#ArwaArwa560
المتابعة الوفية لي عرفت ولايتي 😘😘💜💜
(✿ ♡‿♡)(✿ ♡‿♡)(✿ ♡‿♡)
اليوم يبانو النتائج قاعدة رايحة جاية وحد السثراس عظيم حاكمها ترجف وحدها هازة الثيليفون وتهدر مع منار بلي ميساج
صفاء:راح نموت منار راح ندخل للطوالاث ونتي شوفيلي يلاكان خرجو وأنا لداخل
منار:صفاااء غير دوك كنتي تمااك اركحي يااطفلة
صفاء:الله نداء الطبيعة وماولاوش يخلو البنادم يروح يقضيه
لحق الوقت 16:00 باش يفتح السيث تضرب تضرب والو مبلوكي تزيد تروح للبيسي والو راح تبول على روحها دموعها ولاو يهبطو وحدهم
يماها وباباها ماكانوش قل منها اسلام يعيط ويعاود يستفسر
فالجهة المقابلة مهدي حاكم البيسي وقاعد فالبالكون رايح جاي ومنار بالثيليفون اوووب اون فاان بانتلو النتيجة ناجحة طلق البيسي ويحمد فربي حاس روحو طاير بالفرحة حاب يعنقها فهاذ اللحظة
مهدي:نججححت مناار نجحت
منار: يوووويوووويويووو عيططلهاا
هز الثيليفون وعيطلها هزت بلا ماتشوف النيميرو تسمع فصوت زغاريت منار وتبكي علابالها ناجحة بالصح طمنوها طمنولها قلبها
مهدي:صففااء كلشي مبرووك نجحتي
منار: يوووويوووويويووو
دموع الفرحة ويداان
صفاء:بشحال
مهدي:16
صفاء: يوووويوووويويووو
حليمة: يوووويوووويويووو
ناضت تحضن فيهم بالواحد دموع والديها فعينيهم اللحظة لي تمناتها تفرح والديها وترفع راسهم لحقت طلعت عينيها للسماء وحمدت ربي هاذا الكل كان الثيليفون مفتوح ومهدي يسمع راح يبكي لفرحتها حبوبتو نجحت وماراحش تعبها فباطل فرحتو يمكن تفوق فرحتها
رفدت على إسلام لي حرق الثيليفون
اسلام:مبروك عليك كعبوشة علاه ماكيش تردي ماوسعتكش الدنيا؟
صفاء:😭😭😭إييه اسلام جبتو جبتو
اسلام: بالباركة عليك ختيو ماراحش تعبك فباطل زغرتي ياك قلتي نزغرت لروحي نهار نجيبو
صفاء:زغرت وراح نعاود يوووويويوووويو
اسلام:ااااي ودنيي
سمعت صوتو كان غريب الصوت
صفاء:هه فدقيقة حسيتك قدامي تعرف🥺
اسلام:بالاك صح؟
دورت وراها وحطت يدها على فمها وطلقت العنان لدموعها خوها حبوبها جا اليوم ماحبهاش تفرح وحدها رجعت اللور شوية وراحت تجري تجري وسوطات عليه جابتو طايح فالأرض
صفاء:ااااه ياربي تووحشتتكك توحششتك
تسلم عليه وتعاود وتتحسس فوجهو مكذبة عينيها دموع الفرحة دايرين طريق على خدودها
اسلام:اااي ظهري
فاقت وناضت من فوقو ونوضتو زادت شافت فيه
صفاء:اااووو عندي زمان مافرحتش هاكا
وزادت حضنتو
اسلام:خليتهالك سورپريز
صفاء:نموت عليسورپريز تاعك
زاد سلم على يماه وباباه لي ماصحتلهمش الدالة حتى لقا وسيم ناض يبكي
راح هزو ويبوس فيه
اسلام:كبرت يالمقنين
قعد يعنق فيه بيديه الصغار
وسيم:وحستك بزاااااااف
إسلام:أنا كتر
وسيم:أنا كتل
فدار احمد:
نجاة ومنار يلبسو فعباياتهم رايحين يفرحو معاها فالدم سخون ومهدي واقف ويشوف فيهم
نجاة:واش بيك تشوف فينا ماكش جاي؟
مهدي:لالا غير روحو نتوما
