赖皮 《Rascally》

[Unicode] Chapter - 1

အကယ်၍

[conj] စိတ်ကူးထင်မြင်ချက်ကို ရည်ညွှန်းသည်။

စာ​ကြောင်းတစ်​ကြောင်း၏ အစ၌ သုံး​​လေ့ရှိသည်။ ဤစကားလုံးကို သူတို့၏ ပါးစပ်က​နေ ​​မကြာခဏ ပြောတတ်သည့် လူအများစုသည် စိတ်လုံခြုံမှုမရှိသူ​များ၊ အတိတ်ကို လက်မလွှတ်နိုင်သူ​များ ဖြစ်တတ်ကြသည်။

နေ့​ရောည​ပါ အချိန်ပိုလုပ်ရသည့် ၂ ရက်တာကုန်ဆုံးသွားပြီးသည့်နောက် ဝူရိဖန်တွင် နားချိန်ရှိလာခဲ့​ပြီဖြစ်သည်။ သူသည် နူးညံ့​သော ကတ္ထီပါ​စောင်ကို ထိလိုက်သည့် အချိန်မှာပဲ တံခါးဆီက တင်း​တောင် ​တင်း​တောင် ဆိုသည့်အသံက ​အနှောင့်အယှက်ပြုလာခဲ့သည်။

ဝူရိဖန်သည် အိပ်​ရာ​​ပေါ်မှ ထထိုင်လိုက်သည်။ သူသည် ခေါင်းကိုငုံ့ထားပြီး လက်​ချောင်း​များကို ဆံပင်ထဲထည့်ကာ ခပ်ကြမ်းကြမ်းဆွဲဖွလိုက်သည်။ တဖန် ခေါင်း​ပြန်မော့လာ​​သောအခါ ​မျက်နှာကျက်တွင်ရှေးကျသည့် ဒီဇိုင်းတစ်ခုနှင့် အစားထိုးလဲလှယ်ထား​​သည့် မီးစိုင်းကို ကြည့်ရင်း သက်ပြင်းဖွဖွချမိ​​လေသည်။

ထပ်ပြီး အဲ့ဒီလူပဲ ဖြစ်ရမယ်၊ မင်းပဲ ၊ လုဟန် ။

တံခါးဖွင့်လိုက်​သောအခါ တံခါးနှင့် တံခါး​​ဘောင်ကြားတွင် ချိန်းကြိုး​လေးတစ်ခု ရှိ​နေသည်။ ဤအရာကလည်း အရင်က လုဟန်လုပ်ထားခဲ့ခြင်းဖြစ်သည်။ (ချိန်းကြိုး၏) နာမည်​ပြောင်မှာ "ဓါးပြ မလာရ၊ သူခိုး မလာရ၊ နှာဘူး မလာရ"

သူက အ​မေရိကန်ဇာတ်လမ်းတွဲ​ တော်​တော်များများကို ကြည့်ဖူးသည်ဖြစ်ရာ ချိန်းကြိုးထည့်ထားခြင်းသည် ခေတ်​နောက်ပြန်ဆွဲ​နေသည်ဟုပင် ခံစားရသည်။