..............
طفلةَ ومَن آغازلهّا تظل ترمشّ ..♥️
...........
سيف :- انجب لك يلة وخر تره سمعت
جعفر :-وذا يعني تخوفني تره مرتي
نبأ:-عزا متت بمكاني اجة سيف باركلي ولبسني الذهب الي هو مشتري وطلعو شوية وكالو خلي تلبس شي يردون يرحون للمصور صدك رحنة وصورنة اني وياة ورجع ميتة تعب كبل نمت
...........
جعفر :- شكد جنت احب النسوان لا اصوم ولا اصلي بس من بعد ما طلعت نبأ بحياتي غيرتها تغير فول اله شوية تخليني اصلي صلاة الليل عفت شكو شغلة طايح حضها وثبتت عل نبأ الي غيرت حياتي كلها وبديتها وياها من الصفر صارت شي مقدس بحياتي من صارت مرتي حسيت ملكت الكون وما اجذب عليكم هذا الصدك وربي يوفقني واسعدها بحياتها احنا تنتهي قصتنة وياكم لحد ما نزوج وهاهية لان ما احب اطلع حياتي الخاصة بس كتبت الكم شون اني وياها بدت قصة حبنة وهاهية وشكرا هههه ☆
...............
شمس :- وصلنة للبيت جان كلش هوسة والبيت جبير يمكن عشيرة كاملة بي من ولد وبنات ونصهم ما اعرفهم ما مختلطة وياهم والجهال والصياح يعني اذا اسولف الكم عل هوسة مصدكون طبينة لجوة رقية راحت يم خواتها وامها و عمتي راحت يم النسوان بل مطبخ كلها طشت اني ما بية حيل بطني ثكيلة شفت الحجية راحت للاستقبال همزين ما بي ولد لا الولد والزلم كلهم بل ديوانية رحت يمها لكيت بس عمتي ام كاظم وبتها وام جعفر ضليت واكفة وين اروح ما بية حيل الهوسة صاحتني الحجية
فخرية:-تعالي ولج شجاج جنج وحده متيهة تعاي يمي اكعدي
شمس :-ي والله حجية تعبت
فخرية:- طبج وجع محد كلج احبلي
شمس:-واني بيدي ياا
رحت يمها نيمتني عل رجلها وضلت تمسح عل راسي
ام جعفر :- ي يمة شموسة شون صرتي بيا شهر
شمس :-بل ٧
ام كاظم:- يروحي يعمة كاظية انتي بس حته هيج طالعة حلوة عيني الباردة عنج
فخرية:-بعد بعد وكعيها مشوفيها شصاير بحالها
ام كاظم:- يمة شحجيت اني
شمس :- عيونج الحلو عمة
ضليت يم الحجية لان هيه متكدر تكوم هواي ضلن بس يسولفن مخلن واحد ما اخذن غيبتة اني اخذتني الصفنة لعلي شكد وحشة علية الكعدات الله يرحمك ويغفرلك ما ادري بروحي لحد ما نمت عل مخدة يم الحجية عل برودة الجو المغرب اصير باردة وبل اخص راح ندخل للشتا
سيف :- من نزلنة من السياره كلها اصيح هلا بسك اترئست كعدة غصبن عنهم الحفيد الاول اني وضلو يسولفون عل كيعان وعل طلايب العشيرة
سلام عمهم الجبير :-بوية سيف هذا ابن احمد ال.. اجاني قبل يوم وضل يصيح عل مزرعة ... ويكولو لو يبيعها الي لو اشيلهم حته مخلاني افتهم السالفة منة بس يلعلع جنة مرة خلي نصيحلة ونصيح عل زلمة ونفتهم منة السالفة
سيف :- بلة احمد ميبطل سوالفة الله كريم عمي من عيني نصيحلة باجر ونشوف طلايبة الي متخلص
ضلو يحجون دخت من الهوسة ساعة يصيحون عود يحجون ساعة هدوء للمغرب رحنة توضينة وصلينة ونروح للاستقبال لان كلها هناك تجتمع يم الحجية خلصت صلاة ورحنة دخلت واشوف النقمة نايمة وجهه احمر من البرودة ومتغطاية بعباية الحجيةوخاتلة وراها
دخلت واني اشوف الولد يدخلون دخنت هاي شون تنام هنا
سيف:- هاي شسوي هنا حجية كعديها خلي تدخل جوة
فخرية :-عوفها يمة كوة نامت من التعب شفت وجهه شون صار اصفر
الحجي :-اليوم شموسة ماخذة مكاني عوفها بوية خليها براحتها ماكو واحد غريب
سيف :- استغفر الله حجية اقل الخمس دقايق الكاج مكعدتها لا انتحر بيها يلة عفتها ومشيت كعدت جاي يفرشون السفرة والولد يدخلون الاكل اني الها متعرف راح نجي هنا ضليت كاعد عل اعصابي
شمس :- كعدت عل ايد الحجية تهز بية عمود اكعد اسمع صوت زلم وهوسة عززا يا الله شون اكوم كعدت واني ميتة من الخجل واشوفهم كلهم كاعدين وسيف صاير كتلة حمرة من الغضب كمت ارجف
شمس :- السلام عليكم
الكل :-وعليكم السلام هلا بوية
شمس :-عزا العزاني كمت بسرعة طفرت لكيتهن جاي يصبن بل اكل
شمس :- ولج نبأ امداج عايفتني هناك غير تكعديني شكد فشلة وهسه اخوج يلعب فلم
نبأ:-شسويلج كلما اريد اكعدج الحجية تعيط بية
شمس :- طاح حضج ما بيج فايدة
سمية:- والله احنا طايح حضنة واكو ناس نايمة مدكول فشلة اكوم وياهن
شمس :- ردت ارد بس عمتي خزرتني عود اسكتي غلست عنها وكعدت يم البنات
لشوية كالن يلة كومن رحنة للاستقبال وكل وحدة كعدت يم رجلها رحت كعدت منا رقية و من الجهه الثانية اني كعدت وسيف حجة
سيف :- حسابج بعدين
شمس :- واني شعلية
يتبع....
