مدينه السحره ❤️ بقلم.. سماح سمير شبل ❤️ فانتازيا كوميدي مغامره ((مكتمله))

السادس عشر

الفصل الجديد هينزل لما الڤوت يعلى

السادس عشر
مدينه السحره
بقلم .. سماح سمير شبل عطاالله

فى قصر الملكه الام تحديدا فى النجاح الذى يجلسون به احفاد السمرى ونرجس ومعهم الصغير سليم، نظرات الذهول هى فقط المسيطره على الجميع وهم يستمعون إلى نرجس التى اصرت على البوح لهم بكل شئ بعد أن أخبرتهم أن لعنه الجد ستصيبها اجلا أو عاجلا ، اخذت نفس عميق قبل أن تقول …
اولا عوزاكم تعرفوا أن جدكم كان كل محاولاته انكم تعيشو معاه مش علشان يمتص دم الاقوى فيكم بس لا علشان يعرف مين الذئب الطائر منكم علشان يقدر ينقله لمملكه الظلام والمملكة دى العدو الأول لمملكه السحره .
صمت وذهول وعلامات استفهام من الجميع ، ليقطع حديثها ادم وهو يقول…
ايه الذئب الطائر ده ؟ وايه مملكه الظلام دى؟
شهاب بحده..
الظاهر انك عندك اسرار كتير يانرجس ما كنتش هتتكشف غير بالصدفه.
چيدا بهدوء …
لو سمحت يا شهاب سيبها تجاوب على اسئله ادم .
رمقها شهاب بغضب والتفت لچيدا وهو يقول…
ماشى ، جاوبى يا نرجس هانم .
سقطت دمعه من عين نرجس مسحتها بسرعه وقالت بأليه..
عيله السمرى من النسل الاصلى للملكه الام وكل ميت سنه بيظهر فى نسلهم حيوانات طائره اقواهم واكثرهم شراسه الذئب الطائر وفيه كمان الفراشه الناريه ودى فى أغلب الأوقات بتبقى فى البنات وبما أن ولاد السمرى كلهم مظهرتش عليهم العلامات يبقى اكيد هتظهر على ولادهم وفيه تحولات تانيه بتظهر غير الذئب والفراشه ، وبما أن جدكم كان معتقد أنه لما يحارب مملكه الظلام وتبقى تحت وصايته هيكون اقوى ساحر فى العالم وهيتحكم فى الخير والشر فى العالم كله ووقتها هيقدر يدمر بوابه الشر أو بمعنى دقيق مملكه الشر وبكده يقدر يتحكم فى العالم كله ، وده سبب هوسه بالخلود وعلشان كده قتل عمكم لانه عارف ان دمه هيقدر يساعده أن يعيش اكتر خصوصا أنه تجاوز التسعين وقتها .
مالك بسخرية …
مافيش حد سالك حتى جدى اللى عاوز يدمر الشر علشان يسيطر على العالم ، الله يحرقه بجد .
نبيله وهى تحاول تمالك اعصابها ..
ثوانى يامالك ، هو كل شويه واحد فيكم يقاطعها ؟ كملى يانرجس.
نرجس ..
انا عرفت اسرار كتير بالصدفه لانى كنت لوحدى معاه فى العالم بتاعكم ، وأوقات كتير كان بيسبنى ويفضل هنا بالايام وكنت بحاول اسلى نفسى وأقرأ مذكراته ، وعرفت أنه محتفظ بى علشان انا من نسل عمه الكبير اللى كان السبب فى لعن نسله أنهم يعيشو طول عمرهم عبيد .
اخذت نفس عميق واكملت .
انا من نسل الملكه الام بس للأسف جدى اول واحد عارض أوامر الملكه الام واتجوز من العامه وده كان السبب فى وشم نسله بلعبوديه ، المهم عرفت أنى اخر نسل الجد الملعون وان التعويزه اللى هيدمر بيها مملكه الظلام هيكون دمى وقلبى من العناصر الاساسيه فى تركيبها .
شهقه خرجت من الجميع وعلامات فزع رسمت على وجوههم تجاهلتها نرجس واكملت بنبره قويه .
