صفاء:بففف ماتصلحي لوالو
وطلعت جارية لبيت وئام فتحت الباب بلا ماتدق لقاتها تهدر فالثيليفون وتتبسم حطت يديها على خصرها وتخزرلها بخزرات تاع شك وطلعت حاجب وهبطت واحد وئام مين شافتها كوبات
صفاء:ماتقوليليش راكي تعشقي؟؟
وئام(تعملها بصبعها تاع نقصي صوتك)
صفاء:🤐🤐قولي
وئام:ماش هاكاك بالضبط مي
صفاء:اووووو هههههههه ايه ايه فهمتك
وئام:اسكتي
صفاء:شباب؟ وين عرفتيه؟ واش كان يقلك؟...
وئام:اوو شحال متحمسة اسكتي
صفاء:سكتت احكيلي بالصح
وئام:عرفتو فلافاك يقرا معاي قالي بلي يعرفني من زمااان بالصح أنا جامي شفتو وقالي ...
صفاء:انطقي
وئام:بلي نعجبو
صفاء:yeeeees yeeeess
وئام:مامحتاجاش هاذ الحماس الكل
صفاء:واش تانيك
وئام:نحبك كيما راك
صفاء:🥺🥺😍😍شفتي ماش قلتلك راح يجي نهار وتلقاي لي يحبك كيما راك؟
وئام:ماقاليش بلي يحبني أنا ماعترفليش😏
صفاء:ههههههه كاين كتر من هاكدا؟ نحبك كيما راك😍😍
وئام:خلي الموضوع بيناتنا
صفاء:سرك في بير ارواحي راح نقرا مع خوك ارواحي اقعدي معايا نحشم وحدي
عند كلامها وئام تفكرت واش وصاها مهدي وبدات تتعافر وتلبس فحوايجها
صفاء:وشنووو حتى نتي خارججة؟؟
وئام:عندي رونديفو مع الطبيب ومنار راهي تستنى فيا نسيت روحي ونتي روحي تقراي راح عليك الحال
صفاء:قدر الله ماشاء فعل سلمت أمري لله مافيكم فايدة
خرجت من شمبرة وئام السثراس حاكمها من راسها لرجليها تقول اليوم الباك 😖😖 وشبيها متوترة الله اعلم ياك غير مهدي النهار الكل يتبع فيها ماش جديدة تكون قريبة منو يعني
هزت بيشو لي جابتو باش يونسها وخرجت لقاتو قدام باب بيتو ساند على الباب ويشوف فيها
هي:ااه تعطلت كنت مع وئام
مهدي:ماعليش ارواحي
حست روحها راح ديرها تحتها اووف راه يقولك ارواحي تقراي بررك وشبيييك
صفاء تحكي:
اووف غير كون ماجيتش الدرس نفهمو من بلاصة خلاف اوووف
مهدي:قريب؟
صفاء:ههاا هاني جيت
وبديت نمشي بخطوات متثاقلة
صفاء:اا طاطا نجاة علابالها بلي راني هنا؟
مهدي:ايه علابالها
صفاء:ااه نقراو لتحت؟
مهدي:فبيتي
هي:ااه كون نقراو فبيت منار ولا الصالون خير ولا الكوزينة خير وخير
مهدي:الطوالاث خير
مهدي:راني صابر عليك ماش راح ن.....(وسكت) ادخلي
حسيت شغل خبطني بمارطو من قوة الصدمة من واش كان راح يهدر حسيت وجهي راح يكلاطي وضغطت على بيشو واش جاية ندير مع منحرف قد هاذا يا ربي واش جيت نديييير هنااا
جيت راجعة حسيت بيد جبدتني دورت لقيتو هو
مهدي:ادخلي صفاااء ماتهبلينيش تخافي مني؟
صفاء:ا..يه
مهدي:ماش راح ندرلك والو وشبيك راكي فدارنا ويما لتحت 😂😂كنت راح نقلك ماش راح ناكلك😂😂(وناض يضحك عليها)
