توحشتوني🥺🥺🥺حتى أناا ڨراف توحشتكم سمحولي بزاااف ڨعرتها بالروطار نشالله تكونو مانسيتوش الكرونيك طولت باسكو ماوليتش نلقى الوقت المسؤوليات تاع الإقامة والقراية وكذاا هي الصراحة مانكذبش مينداك نلقا وقت بالصح نعجز نكتب ونهار نكتب نعجز نصحح ونهار نديرهم بزوج ماكانش كونيكسيون باه نحط البارت باسكو كارثة الكونيكسيون فلاسيثي المهم عاودو رجعو للبارت لي قبلو تفكرو الاحداث وبداو تقراو ورااايكم لازم تمدوهولي البارت طوييييييل وفيه احداث نشالله يعجبكم 🤍❤️
(✿ ♡‿♡)(✿ ♡‿♡)(✿ ♡‿♡)(✿ ♡‿♡)
صفاء:مهدي بعدني
مهدي:غيورة
صفاء:ماغرتش
مهدي:اني شفت جاية محمية وجهك راح يطرطق ريحة الحريق تجي وتقوليلي ماغرتيش
صفاء:ماغرتش
مهدي:اعترفي بلي غرتي نطلقك
صفاء:ماغرتش
مهدي:مم براحتك نقعدو هاك أنا تساعدني ماتعرفي يزدم كاش واحد يشوفنا
صفاء:ااافف ماغررتشش مهدي بععدني
مهدي:غرتي
صفاء:ماغرتش
هوما هاكدك والباب تفتح
منار:صفاء كنا نڨسرو معا....اا ..هه ااه ..كن.ت ..كنت رايحة...ههه سبحان الله كنت راجعة بعد هه..هه ..ههه...اه كملو ..ااه قصدي ..سمحولي...ااه والو ههه نسااو أنا ..نخليكم
مهدي:بوجي وتعلمي دقي البااب
صفاء:ااه اصبري كنت خارجة بعد نجي معاك
زيرلها كتر على يديها
مهدي:روحي نتي ونساي واش شفتي هي محتاجها
صفاء:😳😳😳😳😳
غلقت الباب وخرجت مشوكية وتضحك فالضحك تاع المهابل
منار:ههه ههه هه هههههه ههههههههههههههه ههه اا هههههههههه
وئام:خيير ياطفلةة
منار:ادخلي نحكييلك🙂
(أصلا كانت باينة تكمل هاك عمركم شفتو أنثى تكتم سر؟🙂أنا الصراحة والله مانكتم نحكيلكم عن نفسي خاصة مع صحاباتي نحكيلهم حوايج محلفيني عليهم 🙂💔)
صفاء:اااففففففف ممهههديييي علاااه تححب السمييير علااااه هاكا مااتحشممش
مهدي:أنا مانحشمش؟ علاه وش درت؟
صفاء:لا مادرت والو الغلطة فيا لي داخلة عند واحد منحرف ومايحشمش كيفك
مهدي:اووو فوجهي؟
هربتلو من تحت يديه وخرجت
مهدي:ببس
دورت ليه ورايحة تغلق الباب بعتلها بوسة شنفت وخرجت ضحك عليها وراح لبس حوايجو وقعد يخمم غدوة راح يخطبها بعدها ماش عارف حياتهم اي مجرى تتخد المهم يعرف بلي راح يصارحها بعد مايضمنها ليه
فاتت ديك الليلة وجا صباح جديد مخبيلنا أحداث جدد ناضت صفاء تتململ وتتمدد غير تفكرت واش كاين اليوم ناضت جات قاعدة
صفاء:اااوه يااربي اليوم نتخطب
بدات دور وتشوف منين تبدا السثراس قااتلها على الصباح
صفاء:اووه. شهيق زفيير ماتتقلقيش هاذا مهدوش برك تعرفيه ومداصرتيه خلاص اتنفسي ودوكاا منين تبداي ايواه ادوشي وفطري وبداي توجدي فروحك
عند تفكيرها صونا ثيليفونها
صفاء:اوووه راه يعيط يااربي زعمة يكون دورها مايخطبنيش؟ ولا أجلها ولا درت فراسو وكرهني ولا دوك يقولي والديه ماقبلوش ولا دوك يقولي مانيش واجد صاي صفااء هاذي غير شوفة بوكي تاع ورد وشيكولة وخاتم خفيف واش يحتاج باش يوجد؟ والو ردي
صفاء:الو
مهدي:اونفان وشبيكي ماترديش
صفاء:لا غير كنت مشغولة
مهدي:المهم حبيت نقلك بلي...
صفاء:عرفتها هههه أنوليت تخطبني ياك؟
مهدي:لا ماش هاذي يالطيف
صفاء:والديك ماحبوش؟
مهدي:نديك ذراع
صفاء:مالة أجلتها
مهدي:كذبت باه توصل ناجلها؟
صفاء:هااه مالة كرهتني
مهدي:صفاااااااااء
صفاء:الله أكبر
قريب طار الثيليفون من يدها من العيطة
صفاء:فجعتني
مهدي:اللرب العاااالي شبيييه خلااك ثلث سنيين نجري وراهااا كي المهبول ودوكا تقولي تأنولي وتكرهنيي شبيييك ابنت الناس خلينيي كااالم عيطت باش تقوليلي واش راح تلبسي
صفاء:اااه صاااحا هههه واش نلبس فههمتك ايه سما مازالك شاد فكلمتك
مهدي:لآخر يوم فحيااتي كون نتكسر نجي بالپلاطر وكون نتشل نجي بالشريطة وكون نموت نجي بالكفن رتحتي؟
صفاء:بعيد الشر عليك🥺🥺ربي يبعد عليك كل شر
مهدي:آمين عينيا أمين ماكنتش عارف السثراس يتلفهالك ڨاع هاك
صفاء:لا مانيش مسثريسية
مهدي: ايه باين المهم واش راح تلبسي
صفاء: روبة حمرة
مهدي:صاحاا هاذا هاذا واش حبيت نعرف
صفاء:علاه
مهدي:قوليلي شعرك كيفاه راح ديريه🥺تقلقت نشوفك ماديريش بزاف ماكياج نحبك كيما راكي
صفاء:نشالله
مهدي:المهم شايصبرني نشوفك مين نجي ندخل ديراكث لبيتك مانقعدش نسنا فجدك تهبطي
صفاء:م ..مهدي نعرفك ماديرهاش🙄🙂
مهدي:ممم. شااطرة تعرفينيي نديرها😂😂😂
صفاء:صح علابالي ديرها بالصح تعييش ماديرهاش مهدي بركاانا من الفضاايح راني فوسط عايلتيي
مهدي:اوكي خسارة عليك.. عمري حشمتك أنا؟
صفاء: jamais de la vie 🙂🙂
مهدي:نجيب معاي بوكي ورد وخاتم وشيكولة ون....
صفاء:وجييب معاك شوية حشمة وبزااف قدر ماداابييييك
مهدي:شو الفرخة كي دصرتني
صفاء:مهديييي نععرفك نعررفك ملييح بلي ماتحشمش باالاك تحشمني بالاك بالاك
مهدي:اوكي عمري اتهناي هاتي بوسة
صفاء:طير
مهدي:دايها دايها دوك ولا مبعد 🥴
صفاء:نشوفو
مهدي:الزمان بيناتنا
كوباو وراحو كل واحد لشغلو
