بعد ما فرحو مع وئام لحق الوقت باش صفاء تروح تقرا مع مهدوش
صفاء:منااار كون تشوفي شحال نحبببك راسك يحححبس ماتأمنييش
منار:(وهي جارية)راح نغسل الموااعن الوالدة بزاف عليها
صفاء:😑😑😑😑هاذا وين حلاتلك تغسليهم حمااارة
صفاء:وئام ونتي؟
وئام:لازم نهدر مع أمين مين يكون مهدي يقري فيك 😌علابالك تروحلي l'occasion مانهدروش مهدي دوك يولي يعيني كتر من خيالي
صفاء:صحيتي🙂🙂🙂
أفأفت ماش عارفة علاه يتهربو ورايحة جهة شمبرة مهدي قلبها يدق ماتقدرش تقعد معاه وحدهم بالصح واش دير ماراهيش ڨاع تفهم فالكلاصة وزيد طريقة مهدي فالشرح تدخل للمخ بلا فرانات الوغ لازم تصبر علا جال قرايتها لقات الباب مغلوقة شوية دقت ماردش
هي:راح ندخل
دفعت الباب بالعقل لقاتو بلا ثريكو بالصح عاطيها بالظهر عظمات الظهر بارزين والكتاف ثالمو سبورتيف و السمورية هاذييك🤤 حلت عينيها على وسعهم وجات ترجع بلا ماتفيق رجعت خطوة وخطوتين وثلاتة للور اووب حتا لقاتو دور
مهدي:هههههههههه علاه راجعة مادام دخلتي كملي على خيرك
شاف فيها وجهها حمممرر حممرر
مهدي:هههههههههههه تسحفي مين تحشمي ماقالولكش؟(هدرها بالعقل بصوت حنين وهو يتبسم بالشط)
حست روحها ذابت فحوايجها من التبهديلة ومن كلامو من منظرو
صفاء:اا دقيت قبل ماندخل
مهدي:بالصح أنا ماقلتش ادخلي
حست روحها راح تبكي بالحشمة وزيد بهدلها هبطت راسها كانت تقول فخاطرها نروح ومانوليش مانزيدش نقرا عندو هاذي اللخرة ليه
مهدي:ههههههه واش بييك شحال بهلووولة هههههه راح تبكي ؟
هي:نوووو ههه علاه نبكي
قرب ليها ويلبس فالثريكو ويشوف فعينيها يمشي بجهتها وهي تستنا واش راح يدير وحابسة هبط الثريكو وحط يدو على كتفها
هبطت راسها قلبها يدق ماش فااهمة واش راه يدير حركاتو يخوفوها وزيد كون يدخل واحد يشوفهم حط يدو تحت دقنونتها وطلعلها وجهها بلعت ريقها خايفة يدخلو يفهموهم بالغلط وتستنى فيه واش راح يدير قعد يشوف مع عينيها وهي تبدل فيهم تخزر فكل بلاصة غير وجهو
مهدي:كنت نڨسر معاك الغلطة غلطتي انا لي قعدت ساكت
(وتبسم بحنية)
هي فاقت ورجعت اللور بخطوة
صفاء:باينة غلطتك🙂
هو:هههههههه اقعدي تقراي راح الحال
راحت قعدت فكرسيها وهو يتبع فيها بعينيه وراح قعد حداها وبدا يقري فيها خلاااص كل يوم يتأكد بلي عشقها وتستاهل جائزة نوبل فأسرع طفلة دخلت لقلب واحد وملكتو فمدة قصيرة وهو حداها يحس بلي ماراه محتاج والو هي تكفي وتوفي تفاصيلها حافضهم من شدة مايشوف فيها بزاف كل حاجة فيها تغريه سحرها قوي ويأثر عليه خلاص ماكانش كيفاه تحتل طفلة خلاف قلبو راه اصلا ولا عماا على البنات الكل غير هي لي يديها وتكون حلالو ويماة ولادو وتسكن فدارو(السجع🌚🌚)
صفاء:مافهمتش بالصح علاه نديروها هاكذا قاعدة هاذي نحفظها ولا تتبدل من تمرين لتمرين خلاف؟
مهدي:........
