مدينه السحره ❤️ بقلم.. سماح سمير شبل ❤️ فانتازيا كوميدي مغامره ((مكتمله))

الفصل الرابع

خلاص دخلنا فى الأحداث اخيرا ،
كمنت برأيكم وڤوت ياشباب ، وان شاءالله الفصل الجديد بعد بكره
🖤🖤🖤🖤🖤🖤
الفصل الرابع
بقلم..
سماح سمير شبل

خرج الجميع من غرفهم على صوت نبيله وركضو خلف الصوت الى الاسفل ، كانت نبيله تمسك نرجس من ملابسها بيد واليد الأخرى بها خُفها وتنهال على نرجس به والأخرى تصرخ بها أن تتركها ولكن نبيله كانت تصرخ بها وهى تقول…
اتكلمى بدل ما اموتك.
ركض الجميع إليهم وبصعوبه انتزعو نرجس من يد نبيله التى لم تتركها فارغها اليد بل انتزعت خصله شعر كامله من رأس نرجس.
نبيله بغضب. ..
سيبونى عليها ، هموتك يانرجس ياكدابه، سمعه هموتك.
حاول الجميع أن يفهم من نبيله ماذا حدث ولكنها نظرت لهم بغضب وانطلقت كا القذيفه إلى الاعلى ، تبادلو النظرات القلقه وسأل شهاب نرجس ماذا حدث ولكن الأخرى لم تجيب عليهم وركضت وهى تبكى وتركتهم خلفها ، فصعدو الى غرفه نبيله واقتحموها بدون استأذان ليجدو نبيله تجلس متربعه على فراشها  وخفها مازال فى قبضتها ، جلسو أمامها ينتظرون تفسير لما حدث ، فطال صمتها فجلس ادم بجوارها وهو يقول…
لما بتوصلى لمرحله الصمت دى بقلق ، هو ايه اللى حصل ؟
نبيله بغضب وانفعال وهى تشير بخفها…
نزلت تحت فجاه كانت خارجه من قلب النافوره وكانت اصغر من كده بكتير ولما طلعت منى شهقه من اللى شوفته، لاقتها فى ثوانى رجعت زى ما كانت ولما سألتها ،بتكدب عينى وكمان عاوزه طلعنى مجنونه، لا وايه بتقولى بكل برود انها بتنضف النافوره ، وضحكت ضحكه رخمه كده وقالت لى انتى اكيد قله النوم اسرت عليكى ، ما حستش بنفسى غير وانا بضربها  .
ابتلع الجميع لعابه ، فقالت چيدا …
مايمكن انتى اللى تخيلتى كده علشان مانمتيش من امبارح.
رمتها نبيله بنظره ناريه وقالت بغضب …
انا مش مجنونه ، ولا بتخيل ، انا كنت فايقه قوى بعد الدوش اللى اخدته ، الوليه دى وراها سر وكمان النافوره .
صمت الجميع وتوترت الأجواء ، وبعد قليل طرقت نرجس الباب بخفه ، وفتحت لها توبه لتجدها تحمل عصير ليمون وتقول بأدب…
انا عملت عصير ليمون علشان الانسه اكيد مرهقه .
سمعتها نبيله فجن جنونها مره اخرى وكانت تريد الهجوم عليها لولا ايادى ادم وشهاب التى منعتها بصعوبه ،اخذت منها توبه العصير بسرعه وهى تغلق الباب بعد سماعهم لصرخه نبيله التى كادت تمزق نرجس هذه المره لو تمكنت منها .
حاول الجميع تهدئه نبيله ولم تهدء سوى عندما اخبروها أنهم يصدقونها ، ثم ذهب الجميع للنوم .
//////////////////
كان أول من استيقظ هو ادم الذى فى تمام الثالثه عصرا كان يقف وهو شارد امام النافوره التى تقبع فى منتصف ردهه المنزل، يتسائل فى داخله ما سيحدث لهم فى هذا المنزل الغريب ، يشعر بألم فى رأسه منذ أن خطى بقدمه هذا المكان ،يشعر أيضا بضيق فى صدره كلما رأى المدعوه نرجس ،لا يعلم أن كان الضيق منها أو من المنزل  ، التفت على صوت نرجس التى رددت اسمه للمره الخامسه .
