٥________٦
كفى صمتا
مريم السعدي
بارت ٥
بعد ماكمل المحامي صاح على حامد ومحامي هو مو محامي مثل المعقب كاله تفضل دافع عن روحك حامد
ههه شدافع مره وانهزمت من بيت رجلها وتزوجت غيره بدون ميطلكها ههه نسوان تالي وكت
- اعترض المحامي فكيت حلكي عالبرود الشايله شنو فلمه صاح القاضي احجيلنا السالفه كال
- سيدي اني اخويه استشهد بانفار كلت الم لحمه واتزوج مرته لان ماريد جهال اخويه يربون بعيد عن اهلهم شوً وره كم يوم من العقد انهزمت وي بناتها وتزوجت بله ماطلكها بعد انت اذا تسشوفرهي ىحده تكدر تربي بنات تربيه دينيه وحكيمه خليهم بس ضلت بركبتك ----المحامي اعترض وكال كان زواجهم باطل لان انجبرت صاح حامد اذا تنجبر ليش تبصم وتوكل السيد
- صحت من مكاني موكلته امك الحجت والله يشهد عليه صاح القاضي سكوووت شنو هالفوضى سكتت جسمي يرجف كعدني بابا باوعلي بقلق بلعت ريك نطاه مجال يحجي حامد تقدم للقاضي نطاه اوراق صاحني تقدمت يمه كلي هاي بصمتج صفنت هزيت راسي اي وهاي بورقه ثانيه هزيت واسي اي باوعت عليه كلي هاي عقد المحكمه وعقد السيد مصدقه ثنينهن وهاي عقد ثاني بعد 50يوم بدون متطلقين من الاول وجايه بكل عين صلفه تبلغين على زوجج الاول والله جيب تالي وةت بقيت صافنه اعترض المحامي وكاله مزور معاقد محكمه غير ايسر هذا سيد عاقد وباطل لان اجبار واصلا مو هي النطقت التوكيل والبصمه اجباري بصموها لان هددوها ياخذون بناتها وهو زور وسوه عقد محكمه
- القاضي كال احنا ببلد يحكمه قانون واوراق هاي الاوراق كدامي وين اثباتك
- سيدي نصه راسه المحامي سيدي المره مكسوره وهذا ضالم اشر على حامد
- القاضي - انت محامي وتعرف هالحجي ميمشي هنا البنيه هسه عليها قضيه زنه ومتطلع الا بكفاله او سجن 8شهور وانت تعرف هالشي --- من نصه راسه ايست حكم القاضي بانه بناتي يرجعون لعمامهم وطلكني حامد نفس الوكت يمكن اسرع محاكمه بالتاريخ انحسبت بيها زانيه وانحسبت ام غير صالحه وين وداني الزمان اني هيج يصير بيه ضاق صدري ووجعني كلبي دفع والدي الكفاله وطلعت من المحكمه وياه منصيه راسي صار بوجهي ايسر توه يفوت باوعلي ايدي على كلبي نصه راسه محجه شي نطانه مجال منتجيه على امي وابويه وامشي حيل مبقه بيه تندمت انهزمت لو باقيه هناك ومتزوجني حامد هم احسن اقبل بيه ولا افقد بناتي وصلت لباب السياره مكدرت بعد كمت اصيح رجعت على حامد ركض ملخته احس ايد جرتني قوي هوه ان يباوعني بنضرات سخيفه بارده الحقير يحرك دمي كمت اصيح حقيييير الله عالضالم الحيوان هم عده مشاعر شتريد مني شاريد روح لم بزوتك اول يله تجي على بزرتي شكد كاتل روحك على اخوك وجهاله ماانطيك بناتي لو اموت مااعرف منو لازمني ويجر بجسمي واني اريد افلت منه اكمز على حامد اخنكه اخرمشه مااعرف اي شي اريد يتاذه منو اللازمني اندار الكه السايق صحت بي عوفنيييييي حامد الحقير ضحك بيرود ودار وجهه ديطلع ضل ارفس واصيح الحرس والشرطه طلعوني ناس تباوعلي تكول شنو هالعرامه وناس تكول هطيه محروك دمها بس اسمع هوسه وصدى براسي الحجاب وكع من كمت املخ بحامد السايق عدلي حجابي ولزمني من ايدي الاثنين ابويه واكف ميكدرلي اني صرت مو اني وصلني للسياره مال ابويه خله ايده على راسي ونزله طببني للسياره صعد ابويه وطلعنا امي تحضن بيه وتبوس بايدي تبجي الهدوء الصار عدي مرعب نيران تلعب تاكل بكلبي واني هادءه وصلت لبيت خاله بشرى----
