..................
انتة مو بس قطعة مني انتة روحي
يل وضوحك ربي جابة بكد وضوحي 💓
...............
شمس :- رقية طاحت عل درج وضلت تعيط كلهم باوعولي وركضولها
ام سيف :- ولج يمكموعة شسويتي بل بت
شمس :- شفت منضرها كلة دم جاي تنزف واكعة عل بطنها هنا تخبلت وين اروح شسوي مستحيل مو اني سويتها لا والله مو اني ضلت رقية اصيح وصوتها يرن بأذني اني صافنة عليهم يجون منا ويرحون منا شالوها واخذوها للمستشفى
فخرية :-، تعالي ولج لهينة يمي شصار تدرين اذا سكطي الطفل سيف يشرب من دمج
شمس:- بيبي وروح ابوي مو انة مسويت شي هيه مدري شون طاحت جانت تغلط علية اني كتلها شو وخري هيه طيحت روحها
فخرية :- دخلي نشوف والله كريم
شمس :- مرت عشر دقايق ودك جعفر عل نبأ وكال الها رقية اجهضت الطفل ونص ساعة ويجون
شمس :- صخام وجهي هسه وين اولي والله مو انة والله معلية
نبأ:- حبيبة هذا قضاء وقدر ربج
شمس :- ولج والله من طلعت صارت كدامي وضلت تهدد وتغلط
نبأ:- خلي تجي والله كريم
شمس :- نص ساعة واني كاعدة عل جمر حتة بطني صار بيها الم حسيت روحي راح اجيب سمعت صوت سيارات وكف كلبي كلها دخلت للاستقبال عمود تحل السالفة ويمهم رقية وراهم اجة سيف عيونة حمر دم صاير اعصاب من الباب وصاح شمس اسمي صار يرن بل بيت دخلت يمهم ورجلية يركصن من الخوف رحت ختلت يم عمي
ام رقية :-الله لا يوفقج خرابة بيوت ولج خربتي بيت بتي طاحضج ولج اليوم العب بيج فلك
سيف:- عمة اكعدي واسكتي خلي نفهم
ابو سيف:- احجي بوية شصار
شمس :-عمي وروح ابوي ما ادري هيه وحدها وكعت مو انة والله
سيف :- رحت جريت ايدها ونترت بيها ولج شون انطاج كلبج تكتلين طفل بريئ شوون احجي لا انعل ابوج اليوم
رقية :- اني جنت احجي وياها عادي هية كامت تغلط علية ودفعتني
شمس :- جذابة والله هيه ضلت تهدد وتغلط كتلها شو وخري هيه شمرت روحها ما حسيت الة ايد طبعت بخدي من قوتها اذني ضلت تون وخدي صار نار هاي صارت ثاني مرة سيف يمد ايدة علية مرة من درة بية ازوجت وهاي مررة
سيف :-هذا علمود ما تتعلمين اجذبين ولج شون وحدة تكتل ابنها فهميني انتي ميفيد وياج الة الكتل
شمس :-لزم ايدي كبالهم وطلعني لبرة صعدني بل سيارة وهمه وراة يصيحون علية يردونة يوكف ماكو صعد بل سيارة وشخطها
شمس :- سيف بروح الغالي عوفني والله مسويت شي لتنسة اني هم حامل
سيف:- ....