نرجس ..
استاذ ادم ،اعملك الغدا؟
ادم بعد أن نظر لها طويلا قال…
لا شكرا يانرجس ، يدايقك لو قعدنا نتكلم شويه ؟
نرجس ..
لا طبعا ، اتفضل حضرتك فى التراس وانا هعملك حاجه تشربها واجيلك .
ادم …
هو فى كشك قريب من هنا ؟
نرجس بعمليه …
لو عاوز سجاير هنا فى انواع السجاير اللى بتشربوها هجيب لحضرتك علبه مع النسكافيه .
لم يعلق ادم وقال فى نفسه( ايه ده هو فيه حد بيشرب سجاير غيرى انا ومالك !! بس مالك بشرب نفس النوع ،تقصد ايه بجميع انواع السجاير )
ذهب ادم إلى التراس وجلس ولم تمر الدقيقه الا وكانت نرجس تقترب منه وتضع النسكافيه وعلبه من النوع الذى يفضله ادم من التبغ.
أشار لها ادم أن تجلس وبعد أن جلست أمامه قالت ..
أوامر حضرتك .
ادم …
تفسير للى نبيله شافته ومن غير كدب ، نبيله اكتر واحده فينا ممكن تطبق باليومين من غير نوم وماتتعبش ولا تهيس ، فياريت تيجى معايا دوغرى .
اخذت نرجس نفس عميق وقالت …
خلاص لو مستعجلين على الفهم بعد ما كلهم يصحو واسلمكم فلوس المرحوم ، هجاوب على اسألتك .
كادت تقف ولكن ادم قال لها ..
كنتى تقصدى ايه بأنواع السجاير اللى بتشربوها ، انا ومالك بس اللى بنشرب سجاير وكمان نفس النوع .
ظهر شبح ابتسامه على وجه نرجس وهى تقول…
اظاهر انكم ماتعرفوش كل حاجه عن بعض .
ثم تركته وذهبت .
نظر فى أثرها حتى اختفت من أمامه وعندما التفت الى الحديقه رأى الكلب روكى يجلس على العشب بهدوء و وداعه وبجانبه جراء كثيره تلعب معه ، دب فى قلبه الرعب عندما تذكر ما حدث الليله الماضيه وعيناه مثبته على الكلب الذى التفت له والغريب أنه شعر أن روكى يبتسم له ، زفر بغضب وهو يؤنب نفسه على هذا التفكير الطفولى وأخرج لفافه تبغ واشعلها وهو يحتسى المشروب الخاص به .
اوبا ، ده انت قلبك مات بقى .
كان هذا مالك الذى جلس بجواره .
ادم بسخريه …
خد واحده ماتخفش ، شهاب طلع بيشرب واحنا مانعرفش .
مالك بصدمه …
نعم ؟؟ استحاله ، امال العضلات دى ايه نفخ؟ انت مين اللى قالك ،هو؟
قص ادم عليه حديث نرجس المبهم الخاص بهذا الشأن .
مالك …
سيبك منها دى وليه مجنونه ، تلاقيها بتخمن.
ادم بشرود ….
كله هيبان .
بعد قليل كان الجميع استيقظ ويجلسون على مائده الطعام ، وكانت نبيله أكثرهم حده مع نرجس وهى تتعمد أن تطلب منها أصناف غريبه حتى تفتعل معها مشاجره أخرى ولكن نرجس كانت تحضر ما تطلبه نبيله بعد دقائق تحت نظرات الصدمه من الجميع ونظرت نبيله لهم التى كانت وكأنها تقول لهم ( انظرو) .
نرجس بأدب …
تؤمرو بحاجة تانيه ؟
نبيله وهى تجز على اسنانها قالت …
لبن العصفور .
قبل أن تجيبها نرجس قاطعها مالك وهو يقول…
خلاص يانرجس امشى انتى .
أومأت نرجس وابتعدت عنهم ، فقالت نبيله…
شوفتو ، مش قولت انها مش طبيعيه ، ده كل صنف من اللى انا طلبتهم عاوز ساعتين علشان تحضرو ودى ما بتغبش عننا غير دقيقة وتلاقيها جايبه اللى انا طلبته.
