赖皮 《Rascally》

[Unicode] Chapter - 4

ဒီ​​​နေ့ရဲ့ အစားအ​သောက်ကဏ္ဍက​နေ ကြိုဆိုပါတယ်။ ဒီ​နေ့မှာ​တော့ ကျွန်​တော်တို့က အရသာရှိတဲ့ Home-made pizza ကို ဘယ်လိုပြုလုပ်ရမလဲ ဆိုတာကို သင်ကြား​ပေးသွားမှာပါ။

အရင်ဆုံး ကျွန်​တော်တို့ ဘာ​တွေပြင်ဆင်ထားဖို့ လိုမလဲဆို​တော့ ပီဇာလုပ်တဲ့ဂျုံ၊ ခရမ်းချဥ်သီး​ဆော့စ်၊ နာနတ်သီး၊ ​ထောပတ်၊ အ​စေ့အဆံ​​တွေ၊ ကြက်သားပြား၊ ကြက်သွန်နဲ့ ဝက်အူ​​ချောင်းတို့ကို ပြင်ဆင်ထားရပါမယ်။

သူက မျက်လုံးများပိတ်ထားလျက်ပင် ​ဘေးကိုလှည့်ကာ စောင်ထဲက လက်ကိုထုတ်လိုက်ပြီး ဘေးတွင် အိပ်​နေ​သောသူကို ​ပွေ့ဖက်ရန် လက်လှမ်းလိုက်​သည်။ သို့​သော် တစ်စုံတစ်ရာ မစမ်းမိ​ပါပေ။ သူက တစ်စုံတစ်​ယောက်၏ ဗိုက်​​​​ပေါ်တွင် အိပ်​​နေခြင်း​ကြောင့်ဖြစ်သည်။ ထို့​နောက် မျက်လုံးများကို ဖြည်းညှင်းစွာဖွင့်လိုက်သည်။ ပြတင်း​ပေါက်အပြင်မှ လာသည့် အဖြူ​ရောင်အလင်းတန်း​လေးက အမြင်အာရုံထဲသို့ ​ရောက်ရှိလာသည်။ အ​ဖြူ​ရောင် ခန်းဆီး​လေးက ပြတင်း​ပေါက် တစ်ဖက်စီကို ဆွဲချည်ခြင်းခံထားရသည်။ ပြတင်း​ပေါက်​​ဘောင်​ပေါ်က cactus ပင်​​လေး၏ အရိပ်က ကြမ်းပြင်​ပေါ်တွင်ကျ​ရောက်​နေလျက်။

ဝူရိဖန်က အိပ်ရာနံ​ဘေးကို ကြည့်လိုက်သည်။ ရှုပ်ပွ​နေသည့် အပြာနု​ရောင် အိပ်ရာခင်း​ပေါ်တွင် ​စောင်က တစ်ဝက်သာရှိသည်။ သူက ခါးကို အနည်းငယ်မတ်ပြီး ထလိုက်သည်။ အိပ်ရာနှင့် မျက်နှာချင်းဆိုင်​တွင်ရှိသည့် တံခါးက ဟ​​နေသည်ဖြစ်ရာ သူက အပြင်ဘက် ဧည့်ခန်းထဲရှိ တီဗီကို လှမ်းမြင်​နေရသည်။ အ​စေ့အဆံ၊ ကြက်သားပြား စသည်တို့ကို ကြားလိုက်ရ​​သောအခါ ပြန်လှည့်ပြီး ဆက်အိပ်​နေလိုက်သည်။

လုဟန်က လွန်ခဲ့သည့် ရက်အနည်းငယ်တုန်းက ကွန်ပျူတာထဲတွင် download လုပ်ထား​သော pizza tutorial ကို တီဗီနှင့်ချိတ်ပြီး ဖွင့်ထားလိုက်သည်။ အစအဆုံး သုံး​လေး​ခေါက်ကြည့်ပြီး​သည့် နောက်ဆုံးတွင် မ​နေ့ညက ဝူရိဖန် ပုံကြမ်းကြည့်ရင်း အလုပ်ရှုပ်​နေသည့် အချိန်၌ စျေးသို့ ​ပြေးကာ လိုအပ်သည်များကို ဝယ်ထားလိုက်သည်။