هي زادت ذابت بالحشمة وفاقت بلي زادت فيها ومخها راح بعيد وهو فهمها تبسمت تبسيمة صفرة من قوة الحشمة ودخلت
الكاتبة تحكي:
هو شاف فيها من اللور كيلها وتبسم بانحراف هي دورت وهو خبا التبسيمة
هو:اقعدي
قعدت على كرسي فالبيرو وهو جاب كرسي وحطو حدا كرسيها
جبدت كراس وستيلو وحطتهم على البيرو
مهدي:واش مافهمتيش ولا تحبي نبداو من الأول؟ أنا مادابيا 😂
صفاء(بارتباك):لالا نبداو منا الإنحناء ماش فاهمتو كامل
مهدي:ساهل تبعي معايا تفهمي وشاف فيها متوترة وماش ساندة روحها على الكرسي وتلعب بيديها باينة خايفة ولاماش مرتاحة
حط الستيلو حكمها من كتافها وسندها على الكرسي حط يدو على يديها لي كانو مشبكين وفتحهم وهي مانحكيلكمش على حالتها لمساتو دوبوها وماقدرتش تقولو ماتمسنيش لأنو لسانها يخونها وهي قريبة منو
مهدي:مانيش غول اقعدي كيما فداركم ماش راك ناكلك
تبسمتلو وحست بارتياح وهو ضحك معاها وهز الستيلو وبدا يشرحلها فالدرس أما هي واقيل اليوم وين تمعنت وشافت كتلة الرجولة والإغراء لي قدامها سموريتو تذوب عينيه ڨري ويبرقو كولار ماش نرمال لحيتو ماطويلة ماقصيرة ومين يهدر تبان فوساث على خدو الايسر حواجبو وشعرو النوار كل حاجة تتمعن معاها كأنو أول مرة تشوفو دور شافها تشوف مع شفافو هي كانت ناسية روحها كامل صرفقلها بيديه فجبهتها (كيما دارلها فأول لقاء ليهم)
فطنت على روحها ودخلت فروحها بالحشمة ولعنت الدقيقة لي ديسيدات تقرا عندو اما هو ماكانش يقول فقلبو بلي عجبتها باسكو ماش من النوع لي شايف روحو صرفقها باش تتبع مع الدرس وهي ديراكث راح بالها بلي دوك يقول راهي تشوف معايا وتبان منحرفة عليها تشوف مع شواربي وهي نسات روحها ودارتها بدون قصد
صفاء:اااح وجعتني كنت نخمم برك بالي راح لبعيد نخمم فالقرايا برك ماش حاجة خلاف يعني غايسة برك ..
مهدي:حتى أنا ماقلت والو راكي تبرري وحدك😌
فاقت على روحها بلي عماتها كتر وكتر وفيقت بروحها كانت تتمعن معاه بدون شعور باسكو ماش مولفة تشوف فوجهو برك
صفاء:وين حبسنا
مهدي:مين نحبو نبداو منا نعكسو الإتجاه وفالحساب يجو الإشارات متعاكسين مايخلعوكش
صفاء:اااه فهمت
هو:مثليلي كيفاه يجو
صفاء(بارتباك باسكو ماكانتش متبعة) اووكي
مدلها السثيلو وبدات تمثل فالقوى وحدة جابتها صحيحة ووحدة غالطة حط يدو على يدها وصححهالها بلعت ريقها ماتوقعتش يكونو قراب كل هاذ القرب حشمها خلاااص
صفاء:ااه فهمت فهمت
وجبدت يدها تبسم عليها وكمل يشرحلها وهي تسيي تكونصونطري الماكسيمون
مهدي:فهمتي؟
هي:نرمالمون
هو:تمرين؟
هي:ايه
مدلها تمرين تجرب تحلو غطست راسها تحل فيه وهو جبد روحو شوية باش يخليها تخدم آلاز وقعد يخزرلها ماش مأمن بلي راهي فشمبرتو وراه يفهم فيها عمل الحركة لي عاملها فالتصويرة(ارجعو شوفوها😂وماتذوبوش ارجعوو قلت ماش هاربة الحكاية😏)ويشوف فيها وناسي روحو فاق وهي تقولو
