صفاء:هه على شكون راكي؟
منار:انساي
خرجت وتتبسم بقهرة ايه ديكوفريت بلي نحبو بالصح واش الفايدة مين نقلك دوك راه خاطب هه ربي يكملهم هبطت لقات اسلام يستنى كانت بعتتلو مساج
اسلام:ويني مرتي ماجاتش تشوفني؟
صفاء:بفففف تقلقت وينتا تتزوجو ونتهناا من صدااعك دييما حاب تشووفها ديما متوحشهاا ماتشببعش منهااا؟
اسلام:😒😒واش بييك طيري ؟ مرتي تساليني؟
صفاء:جا نسيبك
اسلام:لالا ماتقوليهاش مهدي هنااا؟؟
صفاء:امم هناا
اسلام:لازم نشوفو
صفاء:دبر راسك مالة انا نروح
اسلام:اقعدي بلاصتك نقرطلك رجليك
راح صونا فالباب فتحت نجاة
نجاة:اهلاا اهلا براجل بنتي
اسلام:واش حوالها حماتي
نجاة:الححممد لله في نعممة
اسلام:هههههههه الحمد لله لي رجع وينو؟
مهدي:هاني هناا
اسلام:مرحبا بيك فداارك صحبي تووحشنااك خلعتنا عليك ماتعيط ماتقول نطمنهم بلي وصصلت والووو ازح
مهدي:ااه المهم رجعت حتى انا توحشتكم
اسلام:ايه الصح كي رجعت اني نشووف بلي تبدلت ههه تبڨصت شريكي ادنا لهيه نشوف كتافك زادو عراضو كتر (وضربو بدبزة لي زابدو)
اسلام:بابابااا حدييد هههههه حد مايقدرلك دوك
مهدي:ايه جرب زعف ختي يلا حاب ثاسثيني
اسلام:اووو ههههه حااشااا صحبي حااشااا
مهدي:هههههه
هاذا الكل تحت أنظار صفاء قعدت غير تشوف فيه عقلها طاار أما مين تشوف الخاتم يبرد دمها
اسلام:لاالاا ماتقولييش خططبت؟؟
مهدي:اي خطبت ومالة ههههه واش يعطل؟
(وشاف فصفاء لي حاكمة فالدموع وتبدل فعينيها)
اسلام:ڨاورية؟
مهدي:ايه ڨاورية تقطر بالزين
اسلام:الله الله ربي يكمل اسيدي مالة درت الصوارد؟
مهدي:في رايك؟
اسلام:هههههههه ايا غاية فرحنالك المزية وصلت وكونت روحك ودوك راك بيناتنا
مهدي:ايه ونتوما كيفاه؟ على الخطبة عييت فمنار أما واالوو راكم طوولتوو بزاف وماش عاجبني الموضوع
قعدت تسمع من وين علابالو ماداروش الخطبة منار خبرتو بهاد السرعة؟
اسلام:دوك نشالله يفوت عرس وئام بالخير ونديروها انا بذاتي طال صبري أما الله غالب. المهم نخليك تريح
مهدي:ادخل نڨسرو
صفاء:اسلام قرييب؟
مهدي:شبيها ختك مقلقة
اسلام:ماعرف
جبدها ومحاوط دراعو على رقبتها
اسلام:شبيك اطفلة ؟تباني عيانة
مهدي:مقبيل .....(كان راح يقولو بلي طاحت)
صفاء:اااه ايه عيانة شوية يالله نروحو
اسلام:اوكي يالله ايا مبعد مهدي نورت الحومة حمد الله على سلامتك
مهدي:عيشك صحبي
راحو للدار ومهدي قعد على الدرجة تاع الباب ويتفكر فالذكريات نهار كان يجي مدوخ ويقعد قدام هاذ الباب ناض فتح الڨاراج ويشوف فاللوطو ويفوت فيدو عليها
مهدي:ااه خصك خدمة صحيحة ههه توحشتك توحشت لي اكسيدون ااه هههه كان الهواء فراسي بالصح والله غير مزال😂😂
