مدينه السحره
بقلم …
سماح سمير شبل
الفصل الاول
فى مطار إحدى الدول العربيه ودعت ناريمان ألمانسترلى ابنتها الوحيده چيدا وهى تقول ..
چيدا بليز انتى عارفه انى كنت بيبى لما اتجوزت بباكى وكمان لما مات جدك ماسمحش ليا اتجوز واعيش حياتى ودلوقتي بعد ما مات جدك انا مش معايا الفين دولار على بعض ، ولازم اتجوز فواز وانتى طبعا مش هينفع تعيشى معانا ، وجدك فى مصر عندو فلوس سو ماتش .
چيدا بدموع …
مامى انا مش عاوزه اسيبك .
ناريمان بنفاذ صبر…
چيدا ، انتى خلاص ورقك بقى فى جامعه الكاهره .
چيدا … القاهره مامى .
ناريمان .. وت ايفر المهم أنك خلاص هتدخلى الجامعه وحاولى توصلى لجدك علشان يصرف عليكى ،الفلوس دى حوالى تلاتين ألف جنيه مصرى أجرى شقه واصرفى على نفسك وانا كل شهر هبعتلك مبلغ .
/////////////////////
فى منزل متهالك فى إحدى المناطق الشعبيه مكون من ست طوابق ، أنه المنزل النحس أو منزل العائله المشؤمه كما أطلق عليهم الجيران .
مالك بصوت عالى ..
توبه ، نبيله ، يالا هنتاخر
تخرج فتاه غاضبه من إحدى الغرف وتقول …
نبيله فى عينك يا بغل انت قولت ميت مره اسمى نيلى .
مالك بسخريه …
ماشى ياختى اخلصى والبسى هنتأخر .
تتركه نبيله ( نيلى ) بعد أن رمته بنظره تحزيريه حتى لا يفعلها مره اخرى وتدخل المرحاض بعد أن تخرج فتاه ناعمه وتقول …
صباح الخير يا مالك امال فين ادم ؟
مالك … صباح الخير ياتوبه ادم …
ادم وهو يجلس ويلبس الحذاء …
صباح الخير ياتوبه ، مالك انت بتتخانق ليه مع نيلى على الصبح ؟
مالك ..
خلاص نبيله ام بربور بقت نيلى .
ركضت توبه إلى غرفتها سريعاوهى تكتم ضحكتها حتى لا تخرج نبيله ويكون لها نصيب من التوبيخ ،ضحك ادم وهو يقول …
يااخى اتلم بقى عدو يوم من غير خناق.
خرجت نيلى من المرحاض وهى تقول بسخريه…
هى البرنسيسه چيدا مانزلتش ليه ؟
مالك … بدأنا .
ادم برجاء …
نيلى مش كل يوم هنتخانق على الصبح لمى نفسك دى بنت عمك بردو .
نيلى …
عارفه ياخويا انها بنت عمى ، هى اللى بتعيش الدور وكأنها بنت بارم ديله .
دخلت چيدا من الباب المفتوح وهى تقول …
ايه بارم ديله ده ؟ انتى بنت قليله الادب .
كادت نبيله أن تهجم على نيلى لتبرحها ضربا ولكن التفت الجميع إلى توبه التى
خرجت سريعا اليهم وهى تحمل الهاتف المحمول بيدها وتقول بفزع…
الحقو جدكم ، المحامى بتاعه بيقول فى المستشفى.
مالك …
وعايزنا بقى نروح ندفع له صح؟
توبه ..
لا ده بيقول عاوزنا كلنا .
نيلى برعب …
لا ، روحو انتو انا مش هروح .
چيدا بغضب …
ولا انا ده راجل معفن .
مالك برعب …
عيب ياچيدا
ادم …
ياجماعه لازم نروح علشان خاطر صله الرحم يعنى هو هياكلنا .