نجاة:جيب وئام وهايا وصلنا برك صوق كيما الناس
مهدي:نشالله بربي
راح هبط وئام وخرج طوموبيلتو ركبو وديمارا بداو يشهدو على رواحهم
نجاة:أنا الغلطانة لي درت فيك لامان خلينا نوصلو نباركو للطفلة ومبعد قتلنا
مهدي:هههههههه هانا وصلنا ماصرالكم والو
هبط جبد الكرسي تاع وئام من لامال وهبطها وحطها فيه وسند على اللوطو
منار:ماكش جاي؟
مهدي:لالا غير روحو نتوما سلمو عليهم وقولولها كلشي مبروك
منار:علاه؟
مهدي:ماعندي علاه ندخل غير روحو نتوما (ماكانش حاب يدخل غير هو بين النساء مالڨري كان حاب يشوفها بفرحتها بهاذ اللحظات بالصح ماعليش)
راحو صوناو فتحت حليمة غير دخلو قلبوها بالزغاريت خرجت صفاء تجري سلمت عليهم
حضنوها وباركولها وفرحو معاها
دخلو قعدو فالصالون شافت صفاء فثيليفونها لقاتو اسلام شافت فيهم بلا ماتلفت الإنتباه وخرجت تحوس عليه لقاتو فشمبرتو
اسلام:تعيشي قوليلي بلي ماقلتيلهاش لمنار بلي رجعت
صفاء:خسارة عليك باينة لالا عرفتها تحب تخليهالها سورپريز ماهدرتش
اسلام:صفاء حاب نشوفها دوك دوك دوك راني مقللق لازم نشوفها
صفاء:روح لبيتي وخليها عليا
اسلام:نعزم
صفاء:اتهنا
هبطت للصالون وقعدت حدا منار
منار:تشوفي شحال فرحتلك ما تأمنيش تسثريسيت كتر منك أنا ومهدي
صفاء:صحيتو والله خيركم ماننساه بفضلكم جبتو بهاد لاموايان صحيتو على دعمكم بزااف أي اي ااه منار
منار:وشبيك يا طفلة
صفاء:الكولون منار طلعي لبيتي جيبيلي دوايا تعيشي او فالقجر تاع لاطابل دو نوي (السيناريو يكرر نفسه😳🤭)
منار:إيه اصبري زوج دقايق نكون عندك
صفاء:ايه اجري
ناضت جارية طلعت فالدروج وراحت لبيت صفاء دفعت الباب ودخلت تشوف فيه واقف وعاطيها بالظهر زاد عراض كتافو وقفتو عرفتو من اول نظرة رجليها فشلو ماش مأمنة بلي اسلام حبيبها راه هنا وراهم فشمبرة وحدة وحد الشعور تملكها ماش نرمال توحشتووو لأبعد الحدود بالصح وين راهي قوتها وين راهو الكلام لي كانت تقولهولو قادرة تواجهو دوك ؟لالا
رجعت زوج خطوات بالعقل ودورت باش تهرب ماش قادرة تواجهو ماش قادرة حاشمة ڨراف وخايفة من نظرتو ليها كون ماتعجبوش منظرها يمكن ماكانتش مهيأة روحها باش تتلاقاه هي هاربة حست بيد حكمتها وجبدتها
اسلام:ماشي كنتي تقوليلي نهار نتلاقاو نعنقك مانطلقكش؟ وين راح الكوراج
دورت وجهها تلاقاو عينيها بعينيه شحال كانت متشوقة تشوفو وشحال متوحشاتو ربي لي عالم أما هو عينيه كانو يحكيو كلشي الشوق والحب لي فعينيه ماعندهمش حدود بالصح مام هو كان يقولها نهار نتلاقاو ماش راح نضمن واش ندير أما دوكا ماراه قادر يدير والو مخططاتو والكلام لي كان موجدو مين يشوفها ڨاع راح
اسلام:نطلقك وماتهربيش
عملتلو براسها إيه طلقها ماش قادرة حتى تطلع عينيها فيه
رجع شوية للور ويشوف فيها
اسلام:زينتي كتر
تبسمت وماهدرتش
اسلام:توحشتك
منار:.....