صفاء:اوووو(تفوت فيدها قدام عينيه لي مركزين على وجهها ومبعد هبطو لشفايفها )
بدا يدخلها الخوف والوسواس لأنو تتوقع منو اي حاجة باسكو مايحشمش😂
صفاء:احححم راك تسمع فيا
مهدي:اااه واش قلتي؟ هدرتي معاي؟
صفاء:ايه هدرت
تنهد باسكو مخو كان معاها يخمم ماش راح يقعد هاكذا لازم يصارحها بمشاعرو بالاك تتقبلو عدل قعدتو وبعد عينيه عليها حك لحيتو وعاود شاف فيها وهدر ضربة وحدة
مهدي:صفاء واش رايك نكونو كيف كيف
شوكاها بهدرتو ماكانتش مستنيتها خلاص وزيد ماش وقتها وزييد شكوون مهديي؟الزطايلي تاع الحومة لي مايسعى حتى دورو فجيبو لي عندو 4 شهور ماخدمش لي يظل يطيح ويدابز ههه هاذا ماشي فارس احلامها لي تتمنا خلااااص ومستحيل تتقبل واحد كيفو كانت تخمم هاكذا وهو واش كان يخمم ارواحو نقلكم
كان عندو امل كبير انها تعطيه فرصة يدخل حياتها وتسيي تغير من طبعو وتحبو وتبادلو المشاعر وبالو راح بعيد ويصبر فروحو بلي ممكن تعطيه فرصة وماترفضوش اما هي تخمامها العكس تماااما ماتنكرش بلي شباب ويقتل وزينو عاجبها اما مستحيل هاذا ماش لي تحلم بيه وزيد فعام الباك بالضبط ماش دايرة العلاقات فراسها خلاص
صفاء:وشنوووو؟
مهدي:كيما سمعتي نحب نكونو كيف كيف جربي تعطيني فرصة بالاك نتفاهمو صفاء والله عييت وأنا نشوف فيك غير من بعيد ولي يفوت يخزر فيك نحب الكل يعرف بلي وليتي تابعة ليا ومع الوقت نوعدك نجرب نبدل من طبايعي علابالي ماش الراجل المثالي لي تتمناه اي طفلة بالصح اعطيني فرصة
كانت كل كلمة تخرج من فمو قاصدها بالصح ماقدرش يعترف بمشاعرو وواش يحس بالضبط يخاف ترفضو وتكون الضربة قوية بزاف لأنو كون يوصف سنين واش راه يحس مايخلصش
اما هي قاعدة غير ترمش فعينيها وجهها حمر ومشوكية من جرأتو زعمة راه يقري فيها يقولها هاذ الكلام وزيد هي مستحيل تتخيل روحها مع مهدي بالضبط
صفاء:من نيتك نتا مريض واقييل اصلا أنا الغلطانة لي جاية نقرا معاك
بدات تجمع فليزافار تاعها وتسيي تهرب منو بررك ماش قادرة تشوف فيه
ناض و حكمها من يدها ونحالها واش فيدها
مهدي:صفاااء اعطيني فرصة وماتخليش واش قلتلك يأثر على قرايتك جوابك ماش راح يغير والو وراح تقعدي تجي تقراي نحبك تجيبي مليح فالهندسة مانيش حاب نأثر عليك بهدرتي
صفاء:اطلقنيي واش بيك نتا مرييض
اما والو ماحبش يطلقها باغي ياخد جوابو على سؤالو وهي فهاذ اللحظات جامي خممت توزن كلامها وديما تعميها
صفاء:اطلقني نروح دوك يجو يفهموها حاجة خلاف
وجات خارجة هاذ المرة بلا ليزافار المهم تهرب من نظراتو ليها ومن سؤالو ماتنكرش بلي يعجبها زينو ويأثر فيها مي مستحيل تتخيل روحها معاه
قبل ماتخرج سبقها للباب وغلقو بالمفتاح وحطو فالجيب حست بالخوف تاع الصحح وحست روحها ضعيفة وخاايفة منو يديرلها حاجة ولا يفضحها اما هو كون يعرف تخممامها وين يحير باسكو نيتو كانت صافية يعرف جوابها ويخليها تروح باسكو ماش قادر يصبر عليها كتر ويشوفها من بعيد
مهدي:قولي ايه ونوعدك ماش راح نأثر على قرايتك ولا اعطيني espoir برك وبعد الباك ساهلة
صفاء:ههه واش من espoir نتا مرييض واقيل انا نكون مع واحد كيما نتا؟ مستوعب واش راك تقول انا جيت نقرا هنا سمعت وزيد خممت قبل ماتهدر؟ خممت اسكو تتقبلني ياك بعدا ماش ناسي بلي ماكش خدام وبلي تكمي الزطلة كتر من ما تتنفس
