أنا:خويا نتا؟ راك مسؤول عليا؟
مهدي:بعيد الشر لا أنا خوك(هو قصدو بلي انا ماشي خوك اما هي فهمت بالمقلوب)
أنا:تاع وجهك تكون خويا هاه (وشنفت)
(ضحك على غبائها وكمل يمشي بحداها)
صفاء:ماش ناوي تروح أنا قلتلك وصلني؟
مهدي:أنا لي نفحتلي
صفاء:تبانلي تروح تشبع النعاس خير مافهمتش لي ساهر ل 3 ونايض على 7 باش يوصل بنت الجيران كيفاه يقولو عليه
مهدي: اتلمي مادخلكش فيا مانيش قاعد فوق راسك صاحاا وزيد وين علابالك ساهر ل 3
هي:نضت نصلي الفجر
هو:ممم
هي:اففف راك مقلقني راك تبع فيا هاكداا؟
مهدي:ايه راني نتبع فيك واش مالة؟
هي:وعلاه؟
هو:باسكو نتي بنت حومتي وبنات حومتي نحسهم مسؤوليتي وهاذ الطريق فيها بزاف لي مايسواوش والصباح صباح قلت نوصلك
هي:انت واش دخلك مافهمتش ياك عندي خويا لوبالي نوضو يوصلني الطريق عافية وواحد ماراح يتبلاني ولا الوغ ارجع دوك الناس تهدر علينا
مهدي:اهيه على شحال تخرجي
هي:اااوووف تققلق
كلامها كان يدخل من يخرج من باسكو بالمختصر مهدي مايحبش حتى واحد يشوف فيها مازال ماعلابالوش علاش بالصح مصمم يوصلها حتى وتتقلق منو ماهاموش فيها
وصل اونفاص قهوة دخل يجيب قهوة كاش ما يصحصح
غير خرج لقاها بعدت بزااف كانت تزرب الماكسيمون باش مايلحقهاش وكان وحد الجان يهدر معاها مافهمتش وقتاه مهدي وصل ولحق يهدر معاه وهي كانت فايتتو بزاااف
مهدي:صحبي ارواح نهدر معاك
ولز على سنانو وحكمو من رقبتو ويمشي فيه دور لقاها حابسة وتشوف فيه وخايفة يديرلو حاجة
مهدي: راح الحال عليك روحي وماتدوري لا منا لا مناا ازربيي
سمعت كلامو وراحت وتقول بلي ماراح يديرلو والو
مهدي:واش الزين ههههه لاطاي هههه (كان يقول هاكذا لصفاء)وشفت لاطاي تانيك ولحقت تهدر عليهااا تانيك
ودخل فيه بدماغ الجان ماسياش يتحرك باسكو اصلا صغير على مهدي ومهدي سبورتيف عليه وماكانش كيفاه يردلو الضربة شاف من ومن وخبطو على الحيط وجبد الموس حطو على رقبتو ويفوت فيه بالعقل السيد قعد غير يبلع فريقو جرحو على رقبتو وبدا الدم يقطر
مهدي:بالاك تجرب تعاودها مرة خلاف سمععت الحبيب 😉
كان حاس روحو راح يكلاطي بالزعاف بالصح يسيي يهدر بالعقل ومايقتلوش
مهدي:بوجي مناا تشوو نزيد نحكمك تهدر معاها ني### هاذ الموس يفوت على رقبتك سمعععت
الجان:سمحلي..ي صاي ..ماتعاودش
وراح يجري ويدور وراه دور مهدي شافها ماكانش كانت لحقت وتخمامها الكل فواش صرا وخايفة من مهدي كتر من الجان هاذاك شخصيتو تبان تخوف دخلت لليسي كانت روطار شوية
العساس:لابلووز وين راهي (سبحان الله يحبو يدخلو ياك خدمتو عساس على الييسي ماش لي لابس لابلوز ولا لالا😤)
