"بسم الله الرحمن الرحيم"
(اللهم صل وسلم وبارك على سيدنا محمد وعلى اله وصحبه اجمعين)
***********************
ياسين بخوف من رد فعل حمزه:يا نهار اسود انا ايه الي جبته لنفسي دا.
حمزه قام من مكانه بشراسه وراح عند ياسين ولكمه لكمه قويه.
ياسين بوجع :ايه ياعم الغباء دا .
حمزه بزعيق وغضب:اياك تتكلم عنها بالاسلوب دا تاني.
أمير بخوف علي ياسين من غضب حمزه المفاجأ :ايه ياحمزه مش كده يااخي هو بيهزر.
حمزه بشراسه :مافيش هزار في الموضوع دا .
ياسين بقهقهه رغم وجعه من لكمه حمزه: يا عم عرفنا انك بتغير وبعدين انا والله مش قصدي حاجه انا كنت بعمل كده عشان اتأكد انك وقعت .
أمير بغباء :وقع ايه ماتفهموني ايه الحكايه بدل ماانا عامل زي الاطرش في الزفه كده.
ياسين بمكر وهو يلاعب حاجبيه :هتقول انت ولا اتكلم انا.
حمزه بعصبيه: والله يا زفت لو مااتظبطش لاظبتك.
أمير :لا دا شكل الموضوع كبير فهموني كده واحده واحده.
حمزه بتنهيده غضب وبدأ يقص عليه ماحدث منذ لقاءه بحياه.
ياسين بصدمه :يعني انت الي كلمت الدكتور وقولتله يثبت الاماكن ليكمل بمرح دا انت مش سهل.
أمير بزهول :انت معجب بيها ياحمزه.بالسرعه دي.
ياسين بضحك :وقع ومحدش سمي عليه .....ليكمل بتفكير :ماينفعش يا حمزه انت غلط انت ماشفتش شكلها وهي جايه مرعوبه ولا الي شافت عفريت.
حمزه بغضب وحيره شديده من امره :مش عارف انا لما شفتها واقفه معاه ماحسيتش بنفسي الا وانا بزعقلها وحصل الي حصل.
ياسين بإستفزاز لحمزه وبداخله رعب من رد فعله:جرب نار الغيره وقولي.
لينظر له حمزه نظره سوداء وجاء لينهض من مقعده ليوقفه ياسين الذي أسرع بقول :ايه يا كنج استهدي بالله عيل وغلط.
أمير بضحك من منظر ياسين :ههههههه انت ماحرمتش شكلك مش هتسكت الا لما يرقدك في المستشفي بعاهه مستديمه.
ياسين لحمزه وهو يقلد صوت البنات:واهون عليك يا حموزي.
حمزه بحده : والله لو قمت مش هسيبك الا لما تقول حقي برقبتي.
أمير برزانه:انت متأكد يا حمزه من مشاعرك دي مايمكن معجب بشكلها وكمان انت خاطب بنت عمك ويمكن تكون هي كمان مخطوبه.
لتعلو وتيره تنفس حمزه تدليل علي انفعاله
ليسرع ياسين ليطمئنه :لا مش مخطوبه شهد كانت سائله داليا قبل كده اصحابها مرتبطين ولا لا وقالتلها انهم مش مرتبطين.