كان راح يوقفها على هاذ الكلمة باسكو هي جامي شافتو يتكيف الزطلة هدرت من راسها هاذا واش كان في بالها بالصح فالدقيقة اللخرة تراجع ماش حاب يبررلها صاي خلي تخمم فيه كيما حابة هي
صفاء:النهاار الكل ديڨااات تدابز مع لي يلحقك ولي مايلحقكش التطياح ساكنلك فالدم هايا قولي كاش حاجة تخليك وتدفعك تقولي نكونو كيف كيف؟ لالا ماكانش متفاجأة فجرأتك الصراحة (كلامها سم يقطر حاس روحو نادم على النهار لي عرفها فيه سكينة تغرست فقلبو من كلامها توقع ترفضو اما ماش بهاد الطريقة )
مهدي:كاين بزاف حوايج خلاوني نهدرها بالصح malheureusement ماش راح تفهميهم نتي🙂 صعيب تفهميهم تخمامك بزاف سطحي للاسف ماكانش كيفاه تفهميهم
قدم ليها ولا نفسهم واحد بلعت ريقها قلبها حاستو يضرب بقوة تشوف فعينيه وترمش فعينيها وهو يشوف فشواربها قعدو بيناتهم سنتيمات معدودة مد يدو فتح الباب وبعد عليها تخمامها كان راح بعيد اما رجعهولها بهاذاك الجاسث تبسم بالسيف وعملها حركة بيدو باش تخرج استوعبت لحظتها مليييح واش قالت لأنو مهدي جامي ضرها بجاسث جامي حبها تبعد عليه ديما حداها ولاسق فيها واش تبدل اليوم ؟
مهدي:اخرجي 🙂
تغاضات على الأفكار لي فراسها وخرجت بالزربة من بيتو راحت لبيت منار قلبها مازالو يخبط مازالها متأثرة بقربو ماش راح تقدر تنكر بلي يحرك فيها بزاف حوايج اما متجاهلاتهم وماش حابة تصدقهم حتى بينها وبين روحها ماش قادرة تخمم فكلامها بالصح علابالها بلي قاستو وكلامها كان قاسي دخلت على منار لقاتها تتبسم مع الثيليفون عرفت بلي راهي تهدر مع اسلام
منار:ههههه صفاااء ارواحي نحكيلك
كانت فعالم خلاف وماراهيش تسمع خلاص وحاسة روحها راح تبكي ماش عارفة علاه وهاذاك لي كان عيونها تملاو دموع كرهت روحها فديك الدقيقة من الخوف والستراس والشوك مالقات ماتقول بالصح هاذا مايبررش غلطتها صح تكره مين يظل تابعها بالصح يمكن من غيرتو ولا باسكو يحب يحميها من كلش ويحبها ليه (هاذا وين فقتي😑😑انا نلقا واحد كيفو نشد فيه بيديا وسنيا وظفرتيا ورجليا بهلولة) هاذاك وين استوعبت واش كان يدير على جالها وكلامها شحال كان قاسي عليه وحتى جملتو "كاين بزاف حوايج خلاوني نهدرها بالصح malheureusement كاش راح تفهميهم نتي" وهاذا لي خلاو دموعها يهبطو
فاقت بمنار حاطة يدها على كتفها وتسقسي فيها
منار:🥺🥺صفاااء واش بيك تبكي كاش ما صرا مهدي زعفك
زادو قواو دموعها هي لي زعفتو ماش هو
منار:خييير ديجا ماتهدريش راح نسقسيه هو
حكمتها من يدها ومسحت دموعها
صفاء:ماعندوش علاقة توحشت اسلام برك
منار:ااه ماعليش كنا نهدرو راه مليح وحتى هو توحشك
صفاء:هههههه صح؟
منار:باينة ديجا وينو ثلفونك عيطلك شحال من مرة😏
صفاء:خليتو فالدار
المهم انا نروح راه قريب الليل
منار:وينو مهدي يوصلك
صفاء:لالاا ماتعبيهش
منار:علااه تعرفي تعبك عندو راحة🙄
صفاء:لالا بابا راه لتحت قالي نجي باش نجيبك
منار:اااه يلا هاكا صاحا
صفاء:ايه ايا باي باي