تبادلو النظرات القلقه
جميعهم يعلمون أنه رجل غريب الأطوار وايضا مع وسامته الذى مازالت ظاهره رغم كبر سنه الا أنه نظراته مريبه وجميع آبائهم كانو لا يحبونه ودائما ما كانو يقولون (هربنا ولعنت السمرى بتجرى ورانا)
حتى اليوم الذى زارهم فيه دخل
فلاش باك
قبل الحادث بيومين
ترجل السمرى الكبير من سياره فارهه ودخل منزل أولاده الذى الجمتهم الصدمه عند رؤيته وكأنهم منومين مغناطيسين ، جلس السمرى وهو ينظر حوله بشمأزاز ، وعندما تجمع اولاد أولاده حول آبائهم وسألو من هذا كان الرد مختصر من آبائهم الذين قالوا بوهن وكأنهم رأو الموت (جدكم) نظر لهم الجد وقال جمله واحده
(هربتو منى زمان وفاكرين نفسكم اقوى من القدر والنهارده انا جاى علشان كوكب المختار ظهر واكيد موتكم قرب وهما اللى هييجو ليا بأرادتهم زى ماانتو هربتو بأرادتكم )
ظهر الفزع على أعين آبائهم وغادر الجد ومازالت رائحه عطره منتشره حولهم،وعندما سألو آبائهم عن هذا الكلام الغريب ، تبادل آبائهم نظرات مريبه واغلقو على نفسهم إحدى الغرف وبعد ساعه خرجو جميعا متفقين على جمله واحده (أن موتنا وهتكلو ظلط وتشحتو اوعو تقربوا من جدكم )
وعندما لحو عليهم ليفهمو قالو أنه رجل غريب الأطوار ومن يبقى بجانبه تصيبه لعنه لا محاله وخروجه من منزله لعنه تمشى على الأرض ,،تيقن الجميع من كلامهم عندما تلقو مكالمه تخبرهم أن آبائهم قد لقوا مصرعهم جميعا ، وبعدها أتى إليهم الجد مره اخرى وعرض عليهم أن يتركو منزلهم ويعيشون معه والا لم يرسل لهم جنيه واحد وايضا سيكتب وصيه يحرم الجميع من الورث ، ولكنهم لم ينصتو إليه وطردته نبيله من المنزل وبعد خروجه كسرت يدها التى أشارت له بها ليخرج من المنزل بدون اى اسباب ، فعلمو أنه لعنه حقا ، وعندما هاتفته چيدا ليرسل لها أموال لتسديد ايجار المنزل التى تسكن به رفض بشده وقال لها ( يااما تيجو كلكم تعيشو معايا يااما مافيش جنيه هيطلع لحد فيكم ) ومن وقتها ذهبت الى منزل اعمامها وجلست معهم يأكلون معا ولكن لم تستطيع أن يشاركها أحد فى نفس الغرفه وفضلت أن تنام فى إحدى الطوابق.
باااااك
ادم … ها هنعمل ايه؟
مالك…. لو روحنا هنتأخر على المحاضرات وكمان هيضيع علينا اليوم ف الشغل وانت شايف مرتباتنا كلنا ما بتكفيش لأخر الشهر .
توبه …
معلش ما جتش من يوم .
نبيله …
لا انا مش هينفع .
دخل عليهم شهاب من الباب الذى مازال مفتوح وقال ..
صباح الخير ، ايه مالكم كده ع الصبح؟
قصت توبه عليه مكالمه المحامى الخاص بجدهم فتغيرت ملامح وجهه إلى الغضب وقال …
احنا مش هنخلص بقى من الراجل ده ، ارحمونى بقى
مالك …
خلاص مش هنروح ، بس انت ايه اللى جابك هنا انت مش قولت هطلع من الشغل على الجامعه.
شهاب وهو يزفر…
انا سيبت الشغل .
چيدا بتذمر …
لا حررام ، انت قولت لى هتدينى فلوس اشترى شنطه جديده.
نبيله …
تصدقى انك بت بارده ، شنطت ايه اللى زعلانه عليها .
ثم التفتت إلى شهاب وقالت ….
بقولك ايه انت تيجى تشتغل معايا فى المحل انت ايدك تتلف ف حرير ومع ذالك بتحب المرمطه أمن ايه وقرف ايه؟
شهاب بقله حيله …
ماشى يانيلى هروح معاكى بعد ما نخلص محاضرات .
ادم …
يعنى مش هنروح لجدكم .
شهاب بغضب …
لا .
اغلقو الابواب وذهبوا الى الجامعه فجميعهم فى نفس الكليه كليه الحقوق.