وقتها عرفت ليه مانع نزولى مدينه السحره وكمان اجبارى على التحول لست كبيره وده علشان مافيش حد يتجوزنى أو يعجب بي وده لان التركيبه مش هتنجح غير بدم اخر عزراء من النسل القوى للجد الملعون ، مرت سنين وانا بعطلكم بكل الطرق من التقرب ليه ، بس لما تعب وهو هناك فى العالم بتاعكم كانت فرصتى بعد ما اغمى عليه ،اتصلت بالاسعاف ونقلوه المستشفى ولما المحامى وصل هناك والدكتور سألنا على الحميه الغذائيه اللى الجد ماشى عليها من غير تفكير قولت له أنه مصاب بلحساسيه من اللحوم وبييجى له حالات صرع ، وقتها المحامى عرف انى كدابه بس كان زهق ونفسه يخلص من جدكم هو كمان ، اطمنت أنه متكلمش والدكتور طبعا عمل كل ما فى وسعه علشان تبقى الحاله هاديه خصوصا أنه موصل جسمه بالاجهزه وممكن حاله الصرع تقتله وطبعا حقنه بمهدء علشان مايحصلش حاجه ، وبعد شويه لاقيت المحامى بيسألنى سؤال غريب
فلاش باااااك
تجلس نرجس فى رواق المشفى أمام حجره سيدها والقلق ينهش فيها وخاصتا عندما خرج الطبيب ليطمئنهم أن حاله الجد استقرت ومن الممكن أن يستفيق غدا ، تعلم جيدا أنه سيعاقبها بأبشع الأساليب ، من المفترض أن تصطحبه الى مدينه الشفاء لا مشفى العامه هذه اهانه كبيره فى حقه كا ساحر من أقوى سحره المدينه بأكملها ، اقترب منها المحامى الخاص بالجد ويده تهتز من الرعب وقال بحروف متلعثمه خائفه من رد فعل هذه الصغيره المتحوله بأمر سيده لامرأه فى العقد الرابع وقال..
هيقتلنى لما يفوق صح؟
رفعت إليه رأسها بحزن واكتفت بهز رأسها بنعم، هى تعلم أنه لم يقتلها ولكن هذا المسكين الذى عصى أوامره سيكون فريسه له هذه المره لم يطلب منه شراء كميات من الدماء وسيكون دمائه الطازج عقابا لمخالفه الأوامر .
المحامى وهو يشعل لفافه تبغ بيد ترتعش ..
انا وانتى هنموت ، علشان احنا الاتنين عارفين كويس هو ايه وبيحتاح ايه لما يوصل للحاله دى .
لم تجاوب على أسئلته واكتفت بالصمت ، ليخرج هو عن تمالك اعصابه ويجذبها من يديها بقوه وتتحول عيناه للون الاحمر من الغضب وهو يقول بصوت منخفض…
لازم يموت .
جحظت عيناها وارتعشت شفاها وقالت بحروف متقطعه..
انت اتجننت ، انا لو عملت كده هموت .
المحامى بجديه …
انا اللى هقتله .
قالها وهو يترك يدها وتسقط دموعه وهو يكمل …
انا عندى عيال ، الراجل ده شيطان ومش هيكتفى بقتلى انا بس .
سقطت دموعها وهى تتخيل اطفاله يصرخون بين يدى سيدها كا غيرهم ممن كانت تقوم بأختطافهم مرغمه وتقدمهم وجبه لسيدها وتركض بعدها ، ليس خوفا على حياتها ولكن صرخاتهم تطاردها دوما ونظراتهم المزعوره لم تترك خيالها ، مسحت دموعها بقوه ومسكت كتف المحامى وقالت بقوه ..
لو دخل على  دم سيدى دم فأر سيموت فورا .
ثوانى معدوده ينظر المحامى لها حتى استوعب ما قالته وركض خارج المشفى بأقصى سرعه ليسقط الهاتف المحمول الخاص به وتلتقطه نرجس وترجع إلى المقعد مره اخرى وتظل عيناها مثبته على باب الغرفه التى يرقد بها سيدها وكأنها تترقب خروجه من الباب ليسحقها على ما فعلته ، مرت أقل من ساعه حتى التفتت إلى المحامى الذى قطع الرواق إليها راكضا وهو يلهث وعندما أستقر أمامها أخرج من جيب الچاكت الخاص به قاروره تحتوي على دماء بكميه لا بأس بها وايضا حقنه مغلفه ، لم تضيع نرجس الوقت وجذبته إلى داخل الحجره بعد أن تأكدت أن الرواق فارغ ولا يوجد احد به وتغلق الباب ويخرج هو القاروره والحقنه ويقوم بتعبأتها ويقترب ببطئ من فراش الجد لتشير نرجس على عنقه وهى تقول بهمس ..
هنا .