خرجت لقات ساكودوها قدام الباب تاعو والباب مغلوق راحت هزتو وهبطت حاسة روحها قانطة للخر ونادمة على كلامها فتحت الباب لقات الحالة بدات تظلام باسكو توخرت وهوما يهدرو حكمها الخوف بالصح تجاهلتو الحومة فاارغة براسك غمضت عينيها وطردت الخوف ومشات كانت تزرب وهاذي اول مرة تفوت فطريق حومتها وهي خاايفة حتى تسمع صوت تاع نباح😱 دورت لقاتو كلب كحل يخخوف ماش مربوط والسلسلة معلقة فرقبتو يبان هرب من كاش بلاصة شكلو يخووف سنيه يضوو ثالمون بيوضة وريقو سايل وعينيه حمورة وهي تخااف من الكلاب مين شافتو جات تبول على روحها بالخوف كان ينبح بصوت قاوي غير صوتو يدوي فوذنها غيير كون جا مهدي معاي كون راني غاية هاكا كانت تقول حتى تلقاه بدا يمشي جهتها تفكرت بلي الكلب ماش لازم تهرب منو بالصح اروااحو نتوما وقنعوها فهاذاك الخوف هزت عبايتها وبدات تجري تجري تجري بلا ماتدور وراها وحد الخوف تملكها هي تخاف الكلاب من صغرها ثالمون الحالة ظلامت ومن الجري الطريق ماولاتش تشوفها مليح حتى لقات روحها فالأرض حست بالخوف تاع الصحح فديك الدقيقة الكلب راه وصل راح يشرشمها هنا مافيهاش مستحيل تنوض وتعاود تجري راح يلحقها غطات وجهها بيديها وقعدت تدعي ماصرا والو وين راه الكلب راهي تسمع فصوتو بالصح مادارلها والو بعدت عينيها على وجهها لي غطاوه الدموع لقات الكلب مشدود تشوف فظل بنادم طويل هو لي كان حاكمو سيات تتعرف عليه وكان مهدي شكون غيرو حتى ويلا تقاس من كلامها حتى وينضر منها وحتى ويصرا لي يصرا مايرضاهاش تنضر ويخاف عليها ومايهنيهش خاطرو تخرج وحدها ماش عارفة الراحة والأمان لي حست بيهم فديك الدقيقة الكل مصدرهم مهدي شاف فحالتها العباية طالعة حتى لركبتها وخيمارها مكرفس جبد الكلب خاطي وربطو فبلاصة قريبة ورجعلها جبد الثيليفون من جيبو شعل الفلاش لي بين الدموع لي يبرقو فعينيها والجرح لي فركبتها مدلها يدو شافت فيدو وشافت فيه وحطت يدها فيدو نوضها نفضت حوايجها وشافت فيه
صفاء:صحيت كون ماشي نتاا...
مهدي:دوك يتقلقو فالدار
من ردو فهمت شحال مقيوس منها سكتت ومشات وهو مشا حداها بلا مايهدرو حتى كلمة وصلت قدام دارهم
صفاء:مهدي صحيت وعلا مقبيل ..
مهدي:تصبحي بخير.
سكتت وفهمت بزاف حوايج من واش صرا اليوم دخلت وستناتو حتى تحرك باش غلقت الباب اما هو راح ديراكث عند صحابو قلبو حاس نار شاعلة فيه صعيب تطفا
مهدي:ياسين هات قارو زطلة
الكل شافو فبعضهم وشافو فيه حايرين من وقتاه مهدي يزطل واش وصلو ليها
وليد:واش صرا؟
مهدي:ماتحوسش الي عندو يمدلي ومبعد نمدلو حقو
كمال:واش بيك صاحبي من وقتاه بيناتنا حساب حنا؟
ياسين:عندو الحق واش وصلك لهاذ الحالة؟
مهدي:هاااتو ڨااارو يالز####ماتفهموووش (بالعياط)
ناض ياسين جبد ڨارو غير راح يمدهولو ضربلو وليد يدو
وليد:رجعو لجيبك. مهدي امشي تروح للدار
مهدي:وااش دخلك فز### هات نتاا القارو ماتسمعلووش(بالعياط)
ياسين:وليد ماتدخلش روحك خليه يدير واش يحب
كمال:صح اعطيه خلي يطفي نارو باين السيد مضرور
وليد:مانيش حابوو يتبع هااذ الزبل ماش راح يقدر يبعد ماش حابو يوسخ روحو بيه
مهدي:ماتدخلش انا حاب نوسخ روحي اعطيني راني صااحي وعلابالي واش راني نقول
مدلو الڨارو ووليد نسف رجعو قعدو وهو قعد حداهم تكيفو كانت المرة الأولى لي مهدي يتكيف الزطلة بسباب شكون بسبااب طفلة تكيفها بسباب طفلة اصلا كانت متهمتو بلي يزطل