جبدتها وتلبس فيها وماشية دخلت لكلاصتها مالقاتش بلايص (هاذي كلاصتنا ماتلقاش كرسيك تروح تجيبو تجيبو تلقا طابلتك ماكانش 😑 ياحصرة بالصح حلوين يامات الليسي ابروفيطيو الماكسيمون فيهم تتوحشوهم أنا من دوكا بديت نتوحشهم الذكرايات ماش الليسي بالضبط 😑هاذاك اصلا ماش ليسي المهم اسمحولي قلبي معمر😂) لقات الكراسا ماكانش والطوابل ماكانش بلاصة وحدة فارغة جنب هاذاك لي تخالطو شوية ريحت حداه ومخها عند مهدي واش دار للسيد مقلقة وماش قادرة تكونصونطري كانت عندهم هندسة مدنية مافهمتش الدرس كومبلاثمون ماش قادرة تركز والبروف عيان تخلطت عليها
سامي:(لي قاعد حداها)صفاء وشبيك اليوم ؟
صفاء:ههه والو
سامي:تبعي هاذ الدرس تحتاجيه فالباك ويلامافهمتيهش راحت عليك
هي:مافهمتوش اصلا مبعد نشوف لي يفهمني فيه نتا فهمتو
هو:باينة لالا
هي:🤦🤦🤦
كملت قرايتها وراجعة خرجت وماشية فأمان الله لقات سامي يعيطلها
سامي:صفاااء احبسي
حبست ودورت
سامي:اعطيني ال cahier تاع الphysique
جبدتو ومدتهولو بلاماتهدر
هو:سيي كيفاش تفهمي الدرس تاع civil تاع اليوم
هي:نشالله
هو:باش تفهميني
هي:نشالله
خلاتو وراحت غير دارت فالفيراج لي بحدا الليسي لقات مهدي
هي:اففففف بروبلام تاعو
شافتو جاي بدات تزرب بالصح لحقها
مهدي:واش كان يقولك؟
هي:نتا واش دخلك
هو:اهدريي(بشوية عياط)
خلعها وحيرها ماش فااهمة علاه يدخل فيها هي بالضبط
هي: cahier برك انت واش دخلك
مهدي:ماتزيديش فالهدرة وعلاه ماكانش منين يجيب cahier غير من عندك؟
هي:سبحااان الله نتا ماعندك لاشغلة ولا عملة؟ روح اقضي صوالحك ازح
هو:راني نقضي فيهم🤗
هي:اللهم طولك ياروح
كمل متبعها كيما خيالها حتى للدار وهي تنسف منو وهو ماش سامع بيها مرة مرة يدور يخز فيها ويملي عينيه منها حتى دخلت للدار باش راح هو غير فتح باب دارهم وثلفونو صونا
ياسين:وليد ضربوه بالموس
مهدي:مات ولا مزال؟
ياسين:تعرفو عندو سبع رواح
طمن على صاحبو بطريقتو وسكت شوية وهدر
مهدي:وين نلقاكم وشكون ضربو
ياسين:الحومة لي فوقنا نتلاقاو عند الدخلة
مهدي:مسافة الطريق نكون تماك
عاود غلق الباب ورجع ديراكث للحومة لي فوقهم تلاقاو كيما تفاهمو عند الدخلة مهدي ياسين وكمال
مهدي:شكون هوما
كمال:لي مولف يبيعلهم لادروڨ قالك ماعجبهمش ال prix
مهدي:دوك يعجبهم
مشاو يحوسو عليهم لقاوهم فبراكة هاذيك بلاصتهم ديما كانو فربع عباد شافو فبعضهم وكل واحد حكم واحد وكملو بلي قعد المهم دڨدڨوهم بالضرب عظمة ماقعدت راكبة على ختها
مهدي:ماعجبكمش ال prix ياوحد الن####
ويضرب فيه على كرشو الدم سال على فمو وهو ماش ناوي يحبس نفس الشي مع صحابو هاذو هوما مهدي وجماعتو يلاكان لحقتهم ولا خلطت فواحد منهم تشوف لي مايعجبكش منهم حبسهم صوت تاع لابوليس مين جات
كمال:اهربو
شافو فيه وخرجو يجرو كل واحد نقز على حيط وتلاقاو عند الخرجة تاع الحومة😂 وهاكذا كملو خدمتهم وواحد ماحكمهم راحو شافو وليد لي كان فكلينيك ماش بعيدة على الحومة
