني ما وگفت بچي تذكرت الفستان ونورس وكرام هزيـت بـراسي بقوة ... أردد :- لااااا نورس متسووي بيه هيچ نورس متچذب وتغدر بيه هيج وتطعن بشرفي لاااامستحيل !!

صحت مثل المخابيل ،أشلع بشـعري بهسـتيريه لزمني بارق بقـوة وهو يصـيح علـىٰ الأطـباء اجتـمعوا عليَّ يـكمشوني ، مستـمرة أصيـح انفصلت عن الواقع بقيت أدفع بيهـم وابچي ثبتوني وضربوني إبرة مهدأ ... محسـيت إلا بالظلام يبتلعني مره ثانية ، نزلت دمعة أخيرة مسحها بارق وهو يرجع يكعد بمكانه يـتأمل وجه أخته المشوه بحسرة ماگدر يحميها من أبوه لأن چان طالع انتچه علىٰ رجليناته وهو يزم رأسه بقوة غمض عيونه بتعب ...