"بسم الله الرحمن الرحيم"
(اللهم صل وسلم وبارك على سيدنا محمد وعلى اله وصحبه اجمعين)
(رودي 🖕)
*************************
رامز بمكر شديد:اسمعي ياستي زي ماهو بيضايقك بتصرفاته مع حياه انا كمان هضايقه وهعمل نفس زي ماهو بيعمل ....ليكمل بصوت منخفض ووقاحه :ويمكن اكتر شويه.
سارين بخبث وقد راقتها فكرته :يعني تقرب مني عشان حمزه يغير عليا زي ما انا بغير عليه.
رامز بالاستنكار :مين قال اني هقرب منك انا قصدي علي حياه .
سارين بتهجم:ازاي يعني حياه انا الي خطيبته ولما يشوفك بتقرب مني اكيد هيغير عليا.
رامز بتهكم وإستهزاء:دا الي انتي مفهماه للي في الجامعه ان حمزه بيحبك واختارك انتي دوناً عن كل البنات عشان يخطبك بس الحقيقه انا وانتي عارفينها كويس ان انتي مش في دماغ حمزه أساساً وان انتي مجرد بنت عمه لا اكتر ولا اقل وان كان هيغير عليكي لو شافني قريب منك زي مابتقولي كان عملها من زمان ما احنا بقالنا سنتين متصاحبين وبنخرج ونسهر عادي يعني.
سارين بإحتجاج وتلعثم :ل لا حمزه كان بيزعقلي علي الخروجات والسهر وعلي لبسي و
رامز بمقاطعه وهو ينظر لها ساخراً:بس يا سارين بتبرري ايه ان كان بيزعقلك زي مابتقولي فدا عشان انتي بنت عمه الله يرحمه وبقيتي ملزومه منه وان هو لحد دلوقتي ماأعلنش عن خطوبتكوا إنما حياه حاجه تانيه هو معجب بحياه ودا واضح بتصرفاته معاها فعشان تضايقيه يبقي تضايقيه في الي هيتوجع عليها لو راحت من ايديه وحبت واحد غيره ودا دوري والي هحاول اعمله اني اوقع حياه وأخليها تحبني وخصوصا اني مفهمها اني اتغيرت وبقالي فتره مش بتعامل معاها فإحتمال تكون اقتنعت وكده مبروك عليكي حمزه الرفاعي .....ليكمل بسخريه :وثروه حمزه.
سارين بشك وعدم اقتناع :وهي في بنت عاقله هتضيع الكنج حمزه الرفاعي من ايديها وخصوصاً...لتكمل بغيره وحقد : لو كان زي مابتقول يعني معجب بيها .
رامز بثقه واعجاب :حياه.....حياه تفكيرها عمره ماكان في الفلوس ولا الشهره والوسامه ولو كانت كده كنت وقعتها بسهوله وانا بحاول معاها من سنه ولسه لحد دلوقتي مش مهتمه بيا .
لتتنهد سارين ساخطه :يعني ايه وانا هيبقي دوري ايه في الخطه العظيمه دي .
رامز بمكر مدروس :لا دا انتي هيبقي ليكي دور ودور كبير كمان .
سارين بتساؤل :ايه هو .
رامز بدهاء :احنا اتفقنا ان زي ماحمزه بيضايقك انا هضايقه انتي بقي هتضايقي حياه وتحاولي علي قد ما تقدري تكرهيها في حمزه اظهري قدامها دايما ان هو بيموت فيكي مش بيحبك بس وان هي مجرد لعبه جديده عند حمزه هيتسلي بيها شويه ويزهق منها ويرميها يعني من الاخر كده ماتطقش تبص في وشه وبالذات ان حياه عندها كرمتها فوق اي حاجه ....وبعدين انا واثق ان حياه مش هتبص لحمزه اصلا عشان خاطب وانتي مفهماهم ان هو بيحبك بس الي مش واثق فيه حمزه وان هو لو اتأكد ان هو بيحبها هيسيبك ويرتبط بيها غصب عن اي حد وساعتها حياه لو اقتنعت بيه هتوافق عليه .....ليكمل بحنق :بس الي مش ضامنه تصرفات حمزه معاكي وان هو احتمال كبير يصدك قدامها وكده الخطه هتبوظ والكل هيعرف ان هو مش بيحبك أساساً.
