នាងជឿជាក់ខ្លាំងណាស់ វាស្ទើតែមួយរយភាគមួយ
ពាន់ទៅហើយ។ ចាំដល់តែថ្ងៃនោះទេ ថ្ងៃដែលនាង
នឹងទម្លាយវីដេអូ និង រូបថតគ្រប់យ៉ាងដែលពួកនាង
បានរៀបចំឡើង បង្ហោះផ្សាយឲ្យមនុស្សទូទៅប្រទេស
បានដឹង ប្រាកដណាស់ បើរឿងដល់ដំណាក់កាល
ហ្នឹងហើយ ជុងហ្គុក មិនដេញក្មេងម្នាក់នេះចេញពី
ភូមិគ្រឹះទេ វាមានតែចម្លែក។
«មើលទៅនាងជឿជាក់ខ្លាំងណាស់»រាងកាយស្រឡូន
ស្រឡៅក្រោកឈរពេញកម្ពស់ ដើរទៅប្រឈមមុខនឹងនារីកំណាចមុននឹងចោតសួរ។
«ប្រាកដហើយ!»នាងញាក់ស្មាបន្ដិចរបៀបជាអ្នក
ឈ្នះ។ ហ្គេមលើកនេះបើនាងមិនឈ្នះទេ មិនបាច់ហៅនាងថា លី ខ្វាងគី ទៀតទេ។
«ជូនពរឲ្យសម្រេចបំណង»បបូរមាត់ពណ៌សីុជម្ពូរ
ញោចស្នាមញញឹមស្រាលផ្ដល់ពាក្យជូនពរទៅកាន់សត្រូវ.រួចកាន់ប្រអប់បាយដើរចេញទៅ ប៉ុន្តែដើរមិនទាន់បានពីរជំហានផង ក៏ត្រូវម្រាមដៃស្រួច
ស្លេម លាបក្រចកពណ៌ក្រហមឆេះដូចមិនមែនសិស្សសាលា ចាប់កញ្ឆក់ប្រអប់បាយរបស់ ថេយ៉ុង បោះចោលទៅក្នុងធុងសំរាមយ៉ាងឈាមត្រជាក់។
«នេះឯងផ្គើនយើងមែនទេ?»ក្រោយបោះប្រអប់បាយ
ចោល ខ្វាងគី ក៏ចាប់កញ្ឆក់កអាវសស្ដើងរបស់ ថេយ៉ុង ទាញមកជិតខ្លួន រួចស្រែកសួរទាំងខឹងសម្បារ
ហាក់ដូចពាក្យជូនពរមួយម៉ាត់នោះនឹងធ្វើឲ្យផែនការ
របស់នាងបរាជ័យអ៊ីចឹង។
«ផ្គើន?ត្រង់ណាដែលថាខ្ញុំផ្គើន?ខ្ញុំគ្រាន់តែជូនពរនាង
ប៉ុណ្ណោះ ព្រោះខ្លាចថាការប្រឹងប្រែងរបស់នាងវានឹងនាំភាពវិនាសអន្តរាយមកឲ្យខ្លួននាងវិញ»ដៃស្រឡូនទាំងគូចាប់បំបេះដៃ ខ្វាងគី ចេញពីកអាវខ្លួនឯងរហូត
ទាល់តែបាន ស្របសម្ដីដាក់ទៅអ្នកម្ខាងទៀតផាំងៗ
មិនឲ្យចាញ់គ្នា។
«ឯង!!!!»ដោយសារតែទ្រាំស្ដាប់ពាក្យដាក់ទំនាយ
របស់ ថេយ៉ុង មិនបាន នាងក៏យារដៃមួយទំហឹងក្នុង
បំណងទះថ្ពាល់ទន់រលោងរបស់ដៃគូសត្រូវចំពោះមុខ
តែក៏ទះមិនបាន ព្រោះតែមានមនុស្សម្នាក់ចាប់ដៃនាង
ជាប់ ហើយម្នាក់នោះគ្មានអ្នកណាក្រៅពី ហ្វៃយុាំង នោះទេ។
YOU ARE READING
កែវភ្នែក ចន ជុងហ្គុក(ចប់)
Romanceអូនគឺជាជីវិត ជាដង្ហើម ជាកែវភ្នែក ជាពិភពលោករបស់បង កូនឆ្កែ គីម ថេយ៉ុង!
