طفلتي غيرت حياتي

الفصل السابع والعشرون

همس : مش مأثر عليه ازاي لدرجه أنه يخليه مغيب عن الواقع وعايش في عالم تاني ومش بيرجع غير بالمهدأت ولا كميه الوجع إلي بتجيلوا وانا مصممه أدخل العمليه دي وقامت بتركه والذهاب إلى غرفه العمليات
وقامت همس بعمليه زين التي إستمرت خمس ساعات وكان جميع الأطباء فقدوا الأمل في إزاله هذا الورم اللعين معادا شخص واحد وكانت همس التي كان يوجد بها امل أنها مثملها نجحت في عمليات أكثر صعوبه من هذه فستنجح في هذه وبالفعل نجحت همس في هذه العمليه وقامت بإزاله هذه الورم اللعين
خرجت همس من غرفه العمليات وهي تفتخر بنفسها وبإنجازاتها
نظر لها الطبيب علي بسخريه لإعتقاده أنها لم تنجح في إزالة هذا الورم فالطبيب علي من أكبر الأطباء في هذه المستشفى ووجود همس بداخلها وأنها أمهر منه سبب له الغيره : اي منجحتيش انا قولتلك أن الورم دا مش هيتشال ويعيش الايام الي بقياله
همس وهي تنظر له نظره تحدي وثقه : المريض شويه وهيفوق أول لما يفوق أبقى ابعت حد يقولي على شان اعاينه بعد العمليه
نظر له علي بصدمه مما تفوهت به فهي قد نجحت في إزاله هذا الورم وأعجب كثيرا بثقتها هذه
كان في الخارج تقف ميرنا التي كانت تنتظر إنتهاء عمليه زين التي لا تعرفه ولكنه جائها إحساس من داخلها لتعرف ما عاشه وما مر به ولماذا كان يتفوه بهذه الجمع وهو يمسكها من تلابيب ملابسها ومن هو هذا الشخص وكان يدور في رأسها كثير من الاسئله ولكنها لا تعرف الإجابة
وفي هذا الوقت خرجت همس من غرفه العمليات
ميرا بقلق : لو سمحت يا دكتوره هو عامل اي دلوقتي
همس وهي تتذكر أنها هي الفتاه التي قامت بإحتضان جاسم في الخارج ولكنها تلاشت ذالك : هو دلوقتي بقا كويس إحنا استأصلنا الورم الي كان في دماغه وهو شويه وهيفوق من البنج
وقامت بتركها وذهبت إلى غرفتها لترى مراد
همس بضحك : انت يا أبني لسه قاعد مستني
مراد بضحك : الصراحه اه ويلا وديني عند مكتب سيلين وكأني معاكي يعني انتي عايزه منها حاجه وكدا
همس بضحك : مصالح مصالح وانا الي قولت الواد بيتطمن عليا
مراد : همس عيب متقوليش كدا احنا اهل وبعدين اي اتطمن عليكي دا انتي هتاكلي الناس الي في المستشفى براحه عليهم يا بنتي واضحكي متبقيش قفوشه كدا
ولكن قبل أن تتفوه همس بكلمه كانت ريم قد فتحت باب المكتب علي مصرعيه
ريم بإعتزار : اي دا مراد اسفه مكنتش اعرف أنك هنا
همس بغيظ : يا بنتي ميت مره اقولك المكتب ليه باب خبطي قبل ما تخشي بتجيبيلي صرع وانتي داخله وثم نظرت لها وقالت : اه صحيح انا رايحه انا ومراد هوريه حاجه ولو ممرضه جت وقالت إن زين فاق رني عليا وعرفيني
وقامت بتركها وذهبت إلى مكتب سيلين الذي كان مازال جاسم يجلس معها قامت همس بالطرق على الباب طرقات خفيفه حتى أذن لها بالدخول دخلت همس إلى الداخل وكان وراءها مراد الذي صدم مما رأي فا معشوقته تجلس أمامه وأنها أصبحت طبيبه ياللفخر
وكان حال سيلين كذالك فهي صدمت مما رأت أمامها فكان مراد الذي كان طوال هذه السنين لا يزول من تفكيرها وأنها أعتقدت أنها لن تراه مره اخرى
ولكن أخرجهم من حاله الذهول هذه وهي همس التي كانت توجه حديثها إلى سيلين : سيلين أي رأيك بعد المستشفى نروح نتغدى مع بعض كلنا انا وانتي ومراد
سيلين بعدما خرجت من ذهولها وهي تقول : والله يا همس مش
ولكن قاطع حديثها هو تدخل جاسم الذي خمن من نظرات سيلين إلى مراد أنه حبيبها المجهول وأنها سترفض : خلاص بعد لما تخلصوا المستشفى هنروح نتغدى كلنا مع بعض
وثم نظر إلى سيلين يترجاها أن لا ترفض ليعرف أن يقضى مع طفلته وقت
سيلين : طب تمام
كان سيقول جاسم شيئا ما ولكن قاطعه هو هاتف همس الذي كانت المتصله ريم والتي تخبرها أن زين قد فاق أستئذنتهم همس وذهبت لترى زين
ذهبت همس إلى الغرفه وقامت بالطرق طرقات خفيفه وقامت بعد ذالك في الدخول
