يالرب العالي علاه أنا مانتحبش؟
عيطتلو رد عليها
صفاء:مهدي رااك مليح ..ياك ماتكسرتش.؟
مهدي:أنا واش كنت نوصي مقبيل ؟
صفاء:تقلقت عليك
مهدي:ماتتقلقيش مايصرالي والوو المهم روحي ترقدي باينة فيك عيانة مبعد نحتاجك نهدرو فحوايج
صفاء:ايه قلتلي نهدرو وماهدرتاش
مهدي:نسيت علاه خليتي فيا عقل😒
صفاء:صاحا ماعليش غدوة قلي
مهدي:نشالله
صفاء:باي
مهدي:تهلاياي فروحك
صفاء:حتى نتا
كوبا وراح عاود بارك لوليد وراح للدار دخل للكوزينة يشرب لقا باباه قاعد شاف فيه مستغرب وقعد مقابلو
مهدي:غير الخير الشيخ كاش ماصرا
احمد:ههه لالا والو اني غير نخمم برك فرحان بيكم وئام زوجتها ونتا غدوة رايح نخطبلك بنت صاحبي ومنار مديتها لولد عشيري ههه وليدي تسڨم ورجع للطريق وئام خرجت من حالتها وراهي فدارها واش حبيت فوق هاكذا هه الحمد لله
مهدي:الحمد لله بابا نشالله مازال تفرح بولادنا وحاجات خلاف راح نبدا الخدمة فيما قريب نشالله
احمد:ربي يساهلك وليدي
حط يدو على كتفو فرحان بيه
مهدي:ااحم بابا الواحد يقدر يتسڨم ويرجع للطريق الصحييح مالڨري دار غلطات بالصح كاين غلطات كبار صعيب يتنساو
احمد:انا راني نشوف فيك تسڨمت قعدت صلاتك برك احكم فيها مايهمش واش درت من قبل يهم واش راح دير كلش يتصلح
مهدي:بابا سامحني كنت طايش بزاف هه كنت مهبلك
احمد:ومازال تهبلني طول ما أنا عايش وليدي ونعرفك بالاك تبدل حوايج فيك اما الطوايش بالفطرة معاك ههه ونقعد نرفد هبالك حتى لآخر يوم فحياتي
مهدي:ربي يحفضك
تبسم بالسيف وناض يكره اللحظات لي فيهم مشاعر خاصة مع عايلتو ماش موالف يهدر مع باباه ڨاع هاكا مولف ديماا يجيبلو لابوليس للدار ويجيبلو الاخبار العيانة بلي راه فالسبيطار داير اكسيدون ويدخل خابط للدار جامي هدر معاه ابن لأب خرج من الكوزينة وطلع لبيتو قعد على سريرو كومة من الأفكار تراوضوو غايضو باباه وواش دار فظهرو فنفس الوقت كون رجع بيه الزمان لداك النهار يدير نفس الشي من جهة ماصارح حتى واحد صفاء خايف يصارحها ماتقبلش بيه كلشي جاه من جهة تنهد حاس روحو فاد وكاره عللخر هاذ الموضوع شاغل بالو بزاف من وقت رجع للبلاد اما يسيي يتناساه حكم فراسو بيديه تأنيب الضمير من جهة خلااف كره حاب يصارح صفاء فأقرب وقت فنفس الوقت خايف تبعد عليه هز الثيليفون وعيط ناسي خلاص بلي راهي الزوج تاع اللصباح رفدت بصوت النعاس
صفاء:خير مهدي كاش ماصراا
مهدي: تحبيني؟
صفاء:باسم الله ههه مهدي وشبيك على الزوج تعيطلي باش تسقسيني على كيستيون كيما هاذي؟
مهدي:جاوبيني
صفاء:نحبك
مهدي:جامي تخليني
صفاء:مهدي واش صرا
مهدي:جاوبيني
صفاء:جامي
مهدي:وعد
صفاء:وعد
مهدي:حتى كون نضهر بلي أنا ماشي بنادم مليح
صفاء:ايه
مهدي:راح تتفهميني دايما؟
صفاء:معلوم
مهدي:حتى ونكون غلطان وتجربي تفهميني علاه غلطت؟
صفاء:وي
مهدي:صااحا
صفاء:مهدي معجبنيش صوتك راك مليح؟
مهدي:لا
صفاء:واش صرا🥺🥺
مهدي:حبيت نشوفك صفاء هبطي للجنينة
صفاء:....اوكي
ماخممت فوالو المهم توقف معاه باسكو جامي شافتو كاره هاكا
هبط وراح عندها فتحتلو باب الجنينة لابسة طقم الصلاة وتضوي بالفلاش تاع الثيليفون شاف فيها وحضنها وحط راسو فرقبتها مافهمت فيه والو حطت يدها على شعرو وتفوت فيه كان مزير عليها عللخر
صفاء:مهدي راك مليح(هدرتها بصوت حنين عللخر)
بعد شوية وطلع عينيه يشوف فيها
مهدي:ماتكونيش حنينة ڨاع هاكذا معاي بالاك منيش مليح
حكمتو من كتافو وشافت فعينيه فيهم لمعة حزن شافتها نهار رفضتو وخلاتو يروح اكره نظرة عندها وتكره تشوفها حضنتو وغرست راسها فصدرو
صفاء:نحبك حتى ولوكان ماش مليح
مهدي:صفااء ماديريش هاك علاه حنينة هاكذا
صفاء:مهدي يلا كاين حاجة بون باينة كاينة احكيهالي
مهدي:ماكان والو نحبك تقعدي معاي نتي واش نحتاج الباقي كلش يفوت
صفاء:هاني معاك ديما
مهدي:هاذا واش نحب نسمع
هبط باسها من خدها بوسة حنينة وتبسملها وحط يدو على راسها
مهدي:ادخلي النسمة دوك تمرضي
صفاء:🥺🥺صاحا تهلا فروحك ويلا حتجتني عيطلي
مهدي:بلا ماتوصي
تبعها حتى دخلت حاس روحو خير على قبيل تحطها علجرح يبرا هاذ الطفلة غلق الباب وراح