اسلام:اهدري بغيت نسمع صوتك 7 شهور نستنى وقتاه نشوفك قدامي مع اللخر صوتك مانسمعوش🥺؟
منار:حتى أنا
اسلام:حتى نتي واش؟
منار:قلتلي توحشتك قلتلك حتى أنا
اسلام:ههههههههه مازالك ماتقدريش تقوليها
ضحكت باسكو ديما تقولو هاك مين يهدرو
حاسة روحها راح تبكي باغية تحضنو وتبرد الوحش أما ماعندهاش الكوراج هي عينيها ماش قادرة تطلعهم
تبسم وقرب ليها وفتحلها يديه ماش قادر يبعد عليها لازم عناق ينقص من الشوق لي يحس بيه
قعدت غير تشوف فيه حاشمة وماقربتش تبسم وزاد قرب وضمها بيديه غمض عينيه يشبع روحو بريحتها مدت يديها لي واصلين لخصرو وبادلتو الحضن ماش حابين خلااص يبعدو على بعضهم هو يزير وهي تزير عليه كل واحد ينحي الوحش من الآخر سمعو صوت قريب من الباب جبدت روحها بالخف
منار:(بالعقل)زعمة شكون جا
تبسم معاها
اسلام:هههههه ماتخافيش هاذي القرعاجة هاذيك باينة ماقدرتش تصبر هههههه
منار:ااااه الدواا
اسلام:والو مابيها😂
منار:اااه هههههه فهمت
اسلام:شوفي دوكا اهبطي دوك يبداو يحوسو عليك يزيدو يشكو وافتحي الfb نهدرو مازالي متوحشك 🥺
منار:ههه دوك نفتح
اسلام:ماشبعتش منك سيي تجي فأقرب وقت
منار:نجرب
عملتلو باي باي بيدها وخرجت لقات صفاء ورا الباب 😂 وعينيها مدمعين
منار:واش بيك
صفاء:تأثرت 🥺🥺تهبلو مع بعض ربي مايبعد كل زوج يتحابو ويجمع كول زوج بعاد
منار:امين يارب آمين الوحش صعيب 💔
منار:أصبري خلفتيهالي مالڨري مادرتهالكش بالعاني 🙄
(تقصد نهار راحت تجيب الدواء من شمبرة مهدي )
صفاء:اشش يزيد يسمعك يذبحني
منار:سكت 🤐🤐بالصح تعرفي قريب بلت على روحي وحد السثرااس مين شفتوو😖😖
صفاء:جازت هاك خير من ما تخططيلهاش
منار:صح بالصح شوفي فيڨورتي كي دايرة اافف نبان طلابة
صفاء:قالك زينتي😂😂
منار:😳😳صح
هبطو قعدو فالصالون شوية وهبط اسلام
اسلام:السلام عليكم
نجاة:وعليكم السلام هاذا وين قالتلي يماك بلي جيت على سلاامتك وليدي واش حواالك فالغربة
اسلام:صعيبة الغربة توحشت البلاد توحشت الدار وبزاف صوالح(وشاف فمنار لي تلون وجهها)
ااه منار وئام واش حوالكم صافا؟
منار:لاباس الحمد لله 🤭
وئام:نحمدو ربي
اسلام:سمعت بلي تخطبتي وئام بالباركة عليك
