همسه القاسي بقلم ياسمين تقي الدين *متوقفه حاليا*

1

#همسه القاسى
الفصل الاول

امام المرآة فى غرفة افخم مايكون تقف فتاه يطغى الحزن على ملامحها الجذابة تنظر لنفسها بحسره فاليوم من المفترض ان يكون اسعد ايام عمرها يوم زفافهاوليله عمرها نظرت الى فستانها الأبيض الجميل المطعم بالالماس والمصمم يايدى افضل مصممات العالم لها خصيصا فتبسمت فى حزن وتذكرت اليوم الذى بدأت فيه معانتها فى الحقيقه هو ليس البدايه فمعانتها بدات يوم ولدت ولكنه بدايه الالم الاكبر
**فلاش باك **منذ عامين
تستيقظ بطلتنا من نومها لتكشف الستار عن عينين بلون الذهب وتنظر بجوارها على الطاوله الصغيره لتجد الساعه السادسه الا الربع فتقول بصدمه:ياربى الساعه سته الا ربع راحت عليا نومه
ثم نهضت مسرعه الى الخزانه لتخرج الزى الرسمي لمدرستها وتدلف الى الحمام لتخرج بعد حوالى ربع ساعة وهى تحكم لف حجابها الابيض لتغطى شعرها البنى الكثيف ثم تؤدى فرضها وتخرج من غرفتها قاصده غرفه شقيقيها. دخلت الى الغرفه لتفتح الاضاءه ثم تتجه الى النوافذ لتفتحها فتداعب اشعه الشمس عينيهمافيسحبا الغطاء على وجهيهما فتتجه نحوهما وتسح الغطاء وتنادى عليهما
همسه :محمد .....احمد يلا قوموا
محمد/احمد:...........
نظرت لهما ثم رسمت ابتسامه خبيثة على شفتيها وقالت بصوت اشبه بالصراخ :محماااااد احمااااد يلا قوموا الساعه سبعه ونص
نهض الطفلان بفزع :سبعه ونص
محمد:هتنفخ من المدير
احمد:وانا معاك
ثم نظرا الى تلك التى تحاول كتم ضحكتها بصعوبه وقالا :انتى السبب ياهمسه .
لم تستطيع كبت ضحكتها اكثر فانفجرت ضاحكه .فنظروا لها ثم نظروا الى الساعه المعلقه على الحائط خلفها ليجدوا الساعه السادسه والثلث.فنظرا لها بغيظ شديد وقالا:يا كذابه
همسه :اخلص يلا انت وهو قوموا البسوا وجهزوا نفسكوا عشان المدرسه لحد ما اجهز الفطار واحطه على السفره.
نظرا له بحزن فهى مجبره كل يوم على الاستيقاظ مبكرا واعداد الفطور وتنظيف المنزل وكان  هذا شرط والداهم لاكمالها تعليمها وكان الشرط الآخر ان تتكفل مصاريف دراستها وهى ابنت  الثانيه عشره عاما. افاقا من شرودهما على صوتها وهى تقول:يلا انتو لسه هتنحوا يلا قوموا
احمد:بيئه
محمد:سوقيه
همسه كأنها لم تسمعهما :يلا ربع ساعة بالظبط.
بعد انتهاء همسه من اعداد الفطور و تجهيز السفره استدارت لتجد والدها خلفها
همسه :صباح الخيريا بابا
رمقها مصطفى بقسوه واكمل طريقه الى مقعده المعتاد وبعده زوجته
ثم خرج اخويها من غرفتهم وجلسا فى مكانهم المعتاد بجانب والديهما.وبعد الانتهاء من الفطور.
همسه:يلا خلصتوا
محمد/احمد :ايوه يلا
مصطفى:ماشى يا حبايب قلبي خدوا بالكوا من نفسكوا عوزين فلوس ولا حاجه
احمد/محمد:لا.
اما همسه فنظرت له بحزن فهو لم يسئلها هذا السؤال ابدا هى لا تحتاج الى المال وانما الى الاهتمام

خرج الثلاثة أشقاء قاصدين مدارسهم اوصلتهم همسه الى مدرستهما ثم استقلت تاكسى الى مدرستها نزلت منه امام المدرسة لتجد صديقاتها يرمقنها بغيظ فقالت دلخلها:شكلها نهايتى اشهد ان لا اله الا الله وأن محمدا رسول الله.

