عليك أن تعرف أن الزهرة التي كانت تحب الأسود سيأخذها الظلام بعيداً
__________________________
وگف داده شعره تارسه الشيب يحاول يتحكم بأعصابة نتر بيهم :- الززلمة ميغصب بنته علىٰ الزواج وآني ميشرفني أناسبكم أتفضلوا أطلعو بررررا بيتي ..
وگفت أمي بصفي تلطم علىٰ وجها :- عزززة بعيني أبوچ حيصعد الضغط عنده عيونه حمر صارت روحي ركض أعصريلة حامض !
صاح جدي وهو يرفع أيده :- وررروح أبوية أخذها ..
عمي أقترب مِن داده وهـو يصيح :- أنتّ متستحي تطرد أبووووگ يا حسافة بيك التربية تمشي ورا كلام النسوان هيلگي ..
غمض عيونه وهو يگوللهم :- گدامكم خمس دقايق تطلعون من بيتي لو أخـابر أخليهم يسحلوگم بالدفررات ..هتليه أدفنكم وما اطيگم بنتـي ..
طلـعوا وهـمه يتـوعدوله ويهـددوا راحت أمي عليه تركض تحاول تهدئه لزم كل الأثاث كسره بسبب عصبيته المفرطة سويت كلاص حامض وعفته علىٰ الميز صعدت لغرفتي وآني اسمعهم يصيحون ،
فتحت الباب دخلت وقفلتها ورايه گعدت علىٰ چربايتي تمددت خليت رأسي چوا أيدي أني دائماً أنهزم لغرفتي مِن تصير عركة بلبيت ،
أخلي سماعات بأذني وما أسمع تحطم المزهرية بلحايط رغم أنو داده إنسان عصبي جداً وعصبيته مخيفة لكن هواية حنين ،
غفيت بملابس المدرسة بعد نوم عميق گعدت علىٰ كابوس وقـطرات العرگ تـنزل من علىٰ جبيني أتنفست بسرعة باوعت للساعة لگيتها بل ستة المغرب غيرت ملابسي وغسلت نزلت چوا شفته گاعد گدام التلفزيون مباوع بوجهي كأني غير موجودة اتجاهلني گعدت بصفه ، افرگ برچليناته :- داده خما ضجت مني أو زعلت ؟
تجاهلني بقه يباوع علىٰ التلفزيون نزلت دمعة مِن عيـني مسـحتها عالسـريع ورحت للمطـبخ شفت أمي واگفة تسوي كيكـة تزينهـا بالموز والنوتيلا باوعتلي بتعب :- حبيبتي خليتلچ أكل بلفرن روحي أحمي واكلي مگلتي شي مِن الصبح .
گعدت علىٰ كرسي الميز الخشبي جاوبتها بحزن :- ما أشتهي ، مامه داده شبي ضايچ مني؟
گعدت بصفي وهي تگول :- عوفي بعد العركة الصارت كلش عصبي صاير بمرور الوقت ينسىٰ صدك نسيت اكولچ عرس بنت خالتچ أريج الأسبوع الجاي .
- نروح ؟
- أكيد عرس بنت أختي شلون ما أروح .
- شلبس ؟
- فستانچ الزيتوني ..
- شافووا ؟
- أهل ابوچ شافوا أما أهلي مشافوا ..
- معلية لبسته ..
- واللّٰـه حبيبتي هذاك ابوچ قنعي وأخذي فلوس منه .
أنت تقرأ
الـذئـب الأسـود
Romanceمِـن بـين ضـباع الجـشع أنقـذها أنقـض بمـخالب ذئـبه علـيهم ليقـع فـي عـشق الـغزال ... جريمـة قـتل تهـزُ العـراق قـضية رأي عـام تُزلزل البـلاد تتخبـطُ القلـوب بحثاً عـن العـدالة مـاذا سـتفعل عندمـا ترىٰ جميـع أفراد أسرتهـا يـأخذون أنـفاسهم الأخيـرة...
