"بسم الله الرحمن الرحيم"
(اللهم صل وسلم وبارك على سيدنا محمد وعلى اله وصحبه اجمعين)
**********************
(ملابس حياه☝️)
في سكن الجامعه تستيقظ حياه مبكرا وترتدي ملابسها وتعود للغرفه لتجد داليا وأشرقت مازالوا مستغرقين في النوم لتنظر لهم في سخريه وتقول :يارب ربع النوم الي بتنامه البت داليا ....لتكمل بضحك:دا حتي أشرقت الي بتصحي من النجمه اتعدت من خم النوم داليا.
لتتجه ناحيه سرير أشرقت لتيقظها:أشرقت .
أشرقت بنعاس:أمم.
حياه بتهكم:هو ايه الي امم يلا يا بنتي هتفوتي المحاضره.
لتنهض أشرقت قائله بتثائب:حاضر قمت أهو .....لتكمل بتساؤل:هي الساعه بقت كام.
حياه بهدوء:الساعه بقت ٨والمحاضره الساعه٩يلا بقي اجهزي بسرعه علي ما أصحي داليا.
أشرقت بتفاجأ:ياربي ٨انا نمت دا كلو إزاي.
حياه بمرح:من الفيروس الي نايمه جانبك دا لولا ان انا ظابطه المنبه ماكنش حد فينا هيصحي.
أشرقت وهي تتجه للحمام:طب انتي هتعرفي تصحيها ولا أجبلك مايه.
حياه بضحك:لا وبتقوليها وقلبك جامد يابنتي انتي ماحرمتيش من الي عملتو فيكي آخر مره ادخلي انتي إجهزي بسرعه وأنا مش هقوم من جنبها الا لما تصحي.
أشرقت بإيماءه:تمام بس خدي بالك.
لتتجه حياه نحو سرير داليا :يا الله طب دي أصحيها إزاي أشغل المنبه جنبها ....لتكمل برفض لا دي ممكن تكسره انا هنادي عليها أحسن.
حياه بهدوء:داليا ..داليا..يا داليا اصحي بقي .
داليا بنعاس وعدم وعي :تعالي بكرا.
حياه بغيظ :اجي بكرا ايه هو انا بشحت منك ولا بعزم عليكي ...ليعلو صوتها قليلاً:دالـــيــا.
لتنتفض داليا بفزع وتركل حياه بقدمها لتسقط حياه علي الارض لتقول داليا بصوت عالي ومازال النعاس يسيطر عليها :إااااايه في ااااايه.
حياه بألم من أثر سقوطها :روحي منك لله ياشيخه كسرتي ضهري حمار نايم بتضربيني برجلك اااااه ....لتكمل بسخط :لا وبتزعقي كمان انا الي غلطانه اني عبرتك وقلت هصحيكي كان مالها المايه انتي ماينفعش معاكي غير قله الادب.
داليا وهي تفرك عينيها لتفيق لتقول بعدم فهم :بت ياحياه خدي هنا ايه الي وقعك كده .
لتنهض حياه حانقه:اسكتي بقي بلا حياه بلا زفت .
داليا بغباء :مالها دي.
لتخرج أشرقت من المرحاض : أخيراً صحيتي ..لتكمل بتعجب :كنتو بتزعقوا ليه ..فين حياه.