///////////////
منذ عشرون عام
فى منزل ضخم يتوارثه أجيال من عائله السمرى فى أطراف مدينه الفيوم ، يجتمع سته من اولاد السمرى ويقررو الهروب من المنزل معا
عامر ، عزيز ، عوف ، عمار ،علام ، عزيزه وجميعهم اولاد عاطف السمرى فقد اكتشفو سر ولعنه ترافقهم أن ظلو بجوار هذا الذى يسمى أبيهم عاطف السمرى ، بالفعل هرب الأبناء السته الى مدينه القاهره وفى إحدى الاحياء الشعبيه اشترو منزل متوسط بذهب شقيقتهم عزيزه وبعد مرور عام وسافر عامر إلى إحدى الدول العربيه وتزوج من ابنه رجل اعمال هناك كما تزوج إخوته جميعا وكان على اتصال دائم بهم ولكن مات عامر يوم ولادت ابنته چيدا كما أنه لم يمر يومين وكانت عزيزه وزوجات إخوتها يلدون فى نفس اليوم ويتوفون جميعابعد الولاده مباشرتا ، ظل الاربع رجال وزج شقيقتهم كل منهم يهتم بصغيره حتى اتمو الثامنه عشر وزارهم الجد عاطف السمرى وبعد هذه الزياره المشئومه بيومين مات الاربع اشقاء وزوج شقيقتهم فى حادث سياره أحدهم ولم ينجو أحد ومن هنا قد لقبهم الجيران بالعائلة المنحوسه والبيت المنحوس حتى أنهم يتشائمون منهم ، اما چيدا عندما عادت لم تتنازل عن العيشه المرفهه وقابلت اولاد اعمامها فى الجامعه ولكن كانت تتجاهل هذا النسب حتى نفذت أموالها وتخلت امها ناريمان عنها حتى رقم الجوال غيرته ولم تعطيها الرقم الجديد وانقطع الاتصال بينهم وعندما لجأت للجد لم يتنازل وقال لها اما الجميع أو لا لجأت إلى بيت العائله بعد أن علمت أن الجد بخيل جدا ولم يسمح لها بالعيش معه ، ولكن أصرت أن تسكن طابق منفصل عنهم فهم منذ وفات آبائهم يسكنون نفس الطابق
//////////////////////////
كانو جميعا يعملون مع الدراسه حتى يتمكنو من الإنفاق على دراستهم وعلى المنزل بعد أن باعو كل سيارات آبائهم وتبقت فقط سياره عوف والد ادم وكانت هى وسيله التنقل للجميع ، وعندما عادت چيدا لم تروقها فكره العمل وكانت هى الوحيده التى لا تعمل ، كانت تنظر أحدهم يأتى من العمل مبكرا حتى يحضر لها الطعام فكانت دائما ما تتشاجر مع نبيله فهى الوحيده التى كانت لا تتحمل هذه الرفاهيه اما توبه فهى مسالمه بطبعها وكانت تحاول أن ترضى الجميع ، اما مالك وادم وشهاب فهم كانو دائما ما يساعدون فى أعمال المنزل ولا يهتمون أن ساعدتهم چيدا أو لا
//////////////
مرت المحاضرات سريعا وذهبت نيلى ومعها شهاب إلى مركز التجميل التى تعمل به اما توبه فذهبت إلى نفس المول ولكن لتعمل مساعده طاهى فى مطعم وذهب ادم إلى عمله مع مالك فهم يعملون فى نفس المقهى فى تقديم الطلبات .
أما چيدا فأخذت تاكسى إلى المنزل وعندما أغلقت باب المنزل سقطت دموعها فهى ليست معتاده على هذه الحياه ولم تتأقلم رغم مرور سته اشهر على هذا الوضع ، لم يتبقى على امتحان نهايه العام إلا عشره ايام وهى لا تذاكر مثلهم ، تناولت شطيره وبدأت تذاكر حتى يعودوا من العمل.
انتهى اليوم وعاد الجميع إلى المنزل .
بعد قليل على مائده الطعام .
چيدا … عملت ايه يا شهاب فى الشغل الجديد .
شهاب بلا مبالاه …
عادى ، انا اصلا مكنتش عاوز اشتغل كوافير بس الظروف.
چيدا …
ليه ؟
توبه …
علشان هو مش بيحب الرغى والستات رغايه .
شهاب …
جداااا .
مالك …
المهم مرتبك .
ادم …
ايوه احنا كلنا بنشتغل علشان الفلوس مش علشان نحب ف الشغل .
نبيله بحماس …
مرتبه مبدأيا خمس الاف علشان لسه ف الاول .
چيدا …
وهيشتغل شفت زيك.
نبيله…
احنا معندناش شفتات بس هو فى الاخر مش هياخد الخمسه كاملين علشان الأيام اللى فيها محاضرات ، لكن فى الاجازه هيفرق المرتب الكامل معانا، واهى هانت .