ادم …
هى قالت هتفهمنا كل حاجه بعد الاكل .
تبادلو النظرات ولم يقترب أحد من الطعام سوى مالك الذى تناول قطعه من الديك الرومي الذى يتوسط الطاوله وقال وفمه ملئ بالطعام….
انا هاكل وبعد كده أنصدم وافكر .
ثم نظر لشهاب وقال…
ايه يا نجم انت خايف ولا ايه ؟ لا كده …
قاطعه شهاب وقال…
مش طالبه استظراف على المسا .
ثم أشار للجميع وقال…
كولو ، لو مسموم كان زمان الطفس ده فرفر مننا .
حدجه مالك بنظره مشاكسه وهو يتلاعب بحاجبيه وظل يلتهم ما تقع عليه يده بشهييه ، فبدأ الجميع بتناول الطعام فى صمت ، ولكن مالك لم يصمت وظل يقول …
امممم ، الله ، يابنت اللعيبه يانرجس ، ياجمالو ياجمالو .
تركت توبه الطعام وهى تحدجه بنظرات ناريه وتقول …
ايه يا مالك بيه ، هى الخدمه عندنا ما كنتش عاجبه حضرتك ؟
مالك بغباء …
هو اللى انتو كنتو بتعملوه ده اكل .
أغمضت توبه عينها بغضب ثم أمسكت بكوب الماء أمامها وقذفت ما به فى وجه مالك بقوه  وهى تقول …
عامل زى القطط تاكل وتنكر .
شهق مالك ونظر لها بصدمه كما فعل الجميع فأكملت ….
كنت ابقى نايمه فى امان الله وتخبط عليا الفجر ،  توبه جعان ومش قادر اعمل اكل ، اقوم زى العبيد واجى اعملك سندوتش الاقيك مطلع كبده ولا لحمه وانت عامل وش كلب وتقولى شوحيهم بسرعه ، نفسى فيها ، صح .
مالك …
ايه يا توتى انتى بتعيرينى ؟!
توبه بغضب …
لا بفكرك .
چيدا بضحك …
هموووت وش كلب .
ضحك الجميع فتذمر مالك وهو يقلد چيدا .
هيهيه ، وش كلب ، ماشى چيدا الكلب  .
ثم أكمل طعامه بنهم ولكن بصمت ، كانت نبيله صامته والأفكار تعصف برأسها فقامت فجأه وهى تقول …
كفايه اكل كده ، احنا لازم نفهم .
ترك الجميع الطعام وقامو عن الطاوله وجذب ادم مالك ، كما جذب الآخر طبقه فى يده وخرج خلفهم وهو يتحسر على الطعام الذى تركه وحيدا .
كانت نرجس فى انتظار الجميع تقف أمام غرفه مغلقه وقالت ..
انا حضرت لكم القهوه فى مكتب المرحوم اتفضلو .
ثم فتحت الباب وتقدمت إلى الداخل والجميع خلفها وبعد أن جلسو وضعت نرجس اربع علب من التبغ أمامهم ولكن بأنواع مختلفه .
مالك بصدمه …
ايه ده انت بتشرب تلت انواع ياشهاب ؟
توتر الجميع ونظر لهم شهاب بغضب وهو يقول بعد أن لاحظ توتر الفتيات …
انا مش بشرب ، بس الظاهر أن بناتنا الحلوين بيشربو ، صح؟
تلعثمت الفتيات الثلاثه ونظرو لنرجس بغضب وهى تعطي كل واحده منهم علبتها الخاصه ببساطه تحت أنظار ادم وشهاب ومالك المصدومه.
نرجس بعمليه وهى تخرج من جيبها قداحه وتضعها على الطاوله وتقول …
اتفضلو اشربو القهوه .
مالك بسخريه …
عرفت مين يا آدم اللى بيشرب غيرنا ؟
ادم ومازال مصدوم..
انتو بجد بتشربو سجاير؟
چيدا وهى تأخذ لفافه وتشعلها بتوتر قالت..
اه ، ومامى تعرف على فكره .
ثم أخرجت دخان كثيف من فمها .
مالك بسخريه…
من منخيرك بقى ، انفخى ، انفخى .