وئام:يبارك فيك
اسلام:بالصح مهدي وين راه؟علاه ماجاش
نجاة:ثالمون ماعلابالوش بلي نتا هنا ماحبش يدخل
حليمة:بووه علاه برااني مافيها والوو يجي يباركلها باسكو كتر خيرو تعب معاها بزاف وكان يوصلها دايما حتى لباب الدار فاللخر مايجيش
اسلام:دوك نعيطلو
(وخزر فصفاء باش تنوض دير خيمارها فهمتو وناضت حطتو ورجعت )
اسلام:أهلا مهدي صافا
مهدي:لاباس حمد لله
اسلام:واش اصحبي ماكش باغي تبارك ؟
مهدي:اواه قلت مين نلقاها نباركلها اك تعرف سوڨ النساء والله مانشتيه😂
اسلام:والله عندك الحق أنا دقيقة مانقدرش نقعدها مع جماعة تاع نساء بالصح ارواح اني هبطت وراني فالدار ارواح نڨسرو توحشناك
مهدي:اوو ماقلتلناش بلي هابط مرحبا بيك يا سيدي
اسلام:يسلمك ماحبيتش نهدر قلت نجي نفرح مع ختي اك تعرف ماعنديش زوج منها
مهدي:ههههه صح خير ما درت
اسلام:راني نستنى فيك ازرب سلكني منهم
مهدي:ههههههه 5 دقايق
كوبا وراح لعندهم فتحلو اسلام ودخلو
مهدي:السلام عليكم
هوما:وعليكم السلام
مهدي:بالباركة عليك صفاء هاكي جبتيه وتهنيتي وفرحتي وفرحتينا العقوبة لنجاحات خلاف
صفاء:يبارك فيك عيشك نشالله
ناضو مهدي واسلام وخرجو لبرا ڨسرو بعدها دا مهدي عايلتو وراح
صفاء ديسيدات تدير حفلة تاع نجاحها وتعرض جيرانها وخوالها وعمامها وكيما كان الحال جازت هايلة وفرحو الكل معاها اليوم عرضتها نجاة تبات عندهم بما انو خلصت الباك مابقاتش حتى حجة عندها العام الكل يعرضو فيها تقولهم عندي الباك وجدت روحها واليوم بما انو بايتة هزت بيشو معاها وخاصة هاذ الأيام مرض بزااف تخاف تخليه فالدار ويهملوه (هاذا الكل مهدي ماش عارفها بايتة عندهم الليلة) خرجت وتستنشق فهواء الحرية
صفاء:اااه لاليبارثي اوووه ليكو الدنيا شحال حلوة بلا مهدي يعني دوك نمشي وحدي وماكانش لي يلحقني اااه ماش مأمنة بسم الله
مشات تمشي وفرحانة حاسة بالحرية بلا مهدي حاسة روحها ماش مقيدة وماكانش لي يملي عليها واش دير وواش ماديرش 😌😌 بالصح اصبرو واش هاذ الصوت كاين بنادم من لي خرجت من الدار لاحقها وهي تصبر فروحها بلي هاذيك طريقو ومازالها تصبر فروحها بالصح......
