الـذئـب الأسـود

part 7 | أميرة سياسية

دخل الطائر حلقة الزمن
يحاول أن يتذكر بمن هو ؟

- طائر أزرق

ـــــــــــــــــــــــــــــــ

السبع أبن السبع ألي يحزر منو المقصود
خنشووف ذكائكم 🐆✨...

ــــــــــــــــــــــــــــــــــــــــــــــــ

- سارا أبنـة أحمـد - غزالة ذيبها ـ

فتحت الضابط الباب بعـد ما دگـتها وأذن الها تدخل حسيت بقشـعريرة مـن نطق :- أدخل صوت بي بحـه وخشونـه ترهب ،

خطيت خطواتي داخل مكـتبه ، آني وأمـسح آخـر دمـعة باوعـلي مـن فـوگ ليچـوا رموش كثيفة أكتاف عريـضة وشـعر أسـود ،انصدمت عبالي رجال چبير من گالـولي ملـف عائلـتي صعد للمسؤول ...

أشر علىٰ أحد الكراسي الگـدام مكـتبه مشيت على كيـفي وگعدت بتـعب نزلـت رأسـي اباوع بلگع شجـعت روحي احـچي مو وكـت الإنهـيار والبچي لازم أخذ بثأر أهـلي ،

رفعت رأسـي داحچي ويا اچـتي عيني علىٰ الملف وصور عائلـتي همست بقهر :- بارق !

سد الملف على السريع وخلاه بالجـرار باوعت بعيـونه أني وابچـي لزمت گلبي امـسد عـليه درت وجـهي للـجهة الثـانية مسـحت دمـوعي ورجعت عيوني اله ، طلع جگارة يورثها خلاها بين شفايفه وهو يباوعلي لگح الجداحه ،

- وين چنتي من انقتلوا اهلچ؟

باوعتله ببرود :- بمنتزه ...

- احچيلي كُلشي بتفصيل أسمعچ ..

سـكتت أخذت نفـس وكملت :- تعـاركت ويه اهلي وانهزمت مـن البيت رحت شوهـت ألي تسبـب بكـل هل مـشكلة وگفت تكسي أخذني للمنتزه بقيت للساعه 12 بليل ورجعت للبيت لگيتهم ميـتين كلـهم وبارق يأخذ أنفاسه الأخيرة ..

- عدكم عداوة ويه أحد؟

- لا ... ماعدنه ... داده زين ويه الكل ويساعد الكل ، ممأذين أحد ومنختلط ويه أحد ..

- منو داده ؟

- والدي ..

- ليش انهزمتي؟

- منهزمت ! ... بس ردت أبتعد عنهم شووية وياليتني ما طلعت ذيچ الليلة ...

نزلـت رأسـي ودموعي صـارت عشرة عشرة ،

- ليش تعاركتوا ؟

سكتت ما أعرف شلون افهمه انو داده ضربني وراد يحبسني بالغرفة علمود يزوجني ...