"بسم الله الرحمن الرحيم"
(اللهم صل وسلم وبارك على سيدنا محمد وعلى اله وصحبه اجمعين)
************************
بعد انتهاء المحاضره اتجه حمزه ومعه ياسين للجلوس علي طاوله بمفردهم واشرقت وداليا علي طاوله قريبه منهم.
علي طاوله ياسين وحمزه
ياسين بمرح:بس ايه قصف الجبهه الي عملته مع سارين دا.
حمزه بلامبالاه:هي ماينفعش معاها الا كده.
ياسين بإهتمام:انت لو استمريت علي كده خطه سالم بيه هتفشل فشل زريع.
حمزه :هو دا المطلوب.
ياسين بغمزه:بس ايه.
حمزه بإستغراب :ايه.
ياسين بمكر:شايف ان الجامعه عجبتك.
حمزه بنفس المكر:جداً.
بدأ حمزه في متابعه بعض الاعمال الخاصه بالشركه ومناقشتها مع ياسين ....بعد قليل من الوقت يلقي حمزه نظره خاطفه علي طاوله البنات ليلاحظ عدم وجود حياه بينهم ويستغرب من سبب تأخرها الي الان.
حمزه بإستعجال:ياسين تابع انت انا شويه وجاي.
ياسين بتفاجأ:رايح فــيــ ..لم يكمل باقي كلامه الان حمزه قد غادر بالفعل.
************************
بعد ان احضرت حياه الكتب الازمه لها تغادر من غرفه المكتبه ولم تكد تخطو خطوتين ليقطع سيرها مناداه رامز بإسمها.
رامز :اذيك يا حياه ،ممكن اتكلم معاكي.
حياه :لا عن اذنك لتهم بالمغادره.
رامز بإلحاح شديد:هما دقيقتين بس مش هاخد من واقتك كتير ،لوسمحتي يا حياه دقيقتين بس.لوسمحتي.
لتضطر حياه للموافقه علي مضض:اتفضل ،بس يا ريت بسرعه عشان وقفتنا دي غلط.
رامز بخبث شديد وهو يدعي الندم:حاضر، انا اسف يا حياه اسف جدا علي تصرفاتي معاكي انا عارف اني كنت بضايقك بأفعالي
لدرجه انك مش طايقه تتكلمي معايا فأنا بعتذر عن كل تصرفاتي الي فاتت معاكي وبتمني نبدأ صفحه جديده من غير اي مشاكل او خلافات انتي هتبقي بالنسبالي زميلتي في الجامعه وانا كمان زميلك .
انا عارف انك متفاجأه من تصرفي دلوقتي ومش مقتنعه بالكلام الي بقوله بس انا بجد ندمان وبتمني تسامحيني .
ليكمل بإستعطاف كبير :لو سمحتي اديني بس فرصه واحده وانا هثبتلك صدق كلامي.
حياه بإرتباك وحيره من تغيره وشك من حديثه:تمام ،هحاول.
رامز بفرحه:اوك شكراً جدا انك سمعتيني ....ليكمل بخبث وانا هثبتلك انك ماندمتيش انك ادتيني فرصه تانيه. عن اذنك.
ليتركها ويغادر وعلي وجهه ترتسم ابتسامه ماكره.
لتقف حياه في محاوله الاستيعاب تغيره المفاجأ لم تفيق سوي علي حمزه الواقف امامها والذي كان يتابع وقوف حياه مع رامز وحديثها معه بغضب شديد وغيره حارقه استغربها هو شخصياً.
