ومرت الايام ومرت السنين والشهور وها قد تخرجت همس منذ سنين وأصبحت طبيبه عالميه في جراحه المخ والاعصاب
كانت تسير همس في رواق المشفى وهي ترتدي حلمها فهو كان المعطف الابيض وها هي قد حققت حلمها والتحقت بالكليه التي كانت تريدها وتخصصت في المجال الذي تحبه ولكن أخرجها من شرودها و هو رنين هاتفها وكان الإتصال من عائلتها
همس : الو ازيك يا ماما وحشتيني اوي
عبير : وانتي اوي يا همس ونفسي اشوفك اوي مش ناويه تنزلي مصر قريب حتى لو زياره
همس : هنزل يا ماما قريب وهكون على طول
عبير بفرحه : بجد يا همس يعني هتقعدي ومش هتسافري فرنسا تاني
همس : اه يا ماما هقعد انا كنت هناك لسبب اني اكمل دراستي هناك بسبب التطورات في الطب وكذالك يعني وحققته يبقى مليش مكان في هنا وانزل مصر وافيد بلدي ولو بشئ صغير
عبير : الحمدلله يارب اخيرا يا بنتي هشوفك بعد طول الغياب دا
وهنا قاطع حديثهم صوت أخيها الذي كان يأتي من جانب والدتها وهو يسلم عليها : هموس وحشتيني اوي
همس بحب : وانت كمان وحشتني اوي يا ميدو وريم عامله اي هي وعدي القمر دا نفسي اشوفه اوي
جاءت من الخلف ريم وهي تحمل طفلها الذي لا يتعدي الخمس أشهر وتقول لها بعتاب : ما هو لو وحشك أو نفسك تشوفيه كنتي حتى نزلتي لما ولدت
همس بأسف : والله يا ريم معرفتش خالص واهو هانت اهو كلها اسبوع واجي اقعد على قلبكوا كدا
ريم : ياريت المهم انتي عامله اي في المستشفى عندك واي الأحوال
همس : اهو الحمدلله ماشي الحال وانتي عامله اي في شغلك وكمان مع عدي
ريم : اهو الحمدلله الصبح بروح المستشفى وبسيب عدي مع ماما عبير ولما بخلص بأخده ربنا يخليها ماما عبير مهتميه بعدي في غيابي ومش مخلياه عايز اي حاجه
همس بمشاكسه : يا سيدي يا سيدي
وبعد ذالك قامت بإنهاء معهم المكالمه وبدءت في تجهيز أشياؤها للنزول إلى أرض الوطن وهي مصر فهي لم تزورها إلى قليل بسبب دراستها في الخارج
وبعد فتره في المطار كان يصدح الصوت المألوف في الطائره وهو : الرجاء ربط الاحزمه
تنهدت همس كثيرا فهي ستعود إلى أرض الوطن وسترى جاسم ياالله فهي لم تراه منذ أن غادرت مصر وعندما كانت تنزل في أجازه كانت تتعمد الاى تراه ياالله ماذا افعل
وبعد مرور وقت وصلت الطائره إلى أرض الوطن وخرجت همس من المطار وقامت بإستإجار تاكسي لتذهب إلى منزلها
"في منزل همس"
عبير وهي تطهو الكثير من الاطعمه هي وريم زوجه ولدها فهي تمكث معهم في المنزل إنها رفضت أن تنتقل إلى منزل خاص وارادت البقاء معهم في نفس المنزل
عبير : ريم شوفي الحاجه الي في الفرن كدا
ريم : حاضر يا ماما
عبير بحماس : ريم في حاجه ناقصه في اي حاجه معملنهاش
ريم بضحك : لا يا ماما كل حاجه جاهزه وكل حاجه تمام
عبير : اصلي متحمسه اوي بعد طول الغياب دا بجد وحشاني اوي
ريم بشوق إلى صديقه طفولتها : والله وانا كمان يا ماما