همس : حمدالله على السلامه
زين وهو ينظر بصدمه أمامه : الله يسلمك
همس بضحك : خلاص يا عم متتنحش كدا انا لسه نازله من قريب
زين بغيظ : يا حيوانه يعني تكوني نزلتي ومتقوليليش لي ونازله بقالك قد اي بقا سنه ولا سنتين
همس وهي مازالت تضحك على شكل مراد : وحياتك لسه مكملتش اسبوع
زين : وكنتي عايزا تكملي أسبوع ومتعرفنيش يعني
همس وهي تضحك على ذالك فبعد أخر مقابله بينهم أصبحوا أصدقاء كثيرا ومازالت صداقتهم دائمه حتى عندما سافرت همس كان زين كل يوم يخاطبها ليعرف أحوالها ويتحدث معها فهي كانت صديقته الوحيده والتي كانت لا تمل من محادثاته وأنها قامت بإخراجه من مرضه النفسي الذي كان يحاوطه من ماضيه وقامت بإقناعه بأن يذهب إلى طبيب نفسي وبالفعل قام بالإصغاء إلى حديثها وأنها قامت بتشجعيه كثيرا وقامت بالبدء معه في بناء شركته مره أخرى بعدما خسر كل شئ وبالفعل قام بعمل شركته مره أخرى وأصبحت من أكبر شركات الحديد والصلب
زين بغيظ : متضحكيش يا همس متعصبنيش منك اكتر مانا متعصب اصلا
همس بعدما خرجت من ضحكاتها و ثم تكلمت بجديه : المهم انت تخف ولينا قعده مع بعض
فهم زين مغزى كلامها وقال لها : انا بقيت كويس دلوقتي وعايز احكيلك
قامت همس بجلب كرسي كان بالقرب من السرير لتجلس عليه وتستمع إليه : قول انا سمعاك
زين وهو يتنهد : ظهرت بعد كل السنين دي ظهرت بس ملحقتش حتى اطلع غضبي منها ولا اعمل أي حاجه كل الي عرفته أنها ماتت وأنها في وصيتها كانت كاتبه أني أنا الي ادفنها وكانت كاتبه أن نديم ضحك عليها وعمل زي ما هي عملت فيا بالظبط واخد منها كل الفلوس الي سرقتها مني وطردها من البيت بعد لما كتبته بأسمه وفضلت سنتين عايشه في الشارع وعايشه من الي الناس بتديه ليها وآخر لما زهقت قامت مولعه في نفسها وكانت كاتبه أن أننا اسامحها وأنها كانت غبيه يوم ما عملت فيا كدا بس عملت كدا على شان كانت بتحبه وكانت فكراه بيحبها
همس : طب وانت اي دلوقتي
فهم زين ما تلوح إليه : انا مش بحبها وشلتها من قلبي فعلا بس اخدت عبره أن كما تدين تدان والي بتعمله في غيرك بكرا هيطلع عليك وانا قافل صفحتها من زمان ومكنتش عايز أفتحها بس فعلا ولاول مره أحس أن أننا مرتاح حاسس أني اخدت حقي منها وبعد كل الي عملته معايا وهبدأ صفحه جديده وهتغير فعلا انا مكنتش ناوي أفتح قلبي للحب تاني بعد الي حصل بس أكتشفت أني مكنتش بحبها وان هي كانت تعود مش اكتر
سعدت همس كثيرا من إتخاذ زين شئ كذالك ولكنها قد تذكرت شئ ما : طب والورم الي كان في دماغك
توتر زين كثيرا من سؤالها وقال بتلعثم : اصل
همس بجديه : كنت عارف ومقولتش ليا صح
زين : اصل بصراحه
همس مقاطعه إياه : مش متعوده على انك تخبي حاجه عليا يا زين ودا ليه عقاب على فكره
زين : كنت خايف يا همس كل لما اروح عند دكتور كان بيقول أني 90% لو دخلت العمليه هموت وانا كنت عايز أقضى معاكي الي فاضل ليا لانك كنتي ونعمه الصديقه
همس : يعني اولا انا اكبر دكتوره جراحه في العالم كله لي مجتيش تقولي وثانيا كنت مستحمل الألم ازاي
زين بحزن : مكنتش عايز اسيبك حمل تاني انتي يعتبر شيلاني لانك كل عيلتي ومش مخلياني عايز أي حاجه مكنتش عايز احملك حاجه زياده عليكي واكون عبء اكتر عليكي وكنت بخلي الدكتور يكتبلي على مسكنات كنت عايش بيها
همس : بقاله قد اي
زين : شهرين
همس : اولا انت كدا هتتعاقب على حاجتين أنك خبيت عليا وأنك عبيط واهبل وفاكر نفسك عبء عليا
كان سيردف زين ولكن قاطعه هو طرقات على الباب
همس : أدخل
قامت ميرا بالدخول وهي متوتره
ميرا بخجل وتوتر : حمدالله على سلامتك
زين بإستغراب : مين حضرتك
ميرا : انا الي حضرتك مسكتني قبل لما تخش العمليه وكنت عمال تقولي لي عملتي كدا لي عملتي كدا
____________________________
jana Ali