مهدي:مازالك عايش؟
وليد:الأعمار بيد الله ومادامك متمنيهالي ماش راح نموت
ياسين:يالن### خوفتنا عليك
وليد:ياك مادرتو والو؟
شافو فبعضهم وشافو للسقف ويهربو فعينيهم خبط السرير بيدو
وليد:ن#### جماعتي ونعرفكم نق### وفوقت الشدة ديما نلقاكم
ياك مامرڨولكمش؟
هوما:ياودي جديدة لحكاية ؟جامي صرات حتى ويمرڨو ماعندهم مايقضيولنا
وليد:قنعتوني ديجا جيبولي ناكل جايين بيديكم فارغين لا بنان لا والو ؟
ناضو يضربو فيه وهو مريض وصابر عليهم باسكو يعرفهم وفقلبو كان يحمد ربي لي عندو صحاب كيفهم
صباح جديد ناضو فالكلينيك مهدي راقد على السرير وكمال معاكس فيه وياسين موسد صدر مهدي وسادة ووليد؟ ووليد ؟راقد فالأرض
ناض مهدي دور شافهم مبطخين كل واحد كيفاه راقد شاف فياسين وخبطو لراسو
مهدي:حاسبني مرتك يالن###
ياسين:ن###حياتي هاكذا ينوضو؟
وليد:ظهري يالنق#### ياولاد الحرام
شافو فيه ولعبوها تشوكاو وكملو رقادهم زادو شوية وناضو تفرقو كل واحد راح لدارو يبدلو ويدوشو ويجو باش يخرجو وليد
مهدي راح للدار غير فتح الباب لقاهم متجمعين قدامها منار تدمع كي عادتها وبوه يكيل فيه بالخزرات ويماه تندب ووئام قاعدة ناكدة
مهدي:شكون مات؟
وجا فايت
احمد:ناعلبوه لي يجيب ولاد كيفك كون رقدت هاذيك الليلة خير 😑(😳😳😐😐)
مهدي:يالطيف أنا واش درت؟؟
نجاة:جبت لابوليس للدار برك
مهدي:تحير يكونو غالطين بالاك يحوسو على عمار(واحد جارهم غير تاع مشاكل تانيك) انا واش درت خي حالة
منار:عيب عليك تديرلنا فالخلايع ماما هبطلها السكر وزيد وين بايت
مهدي:مع واحد صاحبي مريض خلصتو؟ نطلع ندوش لا ماكانش بروبلام؟
نسفو منو بلكل ميؤوس منو هوما والفو بيه بالصح فكل مرة بعاود يخلعهم
طلع دوش وراح يبدل حوايجو جات لبالو صفاء لي أصلا ماراحتش من بالو خرج للبالكون ويتكيف
هو:الن###هاذاك يكون زاد هدر معاها زعما؟
بدل حوايجو وريح شوية وراحو خرجو وليد وداوه لدارو والبقية تجمعو فبلاصتهم تاع العادة
بالنسبة لصفاء كانت فرحانة اليوم ماوقفش قدام شباكها وراحت قرات لي كور تاع français كانت تقرا ف école مين كانو لهيه وزادت مركات هنا باش تتعلم la langue ومالقاتوش تهنات منو هاذ العشية حست روحها حرة بلا بيه كانت قاعدة فبيروها لي قريب من الطاقة سمعت صوت الضحك
هي:بفففف رجعو هو وجماعتو مايخلوش الواحد يتهنى قعدت تسيي تكونصونطري من صوت ضحكاتهم العالي
هي:يالزح هاذو ماعندهمش همووم يظلو يضحكو ازح ضاربين الدنيا بكوثبي
اسلام:صفااااااء
هي:😦😦😦😳🙄
اسلام:علاه رديتي على ثلفوونييي؟
هي(وهي طالعة فوق الفراش):اصبر نفهمك
هو:وتزيدي تشنفي عليها وتكوبي فوجهها وتدابزيها على لي عيطتلي
هي:ااووو المخلوقة غير تاع دراما تبان
هو:بلعيي
هي:تحب تزيد عليها ب....