صفاء:خلصت شوفلي اسكو صحيح
فاق من سرحتو
مهدي:ماخليتي عقل فالواحد😩😩
هي:ااه؟
مشوكية من واش سمعت قعدت تبدل فعينيها وتشوف فكل بلاصة غير وجهو قالت هاكذا تستنى فيه يبدل جملتو باسكو حشمها
هو:عقلي عقلي طااار
هي:اااه ههه هه (ولات تضحك بشكل متقطع وتسيي تقنع وجهها باش مايحمرش اما والو)
مهدي:يانا عقلي طااار يانا طار طار طار واش لي صااار صار صاار فيا آنااا (يغني فالأغنية تاع moksaib بصوت مبحااح يققتتل خلاها تذوب خلاص غنا هاذاك المقطع وسكت فاق لروحو واش دار )
صفاء:صوتك شباااب وهاذ الأغنية نحبها
مهدي:ههههه مليح ماكنتش عارف
فاقت واش راهي تقول صوتو دخلها فحيط ونساها واش جات دير
صفاء:اححم التمرين
هو:ايه التمرين
هز الcahier ويشوف فالتمرين لقاه الكل صحيح
مهدي:برافو شاطرة
نجاة:الله يعينكم وليداتي جبتلكم الjus ينشطكم
صفاء:تعيشي طاطا صحيتي كون ماتعبتيش روحك
نجاة:عذابك راحة بنيتي
صفاء:تعيشي ربي يحفظك
ههه كان متوله معا كلامها الحلو والموزون ماش كيما تهدر معاه خلاص
نجاة:مهديي بالاك تقلق الطفلة نعرفك ساقط😂😂😂
مهدي:😧😧اه؟
نجاة:سامط ههه قصدي سامط
(نجاة من النوع لي يفضح ولادها ويكشف طبايعهم بالصح علابالها يديرها محاضرة على لي بهدلتو قدامها )
صفاء( فقلبها):الصراحة قنعتيني طاطا وليدك ساقط ومايحشمش يادرا لشكون طلع
مهدي:اححم يما صحيتي حنا نكملو
نجاة:انا نروح ربي يعينكم
هوما:آمين
مهدي:اححم حاجة خلاف ماش فاهمتيها ولا
صفاء:هاذ التمرين درناه فla classe مافهمت فيه والو
مهدي:ماراكيش تفهمي الهندسة المعامل 7 لازمك ترحيها مايقعد والو ماش فاهمتيه والبروف تاعكم جابلي ربي شوية حابس الوغ لازم تولي تجي مرتين فالسمانة باش نفهمك
قعدت تسمع فكلامو وتخمم هي ماكانتش دايرة فبالها أنها تولي تجي تقرا عندو ديما بالصح عندو الحق ماراهيش تفهم فla classe ولازمها دعم بالصح حكاية انو مهدي يفهمها ويصرا واش صرا اليوم مامريحاتهاش
صفاء:نشوف مع ماما وبابا ونردلك
هو:الثيليفون بيناتنا
هي:اوكي
ناضت تلم فأدواتها وهو يشوف فيها ماش حابها تروح الوقت يجوز بالخف معاها
دورت ليه لقاتو يخزرلها بطريقة غريبة ارتبكت من نظراتو وزربت هزت الساكودو وهزت بيشو وخرجت لحقت للباب دورت ليه لقاتو يتبع فيها بعينيه
صفاء:صحيت مهدي
مهدي:هه بلا مزية
تبسمتلو وخرجت جارية اخيرا حست روحها آلاز وحرة تقول كانت فحبس نظراتو ليها يعقدوها ويدخلوها فروحها بالحشمة
هبطت للكوزينة ودخلت عند نجاة
صفاء:طاطا نخليك على خير ربي يعاونك