- ايسر - منضرها يبجي الكافر من وصلت وشفتها ابوها لازمها ومرجيه راسها على كتفه عرفت خسرت القضيه هالمره مضلومه مرادت غير اطفالها وهم منطوهم الها على غفله هجمت على حامد تريد تضرب وتصيح صياحه كطعني الله يعينها جريتها خفت لا يضربها الجلب يباوعها بشماته شنو من بشر اريد اشوف الله شحيسوي بي بعدين من يوكف بين ايده لان بس الله يكدر ينتقم منه جريتها قوي صيحت عليه صعدتها لسياره ابوها وطلع ابوها ضليت صافن هسه شنو واجبي الحكهم لو اعوفهم صعدت السياره واني وافكر بيها لكيت روحي امشي وراهم راحو لشقه خالتها وحامد وعكرب وياهم صعدت وراهم بثكل حسيت روحي مو مكاني هنا ونفس الوكت ردت اوكف وياهم شفت ابن عمها وعمها اللي جان يشهد بالمحكمه على عقدنا سلمت وكفت ابوها دك الباب امها خطيه كضتها بس دموعها على خدها وهي صافنه فتحت خالتها الباب كمزو الجهال على امهم بقيت اباوعهم يخبلون صايرين ضحكتهم تارسه وجههم بقيت واكف بره بالممر مال عماره بصف الشقه صعد حامد باوعلي خامد بنضره حقيره عكرب تقدم دك الباب جريت نفس شحيصير بيها من ياخذ البنات ربي برد كلبها يارب انفتحت الباب ابن عمها كله بس عشر دقايق تجهزهم حامد الجلب دفر الباب وصاح يله امشششن انداريت عليه اريد املخه من يمي الله يعينج ميت مره صاحت امهم مياخذهم البنات بس شافو عمهم ختلو وره امهم وسمر تصيح ماما كذبتي علينا مو كلتي بعد مياخذكم مو كلتي هي ماما اريد ابقى صاح حامد يله عكرب فضها جيبهن تقدم جر وحده عتها قوي من ايدها يمكن فجر الهادءه جانت ساكته انتبهت بيدها قوطيه السيم كرت الشتريته وبي كم ورقه وكلشي محجت بس ملامح الخوف والرعب مبينه من عيونها وبرطمه شفافها البريءه من عتها قوي انتفضت مكدرت اضل واكف صاحت صيحه بحيث عكرب راسن هدها واني بدون مااحس تقدمت ضربتها على وجدها دميت وجهه وانفتحت بعد ضليت اضرب بي جروني من عليه مااعرف منو بس احس ايد سحبتني بقيت اباوعله تنكسر ايدك اذا مديتها حامد كال انت مالك خص شنو دخلك انت دفعني قوي وكال انت ملزك بعد عمك ماريدن اطلع خبرتي عليك روح ولا تتدخل حير بزانيتك
- احترم نفسك اشرف منك رديت الدفعه جر البنات وسمر ترفس رفعها شالها
- نسرين- حامد ابجي ولصيح حامد اوكف اجي وياكم
- حامد- ههه وين تجين شجاي تحجين ههه انه طلكتج شفتي مو كتلج تحملي لعد انه ماينلعب ويايه الله يخليك وكعت على رجله ابويه يصبح عوفي تعاي الاه يخلي حامد اصيرلك خدامه الك ولامك
- الزانيه متدوس بيتي انتي ماتريين بنات اخوي
- زين زين باوع اجي كل اسبوع اشوفهن الله يخليك والله ساعه واطلع
- هههه حلم شكد عمرهن هسه 10سنين بعد عشرين سنه ماتشوفيهن من اموتن عود هاي اذا متت قبلج انتي الردتيها دكليها