هو:قلت بلعييي(بالعياط)
كانت راح تفهمو بلي ماش للدرجة هاذيك اما تراجعت بما أنو ماش باغي يسمعها
هي:اوكي سمحلي🙂
وهبطت من السرير وغطست راسها فقرايتها وهو راح يهدر مع المصفارة هاذيك "سمر"
سمر:حبيبي واش قلتلها اوو ماتقوليش عيطت عليها
اسلام:امم مرة خلاف تتعلم ماتقيسش حوايج خاطيها
هي:اوو علاه تكون غاضتها حبيبي أنا ماحبيتكش تدابز معاها برك ماحبيتش نخبي عليك
اسلام:فوتي الحكاية هادي
هي:ههه توحششتتك
هو:حتى أنا نتلاقاو غدوة؟
هي:اوو بلاماتسقسي نجي باينة
هو:مليح
ڨسرو شوية وكوبا حس روحو بلي غلط مين عيط على ختو راح يهدر معاها لقاها غالقة الباب دق ماردتش عملت روحها راقدة باسكو ماش فمورالها
صباح جديد ناضت وجدت روحها وشافت بيشو بدا يتحسن شوية وولا ياكل باستو وراحت قعدت تشرب حليبها وتلعب مع وسيم حتى لقات اسلام ناض ماش من عادتو يبكر غير مين يروح يتلاقا بسمر قبل ماتدخل للافاك
شربت حليبها بالزربة وناضت
صفاء:ااه راح الحال انا نروح تهلاولي فبيشو
اسلام:صفاء دقي..
صفاء:اووو راهي 7:45
وخرجت تجري أما كانت 7:30 برك ماهيش حابة تهدر معاه دوك
صفاء:اووو اليوم ماكانش سي مهد....
مهدي:صباح الخير 😌
هي:الله اكبر ماقلتش نشالله
هو:مرة خلاف قولي😏
هي:اححم نعرف الطريق
هو:ماتعرفي تتلفلك
هي:روح شوف شغالك راك مقلقني ياك نعرف الطريق نحب نروح وحدي والناس دوك يهدرو عليا
مهدي: اوكي
جبد عليها بثلاث ميترات وكمل يمشي مقابلها
نسفت من حركاتو يقلقها مين يلعبها مارڨ
هي ماشية شافت سامي فايت
صفاء:ماش وقتك
سامي يبايعلها من بعيد شوية
سامي:اووو صفااء صبااحوو
صفاء(بخوف):صباح الخير
وبدات تبطأ فمشيتها باش ماتلحقوش وهو يفهم روحو ويروح اما والو دورت بالعقل تسرق نظرة لمهدي لقاتو مطلع حاجب ومهبط واحد وداير يديه فالجيوب ويخزرلها مرة ليها مرة لسامي بلعت ريقها وقالت فقلبها
صفاء:يتتهرد واش دخلو فقسامي ماعندو مايدير اصلا السيد يقرا معاي وماعندو مادخلو اتحرري منو ماتخليهش يقيدك
زربت فخطواتها ولحقت بسامي ومهدي عرق طرطقلوو العصب ركبو ولا يرعش وحدو
مهدي(في قلبو):احكم روحك السيد بز تقيسو يموت فيدك فلوس ماكانش كيفاه ضربو احكم روحك اتنفس كيفاه يقولو بعدا للنساء لي راح يولدو ايه شهيييق زفييير شهييييق زفيي......اااااه قاااسلها يدددها اليوم ني#### خمس معااهااا يالز ##### قدااامي(الجملة الاخيرة هدرها بالصوت )
صفاء:سامي ماتعاودهاش انا مانخمسش مع الرجال
سامي:سمحيلي مانعرفش ماتتعاودش (كانو يهدرو بالعقل)