چيدا … امممم طب شوفى لى شغل معاكم .
التفت اليها الجميع بصدمه .
نبيله بسخريه …
وانتى بتعرفى تعملى ايه .
چيدا …
ميك اب ، أو حتى ابقى المديره للمكان انا واجهه تشرف .
ضحكت نبيله بصوت مرتفع وكتم الجميع ضحكهم فا غضبت چيدا وقالت ..
انتى بتضحكى ليه ؟
نبيله …
بصى ياحلوه اولا المدير موجود ومش محتاجين واجهه ، ثانيا بقى الميك اب ارتست بقو اكتر من الهم على القلب انتى لو هتشتغلى هتبقى مساعده تكنس تمسح كده .
احمر وجه چيدا من الغضب وقالت …
استحاله طبعا .
توبه…
خلاص بعد الامتحانات ما تخلص تشتغلى معايا
چيدا …
الناس بتشوفك وأنتِ بتشتغلى .
توبه وهى تأكل …
لا ، انا والشيف بس اللى بنبقى ف المطبخ بس .
چيدا …
اوك موافقه هيدونى كام ؟
توبه …
ممكن الف جنيه.
چيدا بصدمه …
انتى بتاخدى الف جنيه ؟
توبه…
لا باخد الف ونص علشان انا ممكن اساعد الشيف ف الأكل إنما انتى هتغسلى الاطباق .
قفزت چيدا بغضب وانطلقت إلى الخارج وهى تقول ..
انتو مجانين اكيد .
توبه بدهشة …
هى زعلت ليه ؟
مالك بعد أن انفجر الجميع فى الضحك.
علشان هتغسل الاطباق
قالها بسخريه ودخل غرفته لينال قسط من الراحه .
/////////////////////
صعدت توبه إلى چيدا ، وتبادلو الأحاديث بعد أن قسمت لها توبه أنها لم تسخر منها وأن هذه الأموال ما يأخذها العمال وبعد قليل عادت إلى حجرتها مع نبيله لتنال هى الأخرى قسطا من الراحه .
///////////////////////////
مرت الايام سريعا وانتهت الامتحانات
اليوم اول ايام الاجازه .
دخلت چيدا إليهم وصدمها ما رأت مالك يغسل السجاد فى ردهه المنزل وادم ينظف النجف وشهاب يغسل الحائط وتوبه تنظف المطبخ ونبيله تنظف الحمام .
چيدا بصدمه …
ايه ده ؟
شهاب ..
ايه بنضف البيت .
چيدا ..
طب والشقه اللى انا فيها ، مش هتنضفوها .
خرجت نبيله من المرحاض بغضب وقالت …
ليه أن شاء الله احنا خدامين سيادتك ولا ايه ، مش قاعده لواحدك ، نضفيها لوحدك .
چيدا …
انا مش بعرف .
قالتها بحزن حقيقى جلعت الجميع ينظر إليها بشفقه حتى نبيله تعاطفت معها ولكن لم تظهر هذا التعاطف وقالت ..
اقعدى معانا هنا مدام مش بتعرفى .
چيدا بحزن …
مش بعرف انام مع حد .
شهاب …
خلاص نامى انتى فى اوضتى ، وانا هنام مع مالك وادم .
چيدا ..
شكرا .
ثم جلست متربعه على أحد المقاعد حتى ينتهو من التنظيف .
بعد ساعه كامله كان المنزل نظيف والجميع مجتمعين على السفره لتناول الغداء .
چيدا …
كويس ما اختوش وقت .
مالك ..
وقت ايه احنا من الساعه سته واحنا ف الهم ده انتى جايه ف الفنش .
نظرت لهم بأعين جاحظه وقالت …
سته الصبح !!!!
أومأ لها الجميع فقال ادم ..
الصراحه يا چيدا انتى لازم تتعلمى ، امال هتتجوزى وتفتحى بيت ازاى .
شهاب بعصبيه ..
الكلام ده لسه بدرى عليه قوى ياادم .
مالك …
بدرى ايه ؟ ادم معاه حق .
چيدا …
هحاول اتعلم علشان اساعدكم ، إنما حوار الجواز ده مش ف دماغى اصلا .
نبيله …
اخيرا حسيتى على دمك .
چيدا بغضب …
انا مش عارفه انا عملت لك ايه ، من ساعه ما جيت وانتى الوحيده اللى بتعملينى وحش .