أووووب حست حاجة قاستها على تر### تخطفت ودورت بالخف ناوية على خلاها عينيها يطايرو بالشرر كلش كلش غير هاذ لي جاسث
صفاء:أاااااي واااشبييييك(بالعياط)
الجان:عجبتني السلعة😉
صفاء:مااااكش متربي نتاااا
الجان:حسني كلامك
صفاء:وأنتاا حسن فعااالك يااخي كلااااب ولاو عايششين معااناا
خزر فيها خزرة تخوف هو أصلا كلو على بعضو يخوووف يبان خابط عينيه دايرين وحمورة فاقت على روحها بلي هدرتها راح تخلصها أما قعدت واقفة ومطلعة راسها ومدايرة فالكوراج باسكو ماغلطتش هو لي مد يدو علاها
الجان:راكي تحوسيي علييااا
هدرها وقرب ليها وحكمها من لحيتها طلقت بيشو من يدها وفتحت القرعة تاع الماء لي كانت فيدها وكبتهم عليه راح تمووت بالخوف أما لازم تدافع على روحها
صفاء:مااكش راااجل(بالعياط)
حط يديه على وجهو يمسح فيهم ويتوعدلها رجعت للور بخطوتين وهزت قطها وبدات تجري تجري بلا ماتشوف للور وحد لخوف متملكها ياريييت مهدي هناا يارييت
الجان:أروااحي نورييك يلا كنت راااجل ولا لالاا (بالعياط)
هبطو دموعها وتملكها وحد الخوف ماش نرمال قعدت غير تجري كان وراها ماش بعيد عليها بزاف أما الحمد لله وصلت راهي قدام دار مهدي
طلعت الدروج لي قدام الباب وتقرقب ومرا تصونيي حرقتهاا دموعها ويدان قلبها يدق فالدقيقة ألف طلقت بيشو لي مافرطتش فيه حتى فأصعب اللحظات وتمسح فدموعها دورت لقاتو هرب خاف يمكن يعرف شكون يسكن فديك الدار حتى لقات الباب تفتح بالخف كان مهدي لي فتح بلا ماتخمم زوج مرات سوطات عليه عنقتو بكل قوتها غرست راسها فصدرو وتبكي حاكماتو من ثريكوه راح تقطعو حست لحظتها أنو هو كان السباب فالأمان لي كانت تحسو من قبل هو لي كان يحميها من ذئاب المجتمع
مهدي تشوكا فيها ماش فاهم خلااص واش بيها أما حاس روحو فآخر مراحل الغضب باسكو شاف الدموع فعينيها وشافها فهاذ الضعف والخوف حاب برك يعرف شكون السباب واش بيها
مهدي:صفاااء واش صرااا(بالعياط)
صفاء:..........(ساكتة غير تضغط عليه وناسية روحها المهم تحتمي بيه وتقضي على خوفها)
حس روحو راح يكلاطي بعدها بالسيف عليه وحكمها من كتافها ويخض فيها
مهدي:وااااش صرااا علااه راكي تبكيي كاش واحد تبلااك؟ قوليلي وينوو ني####
هاذي هي يااك باينة واحد تبلاك
عملتلو براسها إيه ودورت تشيرلو للطريق بعدها وخرج شاف من ومن ماكان حتى واحد شاف جنب الدار وحوس والو ماكان حتى واحد ااااه كون شدو فداك الزعاف يشرب من دمو ويتلدد بيه كييفاااه مهدي عايش وكاين لي يتبلا حبيبتو ماكانش منهااا يحكمو يقطعو طراف طراف
خبط الحجرة لي كانت قدامو بالزعاف
مهدي:رخييييس أروااح تقاابل الرجاال يالطحاااان(بالعياط)
والوو حسو غبر تقول الأرض تشقت وبلعتو هو اصلا يعرف مهدي شكون ويعرف دارو ويعرف بلي صفااء تعنيلوو تسما الهربة راح تكوون خيرلو يلا كان حاب يعيش صحيح
رجع للدار لقا صفاء مع منار قاعدة فكرسي قدام الباب ومنار حاكمة يديها ونجاة جنبها ووئام لفوق ماقدرتش تهبط الدروج وتسقسي فيها واش صرا وهي غير ساكتة
مهدي:صفااء اهدري ماتقعديش ساكتة
صفاء:........
مهدي:اهدرييي(بالعياط)
تنفضت بالفجعة والكل طلعو وهبطو من عيطتو
صفاء:اااا واش نهدر
مهدي:راكي مليحة(بصوت حنين)تقول عندو انفصام فالشخصية
صفاء:الحمد لله راني مليحة
تنهد وغمض عينيه طمن عليها شوية أما زعافو ماتبدل فيه والو
مهدي:واش دارلك؟
صفاء:...........