نجاة:ربي يحفظك بنيتي ياك فهمتي شوية مع هاذاك الداب؟
هي:ههههههههه ضحكتيني طاطا والله غير فهمت الحمد لله هه باي باي
دورت باش تخرج لقاتو واقف فالباب ومطلع حاجب ومهبط واحد
مهدي:دااب؟ هاكا يما؟
ونتي عجباتك تضحكي ؟
صفاء:لالا والله ماقصدي 😁😁
مهدي:هههههه اوكي امشي نوصلك
صفاء راحت ابتسامتها دورت لنجاة لقاتها تقشر فالزرودية وتتبسم وحدها
صفاء:لالا صحيت نروح وحدي راه النهار
نجاة:خليه يوصلك بنتي
مالقات ماتقول ماعليها غير توافق مالڨري حاستو خانقها
صفاء:اوكي
خرجو كيف كيف وماشيين بالعقل
مهدي:مازادش هدر معاك هاذاك لي يقرا معاك؟
خي:علاه خليتو؟
مهدي:احمم
شافت فيه بالغزول وباش تتجاهلو قعدت تبوس فبيشو هي باستو ووحد الجان فات جنبهم وشاف فيها وتبسم
مهدي:يالز####واش راكي ديريي؟؟
هي:😮😮😮ماتحشممشش نتااا تعرف غير تطيح روح علياا نعرف نمشي وحدي واش درت أنا ديجا؟؟
مهدي:تبوسيه فالطريق؟
هي:وين راه المشكل و نتا واش دخلك
مهدي:ماتزيديش تسقسيني واش دخلني و هاذ الجاسث ماتعاوديهش فالطريق
هي:ياربي الصبر نحب نعررف علاه تبعني أنا بالضبط ماش وحدة خلاف علاه مصر تنكدلي حياتيي وعلاه تدخل فلي يهدرو معاي وعلاه تعسني وتعس كل جاسث نديرو ...
هو:تعجبيني
هدرها بلامايدور ليها ويديه فالجيوب مشوكي فروحو كيفاش هدرها لأنو هذي اول مرة يعترف قدام روحو بلي تعجبو وهو بطبعو لي فقلبو على لسانو وهي لعبتلو على الوتر الحساس ماقدرش مايهدرهاش
شاف جنبو مالقاهاش دور لقاها حابسة فنص الطريق ووجها حمر ماكانتش متوقعة اجابتو كانت فيبالها دايرها كيما منار لا أكثر ولا أقل دوك تفكرت واش كان يدير واستوعبت كمية غبائها لأنو الحكاية واضحة والكل انتبهلها غير هي بالصح مهدي بالضبط مستحيل تتقبل حتى إعجابو بيها قدم ليها وصرفقلها بصبعتيه فوسط جبهتها فيقها من سرحتها حطت يدها على الضربة ااح توجع
مهدي:واش بيك
هي:ااه والو
(يهدر هدرة قد الأرض ويقولها وشبيك أنا كون قالهالي نغشا فبلاصتي😏😏)
بدات تزرب فخطواتها تسيي تلحق فأقرب وقت شوكاها بهدرتو
وصلت للدار حبس ويتبع فيها بعينيه حتى تدخل فتحت الباب ودورت تغلقو
مهدي:ماتنسايش ليكور بعد غدوة وغدوة عندك مع منا...
ماخلاتوش يكمل خبطت الباب فوجهو ضحك عليها ومشا يقابل جماعتو اونفاص دارهم
اما صفاء غير غلقت الباب قابلتها حليمة
حليمة:يالطيف واش بيه وجهك
ماردتلهاش وراحت جارية للدوش تبرد فوجهها حاستو سخوون ماتوقعتهاش كااامل ومادارتهاش فالحساب راحت لبيتها وبدلت الحوايج وراحت كلات وراحت تقرا شوية جا لبالها
هي:فالصح هو شباب
اووف واش هاذ الهدرة وكي شباب زطالجي منحرف عايش برا لاخدمة لا زدمة
اقراي قدامك
استغفرت وبدات تقرا
