صغيرتى أنا

الفصل الرابع عشر

استيقظت ملك فى الصباح وك العادة وجدت نفسها فوق غيث التى ظنت انه لم يستيقظ ف استغلت الفرصة ومررت يدها على طول ذراعه بتعجب

ملك باندهاش : كل دى عضلات ... هو بياكل ايه ...انا حاسة انه ضخم
اكملت يدها طريقها لرأسه .... وعينيه وكامل انحاء وجه وما إن وصلت لشفتيه حتى شعرت به يبتسم ف فتحت عينيها على وسعهما ... أهو مستيقظ !!!؟....ضحك بصخب على منظرها بعدما كان يكتم ضحكته بصعوبة
ملك : اااانا ... انت ...اانت صاحى من امتى !؟
غيث بضحك : من اول ما بدأتى تتحرشى بيا
ملك بصدمة : انا احرشت بيك !!؟؟
غيث : ايوه من ساعة ما صحيتى وانتى عمالة تلمسى فيا ... ده اسمه تحرش ولا مش تحرش
ملك : لأ طبعاً
غيث هو يضع يده على ذراها : خلاص يبقى اعمل زيك بقى
ملك بسرعة : لا لا عيب كدة على فكرة
غيث : لما هو عيب بتعمليه ليه ...هاا
ملك بخجل : خلاص بقى ... انت رخم اوي على فكرة
غيث : انا رخم !!؟ ... ماشى هتشوفى الرخم ده هيعمل فيكى ايه
شهقت بفزع عندما حملها بسرعة : انت هتعمل ايه
غيث بمكر : هساعدك تلبسى هدومك .... علشان تعرفى انى طيب مش رخم
ملك : بلاش ... علشان خاطرى بلاش
غيث : ليه مش انا جوزك قرة عينك
ملك : ايوه ... بس ... بس
انزلها بهدوء على الكرسى وجثى بركبته امامها وهو ممسك يدها
غيث بهدوء : انا عارف انى غصبتك المرة اللى فاتت لما ساعدتك بس صدقينى مكنتش مطمن لكل اللى ف البيت بعد اللى حصل أما دلوقتى هطمن اكتر واحنا بعيد
ملك باستغراب : بعيد !!؟ ... هو احنا مش ف البيت؟
غيث : لأ احنا فى الڤيلا بتاعتى هنقعد فيها
ملك بحزن : ليه ؟
غيث : انتى زعلانة
ملك : ايوه ... انا حبيت مامتك آوى وجدو عز و تيتة سارة
غيث : هنرجع تانى بس مش دلوقتى
ملك : طب امتى ؟
غيث : لما نعملك العملية الأول ... هنرجع هناك وانتى بتشوفى
ملك بخوف : هى معادها امتى
غيث : النهاردة

ازداد خوفها اكتر وهو لاحظ ذلك من شحوب وجهها وبرودة يديها التى بين يديه
غيث بحنان : اهدى يا حبيبتى انتى خايفة من ايه ...انا معاكى ومش هسيبك مفيش حاجة هتحصل ... جسمك بيترعش كدة ليه اهدى 

أخذها بين احضانه وقلقه يزداد عليها ... أما هى فهدأت فور أن استمعت لكلمة حبيبتى ... اهى فعلاً حبيبته ؟ شعرت به وهو يضمها بحنان لم تشعر به فى حياتها إلا معه ....ابتعد عنها قليلاً وهو يربت على شعرها بحمان
غيث : احسن دلوقتى ؟
ملك بابتسامة : ايوه ... شكراً على كل اللى بتعمله معايا ... انا عمرى ما حد اهتم بيا كدة أو اخد باله منى ... عمرى ما بقيت فرحانة زى دلوقتى ...بجد شكراً
غيث : متشكرنيش تانى
ملك : ايه !!!؟؟
غيث : اللى سمعتيه ... اياكى ثم اياكى اسمعك بتقوليلى الكلمة دى تانى ... ومن غير ليه فااهمة
ملك بغباء : ليه ... هاا ليه ؟
غيث بضحك : يا بنتى هو انتى بتعاندينى ... اقول يمين تقولى شمال
ملك : ما انا عايزة اعرف
غيث : لأن مفيش شكر بين الراجل ومراته ... الاحترام والاهتمام ملوش علاقه بالحب ... يعنى لو الراجل مش بيحب البنت اللى متجوزها ده ميمنعش انها مراته وعليه واجبات لازم ينفذها ... يعنى انه يهتم بيها وهى مريضة أو يساعدها أو يعاملها باحترام ويلبى طلباتها ده ملوش علاقه إذا كان بيحبها ولا لأ ده واجب عليه ولازم ينفذه
ملك : يعنى انت بتعمل معايا كدة علشان ده واجبك