ثم رسمت ابتسامه على وجهها واتجهت لهن
همسه:صباح الخير يا بنات
صديقاتها: صباح الزفت على دماغك
بسمله:كنت فين ياستاذه الساعه سبعه وربع
روان:احنا واقفين بقالنا تلت ساعه
منه بصوت منخفض لم يسمعه احد:كدابه احنا لسه واصلين
همسه: والله راحت عليا نومه لانى فضلت سهرانه لحد لما جهزت الورق والملفات الى منصور بيه طالبهم منى ده غير ان اليوم كان صعب مابين الشغل  والمذاكرة و التنضيف
نظرا لها صديقاتها بحزن فقالت روان بمرح محاولة تغيرالأجواء:انتى سوبر ومنsuper women ده انتى بتعرفى تطبخى وتنضفى وكمان بتفهمى فى شغل المكتب وبتتكلمى تلت لغات و........... لم تكمل جملتهاحيث وضعت همسه يدها على فمها لمنعها من الكلام
همسه:بس يا حبيبتي بلاعه واتفتحت
بسمله:ايه شغل القر والحسد ده
روان وكأنهم لم يقولوا شيئاً :وانا المره الوحيده الى طبخت فيها كان رز اسود
منه /,بسمله/همسه:رز اسود!!!!!!!
همسه:طبخه جديده ولا ايه
روان: لا بصى ياستى ماما قالتلى اطبخى الرز دخلت حطيت الرز على النا بعد ماغسلته وحطيت ملح ورحت اتفرج على التلفزيون وبعد حوالي ساعه ونص دخلت اشرب لقيت الرز بيشيط وريحته لا تطاق بس اجبرتهم ياكلوه بما انى اول مره اطبخ. ضحك الفتيات عليها واتجهن نحو المدرسه.
وفي اثناء وقت الراحه(الفسحه)صعدت همسه الى الطابق الأخير بحثا عن شخص ما وقد صدق حدثها فقد وجدته يدخن بشراهة وهو
شارد الذهن فاتجهت له
همسه:معتز.....معتز...ويزووو انت يابنى
معتز وقد افاق:هه همسه انتى هنا امتى
همسه:لا انت مش هنا خلص عقلك كان فين
معتز:بتسألى وكأنك مش عارفه لسه مش مصدقه انى اتغيرت
همسه ببسمه صغيره:بتحبها
معتز:بعشقها
همسه:يبقى خليك وراها ومتياسش هى استحملت خمس سنين استحمل انت شويه. ثم اضافت بمرح: يلا ياعم احنا هنقضيها كأبه عندنا حصص وبعدين ارمى الزفت الى فى ايدك ده عندى حساسيه منه. قالت جملتها الاخيره وهى تلقى بالسجاره على الارض وتدهسها

بعد انتهاء اليوم الدراسي وافتراق الصديقات كل منهن الى منزلها وقفت همسه منتظره تاكسى ليعيدها هى الاخرى  ولكنها سمعت صوت من ورائها جعلها تلتفت له
همسه:ريتاج!!
ريتاج:ازيك ياهمسه
همسه: الحمد لله وانتى عامله ايه
ريتاج:الحمد لله.......بصى بصراحه كنت عوزه اسألك سؤال
همسه:وقد فهمت ماتريد.:ايوه ياريتاج معتز اتغير وهو كمان بيحاول يبطل سجاير
ريتاج:ايه عرفك انه مبيكذبش
همسه معتز مبيكذبش علياانا متأكده ........سامحيه ياريتاج
احتضنت همسه بقوه :شكرا يا همسه انا كنت بدات اياس من انو يتغير
همسه وهى تكاد تختنق :ريتو هتخنق ابعدى شويه
ريتاجوهى تلوى فمها:طيب ياختى يا معصعصه باى باى عشان اصالح حبيبي
همسه:باى ياهبله ههههه
استقلت تاكسى الى منزلها.
دخلت همسه الى منزلها متجة الى غرفتها اوقفها صوت والدها وهو ينادى عليها استغربت لانه فى العاده مش بيكلمها.
همسه: نعم عاوز حاجه يابابا
مصطفى:جهزى نفسك بكره
همسه:ليه
مروه (والدته):جايلك عريس
همسه:عريس !!!
افاقت من زكرياتها على صوت صديقتها بسمله وهى تقول :قمر ياهمسه
همسه بسخريه:قمر حزين
بسمله :يمكن يكون كويس ياهمسه لما تعيشى معاه وتفهميه
همسه:مش عاوزه اتجوز كده مش عاوزه اتتجوز غصب يا بسمله
بسمله:يعنى هتعملى ايه؟
همسه :ههرب!!!

نهايه الفصل

دعمكم