ولأننا رضعنا مِن حليب أمهات
ضعيفات سيبقىٰ عظمنا مكسور .
- رفـل
_________________________
___________ ____________
ـ سـارا أبنـة أحـمد -
العراق ، بغداد ...
الساعـة الخامسـة فجرًا .
٣٣..٣٤...٣٥.. دگ المنبـه بقيت أعـد الدقـائق
منمت ولا سـاعة الليـل كُله أفكـر بكـلام بنت
عمـي ، هـل ألي راح يصيـر صُـدك ، نــفضـت
كُل هل أفكـار مِـن عقلي تمشيت للـحمام ألـي
بغرفتـي أسـبـح وبالـي ألف سالفـة بگوا أجرر
النفـس ، سـبحت بمي حـار أنتـرس الحـمام ضباب ، شـلت المنشفة أنشف خصلات شعري الأسـود القاتم أفرگه بقـوة دخـلت أمي بـدون مدگ الباب مثـل عـادتها .. خلـت أيـدها عـلىٰ خصرها تباوعلي مِن فوگ ليـچوا وهي تگـول:
- كم مره أصيحلچ يله تنزلين تتريگين ؟ يبوو سارا مـو گايلـتلچ لاتسـبحين الصبـح وعندچ دوام .. هسه شينشف شعررچ حيـهفچ الـهوه وتتمرضين يمامه .
أخذت نفس وأني أگوللها : أروح وصخـه ؟ ..
عقدة حواجبها :- مچان سبحـتي من رجعتي البارحـة متوبين ...يله أنزلي حتـتأخرين علىٰ مدرستچ .
شغلت السشوار أنشف شعري بسرعة :- دقايق وأنزل ..
قبل لاتطـلع تكلمت :- مامه .. داده وين ؟
استـدارات بجـسمها بعـيون تارستهن الحـيرة نطقت :- گاعد چوا يتريك .
لبست صدريتي المدرسية لونها نـيلي مـخصرة
بيها تطريز علىٰ جوانبها بلون أبيض بسيطة...
فتحـت الكنـتور شـفت هوايـة صـداري لونهن أسـود عبـست بقـهر " يا حـسافة راح تـبقـن بلكنـتور " ، بسبب قوانين مدرستي يرفضون ألبـس غـير اللـون النيلي ، مثـلاً الأسود لونـي المفـضل شگـد أحب البسـه بـس ترزت مرتيـن وبعد عفتهم ، شلت جنطتي المدرسية وخليت بـيها الكتـب ألـي أحتاچهن لـدروس اليـوم ،
وگفـت گـدام المـراية أنعكـس شكـلي عليـها
قربـت أصابعي مِن خـدودي أگرصـهن علمـود تبين وردية .. لأن عدنه ممنوع نخلي مكـياج حتىٰ مُرطب ، علىٰ گولت ست سماح "تغسلن وچهچن بصابونة رگي وتچن وياويلها التخلي كحـلة أزرف عيونها "
شلت قمـصلتي مِن فوك چربايتي لبسـتها لأن شته والـجو برا بـارد كُلش ، نزلـت أزم بايـات الدرچ الخشب وكل درجايتين أكمز منهن مثل الجاهلة طبيت للمطبخ أبتسمت بوجه بابه :
- صباح الخير داده ..
رد وهو يوخر رأسه من الجريدة ويبعد نظراته يثـبتهن علـىٰ گصتـه، ما أعرف ليـش إلـى الآن يشترك بالجرايد رغم أكو أنترنيت وتلفـزيون :
أنت تقرأ
الـذئـب الأسـود
Romanceمِـن بـين ضـباع الجـشع أنقـذها أنقـض بمـخالب ذئـبه علـيهم ليقـع فـي عـشق الـغزال ... جريمـة قـتل تهـزُ العـراق قـضية رأي عـام تُزلزل البـلاد تتخبـطُ القلـوب بحثاً عـن العـدالة مـاذا سـتفعل عندمـا ترىٰ جميـع أفراد أسرتهـا يـأخذون أنـفاسهم الأخيـرة...