لم يشكك المحامى بما قالته ولم يستغرق الأمر منه أقل من الثوانى وهو يغرس الحقنه فى عنق الجد ويفرغ ما بها بسرعه ، ليفتح الجد عيناه فجأه ويتملك الرعب من نرجس والمحامى الخاص به ولكن قبل أن يأخذ الجد اى رده فعل كان مفعول دماء الفأر نفذ ليلفظ الجد أنفاسه الاخيره ونرجس تضع كفها على عينه لتغلقها بشده مما جعل المحامى يظن انها تفعل هذا حتى لا يشكك الأطباء فى سبب وفاته وعيناه مفتوحه ، ولكن هى لا تهتم بهذه الأشياء التى من الممكن حلها بأشاره من يدها ،ولكن ما يشغلها الان هى الصوره التى ستكون فى عين الساحر قبل موته ، فا السحره مثل الثعابين تحتفظ بصوره من قتلها فى أعينهم ولكن ضغطها على عينه بهذه الطريقه تمسح هذه الصوره التى سيستعين بها مجلس القضاه فلم تكن وقتها هى وحدها المعاقبه على قتله سيكون هذا المحامى البائس وكل أفراد أسرته معها وستكون جثثهم المعلقه فى وسط مدينه السحره عرضه للتنكيل بكل من سيكون له صله بهم وهذا ما يريده السحره التخلص من العامه جميعا ولم يضيع أحدهم فرصه كا هذه وستكون اباده لكثير من الأرواح البريئه التى لا دخل لها بما حدث ، بعد أن تأكدو من موت السمرى الكبير خرجو مره اخرى من الغرفه وطلبت نرجس من المحامى الاتصال بأحفاد السمرى حتى يأتون لزيارته ، فعل الرجل ما طلبته نرجس وعندما ابلغها برفضهم ، اخذت منه القاروره والحقنه ونفخت بهم فتحولو لرماد يشبه رماد التبغ أمام عين المحامى الذى جلس على المقعد بطمأنان عندما قالت له بثقه..
انسى اللى انت عملته وابتدى حياتك من غير قلق ، ومتنساش فى عقد بينك وبين المرحوم بيمنعك من التواصل مع اى حد من عيله السمرى بعد موته ، ومش هقولك أن كل اللى انت تعرفه محصلش .
المحامى بأرهاق…
انا معرفش حاجه واخر حاجه هعملها تسليم الوصيه .
نرجس براحه ..
كويس .
بعد قليل اكتشف الأطباء أن الحاله توفت واخبروهم أن عليهم استلام الجثه بعد انتهاء الاجرائات ، أنهى المحامى كل شيء وذهبت نرجس إلى المنزل بعد أن اخبرته بضروره إحراق الجثه وارشدته إلى مكان فى الصحراء ، ليفعل الرجل ما طلبته بالتفصيل ويتأكد أن الجثه لم يتبقى منها إلا الرماد ليذهب إلى منزله وهو سعيد لاول مره منذ زمن فى خدمه هذا العجوز غريب الأطوار.
بااااااك
صدمه تملكت الجميع وكادت توبه أن تتحدث ولكن نرجس أشارت لها بكفها لتصمت توبه بعد فهما للأشاره وتكمل نرجس بأرهاق واضح..
ارجوكم اسموعنى الاول مافيش وقت ، انا ميته ميته بس لازم تعرفوا أن أبو هنرى كان صديق مقرب لجدكم وكانو بيخططو مع بعض لدخول مملكه الظلام ، وحاجه تانيه مذكرات جدكم فيها حجات كتير تفيد تغيير قوانين مدينه السحره ده لو عاوزين تقرأوها هتلاقوها فى مكتبه لأن بعد موته انا مقدرتش افتحها ، والأهم من كل ده سليم .
تبادلو نظرات الاستفهام لتكمل .
انا اللى خطفته من عبيد هنرى وكنت متحوله لصقر ، سليم هو مفتاح بوابه الشر لانه الطفل المولود من أب وأم من العامه ومع ذالك اتولد بقوه سحريه اقوى من أقوى ساحر فى العالم .
ثم نظرت إلى چيدا بخزى واكملت ..
انا الست اللى انتى شفتيها بتحاول تموت سليم ، وعملت كده علشان تشوفينى وتنقذيه علشان لو دخل مدينه السحره واى ساحر حاول يوصل للحظه اللى دخل بيها بيت جدكم مايشكش فى حاجه ويقتله أو ينتشر الخبر فى المدينه و وقتها هيكون سليم فى خطر ، انا لما عرفت أن عبيد هنرى بيراقبو واحده حامل من العامه افتكرت اللى جدكم كان كاتبه فى مذكراته وان هنرى الوحيد اللى يعرف العلامات اللى هتكون فى ام الطفل وكمان العلامات اللى هيتولد بيها الطفل ، بقيت اختفى من البيت و اوهمكم انى موجوده واتحول لصقر واراقب عبيد هنرى وفى يوم عيد ميلاد چيدت عرفت أن عبيد هنرى خطفو الطفل وقتلو أبوه وأمه وحمدت ربنا أن جدكم كان لسه التحصين اللى عامله لطريق البيت موجود والتحصين ده ساعدنى أن اللى جرى ورايا من عبيد هنرى معرفش الطريق وبلغ هنرى أن الصقر خطف الطفل وطار فى اتجاه البحر الاحمر وهنرى مكثف جهوده من وقتها فى الطريق الغلط ، اخر حاجه لازم تنقذو ام تينا لأن الملكه الام وجدكم خطفوها بعد رجوع تينا للمدينه وحبسوها فى سهل التنين .
أنهت حديثها وهى تحاول التماسك ولكن سبق السيف العزل سقطت نرجس على الأرض تتلوى من الألم ونهض الجميع لمساعدتها.