Heyy sorry 3la retard hada win dit vaccance wl9it lw9t✨✨sha rmdankm yn3ad 3likm b sha wlhna❤️❤️❤️
(✿ ♡‿♡)(✿ ♡‿♡)(✿ ♡‿♡)
اليوم خارجين هي ومنار ووئام لي جات تزورهم ينحو على خاطرهم شوية(عايلتو تقبلت الموضوع صح مع الأول جاتها صعيبة أما مالاموش صفاء الحق يعرفو مهدي داير هاكاك وكان قادر يدخل للحبس حتى وكون صفاء ماكانش وزيد تقدرت)
رايحين فاللوطو تاع مهدي منار دات البارمي وهي لي تسوق طلعت منار ومن قدام وئام وصفاء من اللور صونا ثيليفون منار
منار:دقيقة
خرجت تهدر شوية وصونا ثيليفون وئام
وئام:دقيقة
هبطو وخلاو صفاء وحدها تستنى شوية تحلت الباب تاع اللور
صفاء:طوولتوو.....
هي تشوف فيه وهو يشوف فيهاا ولا واحد مستوعب عيط لأختو كان ناوي يروح للدار يحسن حالتو أبري يخمم كيفاه يدير سوربريز لصفاء قالتلو منار جيب واش تلقى فلوطوتك من اللور وارواح. فتح الباب يلقاها قداموو
أحاسيسو وأحااسيسها مايوصفوهمش الحرووف النظرات لي كانت متباذلة بيناتهم تحكي كلش شوق الأياام وحب السنين قعد اونفاص فيها وغلق الباب يشوف فيها وهي تشوف فيه مين استوعبت الموضوع ضحكت وضحكو عينيهاا ولمعو بالفرحة حطت يدها على فمها
هي:مهدييي
وهو مازالو يخزر فيها برك يخزر بحيرة مكذب فواش يشوف شوي وضحك من الشط للشط مكذب عينيه حط يديه وراا راسو ومازال يضحك حط يدو ورا ظهرها وجبدها بكل عنف غرسها فصدرو وزير عليها قعدو مدة طويلة وهوما على نفس الوضع ولا واحد هدر دموع الفرحة غسلو وجها كلما يتفكرو الشوق يزيدو يزيرو على بعضهم (الموقف لي تلاقاو فيه شافتو بنت خالتي ففيديو وحبتو بزاف ألوغ حبيت ندمجو فالكرونيك 😌)
جبدها عليه شوية وحط يديه على خدودها عينيه يلمعو بالفرحة
مهدي:توحشتك
صفاء:أنا كتر
عاود ضمها
مهدي:باقي العمر وماش راح يعوضني على هاذ العام والوحش لي عشتو فيه
صفاء:علاه ماكنتش تعيطلي
جبدت عليه بعنف وضربتو لصدرو
صفاء:علاااه علااه قرييب هببلت كل يوم نقول اليوم يعيط علااه
قاعدة غير تضرب فيه حط يدو على صدرو ويتوجع
مهدي:ص..فا.ء.
صفاء:م.ه..د..ي واش..بيك ..وجع.تك؟
مهدي:أحترق شوقا 😳
خزرت فيه هاك😒😒😒
وعاودت ضربتو
جبدها بيد وحدة حط راسها على صدرو وتنهد تنهيدة تهد الجبال
قعدو هاكاك مدة يحكيو على واش جوزو فداك العام ومنار ووئام ماجاوش باش يخلوهم على راحتهم
مهدي:صفاء حاب نقعدو هاك العمر كامل بالصح راني ميت بالتعب باغي ناخد دوش ونسلم على دارنا ونرقد
صفاء:اكيد راك تعباان هايا نهبطو
غير هبطو قابلهم وليد جاي ويضحك من بعيد تبسم مهدي لحق عندو حضنو بقوة ومهدي بادلو
وليد:ااه ايك وحشة صحيبي الحمد لله على سلامتك
مهدي:يعيشك كون ماش نتا كون راني مازال فذيك الزنزانة
وليد:مابيناتناش
قاعدة كي الاطرش فالزفة دور ليها وليد وتبسم معاها وهبط راسو
وليد:واش راكي صفاء
صفاء:والله نحمدو ربي وانت
وليد:لاباس بشوفة مهدي
طول ماهدر عينيه ما هزهمش فيها
وليد:درك راه خرج خاص عرس فاقرب وقت باغي نزهى
تبسمت صفاء وقالو نشالله فيزوج
وليد:مهدي نور عيطت قالتلي راها قريبة منا دوك تجي
مهدي:ااه صاحا
صفاء:شكون نوور🙂🙂
مهدي:دوك شوية تعرفيها
صفاء:لالا قولي دووك..
عند كلامهم سمعو عيااط دورو لقاوهم دوك المهابيل
ياسين وكمال تبسم مهدي وشاف فصفاء
مهدي:ستنايني لداخل فالطوموبيل
صفاء:هنا نقعد باغيا نشوف نور هاذي
وليد حاكم فالضحكة ومهدي نسف ماش باغيها تقعد بين صحاببو غير رايح يهدر معاها نطق ياسيين
:شووف شووف شكوون خرج الن$...