- ضلو البنات يصيحون ماما واني ارك عليهم اجر لا كدرلي ابويه ولا امي
- ايسر- كعدت بالكع وخليت ايدي على اذني مدااتحمل الداسمعه الدنيا غبره حيل مفرفحه على جهالها وهو ببرود ياخذهن من حضنها الله ينتقم منك صاح ابن عمها نسرييين كافي فضحتينا جرها ابن عمها صفنت على حامد من طبب البنات بالسياره وهم يصرخون ابوها نصه راسه رفعت راسي اشوف العماره كلها طالعه تباوعلنا ابن عمها ضل يجر بيها للشقه وهي صفنت فصلت دفعاها ديطببها رجعت تريد تطلع تركض جرها من ايدها فلتت ايدها جر شعرها عاطت مكدرت بعد صحت عوفهاااا مالك دخل بيها هدها ضل خازرني ويصيح ميصير هيج انفضحنا لا اول ولا اخر ام قابل حياكلهم عمهم مو غريب سوتها فد مره شباب ديروحون برمشه عين لا اول ولا اخر وحده -لبستها حجابها وضل يلغي شفت عبايه امها بالكع مال الشقه طبيت بثكل اخذتها نفضتها خليتها لى راسها باوعت لابن عمها مرتي مالك دخل بيها اني مسوول عنها متمد ايدك عليها اكسرك امشي ويايه جانت صافنه بغير عالم باوعت لابوها عمي المغرب وره الصلاه ارجعها باوعلي ونصه راسه خطيه ميعرف شيسوي وامها وي دمعتها تذب عشر دموع بس لا يصير بيهم شي لزمتها من ايدها ومشيت جانت مستسلمه وبس ساكته فاتحه عينها مجحضه طبيت للسياره وره مصعدتها وطلعت اني مخنوك وهي مخنوكه مشيت بالسياره ابد مباوعتلها ولاهي الباوعت وصلت للكاضم لاحت المناير ذبيت السياره بالكراج --- وكفت يم بابها فتحته اشرتلها نزلي ورفعت راسي للسما جريت نفس نزلت ساكته مستسلمه لو اكتلها خلاص متحجي مشيت مشيت كلسا التفت خاف تنهزم جانت منصيه وتمشي ورايه مااعرف شون دتفكر وكم الالم الداخل كلبها شنو خوف وشوق لبناتها طبينا الامام اني عدي باج طبينا بدون تفتيش بس ذبينا الاخذيه ضلت تتلفت حسيت بيها صحصحت --- شنو اول مره تفوتين باوعت بعينها مستغرب
- اي همست
- سنيه انتي
- هزيت راسي بدون كلام
- طبيت زرت وطلعت لكيتها كاعده يم الباب صافنه اخذت قران ونطيتها على صوره النور امي تكول تبرد الكلب وتخلي بي نور خليته بيدها وكعدت بصفها نصت راسها عالقران تقره وتبجي بهدوء واني هم لزمت القران كلمي ينعصر كلما شهكت بحركه كملت السوره وكلبت عالبعدها حسيتها هدا مبجت بس نفسها بشهكه كملت ووكفت صلت حسيتها بردت جانت زيارتي خالصه الها بذاك اليوم حتى هاله مندعيتلها كل دعاءي كان الها اذن بقينا للعصر جبتلها مي من البراد اخذته من دون متباوعلي شربت ورجعت تصلي لاحاجيتها لاحاجتني هذا الجانت محتاجه اله هدوء وسكينه وقرب من رب العالمين وكفت تصلي اني هم وكفت على صفحه اصلي جنت احس من اكمل صلاه الكاها مهزومه واتورط بس لا جانت واكفه كملنا صلاه باوعتلها يله نرجع مشيت كدامها ومشت ورايه رحت اخذت الاحذيه حانت لابسه بوتين ويا شي عالبنطرون فوك الركبه واني ذبيت عباه امها عليها نصت تسوي القيطان داخت نصيت سويته الها رفعت عيني بعينها ورجعت نصيت راسي الله جمع ثنين عباره عن حطام صعدنا للسياره هدوء وابد محجينا وصلتها لباب بيتهم وكفت نزلت وراحت من باوعتها حسيتها احسن من الضهر ----
- يتبع
-
