"بسم الله الرحمن الرحيم"
(اللهم صل وسلم وبارك على سيدنا محمد وعلى اله وصحبه اجمعين)
*********************
لتتنفس أشرقت بتثاقل وتقول بصدمه قبل أن يغشي عليها:آيه.
لتنظر لها داليا وحياه بفزع وتسرع حياه وتجلس بجوارها وهي تهزها وتربط علي خديها محاوله إفاقتها لتقول بإرتعاش :أأأشرقت فوقي في إإيه أشرقت
لم تبدي أشرقت أي إستجابه لتنظر داليا حولها بشرود وتتجمع الدموع في عينيها لتقول ببكاء وهي تركض مسرعه :أأأنا هروح أنادي ياسين بسرعه عشان نوديها المستشفي .
لتسرع داليا بالبحث عن ياسين لتجده يقف يتحدث مع حمزه لتركض له سريعاً.
داليا ببكاء وخوف:ياسين.
ياسين بفزع من بكائها:في إيه بتعيطي ليه انتي كويسه حصلك حاجه.
داليا وهي تشهق من البكاء:أشرقت اغمي عليها ومش عارفين نفوقها هات عربيتك بسرعه عشان نوديها المستشفي.
ياسين بإستعجال:اهدي بس حاضر تعالي معايا.
حمزه بتحفز :أنا عربيتي قريبه يلا بسرعه.
علي الناحيه الاخري.
يعلو رنين الهاتف مجدداً لتلتقطه حياه بلهفه :ألو ألو يا طنط في حاجه حصلت طمنيني.
المتصل:أيوه يابنتي انا جاره الست وداد إتصلت من دققتين علي أشرقت بس التليفون قفل بالله عليكي يابنتي تحاولوا توصلوها المستشفي لحسن أمها حالتها تصعب علي الكافر.
حياه بخوف وتوتر:هو في إيه مستشفي ليه! هي طنط وداد لقدر الله حصلها حاجه؟
المتصل بشفقه:ياحبه عيني بنتها آيه هي وجوزها وإبنهم عاملوا حادثه بس الحمدلله الواد كويس بس جوزها تعيشي انتي والبنيه في العنايه المركزه بين الحيا والموت.
لتشهق حياه وتضع يدها علي فمها من الصدمه
المتصل بترجي :بسرعه يابنتي حاولوا توصلوها مستشفي........عشان تقف مع امها دي مش قادره تقف علي رجليها.
حياه بتشويش من الصدمه:ححاضر.
لتقف سياره بجانبها وتهبط منها داليا سريعاً.
داليا بإستعجال:يلا يا حياه بسرعه إسنديها معايا ندخلها العربيه.
ليهبط ياسين ويفتح لهم الباب لتقوم داليا وحياه بإسنادها بمساعده الفتيات ويدخلانها السياره.
ياسين بضيق من بكاء داليا :إطمنوا يابنات بإذن الله هتبقي كويسه.
ليخرج حمزه زجاجه عطر ويلتفت ويمد يده بها لحياه :حاولي تفوقيها علي مانوصل المستشفي
داليا ببكاء وحيره :ياتري حصل ايه سمعت إيه خلاها يغمي عليها.
حياه وهي تشهق من البكاء :اختها وجوزها وإينهم عملوا حادثه .
داليا بتفاجأ :يالله طب وهما كويسين حصلهم إيه.
حياه ببكاء وتعاطف :الطفل الحمدلله كويس بس جوزها إتوفي وأختها بين الحيا والموت.