نبيله بغضب …
مش عارفه ليه ؟ ده انتى بتتعاملى معانا وكأننا خدامين اهلك وحتى أبسط حاجه مش بتساعدى فيها وبتستنى اللى يوصل من شغله الاول علشان يعمل لجنابك الاكل ، اوعى تكونى فاكره أن انا معرفش انك بتاخدى كل يوم تاكسى من الجامعه لهنا وطبعا توبه هانم هى اللى بتديكى الفلوس اللى المفروض تبقى معاها لأى ظروف ، عرفتى ليه .
سقطت دموع چيدا ونظر الجميع إلى نبيله بلوم فا الجميع يعلم كل هذا ولكن چيدا مازالت لا تستطيع التعايش مع هذه الظروف لأنها نشأت فى بيئه مختلفه عنهم .
شهاب بجديه …
نبيله اعتذرى .
نظرت له نبيله بغيظ ولكنها قالت ..
اسفه يا چيدا .
چيدا…
انا اللى أسفه ، انا عارفه انى حمل عليكم بس حقيقى انا مش قادره ابقى زيكم ، انا طول عمرى فى ناس بتعمل كل حاجه ليا .
ثم اجهشت فى البكاء بشده .
زفرت نبيله واقتربت منها وعانقتها وهى تقول …
خلاص ، اسكتى .
مالك …
چيدا احنا كلنا بنحب بعض جدا ومافيش واحد فينا بيتعامل مع التانى أنه ابن عمه ولا عمته احنا كلنا اخوات ونبيله .
رمته نبيله بنظره ناريه فقال..
اقصد نيلى طيبه قوى ، بس هى عصبيه حبتين تلاته عشره كده .
ادم …
كتير .
ضحكت چيدا من بين دموعها .
توبه …
خلاص بقى لما تقعدى معانا هنقرب من بعض اكتر وهتفهمو بعض انتى ونيلى .
چيدا …
ماشى
رن جرس هاتف المنزل وردت نبيله .
نبيله بزهق …
ايوه يا استاذ ، مش قولنا مش جايين ،هى سيره .
ثم صمتت ثوانى تستمع إلى الطرف الآخر فتغيرت ملامح وجهها وقالت ..
خلاص ، جايين .
شهاب …
محامى جدك صح .
نبيله بصدمه …
خلاص بقينا مقطوعين من شجره بجد .
ادم ..
تقصدى ايه ؟
توبه بدموع …
مات ؟؟
نبيله بحزن …
اه وادفن الصبح .
چيدا …
اوه حررام ، أدفن لواحده من غير حد مننا ما يبقى معاه .
نبيله …
احنا كنا شايلين فيشه التليفون واحنا بنضف معرفش يوصل لنا .
سيطر الصمت على المكان وبعد قليل قالت نبيله ..
المحامى جاى الساعه عشره بليل علشان الوصيه .
شهاب …
هو مش قال إنه مش هيدينا حاجه ، واحنا مش عاوزين منه حاجه .
نبيله …
ادينا هنسمعه ونشوف .
///////////////////////////
الساعه العاشره .
المحامى وهو يضع ملف أمام الجميع على الطاوله قال ..
جدكم الله يرحمه قبل ما يدخل المستشفى بأيام كان مصفى كل أعماله وبايع كل ممتلكاته الا الفيلا اللى عايش فيها .
چيدا ….
يعنى نروح البنك نعمل اعلان وراثه ؟
المحامى …
لا مالوش لزوم المرحوم حسابه ف البنك صفر ، افتح الوصيه ؟
تبادلو نظرات الا مبالاه وقالو بعدم اهتمام .. افتحها .
أخرج المحامى من الملف ظرف وبدأ قرأه الوصيه .
//////////////////////////////////////////////////////
أنت تقرأ
مدينه السحره ❤️ بقلم.. سماح سمير شبل ❤️ فانتازيا كوميدي مغامره ((مكتمله))
Fantasiبقلم سماح سمير شبل عطالله هناك شعره بين الحقيقه والخيال ، اوقات تكون الحقيقه لدى البعض منا خيال، لم يكن ابليس ساذجا حتى يطرد من الجنه ويترك سلاله ادم البشرى الذى فضله الله عليه فى سلام ، لم تكفيه الوسوسه هو وعشيرته حتى يسرق الإنسان ويقتل ويفعل الجر...