قعد على المقدمة تاعها ويخمم ااه شحاال متوحشهاا باغي يحضنها يكسرلها ضلوعها شحال غايضاتو شحال ضرو قلبو عليها مين طاحت وشحال خاف عليها كان باغي يحضنها ويخبيها بين ضلوعو يسقسيها واش بيها ويداوي جراحها مسامحها ربي ويسامح شكون هو باش مايسامحش اصلا كون ماشي هي كون ماراهش كيما راه دوك كلشي تحسن فيه تبدل عللخر ولا بخدمتو طور روحو تبع السبور بطل الزطلة والشراب قعد غير الدخان مرة مرة يرجعلو باش ينسيه فيها هه اصلا والو ماقدر ينسيه فيها يعشقهاا مانساها حتى نهار ماكانش دقيقة تجوز بلا ماتجي لبالو شتعمل..راهي مليحة؟...راهي تتفكرتي...تتوحشني كيما نتوحشها...صح تقاس تجرح اما تعلم بزاف صوالح عطاتو درس فديك الليلة ماش راح يلومها علاه ماقبلتش بيه باسكو ماش غير هي كانت راح دير داك الموقف الف وحدة فبلاصتها تخمم نفس التخمام
قعد يتفكر واش جاز عليه شرب دروڨا شرب دواء تاع الرقاد داوا عند بسيكولوڨ شيان بكا مهدي بكمالو بكا بسبة طفلة يرقد بتصويرتها معلقها فلي كادر فشمبرتو شرا نفس الريحة لي دير منها اما ماش كيما ريحتها عاش تأنيب الضمير قتل روح بسبتها عاش على ليكوشمار كان يرقد بالدواء ولا مايرقدش دمر الشهر الاول فات عليه جحيم بالسيف قدر يوقف على رجليه
تبسم وهو يتفكر ونقز من فوق اللوطو
مهدي:جازت هه
ناض وراح للبلاصة لي شهدت على حبو على صداقتو تحت الشجرة وريح على حجرة وهز الثيليفون
مهدي:الو وليد آجي تحت الشجرة تاعنا وجيب دوك الهوايش توحشتهم
وليد:مااتقووليش جيييت 2 دقايق نكون عندك
مهدي:ههههه ايا اوكي
ماطولش وجا وقف بعيد عليه شوية
وليد:يااز### واش رااني نششوووف واش هاذ الحواايج هههههه غاليين عليك
مهدي:بفففف عيطتلك وندمت دصارة تاع ز###
وليد:هههههههه ااه تشوف شحاال توحششتك ماتأمنش
مهدي:نتوسوسلك؟
وليد:ههههههه
راح حضنو بعضهم ڨراف توحشو بعضهم غير بعدو شاف كمال وياسين واقفين وراه
ياسين:صاحبي الزطلة مدوختني؟واقيل خديت دوزة صحيحة البارح مازالها تڨزيسثي
كمال:يالز### هاذا ماشي هو مهدي يلبس هاذو الحوايج؟ايا بركانا ليك فردة تاع صباطو غلا منك
ياسين: والله راح نسكتلك باسكو قستها
كمال:يالر### مانيش مأمن هرب من الميزيرية الن### وخلانا هنا نزحتو
ياسين:اك تشوف الصحبة تاع الكرطون ااه ليك ليك داير خاتم بااينة خطبها ڨاورية
كمال:اووااه لالاا مهدي ينسى بنت عمي سليم ماكانش كيفاه
ياسين:بهلوول نتا أنا كون نروح لتماك روحي ننساها
مهدي:وليد ماش وصيتك على الحومة؟علاه مارحتش ترقيلهم؟
وليد:حقك عليا
قربو منو ويدورو بيه ويشوفو فيه نحالو ياسين السنسلة وكمال الساعة
مهدي:عريوني وصاااي واشبيككم يالز### مركووبين؟
كمال:يعرف يهدر كيفنا مازالو شافي على الدارجة تاعنا هههه
مهدي:وليد اصرعهم بكف
حكمهم وخبط الراس لخوه باش فطنو راحو يعنقو فيه ماش مأمنين صاحبهم رجع