حمر فيه عينيه وهدر
مهدي:بللع ر## فمكك ماكش تشووف باي مانيش وحدي
ياسين:ايييه سمحلي زلقت مني
سوطاو عليه يعنقو فيه قريب خنقوه
صفاء:اححم بعدو عليه شوية يتنفس
كمال:ايي بنت عمي سلييم وشرااكي
مد يدو يخمس معاها حتى لقاها تعووجت
كمال:اااااااي ااططلق
مهدي:اتربى تزيد تمد يدك نكسرهالك
كمال:بغيت نخمس مع مرت خوويا شبييك مغياار هاك
مهدي:راك قلتها مرت خوك ماش مرتك
كمال:ربي يسترنا 😑😑
ياسين:واش راكي صفااء
صفاء:لاباس
مهدي:ماهيش صحبتك تعيطلها باسمها(مهدي يحب صحابو كامل اما وليد يحسو متربي عليهم ويقدر يأمنو على صفاء عليها ماهدرلوش مين عيطلها باسمها)
ياسين:مادام جاابري(نقمة مهدي)
مهدي:😌😌
حست وجهها طلع حمر باغية تنتفوو على هدرتو هي شاعلة من داخل باغية تشوف نور هادي شكون وهو يغير على لي عيطلها باسمها
شوية وڨارات لوطو قدامهم هبطت منها طفلة طوييلة لابسة اونسومبل فاسث كلاسيك و بونطالون بلو وطالون ماش دايرة خيمار بومبة فالزين وفاللبسة وفلاطاي
بلعت صفاء ريقها وحست دمها يغلي ورييقها شاح دورت شافت مهدي يخزرلها ويتبسم حست الدنيا دور ودمعتها راح تخونهاا بلا مانهدرو على ياسين وكمال ريقهم سال
نور:السلام عليكم
هوما:وعليكم السلام
ديراكث راحت سلمت على مهدي بالخد
رغرغو عينيها بالدموع خدات نفس عميق ردتهم
نور:الحمد لله على سلامتك
مهدي:واش راكي
نور:بخير الحمد لله ونتا
مهدي:في نعمة
دور لصفاء لي حسها ماش مليحة بلاماتهدر
مهدي:نور هاذي صفاء صفاء هاذي نور المحامية لي تكفلت بقضيتي بفضلها راني هنا كون ماش هي راني فوت عوام فالحبس
تبسمتلها بالسيف كانت ناوية تسلم عليها لقاتها مدتلها يدها زادت تكرفست منها وتكرفست من مهدي لي ماقالهاش بلي خطيبتو
صفاء:ااه تسلمو على الرجال وتخمسو على النساء همم
نور:كيفاه؟
صفاء:خطيبة مهدي
نور:متشرفين
صفاء:يعطيك الصحة على واش درتي كون مخرجش كنت هبلت بلا بيه
تهدر وتضحك فضحكة صفرة ومهدي راح يشيخ ضحك هو ووليد اما لخرين غير يحسبو بشحال مسقامة لبستها
مهدي:نور هايا معانا نعرفك على دارنا
شافت فيه صفاء مكذبة
نور:لالا مرة خلاف كنت جايزة منا قلت نفوت عليك برك الحمد لله على سلامتك مرة اخرى ومعرفة خير صفاء
صفاء:عيشك بالسلامة
شاف فيها مهدي حال فمو
نور:باي مهدي كاش ماحتجت عيط
صفاء:مايحتاجش نشالله
راحت ركبت فاللوطو وقلعت دور لصفاء لقاها مشات ديجا
مهدي:ايا مبعد جماعة
وليد:المدام غارت روح راضيها هاداك هو منا لغدوة ترضى
مهدي:ربي يحسن عوني
ياسين:يااار#$$ صباطها يسوا عليك
كمال:ياادرا واش من كولار الدو بياس
ياسين:انا نقول نوار
كمال:حسييتهم روج وماعرف هه
دورو لقاو وليد ومهدي يخزرولهم صفرو وسكتو
مهدي:ن##$@@ النهار لي صاحبتكم فيه لا نتوما عباد
وليد:زباالة الداب لخوه
مهدي:بوجييو من قدامي يااخي خماجات
هوما:هههههههههه
استغفر وراح يلحق على صفاء
هو يعيط وهي زاربة ماش سامعة بيه
مهدي:صفاااااء رااني معاااك الز#$$$ماتسمعييش
صفاء:رووح عندهاا واش ديير بيااا
مهدي:صفاااء احبسيي نهدرو كي الناس
صفاء:(مدورة ليه) مابقا مايتهدر
مهدي:صفااااااااء شوووفيي قداااامك
🚘🚘🚘🚘سمعت صووت تزماار تاع طوموبيل رجليها فشلوو والدنياا دارت بيها غيير صوتوو فوذنها حست غير برجليها تهزو من الأرض وبذنها تخبط خبطة قوية وطاحت فالأرض تشوف غير فالهدوء لي عم غير صوت مهدي يعيط باسمها لحق عندها حط يدو على خدودها يفيق فيها
مهدي:صفااااء أقعدي معااي باالاكي تغمضيي عينيك صفااااء بالاكي تروحي مزالي متوحشك مازال ماشبعت منك هاذا وين خرجت مازاالت حيااة قداامنا حاولي ماتغمضيش عينيك دوك نعيطو للومبيلونص
مهدي:واااش رااكم تتفرجوووو عيطو (يهدر مع الناس لي دارت بيها)
فاق فيهم واحد وعيط للإسعاف
حكملها يدها ويهدر كانو عينيها راح يتغمضو بقات تشوف مساحة محدودة غير فعينين مهدي متأكدة شافتو يبكي متأكدة شافت الدموع فعينيه مازالت ماغابتش على وعيها مكذبة بلي شافت دموعو كل يوم تتأكد من بلاصتها فقلبو خوفو عليها ومحبتو ليها
صفاء:س..ا..مح..ني
مهدي:صفااااء اسسكتييي ماش راح تروحي وتخليني فنص الطريق مازالت الدنيا قدامنا مازال ماشبعتش منك
زيرلها على يدها
مهدي:هاذا وين راح تبدا حيااتناااا صفااااء صفاااااء
استسلمت و غمضت عينيها ..........