حتى لقاو مهدي وراهم جبد سامي من الكابيش تاع التريكو وخبطو بدماغ
مهدي:تقييسهاا يالن####
سامي اصلا ماكانش شاف مهدي ومايعرفوش وماعلابالوش بلي متبعها بلع ريقو باسكو هو petite taille ومهدي كبير عليه والكور musclé والطول والعرض لقا روحو مايڨزيزثيش معاه وحاس راسو يدور من الضربة
مهدي:بااالاك تعاود تهدر معاها ولا تقييسها
صفاء(بالعياط) وااش دخخلك فيااا ااه شكوون نتاا ؟واش دخلك و يلا خمس معااي؟
مهدي:ماعندناش بنات فالحومة يخمسو مع الرجال فوسط الطرييق ابداي تمشيي ونحكمك تهدري معاه ولا مع غيرو ماتفراش باسكو مانحبكش نتي بالضبط تهدري مع الرجال (هاذا واش كان راح يقول اما هو بداتو ماعلابالوش علاه يقول هاكدا وبينو وبين روحو حاب يبري ضميرو بلي ماراهش غيران عليها )
مهدي:دخلني 🙂(هاذا واش قال)
هي:مادخلكش ومن اليوم ماتدخلش فحياتي وماتبعنيش وماتزيدش تضرب حتى واحد يهدر معاي باسكو ماعندكش الحق
مهدي(يسيي يحكم فأعصابو راهي طفلة ومايقدرش يهز يدو عليها وزيد هي بالضبط مستتحيييل يخخممم فيها حتى بالتمسخير بالصح راه يرعش بالزعاف وراهي تزيد فالهدرة وتعيط فالطريق لمزية الحالة فارغة )
شاف فسامي ولز على سنانو
مهدي:نزيد نحكمك معاها نقطعك وشاف مع جيبو لي فيه الموس وسامي تانيك شاف معاه بلع ريقو وهدر
سامي: اوكي
ومشا رايح ويدور وهي واقفة بيناتهم سامي سبقها ومهدي وراها دورت ليه بالزعاف
هي:عيييت نفهم علاه تدخلل فياا عييييتت والو واش تحتاج مني بنتلك غير انا تنكدلي حيااتي؟
مهدي:(بقلة حيلة وحاس كلامها قاسو)حتى أنا ماعلاباليش وقت نعرف نجاوبك صفاء روحي تقراي (وتنهد تنهيدة طويلة كان يهدر بصوت خافت وحنين لدرجة نساها فغشها منو )دورت وراحت تقرا وتانيك مافهمتش درس الهندسة مدينة كانت تقول نروح للدار نعاودو نفهمو بالصح مين رجعت فالعشية وعاودتو مافهمت والو حست روحها مخنوقة ماراهيش تفهم المادة الاساسية البروف عيان ومهدي كمل عليها بفعايلو الوغ ديسيدات تروح اليوم عند منار تقرا math باش تقدر تقول لمهدي يفهمها فالهندسة مع أنو هاذي كانت آخر حاجة توقعت روحها ديرها بالصح خلاصو حلول الأرض ولازم تفهم
هزت بيشو معاها وداتو اليوم معاها ورايحة تقرا عند منار خرجت لقاتو ماكانش تعجبت ومشات رايحة لعند منار دقت فتحتلها وبداو يقراو ومهدي غابر حسو
صفاء:اححم خوك وين راه؟
منار:🤨🤨نتوسوسلك؟
هي:بفففف بعد بالك باش نقولو يفهمني فالهندسة برك
منار:اااه صاحا يكون راح يشوف صاحبو مريض
وهاذاك لي كان
