سہٰتہٰبٰٰقى نجميٰ الہٰوحہٰيٰد اعدك .⭐❤
هلو اليوم قصة جديده اسمي شمس عمري ١٧من الناصرية اعرفكم عل عائلتي بابا مات واني عمري ١٦ عدي اخ واحد عمره ٢٣ اسمة عبد الله مزوج وحده وياه بل شغل اسمها رونق هو يشتغل محاضر انكليزي بمدرسه متوسطه مختلط بدون راتب وهيه هم في هو اول ميخلص من المدرسه يشتغل عمالة لان ماكو راتب ما عدة جهال صارلة ٥ سنوات مزوج وماكو جهال ماما عايشه في عايشين ابيت صغير والوضع كلش مو زين ماكو فلوس الي يجيبهن اخوي يخلصهن عل مرته يعني حاله المادية زفت جنت ادرس بس بطلت من الثالث ضجت جان عدي اصدقاء واشاقه واضحك وهسه عايشه بل بيت بس النكد والضوجه وعرك وي مرت اخوي اني لساني شطولة وهيه متكعد راحة مواصفاتي عيون عسلي كبار شعر بني غامق وسط بشره حنطاوية رموش وسط شفه مليانة طولي ١٥٧ وزني ٥٧
شمس :- عبد الله فدوه ما عدك فلوس
عبد الله :- ادري شسوين بيهن جاي اشوفيني مخلصهن عليكم للمسواك منين اجيب مدكليلي
شمس :- ارد اجيب ملابس والله ملابسي صارت قديمة ومزكة شني بت فكور اني وحد عن العالم
رونق:- وين امزكات واني مو كل شهر انطيج ملابسي ليش اجذبين
سناء امي :- ي عمة هيه فلوسنة وين مخلصة
رونق :- يعني شسوي غير عدي مدرسة شسويلكم
عبد الله :- يمة معليكم برونق شتريد خل اسوي شعليكم بيها وكافي اكطع الموضوع وانتي شمس كافي عوفي هل سوالف الماصخة كوه مدبر عيشتكم عوزي ما اكدي بل شارع
ام شمس :- وانت هم باوع الاختك مو كله مرتك مرتك هيه هم خطية
شمس :- عفتهم يحجون وكمت دخلت لغرفتي ضايجة وطاكة روحي طبعا هيه مو بس غرفتي غرفة بيها اني وماما فرشت امصلايتي وكعدت اشكي لربي وابجي من الضيم الي شفتة واني الهم والوجع كاتلني خلصت صلاة واخذت ملابس دخلت اسبح حمام كلش صغير بس طشت ودولكة للسبح و طشت اصغير نغسل بي ملابس طلعت من الحمام صاحتني امي
سناء :- يمة بدلي خل نروح لبيت ابو سيف شايلين جديد يمنة وفشلة منروح الهم
بيت ابو سيف جيرانة بل فرع بل بداية شايلين جديد عدهم ٢ولد وبنية
شمس :- ي يمة بس ابدل
سناء :-بدلي وهاج فلوس روحي جيبيلنة من ابو المحل بطل عصير لو علبة جكليت فشلة نروحلهم فارغين ومن ترجعين نطلع بسرعة
شمس :- صار يمة رحت بدلت اخذت الفلوس وطلعت اشتريت علبة جكليت وبل رجعة اكو جيحة ماي جاي امشي واجت سياره سريعه تمشي وبللتني انترست ترس مي وطين وكفت السيارة
شمس :- نزول حته نزول شنو مشوف اعمة ادري مشوف بشر جاي يمشي
نزل من السيارة واحد طويل معضل العيون عسلي يخبلن الشعر السرح كفشة مو ولد حلقوم ضليت مسطورة
