"بسم الله الرحمن الرحيم"
(اللهم صل وسلم وبارك على سيدنا محمد وعلى اله وصحبه اجمعين)
**********************
مصطفي بترحاب :اهلا بصاحبه الفضل العظيم.
ساره بتهكم :أهلا بزعيم العصابه ثم بالله عليكوا انا مش ناقصه توتر أنا خايفه أوي من رد فعل شهد وخايفه لتتسرع وتفهم الموضوع غلط.
أحمد بثقه:انتي عملتي الصح ودا الي كان لازم يحصل.
مصطفي وهو يزمجر بشراسه:انا ماكنتش هستني لما الكلب دا يعمل فيها حاجه.
*فـــلاش بــــاك*
في كليه الصيدله تقام ندوه هامه للدكتور الشهير مصطفي الشامي يدخل مصطفي الجامعه بثباته المعهود ووسط نظرات البنات الهائمه به ليدخل القاعه التي تقام بها الندوه ويصعد ليلقي خطابه ليجذيه زوج العيون الرائعه التي حبست انفاسه ليتابع وهو يحاول التركيز ولم يبعد عينيه عنها طول الندوه بينما علي الجانب الاخر تتابع شهد الندوه بملل شديد ولكن يجذب انتباهها دخول نادر لتتعلق عينيها به بهيام .
لتنتهي الندوه وينتبه مصطفي علي تعلق نظراتها بشيئ ما ليلتفت ليري ماتنظر اليه لتشتعل عينيه بعصبيه حاده وهو يشاهد نظراتها التي عرفها فورا تلك النظرات الهائمه التي كان ينظر لها بها منذ لحظات لينظر لها مره أخيره بألم قبل ان يلتفت ليغادر مسرعاً .
ليلاحقه صديقه احمد سريعاً:ايه يا مصطفي مشيت بسرعه ليه .
مصطفي بتهجم :عادي يلا نرجع الشركه.
أثناء سيره هو وأحمد ينتبه علي الحديث الجانبي لذلك الشاب التي كانت تنظر اليه لينظر له بحنق شديد ويتابع سيره ليتوقف علي جملته وهو يتحدث.
صلاح بخبث:ايه ياعم مش معبرنا شايفلك صيده جديده ولا ايه .
نادر بوقاحه :دي فرس عربي أصيل ....ليكمل بطمع :لا وايه أخوها معاه فلوس يوذنها دهب
صلاح بحقد:طب ودي هتوقعها ازاي.
نادي بإستهزاء وغرور:لا دي واقعه من غير حاجه ....بس دي مش همشي معاها زي التانيين دي هسيبها تستوي علي راحتها.
صلاح بتهكم :مين دي ياعم الواثق.
نادر بمكر واثق:المزه الي هناك دي .....أيوه الي بتبصلي دي .
ليلتفت مصطفي ليري مايشير اليه هذا الحقير وهو يتمني الا يصدق حسه ليقع نظره عليها ليغمض عينيه بوجع وهو يزفر بحده ويسب نادر بأبشع الالفاظ.
مصطفي بغضب شديد :يابن الكلب يازباله.
أحمد بتقزز وغضب :الحقر دا بيستغل الطالبات.
مصطفي بحده :دا انا هوديه في ستين داهيه .
أحمد بتفكير :مصطفي اهدي كده وماتتسرعش احنا مش معانا دليل ضده عشان تتهمه وتواجهه بيه.