مهدي:بعدو ماتحلاالكمش
ياسين:توحشناك يالمعلم
مهدي:يتوحشكوم الخير
كمال:ابدا تحكيلنا مهدي كي دايرين النساء لي تماك
ياسين:ايه يخراو كيفنا؟
مهدي:نو يخراو بانان
كمال:ااه صااحاا والسلعة كيفاه😉
مهدي:créme fréche
ياسين:ااحااي وكيفاه يلبسو يدورو ب الدوبياس؟
مهدي:لالاااا ترهبن بيا صحبي مايلبسوش الحوايج يدورو عراياا اخرج لربي عريان يكسييك هاكاك عندهم
كمال:هنا ديرها يفعلو فيك
مهدي:باينة
ياسين:صحا قولي كي تدخل للكاباري وتقعد على كرسي يجو البنات يدورو بيك ويبوسوك؟ويقعدو فحجرك؟
مهدي:نتا بالضبط كون يغطسوك فالذهب ويحطوك تماك مايشوفوش فيك😌
ياسين:استتغفرر الله اصلا حراام
كمال:ههههههههه او يهدر على الحراام ههههه
وليد:انا ساكت ومتحمل
مهدي:ايا صاي فرغتولي راسي
بالسيف سكتو ماكانش حاجة ماسقساوهش عليها هاذاا الكل تحت اسماع صفاء لي كانت فالبالكون😂وذنيها سالو بالدم
وليد:ايه قولي الطفلة لي خطبت زلة؟
طلع راسو لمح خيالها تبسم وشاف فيه
مهدي:تعرف حور العين؟
وليد:بابابااا
مهدي:تقول نحطها قدامي ونقعد نتفرج فيها
ياسين:اااه مانضمنولكش مانكحلوش عليها
مهدي:نيي###لي يطلع عينييه نڨعروو مانحب حتى واحد يخزرلها هاذيك تاعي انااا
تشوكاو فيه أما وليد غير يضحك فقلبو صفاء حاكمة فدموعها برحمة الوالدين ماش كان يغير غير عليها.
وليد(فقلبو):لي يسمع يقول صح ماش نتا لي النهار الكل توصي فيا عليها وتسقسي عليها 😏
وتاكل فروحك مين نقولك هدرو معاها
دخلت لبيتها وقعدت على فراشها
صفاء:صفاااء بالاكي تبكيي بالاكي خليه يقول لي يحب اصلا نتي زوينة عليها وزيد هي باينة كافرة نتي خير زين ودين وطاعة الوالدين اركحي ماتبكيش ماغرتيش ..ماتغيرييش
غلبوها دموعها ماقدرتش تكتمهم كتر
صفاء:ااااففففففف صاااي ياالرب راااه خطب انسايه يالزح خليه يتهناو نشالله ااه ياربي ماقدرتش قالك تقول نحطها ونتفرج فيها يتتعماو عينيك نشالله ياراس الشحم بووهاالي نسا الpassé غير يجيبها لهنا نحكيلها بلي هو كان يوصلني لليسي كل صباح نحكيلها بلي كان يضرب كل واحد يهدر معاي افففف خلييك اصلا مايستاهلوش تعمري راسك بيهم
راحت هبطت تعاون يماها باش تنسا حتى طلعت لبيتها فالليل تسطحت على السرير وتشوف فالسقف سمعت صوت تاع ڨيثارة كان عزف تاع محترفين ناضت تجري تقرعج تموت على الڨيثارة جبدت الريدو بالشوية وشافت لتحت
صفاء:لالاااا ماتقولهاش مهدي يعرف يدير بيها هاكا لالا مهدي ماتطيحنيش فيك كتر افف ياربي علاه كاتبتلي هاكا😭 غير كون جيت فبلاصتها ماكنتش رافضتو لديك الدرجة كنت حابتو يتبدل (طاحت دمعتها وهي تتفكر فديك الليلة قربو منها كلامو عينيه كيفاه كانو يحكيو كلشي 💔 )
طلع راسو شاف الريدو محرك عرفها تماك
ياسين:غنيلنا واش جا فراسك