ادم وهو يخبط كفوفه ببعضها البعض…
عليه العوض ومنه العوض يابنات السمرى.
لم تعلق چيدا عليهم وتظاهرت بالقوه وظلت ترمى نرجس بنظرات ناريه وهى تتوعدها فى نفسها وتقول .
( يابنت الكلب، يابنت الكلب والله لاسيب عليكى نيلى  )
شهاب بابتسامه مسطنعه…
اللى عاوز يولع ، عادى ياجماعه ، احنا متحضرين .
توبه بسعاده …
يعنى مش زعلانين مننا؟
شهاب بغيظ  …
ودى تيجى .
ادم …
أُمال ، انتو كبرتو خلاص .
مالك …
ماشاء الله ، خلفه تشرف حقيقى .
اعتقدت توبه أنهم صادقين ولم ينزعجو من الأمر فأخرجت لفافه من علبتها وقامت بأشعالها ولم تنتبه إلى نظرات التحذير التى ترسلها نبيله لها .
وقف شهاب بهدوء وهو يحل الحزام الخاص به ، فقالت نبيله برعب…
بتعمل ايه ياش….اعااا
لم تكمل بسبب الضربه التى سقطت على قدمها من حزام شهاب وركضت وخلفها توبه وچيدا التى قذفت اللفافه فى وجه نرجس بغضب وركضت وخلفهم شهاب ينهال بحزامه على من يطولها منهم ، اما ادم فقال بشفقه …
احنا هنسيبو يضربهم ، الحجات دى ما تتحلش بالطريقه دى .
مالك وهو يجلس مره اخرى قال بغضب…
خليه يربيهم .
جلست نرجس هى الأخرى بهدوء ، وعم الصمت حولهم الا من صرخات چيدا ونبيله وتوبه التى تمزق قلب ادم ، الذى حاول أن يخرج ليوقف شهاب ولكن مالك منعه فهو غاضب من فعلتهم بشده.
فى الخارج ، كانت چيدا تدور حول النافوره وخلفها توبه ونبيله وخلفهم شهاب بحزامه.
چيدا بصراخ وهى تركض …
شهاب بليززززز
شهاب وهو يحاول الامساك بهم .
ورحمه امى وابويا لكسحكم .
توبه وهى تقفز من اثر الخبطه …
اعااا خلاص ورحمه امااااااك اه ، حرام كده انا اكتر واحده اضراااابت .
نبيله وهى تركض لخارج المنزل ..
منك لله يانرجس الكلب ، والله ماهسيبك، والله لاموتك بازباااااله .
قذفها شهاب بحذائه الرياضى وهو يقول…
ده انا اللى هموتك ياجزمه .
ظل الوضع مستمر قرابه النصف ساعه حتى تعبت الفتيات من الضرب وجلسو أرضا ، وكذالك شهاب الذى تمزق حزامه عليهم و تورمت يده .
توبه ببكاء …
يابنت الكلب يانرجس .
نبيله بصوت مرهق…
هموتك ، هموتك يانرجس يا انا يا انتى ياحربايه .
چيدا بوهن ..
اللهى تولعى يانرجس ، يا ثعبانه .
وقف شهاب بغضب وهو يقول . 
ورايا يا متربيه انتى وهى وهى .
ثم ذهب إلى المكتب مره اخرى .
حاولوا الوقوف ولكن لم يستطيعوا من الألم فى جميع أنحاء جسدهم .
توبه ببكاء ..
مش قادره ، جسمى مكسر .
چيدا وهى تزحف على الأرض ..
ولا انا منك لله يانرجس يابنت الكلب .
تحاملت نبيله على نفسها وقامت وساعدت توبه وچيدا وهى تقول بشموخ ،ولكن شموخ مرهق..
قومى بابت منك ليها ما تشمتوش بنت الجزمه دى فينا .
استندو على بعض وهم يسيرون ببطئ حتى صدح صوت شهاب الغاضب من الداخل وهو يقول ..
اخلصوووو
تجاهلو الألم وركضو إليه سريعا وجلسو وهم ينظرون الى نرجس بشر .
نظر لهم ادم بشفقه ثم نظر إلى شهاب بعتاب تجاهله الآخر وهو ينظر لنرجس ويقول بجديه. .
