70
همسه القاسي
الفصل السبعين
بقلمي ياسمين تقي الدين
#ياسو
*_*_*_*_*_*_*_*_*_*_*_*_*_*_*_**_*_*_*_*_*_*_*
لم تكن العماره الساكن بها شاهين والباقي بعيده جدا عن المطار فلم يستغرق ماجد الكثير حتي كان يقف امام الشقه التي اعطته همسه عنوانها.... والتي كانت شقه شاهين....
فتحت له بسمله الباب وعقدت حاجبيها بإستغراب تقول:-اتفضل... حضرتك عاوز مين
حمحم ماجد مرتبكاً وقال:-كنت عاوز تينا.... اقصد همسه... او ايا كان الإسم الي بتستخدموه عشان تنادوها بيه
:-همسه!!!... طيب اقولها مين؟!
رمش ماجد قليلا سرعان ما قال مستوعباً شيئاً ما...:- انتي عينيك بنفسجي؟!.. بسمله!!!....
عاد حاجبها يرتفعان بدهشه تقول:-حضرتك تعرفني
قال ببلاهه:-حضرتي؟!!... اه حضرتي اعرفك.. بقولك هو مين الي جوا كمان
اجابته بحذر:-معتز.. وشاهين وسيف... وانا والبنات
ازدرت ريقه بخوف وتمتم:-معتز وشاهين وسيف.... أه ياهمسه الكـ.ـلب انتى.... وانا اقول البت رحبت بيا بنشكاح كده ليه....
نظر لبسمله يقول بإنسحاب مضحك:-طيب سلام بقي..... ابقي اجيلكو في وقت تاني
وإلتف ليعود ادراجه فأوقفه صوت همسه من خلفه يقول:-رايح فين يالا يا اهبل انت...
عاد ينظر لها مضيقاً عينيه وهو يقول:-انت متكلمنيش يا بت انتي.... جايباني هنا عشان اضرب صح....
ضحكت بخفه وقالت موبخه:-مش عيب علي طولك وعضلاتك تقول انك هتضرب.... راجل نص كم
اجابها ساخراً:- الجري نص الجدعنه.... ده يعيني الواد فارس جاله عاهه مستديمه من بعد ما اتطحن من معتز...
نظرت لبسمله التي تتابع الحوار بعدم فهم وعادت تنظر له تسأله:-انت عرفت منين ان فارس جاله عاهه مستديمه... انت اتواصلت معاه قبل كده
اجابها ببساطه:- طبعا... انا وفارس بنتواصل من فتره للتانيه
سألتها بسمله:-مين ده يا همسه؟! وهتفضلي موقفانا ع الباب كده
كانت همسه تفكر شارده ان تصل لفارس عن طريق ماجد.... ثم انزاحت قليلا عن الباب حتي تسمح له بالدخول وهي تقول:-ادخل يا ماجد...
دخل بتردد خائف.... فتبعته وهي تضحك عليه... وخلفهم بسمله التي همست بزهول:-ماجد؟!... اشطا دي هتبقي معجنه...
بالطبع بالداخل كانت الضجه تعم المكان... الفتيات يتحدثون حول آيه والرجال يتحدثون بالعمل والأطفال منتشرين هنا وهناك يلعبون... فوقف ماجد يتأملهم وهو يقول:-ماشاء الله.... الشله كامله محدش منها ناقص.... لا وتكاثرتوا كمان.... امال فين التلت عفاريت بتوعك
أنت تقرأ
همسه القاسي بقلم ياسمين تقي الدين *متوقفه حاليا*
Mystère / Thrillerقاس لم يعرف الحب كيف الطريق إلى قلبه المتحجر لا يثق بأحد إلا صديقه هو كالنار هي حنونه جميله أذاقتها الحياه من مرها وقعت ضحيه لعدم اهتمام الأبوين تحاول الصراخ فيخرج صوتها كلهمسات هي الماء فهل يا تري سينتصر الماء على النار ويطفئها أم تنتصر النار وتبخ...