ورن جرس الباب وكان يوسف ومحمد فهم اتو مبكرا من العمل بسبب معرفتهم بخبر نزول همس وشوقهم إليها
وبعد فتره من الزمن هناك طرق على باب المنزل فقامت ريم بفتح الباب لإعتقادها أحدا اخر غير همس ولكنها تفاجئت بمجيئها مبكرا ولكنها قامت بإحتضانها كثيرا بسبب شوقها لها وجاءت والدتها وقامت بإحتضانها وكذالك والدها واخيها هو الآخر وقامت والدتها بإجلاسها على مائدة الطعام وبدؤا في تناول الطعام مع تشاور الاحاديث العامه
ريم وهي تسأل همس : وانتي بقى يا همس هتشتغلي فين و ازاي وكدا هنا في مصر
همس : انا المستشفى الي كنت فيها في فرنسا عملت ليا نقل لمستشفى هنا اسمها **** ومن بكرا هبدأ شغل فيها وكل حاجتي جاهزه هناك
ريم بإستغراب : بالسرعه دي انتي لسه جايه النهارده هتبدئي بكرا شغل
عبير مؤيده كلام ريم : ايوا يا همس ريم بتتكلم صح انتي ملحقتيش ترتاحي
همس وهي تقول بمشاكسه : اه انتو الاتنين عليا بقا حماه ومراه إبنها هتتلموا عليا اه ياعيني عليا على شان أنا غلبانه يعني
بدء الجميع في الضحك على مشاكستها هذه فهي من الرغم في تقدمها في العمر وأنها أصبحت أنثى بالغه في كل شئ و أنها أصبحت طبيبه مشهوره عالميه إلا أنه لم تتغير الطفله التي بداخلها
" في صباح يوم الغد"
بدءت همس في الاستيقاظ وقامت بتأديه فرضها وقامت بالإرتداء لتذهب إلى عملها فا اليوم اول يوم لها في مكانها الجديد وخرجت همس إلى الخارج وقامت بلإلقاء التحيه على والديها
همس : صباح الخير
عبير / يوسف : صباح النور
كانت همس ترتدي حذائها لتذهب ولاحظت عبير ذالك وقالت لها : مش هتفطري يا همس قبل ما تنزلي
همس : لا مش جعانه يا ماما
وقامت بأخذ أشياؤها وذهبت الى مكان عملها وخرج بعدها محمد وهو يذهب إلى عمله هو الآخر ذهب محمد إلى القسم ودخل إلى مكتبه وقام بالجلوس عليه وهو يتفحص بعض الملفات بتركيز ولكن قاطع تركيزه هو دخول جاسم عليه
جاسم : محمد عملت اي في القضيه الي بعتهالك
محمد بغيظ : لسه بقرأ فيها لما اخلصها هبقى اقولك
جاسم بعصبيه : كل دا يا محمد بتقرأ فيها انا مديهولك من إمبارح والمفروض تسلمه للعميد النهارده في اي يا سياده الرائد
محمد بهدوء : اهدي يا جاسم وانا هسلمه النهارده محصلش حاجه وبعدين همس رجعت من السفر فا كنت مشغول معاها مش اكتر وانا عشر دقائق و اكون خلصته
جاسم وهو يدعى عدم الفهم : همس مين
محمد : همس مين اي يا عم هو في كام همس اكيد همس اختي يعني رجعت من السفر إمبارح
________________________
jana Ali
أنت تقرأ
طفلتي غيرت حياتي
Tajemnica / Thrillerجاسم وهو يقول بصوت مختنق وكأنه يود البكاء : بردو هتسافري يا همس بردو مش هاتقعدي همس وهي تفر دمعه من عينيها لا تعرف سببها : خلاص فات الاوان ولازم اسافر على شان احقق حلمي جاسم وقد فرت دموعه وهو يقول لها بترجي : على شأن خاطري يا همس متمشيش متسيبينيش...