مهدي:يما أدي بناتك وروحي حبيت نهدر معاها
سمعت كلامو وراحو كل واحد لبيتو قاعدين مقلقين عليها أما علابالهم مهدي مين يكون هاكذك مايحب حتى واحد يدور بيه
مهدي:اهدري دوك واش دارلك
صفاء:.........
مهدي:أهههدريي(بالعياط)
صفاء:قاسني
مهدي:هههههههههههههههه (ضحك ضحكة عريضة وهدر بعدم استيعاب ماش مأمن واش يسمع)كيفاه؟
صفاء:قاسني
مهدي:هههههههههههههه قاسك؟ وين؟
صفاء:...........
مهدي:أنيي معاااااك(بالعياط)
وقرب حكمها من لحيتها حتى لقاها وقفت وبعدتلو يدو بقوة وهبطو دموعها
صفاء:ماتزيدش تعااودهاا
مهدي:سما هاكا دارلك؟
حركت راسها ب إيه وسكتت غمض عينيه ولز على سنانو يسيي يكون كااالم ومايخلعهاش
مهدي:وواش دارلك قبل باش وصل يحكمك هاكذك؟
صفاء:قلتلك قاااسنيي
مهدي:وييييين؟
صفاء:عيط لمنار نقولها
خبط الكرسي برجلو باسكو مادام ماقالتلوش سما بلاصة 🙂🙂🙂🙂
مهدي:تقوليلي لياااااا اهدرييي
صفاء:قاسني فتر###(من خوفها والضغط مالقاتش حل خلاف غير تخبرو راهي تشوف فوحش قدامها على الأغلب ماش بنادم)
وحد الزعاف تملكوو فهاذ اللحظات قادر يقتل نورمال هز الكرسي وخبطو جابو مكسر كل رجل فجيه وخبط الحيط بدبزة يفرغ فزعافو فيه
قعدت حاكمة الحيط وتشوف فالوحش لي قدامها اسكو هاذا مهدي لي تعرفو؟؟
دور ليها شاف فيها خايفة ومشوكية فاق على روحو الغش عماه نسف ومسح على لحيتو وراح ليها حط يدو على خدها وهدر بحنانة
مهدي:ماتخافيش سمحيلي ماقدرتش نحكم فروحي نوعدك مين نحكمو نشرب من دمو راح يخلصها
حركت راسها ب إيه
مهدي:صفاء راكي مليحة
صفاء:إيه الحمد لله
مهدي:علاه جيتي وحدك
صفاء:قلت نخرج وحدي اليوم راني غير فالحومة
شافت فثليفونها يصوني رفدت
اسلام:صفااااء علااه مانوضتينيش ورحتي وحدك(بالعياط)
جبدت الثيليفون من وذنها
صفاء:ياا اسلام ماحبيتش نفيقك علابالي تعبان ومبعد هاني جيت وحدي واش صراا راني مليحة (تهدر فكلامها وتتمنا منار ماتكونش حكاتلو )
اسلام:ماتزيديش تعاوديها وأنا فالدار
صفاء:نشاء الله
اسلام:سلميلي على منار
صفاء:ااحم ايه
خزرت فمهدي وكوبات
مهدي:هاذ الشي اسلام فالدار وجاية وحدك؟
صفاء:اووووف بزاااف هاذي حومتي زعمة مانقدرش نمشي فيها وحدي؟وأنا وين ريت كاين عيباد كيما هاك؟
مهدي:هاذي ماشي حومتكم تاع لهيه هاذي حومة ماتقدرش الطفلة تمشي فيها وحدها وزيد ماتجبديليش عليه باسكو ني راح نطرطق
صفاء:اوكي سكت اني طالعة مع منار
مهدي:اوكي اطلعي وبالاكي تروحي وحدك حوسي عليا ني هنا انا نوصلك
