همسه القاسي بقلم ياسمين تقي الدين *متوقفه حاليا*

58)2(

58)2(
#همسه القاسي

البارت الثامن و الخمسون الجزء الثاني

بقلمي ياسمين تقي الدين

#ياسو

*_*_*_*_*_*_*_*_*_*_*_*_*_*_*_**_*_*_*_*_*_*_*_*_*_*_*_*_*_*_*

بغرفه همسه

اكمل حديثه بحنين :- مهتمتش كتير بموضوع الشباب خاصه بعد معرفت ان ليها علاقه بشكل غير مباشر بعماد الصاوي ...وعرفت انها صاحبه مرات ابنه

قاطعته مستغربه:-عماد الصاوي ...انت قصدك عليا؟!

نظر لها وقال مبتسماً:- ايوه ....صحيح مكنتش اعرفك بس كنتي سبب يأكدلي اخلاقها وقتها لأن الأكيد ان عيله محافظه زي عيله عماد الصاوي مرات ابنهم مش هتبقي ماشيه علي حل شعرها ..ابويا كان زميل لعماد والعلاقات بينهم كانت موجوده وبيتبادلو زيارات علي مدي فترات .

افترج ثغرها منماً عن ابتسامه حلت علي جانب فمها لترتيبات القدر الغريبة!!...

اكمل زافرا الهواء بعنف من داخله:- بعدها بيومين كنت عندها بتقدملها ....وعلي الرغم من رفضها عشان صاحبتكو الي كانت لسه ميته واختفائك الا اني اصريت عليها ...لحد اما استسلمت قدام اصراري وكمان بضغط من الكل حتي سيف ...ويمر اول اسبوع وكانت دبلتي في ايدها والاسبوع الي بعده كانت لابسه الفستان بإسمي وإيدي في ايد سيف وقاعد جمب علاء

(لمعت عينيه بحب استشعرته همسه بصدق فإطمئن قلبها ان الأساس بينهم موجود ومشترك ....حبهما سيكون دافع كبير للعوده..... تابعته وهو يكمل)

مرت الأيام الاولي لجوازنا زي الحلم ... شهرين اقدر اقول انهم الشهرين الوحيدين الي عشت فيهم ..... مش هقول بحلوهم ومرهم ...... لأنهم مكنش فيهم مر أصلا ..... شهرين بالجنه ونعيمها زي ما بيقولوا

(راقبت قسمات وجهه وعينيه التي احتالت للغيره والكره والألم مشاعر كثيره سلبيه رأتها تطل منه )

لحد اليوم الي تعبت فيه واخدتها لدكتور في المستشفىي

تعبها ده اتكرر اكتر من مره وكنا بنروح عند الدكتور ده .... ولأن تعبها مكنش بيجي بإنتظام  وبيجي بإغماء ساعات اكتر من مره راحتله من الجامعه بدوني ... تباعاً في الفتره دي بدأ يوصلني ڤيديوهات ليها وياه في العياده وفي شقه والي بيبعت الڤيديوهات قال انها شقته

سألته بحذر وهي تعلم الجواب مسبقاً :-ڤيديوهات ايه بالظبط؟!.

نظر لها وقال ساخراً بتألم:- ڤيديوهات ليهم في شقته هتكون ڤيديوهات ايه انمي وكرتون؟!

قالت بدفاع عن صديقتها:- فبركه الڤيديوهات سهله جدا علي فكره

ابتسم بتعابير متألمه وقال:- فضلت اقول كده كتير وتجاهلت الڤيديوهات الي بتتبعتلي ...ومش قادر اخد خطوه اني اروح لحد يكشف ليا هي ڤيديوهات حقيقيه ولا لأ ...ولأني حسيت اني بظلمها بحربي الداخليه دي قررت وروحت لشخص معروف بإسمه في عالم الرقميات ... وهناك آــــــ