تؤلمني الخدوش التي لاتُرىٰ
كأبتسامة زوجة بعد أن صفعها زوجها،
كقلب طفلة أخبرها والدها أنهُ نادماً علىٰ ولادتها .
ـــــــــــــــــــــــــــــــــــــــــــــــــــــــــ
_____________ _____________
- سارا أبنـة أحمـد -
في إحدىٰ أحياء بغداد ...
گاعدة علىٰ التـخم بـصف أمي ، تحچي ويه خالتي والإبتـسامة ما فارگت وجـها من چوي لحد هـسه ، هـو موخر عـيونه من عليّ أتمـنىٰ ازمـهن اقلـعهن واذبـهن للـچلاب بـس أخـاف أچـلاب الفـرع يـسممن خـطية ، حـچه وهـو ياكلـني بعـيونه ،
- شونچ سارا ...شدتسوين شمفكرة تدخلين أختصاص ؟
أبتسمت بخفة أحاول أخفي غضبي:- ما أعرف هو شيطلع أدخل ممفكرة .
رفع حواجبه ليفوگ بأستغراب رجع أبتسم
:- مو چنتي تريدين تصيرين محامية ؟
باوعتله بحدة :- أي چنت أريد أصير محامية علمود أشتغل ويه عبد العزيز الله يرحمه ، هو مات وإني غيرت قراري .
أختفت إبتسامة أمي وهـي تتذكر عزوز أبنها الچبير شلون قتلوا بدم بارد هو مأذه أحد بس كرس حـياته وشـغلة علـمود يـساعد المـظلوم ويحاسب الظالم چان أفضل محـامي وألتـحق بكلية الطـيران ، وبعـدين درس قانون بسـبب موقف صار ويا قـرر يدافع عن المظلومين لأن صديقه سجنوا وهو بريئ لساني أذكر آخر مرة شفته بـيها اچه لغرفتـي باسـني وحضـني چان يعرف راح يمـوت ودعـنه وهو يـگول ما أتأخر تدريب بسيط بالجو وأرجع ،
وبـعد يومـين وصـلنه خـبر إنفـجار طـيارته وسقوطها حسيت بوگتها الدنيه وگفت حتىٰ رچلي ما شالتني البيت صار جحيم وبعد مرور سنة ونص يله گدرنه نتأقلم ويه فراگه ،
وگعت دمعة من عين والدتي حسيت بتأنيب الضمير لذكر إسمه أمي إلىٰ الآن ممتقبله موته مسدت علىٰ ظهرها حچت خالتي :- أم سارا علىٰ كيفچ ويه روحچ هو مات بشرف وعزة وساعد كومة ناس لاتنسين بجنازته كومة ناس اجوي من مختلف المحافظات والغـريب بچه عليه أكثر من القريب ، هسه هو بالجنة مرتاح لو نسيتي حلمچ من اچاچ بيوم دفنته وگالج يمه لاتبچين أني بمكان كلش حلو وهذا مكان أحسن من هاي الدنيه المو حلوة .
نزلت أدموعها مثل النهر :-أي يُمة شلون آنسى الله يرحمة ويسكنه فسيح جناته .
نفخت الهوه بمـلل صـار الـجو لايـطاق ما أريد ابچي گدامهم ومراح ابچي،سكت الكل يباعون بلگاع يقروله الفاتحه...
أنت تقرأ
الـذئـب الأسـود
Romanceمِـن بـين ضـباع الجـشع أنقـذها أنقـض بمـخالب ذئـبه علـيهم ليقـع فـي عـشق الـغزال ... جريمـة قـتل تهـزُ العـراق قـضية رأي عـام تُزلزل البـلاد تتخبـطُ القلـوب بحثاً عـن العـدالة مـاذا سـتفعل عندمـا ترىٰ جميـع أفراد أسرتهـا يـأخذون أنـفاسهم الأخيـرة...