بعد مرور ساعة:
مهدي:ههههعهههههههه تزهيي ياا ولاد الحراااام علاه ماقلتولbيش من قبل ني#### اووووو هههههههه
كان يضحك ضحك هستيري صحابو الثلاتة يشوفو فيه ياسين وكمال فرحانين ويضحكو لضحكتو ووليد ينسف ماش عاجبو الحال(كان كل طرف منهم يحبو بطريقتو ياسين وكمال يحبوه فرحان ووليد حاب مصلاحتو وماحابوش يتبع طريقهم اما الثلاتة كانو يحبوه خوهم وكتر غايضهم لي شايفينو مقهور والكل علابالهم بنت السي سليم السباب🙂حافضين صاحبهم وماش محتاج يحكيلهم)
مهدي:عاجبك الحااال نجري وراك كيف المهبوول هاذاا ماشي حب هاذاا هذاا ماراطووون ههههههههههههه (كان يغني بالصوت والحومة الكللللل سمعتو وحتى صفاء طبعا صوتو فوذنها اصلا قاعد اونفاص شباكها)
حطت يديها على وذنيها وتبكي تلوم فروحهاا على كل كلمة خرجت من فمها خايفة يهدر كاش هدرة ويفضحها قدام الحومة وخاصة والديها
وليد:مهدييي نقص حسك الناس تسمع
مهدي:ههههههههه شكون سامع بالناس نتا مرييض انا أصلا حابهم الكل يعرفوووو بلي هاذييك تاعي أنااا وأنا لي ندييها بالرضااا ولا بالقباااحة صحااا؟ ناضو ياسين وكمال غلقولو فمو علابالهم غدوة يندم دفعهم كل واحد فجيه وزاد بدا يعيط
مهدي:ايييه هاني قلتلكمم غير أنا لي نديها وكون يديها كاش واحد نقتلهمم نهار عرسهم هههههههههههه فكرة شابة ولا نخطفهااا وني##....
زادو غلقولو فمو ندمهم على الدقيقة لي مدولو الڨارو😂
مهدي:مممم ني###
زاد نحا يد ياسين من فمو وعيط
مهدي:ايييييه ماقلتلكممش شكوووون هاذييي هههههههه هاذي بنت السيي سل.........
ناض وليد ضربو بكف
وليد:ماافالحيين فواالوو عاونوني ندوه لدارهم (بالعياط)
عاونوه بالسيف وصلوه للدار وصفاء تحمد ربي يكونو والديها برك ماسمعوش
جبد كمال المفتاح من جيبو وحطوه قدام الباب وغلقوها وراحو تفرقو لديارهم
فطن يحس راسو ثقييل ويوجع فيه دور شاف يد على كتفو طلع راسو لقاها منار فرح هي ولا كتر سمع صوت تصفاق دور لقاه باباه🙂🙂
احمد:كل يوم نندم علي جبتك علابالك (بالعياط)
مهدي:عندك الحق غير ك..ون ماجبتنيش
احمد:سمااا وليت تتكيف الزطلة تانييك يا فرحتي بيك
مهدي:منار قولي لباباك يس..كت اني عيااااا....ن
احمد:ماتحشمش نتااا نشالله يحكمووك وترشاا فالحباس كاش ماتتربى
مهدي:مناااااار قو..ليلو يس..كت قبل مان.قباح معاااه وعاونييني ن..وض منااا..راسي اوو يوووجع
منار:بابا تعيييش ربي يخلييك خلي غدوة يطلع النهار وهدر معاك عييشك
سمع لكلامها وراح يستغفر ولا يشوف فيه على زوج
ومنار نوضتو و عاونتو يغسل وجهو
منار:مهدي واش صراا؟ واش وصلك لهاذ الحالة ماعرفتش خويا هاكاا🥺🥺
مهدي:هي الس..بة منااار كون تشوفي شحاال عييت قلبي شاعل غير داك الزبل لي يطفييه ماقدرتش ..حياتي تقلبت ..كتر من لي كانت...مالقيت حتى حل من غيرها لي يطفي ناري
منار:على شكون راك تهدر؟ مهديي..راك تهدر على صفااء؟
مهدي:................؟؟؟؟؟🙂🙂🙂
(✿ ♡‿♡)(✿ ♡‿♡)(✿ ♡‿♡)
هاني رجعت لطبيعتي نحبس فوسط الكلام خلاص البااارت ديرو الصف سبوني😁😁
فقرة الأسئلة:
∆زعمة مهدي يحكي لمنار؟
∆منار واسلام يتفاهمو؟
∆والدين صفاء يفيقوو؟
