انا متعب يا الله ، متعب من كوني وحيداً فالطريق كعصفور فالمطر ، تعبت من عدم وجود رفيق اكون معه ليخبرني الى اين نذهب من اين نأتي ولماذا ، في الغالب تعبت من البشر وكونهم قبيحون مع بعضهم ، تعبت من كل الالام التي اشعر بها واسمع عنها في العالم.
...............
شمس :- الوو صباح الخير
سيف :- خمس دقايق الج اجيبين فقار بسرعة
شمس:- تمام كمت شلتة سودة علية نايم لفيتة وطلعت لكيتة واكف منتجي عل سيارة انطيتة ورجعت للغرفة حته ما سلمت علية ولا نطقت حرف مر شهر وشهرين و٣ واني عل حطيتي متغير شي عبد الله تغير وياي كلش ويتعارك وياي علمود انضف البيت وي مرتة شنو بس هيه تشتغل وحته ضرب يضربني وفقار بل سبوعين يجيبو الي يوم واحد ثاني يوم الصبح ياخذو حبي ال سيف شوية شوية جاي يقل صار محلة كرة صار عمر فقار ٨ اشهر اني حالتي صارت اتعس فكرت اشتغل اطبخ بل بيت وابيع رحت العبد الله وسولفتلة
شمس :- عبد الله اريد اكلك شغلة
عبد الله:- كولي خير
شمس :- اريد اشتغل هنا اطبخ بل بيت وابيع للناس خوش شغلة ونحصل فلوس بيها
عبد الله :-ي عادي اشتغلي واني اجيبلج المواد ونص الفلوس الي اني هم ما عدي بلكت اشيلين عني البيت شوية وشغلي وياج رونق
شمس :- ان شاء الله
صدك بديت اشتغل بل طبخ ونطبخ اني ورونق ونبيع عل ناس مر شهر واني اشتغل الناس حبت شغلي وعرفتني صار تجيني طلبيات هواي ونص الفلوس ياخذهن عبد الله ورونق وذب علية علاج امي والباقي اضمة الي حته صرت مرات اطلع انضف بيت الناس رجع عبد الله يقسي علية وحته ياخذ فلوسي كلها ومرات يضربني لان ما انطي حيل تعبت قررت اشرد منا فرد مرة وما افكر بواحد وانسة ابني وانسة عدي اهل بليل جان الجو بارد شتا لميت ملابسي واخذت فلوسي بيومها جان عبد الله ماخذ فلوسي كلها وضاربني بحيث جسمي مكسر الساعة جانت ١ بليل لميت غراضي وعدي فلوس ضامتهن ومبايلي اخذتة وطلعت من البيت بهدوء وجسمي كله يرجف خايفة شراح يصير وياي شنو مستقبلي واني بنية عمرها ٢٣ بعدني صغيرة وما اعرف وين اروح طلعت صرت عل شارع ماكو سيارات كلها نايمة وصوت الجلاب ( تكرمون) عالي ضليت امشي عل ضوة المبايل لحد موصلت بيت هيكل كعدت بي وختلت متانية يجي الصبح كرفست روحي وتغطيت بل عباية ما اسمع شي غير بس صوت الجلاب عالي جنت كلش خايفة الي يكعد يمي يسمع صوت كلبي شون يركض من الخوف ما نمت لحد الساعة ٦ الصبح ميتة من التعب طلعت لبرة لكيت سيارات قليلة غشيت وجهي ومشيت لكيت رجال شايب صاعدة سيارة جبيرة وكفلي
الشايب :- ها بوية محتاجة شي
شمس :- حجي اريد سيارة تطلع محافظات وين الكة
الشايب :-صعدي بوية اوديج للكراج
شمس :- لا حجي تسلم
الشايب :- صعدي بوية احسبيني ابوج الثاني صعدي ورة واني اخذج
