"بسم الله الرحمن الرحيم"
(اللهم صل وسلم وبارك على سيدنا محمد وعلى اله وصحبه اجمعين)
**********************
في المشفي :
استيقظت حياه من غفلتها القصيره بجوار آدم لتنهض وتنظر له بحنان وتقبل جبينه وتهمس وهي تهزه برفق :دومي يا قلبي اصحي يلا.
نهض آدم بنعاس لينظر لها ببراءه حتي اتسعت ابتسامته وهو يحتضنها بسعاده:يويو انتي ماسبتنيش وفضلتي معايا .
حياه بمحبه وهي تشدد من احتضانه:أنا وعدتك أن أنا عمري ماهسيبك ...ثم تنظر له بعبوس مصطنع :الا إذا بقي انت زهقت مني ومش عايزني معاك.
آدم وهو يهز رأسه سريعا بنفي :لا أنا بحبك واحنا خلاص بقينا أصحاب صح.
حياه بإبتسامه:صح يا دومي ..ثم تردف مسرعه :يلا بقي احنا إتأخرنا علي خالتو أشرقت وعايزين نتطمن عليها.
آدم بلهفه :ايوه انا عايز اشوف خالتو أشرقت.
**********************
في غرفه أشرقت تجلس داليا بجوارها وهي تنظر لها بحزن علي ما وصلت إليه صديقتها في ليله وضحاها تنقلب حياتها رأساً علي عقب فقد فقدت أعز اثنين علي قلبها أختها وأمها ...لتهمس بدعاء وعيونها مليئه بالدموع :ربنا يشفيكي ويصبر قلبك يا حبيبتي .
بعد لحظات تململت أشرقت في نومها لتنظر لها داليا بإنتباه وما كادت تنهض لتطمأن عليها حتي هبت أشرقت بفزع وأخذت تصرخ بشده وهي تنادي علي أمها وأختها وجسدها يرتجف بشده لتسرع داليا بالخروج لتأتي بطبيب بعد أن فشلت محاولتها في تهدأتها ...ليقطعها دخول حياه ومعها آدم الذي ما أن شاهد أشرقت في هذه الحاله أخذ في البكاء وهو ينظر لها بخوف وهو يتشبس بشده في ملابس حياه لتسرع حياه بإخراجه وأشارت لداليا بالخروج معها .
حياه بدموع تحاول السيطره عليها لتهدأ آدم :حبيبي خلاص ماتخافش والله خالتو كويسه هي بس زعلانه عشان فكراك تعبان .
آدم ببكاء وصوت متقطع:ببببس اااانا كويس أنا هقولها أن أنا كوووويس عشان هي مش تعيط.
يأتي حمزه علي صوت بكاء آدم .
لينظر لحياه ويزفر بحنق من بكائها ووجهها الشاحب :آدم هيبقي معايا وانتو ادخلوا ليها جوه وحاولوا تهدوها وشويه كده وهدخل آدم ليها .
حياه وهي تبكي:بس هي بتصرخ احنا لازم ننادي الدكتور .
حمزه وهو يفسر لهابهدوء: الموضوع متعلق بنفسيتها الدكتور مش بإيدوا غير أن هو يديها حقنه مهدأه وهي هتنام وهتصحي علي نفس الحاله لازم حد يخرجها من الصدمه دي ومافيش حد هيقدر يعمل كده غير آدم .
داليا بتردد:ايوه بس آدم كمان...
ليومأ لها حمزه وهو يوضح لها:أنا هعرف اتعامل معاه و هفهموا هيعمل ايه ادخلوا انتو بس حاولوا علي الاقل أنها تبطل صراخ عشان نعرف ندخل آدم .
