كان يظن دائمًا بأنه صائبٌ في كُل احواله، وانا وحدي.. من اقترف الخطأ♡♡
.......
ثاني يوم طلعنة للسوك جبت العاب الفقوري وسرير وملابس وغيرت الغرفة سويتها كلش حلوة وفتحت الغرفة الثانية خليتها السيف حطيت بيها فراش وميز صغير عل كد ملابسة لان يستاهل مو صح من خلصت سويت كبة وسمبوسة وحبشكلات ضميتهن بل مجمدة سوكت للبيت ونظفتة لمن تعبت باوعت للبيت يخبل من النظافة رحت بدلت وكعدت اباوع عل مسلسلات تركية مر سبوع وهمه لسة مجاين طلعت للصالون جنت اصبغ شعر مرية دك تليفوني الصالون متروس نسوان استأذنت منها ورحت خابرت جان سيف
سيف :- هاا اكلج انتي وين
شمس :-وعليكم السلام والرحمة بل صالون شرايد
سيف:- اشو سكتي اني بل باب مالت البيت تعاي افتحي
شمس :-كول والله مرتين وياك فقوري
سيف:- بلي يلة استعجلي
شمس :-ياااي اجيت اجيت
شمس:-سديت الخط وطفرت رحت يم نور
شمس :- نوارة نونو حب حب
نور :-هاا
شمس :- فقوري وابو يم الباب عادي اروح بس اليوم واكطعي من اليومية شكد متردين
نور :- شمس ترة ميصير هيج شوفي كم حدة هناا
شمس :- اسفة والله بس اليوم عفية
نور :-استغفر الله امشي ولي يلة وكطوعة منج ٢٥
شمس:-يرحن فدوة لفقوري محححح يلة باي
شمس :-اخذت غراضي كلهن وطفرت رحت ركض لكيتهم كاعدين بل سيارة
شمس :-هلووو
سيف:-مبقيتي بعد شعدج جاية
شمس :-انت شعليك انطيني هل عسل
اخذتة بوستة لمن شبعت منة
شمس :-افيش مينشبع منك
فقوري :- وجعتيني ماما
شمس:- يروحها الامك
سيف:- شهل مصاخة اصعدي للسيارة يلة
شمس :-وين
سيف:-نعقد
شمس :- اف اف صعدت ورة وفقوري ليكدام ودانة لمكتب مالت شيخ نزلنة عقدلنة بدون ما واحد يدري بل طريق عزمنة عل عشة رحنة للمول خلينة فقوري بطابق الالعاب واحنا كعدنة نسولف
سيف :- ي مريتي
شمس :- شكو
سيف :-شمس مستعد اعوف الدنيا واعوف كلشي وانسى العشيرة كلها لخاطر نرجع سوة ولخاطر عيونج ما صدكت رجعتي الي عوفي هل حاجز صدكي فقار ما اخذة منج مستعد اني ما اطلع من البيت بس للشغل لخاطرج همين صدكيني شمس اكو واحد سوة مثلي وحجة هيج
شمس :- سيف اني هنا لخاطر ابني وشنو ذنب نسوانك وانتة الي بنيت هذا الحاجز مو اني فرقتني عن اهلي وعن ابني وعن اهلك وعنهم كلهم وخليتني بل شوارع
سيف:- اسف صدكي اسف ونسواني يرحلج فدوة وصدكي من زوجت زمرد ازوجتها صارت مشكلة واخذتها اصلا البنية متريدني ولسة ما صرت زوجها والله ورقية ذيج مشمورة عد اهلها زعلانة
شمس:- وانتة منو التجي لازم تستر عليها حنون الله يرضة عليك وهيه مصيبتنة كلها من ورة رقية تعرف ليش لان انت ما سمعتني وما جنت تعرفني وجان بكلبك حقد علية وطلعتها بذاك اليوم هسه صار وقت الحجي تعرف منو كتل ابنك هيه نفسها رقية الي ضربتني علمودها وحرمتني من ابني كلشي ما يصلح جنت اشوفك شيطان ولسة احسك تضحك علية احس روحي صرت لعبة يعني انت هسه من تريد ترجع ترجع كسرة كلبي لو شنو بل ضبط شوف هسه اني احجيت وادري بيك ما صدكني
سيف:- شمس ما معقولة يعني اكو وحدة تكتل ابنها كليلي طاحت بدون قصد بس لا دكليلي هيه كتلتة
شمس:- هيه كتلتة ومستعدة احلف وانتة ضل هيج عل فطاريتك
سيف :- هسه عوفي هاي السالفة ومصدكج اني
يتبع..
..............
هلو بنات شلونجن ادري اتأخرت عليجن وهذا بارت قصير بداية اسفة عل تأخير بس هاي الفترة جبت بسلامة وجبت بيبي عنون سميتة ذو الفقار مو بس شمس اسمي فقار وان شاء الله راح ارجع وياكم وما اكطع 😘😘