منار:هه علاه ماعلابالكش صفاء بايتة عندنا اليوم😉(وهي هابطة فالدروج)
ما أمنش واش يسمع أول مرة يباتو فدار وحدة من 23 سنة مين كانو بزوزا
مهدي:مرحبا بيها
صفاء:يسلمك اووو وليدي ماراكش مليح🥺
هبطت هزت بيشو وتبوس فيه وتمسح على راسو
مهدي:هه غير كون جيتي تتعاملي مع العباد لي دايرين بيك كيما مع داك الكبة تاع الصوف😑😑
صفاء:حااشااك وحاشاا لالاك لاكان ولا بيشو كبة تاع صوف
مهدي:إيه كبة عندها رجليها
صفاء:ماراكش عارف بيشو شكون ..هاذا لي دايما نلقاه حدايا ..ديما يونسني صح مرة مرة يخبشني بالصح نموت عليه كون يروح عليا نهبل مواااح
نسف منها ومن بوساتها كأنو غار من قطوس كبة تاع صوف كيما قال🙄 لالا اكيد ماش غيران بالصح مافيها والو كون كانت هاذيك البوسة ليه ماش لحيوان
قاعدين فبيت منار صفاء ووئام ومنار ومنار تهدر مع إسلام ميساج وهوما يشوفو فملامح وجهها تتبدل
منار:اووو ههههه اوووو زغرتي صفاء زغرتي جاي خوك يخطبني زغررتييي
صفاء:يو.....
قبل ماتزغرت باسكو بهلولة وتنسى روحها غلقتلها وئام فمها
وئام:يفيق مهدي يذبحك حية ويمدك لنجاة دير بيك تليتلي غدوة
منار:إيه صححح كيفاه نفاتحو فالموضوع؟
صفاء:اخرجيلو ديراكث اسلام جاي يخطبني
منار:ومين يسقسيني كيفاه حتى اكيد يشك بلي كنا نهدرو 😣كنت حابة نقولو من قبل بالصح خفففتتت
صفاء:ماتخافيش يديرلها ربي طريق تحبي أنا نقولو
كنار:بالاك نتي يتقبلها منك مي ماتقوليلوش مانيش واجدة دوك اوو راه يعيط appel راني رايحة نهدر
صفاء:هاي هاي هاي طلع عليها الشان مابغاتش تهدر قدامنا
خرجت من بيتها وراحت تحوس على بلاصة تهدر فيها مالقات غير شمبرة مهدي لي كانت فارغة دخلت كانت فارغة بالصح حبت تتأكد بلي ماهوش هنا
منار:مااماا مهدي وينو؟
نجاة:الله اعلم يمكن خرج كان يحوس على ثريكو تاعو نضن خرج
منار:اوكي
خرجت للبالكون تاع بيتو ورفدت
منار:ألو اسلام
اسلام:ااه قلب اسلام واش حوالك
منار:فرحانة
اسلام:ههههههه ايه افرحي دايمة نشالله بعد غدوة نجي نخطبك نشاله زعمة يقبلوني؟
منار:كون مايقبلوكش ندير اضراب على الطعام ونحبس روحي فالبيت أيا يقبلوك ماش حاجة صعيبة ندير الپوسيبل باش يمدوني ليك ياك.....
حتى لقات الثيليفون تخطف من يدها
منار:صفااااء بركاي من اللعب الس.....م م مهه..دي
(✿ ♡‿♡)(✿ ♡‿♡)(✿ ♡‿♡)
ثرارااا خلاص البارت راه طويل ماعندو وين يزيد
فقرة الأسئلة:
∆مهدي واش يدير لمنار؟يسكتلها ولا يقتلها ؟
∆مهدي شا يدير لإسلام
∆الكرونيك عاجبتكم؟
