"بسم الله الرحمن الرحيم"
(اللهم صل وسلم وبارك على سيدنا محمد وعلى اله وصحبه اجمعين)
رامـــز👆
**********************
حمزه بإستنكار شديد:نـــــعــــم جامعه ايه الي ارجعلها تاني ،اكيد حضرتك بتهزر.
سالم علي نفس الثبات:لا مش بهزر وهو دا الي هيحصل.
حمزه بسخريه شديده:وهو حضرتك افتكرت الموضوع دا فجأه كده من نفسك .
سالم بتصميم:دا الي كان لازم يحصل من زمان كنت مستني الشركات ترجع زي الاول والحمدلله رجعت زي الاول واحسن بكتير وفروعها انتشرت في أغلب البلاد فليه ماترجعش تاني وتكمل في الجامعه.
عقد حمزه حاجبيه باستنكار :ليه مارجعش.....الان انا حمزه الرفاعي اشهر مهندس معماري في مصر مش محتاج اني ارجع الجامعه تاني وبعدين انا هستفيد ايه بعد ما الموضوع اتقفل ومحدش اتكلم فيه نرجع احنا نعمل شوشره ونبقي حديث الصحافه وبعدين ما انا امتحنت بعدها بسنتين وأخدت شهاده قانونيه بتثبت اني مهندس معماري ليكمل بتهكم محدش هيقول واخدها بالفلوس دا انا الكنج بردو .
سالم بتأكيد : انا عاوزك تبدأ من سنه ٣من عند ما وقفت دراسه وكمان الموضوع دا مكنش سر أغلب الشركات الي بنتعامل معاها عارفين الظروف الي كنت فيها وانك ماكملتش في الكليه بس ماحدش فيهم يقدر يقول كلمه وكل الشركات بتتمني أنها تعقد بس اتفاق مع شركه من شركات الرفاعي وفخر ليهم لو الاتفاق دا تم معاك انت شخصياً .
حمزه بإستغراب لطلبه:امال لزمته ايه اني ارجع اكمل في الجامعه تاني.
سالم بضعف لاستعطاف حمزه:دي رغبتي انا يا حمزه انا عارف انك مش مقتنع بالي بطلبه منك بس ارجوك يا حمزه تنفذه من غير نقاش.
حمزه بإستسلام:حاضر ياجدي الي حضرتك تأمر بيه هيتنفذ .
ليصعد حمزه الدرج بضيق شديد ليقابل والدته
إيمان بقلق : مالك يا حمزه في ايه تعالي يا حبيبي احكيلي متضايق من ايه
لتأخذ إيمان حمزه لغرفته
حمزه ليطمئنها :ماتقلقيش يا امي مافيش حاجه.
ايمان بشك :حمزه ماتخبيش عليا في ايه انت كنت خارج من المكتب جدك كلمك في ايه ضايقك كده ولا واني حاسه أنه هيبقي في موضوع الخطوبه.
حمزه ببرود :حاجه زي كده جدي طلب مني ارجع اكمل في الجامعه.
ايمان بتفاجأ :ترجع الجامعه وايه الي فكره بالموضوع دا دا عدي عليه٥سنين اشمعني يعني دلوقتي .
حمزه بسخريه :جدي فاكر أن برجوعي الجامعه لا ومن سنه٣ان الفرصه هتبقي كبيره اني اقرب من سارين
إيمان بغضب شديد:انا مش عارفه عمي ليه مصمم علي موضوع جوازك من الي اسمها سارين دي دي بنت مغروره وانانيه ومابيهمهاش حد دا غير طريقه لبسها لتكمل بتساؤل طب وانت قولتلوا ايه.