ها يانرجس ، كنتى عاوزانا .
نرجس وهى تقف وتتجه إلى خزنه عملاقه بجوار المكتب وتقوم بفتحها وتخرج منها 6 حقائب دبلوماسيه وتضعها أمامهم على الطاوله وتقول …
المرحوم قسم فلوسه عليكم قبل ما يموت .
مالك بصدمه ..
كل دى فلوس .
نرجس …
ايوه ، كل واحد شنطه لان كلهم زى بعض .
ادم …
ماشى ، المهم ، عاوزين تفسير للى نيلى شافته والأهم من كده ازاى عرفه كل حاجه تخصنا ؟
زفرت نرجس وقالت ..
هقولكم كل حاجه ، بس اللى هيتقال هنا لو خرج برا هتبقى العواقب وخيمه .
حاول مالك كتم ضحكته ولكن لم يستطيع وخرجت منه ضحكه مكتومه وهو يقول..
عواقب ، و وخيمه ، لا ده الموضوع خطير بقى
ثم أطلق ضحكه أخرى وشاركته الفتيات بها ليسخرو من نرجس ولكن ملامح مالك تحولت فجأه للغضب وهو يقاطعهم ويقول…
اخرسى انتى وهى ، لسه حسابكم مجاش .
صمتت الفتيات فأشار مالك الى نرجس لتكمل فقالت …
اولا لازم تعرفوا أن عيله السمرى عيله مميزه عن غيرها.
مالك بسخريه..
ماهو واضح اهو.
شهاب …
ممكن تنقطنا بسكاتك لغايه ما تخلص كلامها.
أشار مالك على فمه وكأنه يغلقه ببلستر، فأكملت نرجس وهى تقول .
انتو وكل عيله السمرى السحر بيجرى فى دمكم.
ادم بانفعال …
ما توضحى كلامك ، سحر ايه وجنان ايه؟
نرجس بهدوء ..
انتو من نسل سحره وانا كمان ، بس من العائلات الخادمه مش المالكه ، وده تفسير اللى انسه نيلى شافته.
صدمه علت وجه الجميع .
چيدا بأنفعال …
واحنا المفروض نصدق الهبل ده ؟
شهاب بغضب …
ما تتكلمى كلام معقول يا نرجس ، انتى شيفانه عيال قدامك .
نرجس ومازالت محتفظه بهدوئها …
انا عارفه أن مافيش حد هيصدقنى ، بس هنروح بعيد ليه ؟ بعد عشر ايام عيد ميلاد چيدا وبعدها بيومين عيد ميلادكم وهتمو ال 19 سنه ، وامكانيتكم فى السحر هتظهر .
ادم بانفعال …
انتى فعلا مش طبيعيه، عاوزانا نمارس السحر؟
نبيله بغضب …
اعوذ بالله ، انتى ايه شيطان عاوزانا نكفر زيك ونشرك بالله؟
نرجس بانفعال ..
انا مش كافره , ده اولا ثانيا انتى محسسانى انك ما بتقوميش من على السجاده.
هجمت چيدا وتوبه على نرجس بغضب ولكن مالك وادم منعوهم من الفتك بها فقالت توبه بغضب…
الا اختى باحرابيه .
وقالت چيدا …
ورحمه امى أن ما اتعدلتى وانتى بتكلمى نيلى لاموتك من الضرب باثعبانه انتى .
مالك ..
ثعبانه !!!
شهاب بغضب …
اتنيلو اقعدو ، وانتى يانرجس ياتفهمينا يا اما هنمشى ونسيبها ليكى مخضره .
نرجس برعب …
لا ، مش هينفع تمشو ، انا اسفه يا انسه نبيله.
تبادلو النظرات المتعجبه من الرعب الذى ظهر على نرجس فتكلم ادم وقال …
طيب يا نرجس ممكن توضحى اكتر .
نرجس …
انتو مش محتاجين لا كتب سحر ولا كفر ولا الكلام ده خالص ، انتو السحر بيجرى فى دمكم ، واعذرونى انتو ما تقدروش تخرجو من هنا قبل سنه .
جحظت عيون الجميع فأكملت ..
وده لمصلحتكم .