١١_______١٢
#كفى_صمتا
11
طبو عمامي وي ابو خالتي ميعاد وصار حجي باصلهم وفصلهم هذا الفالحين بي اصلهم وبعدين وانه انكرضم مو بنفسي سمر لا والله بس ماريدنها تتاذه هنا كدام عيني محد ياذيها وهاي زينه عادي مو غربه وياذوها ابويه حجه وعمي مصعب جدي وابو حسن صار مناوش بالحجي لحد ما كال ابو حسن انه رايد بنت المرحوم راشد
حامد- اي شكوش منها بس هي تره ماعدها ورث
- رد عليه شون ماعدها واملاك راشد
- انه راح انطيها لحسن وحيكون كفيلها بشرط يتنازل عن املاكها اذا انتم رايدين نسب ماراح تحتاجون املاك بس اذا رايدين املاك وداخلين على طمع ماعدي مره
- لا طبعا رايدين نسب ىالنعم من نسبكم بس حقوق البنيه ليش هالشكل مو مال يتيم
- مالك خص انت انه اضملهيا من تكبر
- مممم على بركه الله مارايد شي انه شور الاهل واسال البنيه وشوف رايها
- احنا ماعدنا بنيه تنسال انه موافق وخلص وجدها بعد موافق
- محسن- كمت وكفت يابه انه رايدها وانهي عليها اذا صديتني
- مصعب- اكعد يابه اكعد خل نفتهم ابوك
- ابو حسن- يابه تفاهمو وردو خبر والنا الشرف
- حامد -كل الهله بيك ابوًحسن
- محسن- باوعلي ابوي بحقد ودار وجهه طلعو الجايين وطبلي يصيح
- انت شجاي تخربط شحجاك صايزلي زلمه
- يابه انه بت عمي اريدها
- انه ادري بيك تريد فلوسها
- هههه لا يابه انه مافكر هيج انه ماريدها تنذل وهذا حسن حيشبعها ذله عمي احجيلك سالفه باوعت لعمي مصعب
- مصغب- حامد هو اولى بيها ليش تروح للغريب
- لك هذا زعطوط شنطي مره
- انه رجال اكثر من حسن وغيره تقدم جرني من زيكي منهو غيره تقصد صيح جدي وخر عنه انه ماارضى الا انطي اله مااريد تروح للغريب
- حامد- يطبك طوب انت وياها يابه لحد يتدخل انه كفلتهم وانتم قبلتو انه ازوجهن
- والله العضيم اروح لحسن اكوله اريدها وتريدني
- ولك تفضح عرضك
- ولا تروح للغريب يابه هم المنها وبيها داسوها بالمداس كمت اشيل برجلي وادوسها بالكع عاد الغريب شيسويلها
- امشي ولي لك امشييي تطلع مراجلك علي انعل ابوك يابو الجابك
- مااطلع كمت اصيح سمر مياخذها حسن مااقبل عمي مصعب جرني ىعباس اخذني وطلع ابويه لحكني يريد يضربني طلعت واني غادي كبره طلعت اني بالباب وخاله راسقي ينتصنتون وسمر وراهم مخليه ايدها على حلكها باوعتلي واني مبهذله احوالي نصيت راسي جرني عباس وطلع بسيارته كمت اخربط بالحجي على ابويه وعباس ساكت يباوعني بعصبيه
- لك انت شخبصتنا خل ياخذها
- ولك خطيه ولك بت عمك
- انت تحبها
- لا ولا الي مفس بيها اشوفها واشوفن زينه وعلا وردينه بس اخافن عليها ولك اخاااف ذنه انه الحرت بيهن هالسنه ونص انه كمت ادك على صدري صرتلهم ابو هذا ابىي ناقص غيره وحنان اصيح بعلو حسي عباس صافن علي
- بس محسن هاي وكحه
- اكوله انه حاير بيهن يكول وكحه ولك خليها تكلب البيت بس كدام عيني ومحد يتدنالها ولك عباس نسيت عمي راشد نسيته من علمنا عالماطور نسيت من اخذنه للترعه نسيت من فك دين جدك ابو امك نسيت البيت الكاعدين بي هسه المن
- المن البيت وكفت السياره اوكف المن البيت
- هيج هيج لا تخليني اطلع من طوري رحمه لاهلك وديني للعلوه اشوف شغلي
- المن البيت احجييي اني اكبر منك ب7سنين وكلشي مااعرف
- انه واعي وافهم وابوي بالبيت يمنا وانت البعيد الكاعدين بي بيت عمي راشد المرحوم ماتشوف ابويه تسودن من اخذت بناتها مو لله في الله هالكلام مايطلع لان انه بسكوت سمعته جان عمري 7سنين واذا هرف بسه اعرف هالمره صدك يذبحني
- وابويه يدري عكدت حاجبي
- لا عباله مال ابوي
- زين عمي راشد منيله
- جريت حسره هذا المااعرفه مومعقول من شغله يطلع بيت 500متر بس يجوز جامعن
- سطرتني محسن
- انه نار وتاكل بيه وابوي ماداير بال مال يتيم هذا يحرك حرك خايف على حواتي ىاخوتي يصير بيهم شي من وراه
- صفنت هسه ليوين اوديك
- للعلوه ريت هوه عدلت دشداشتي مكطعه الدكم مزعت العكال لفيته بركبتي حتى ماتطلع الدكم المكطعه رضا واحمد اخوتي وياي يشتغلون ماكلت لرضا شي عالبي صار -----
- بغداد - تلكراده داخل
- نسرين- بليل خابره ابويه وكله من باجر الزمها خط اتفق ويا على 75بالشهر اجه الصبح ب7ونص طلعت من بيتنا جان بالباب باوعني ونصه نصيت اني هم صعدت صعدت وطلع ---بس عفيه طفي التبريد
- اي طفيته وطلعت جانت مخليه كحله وي عيون عسليه لايكه هواي باوعت بعينها مره ودرت وجهي
- ااشون صارت مرى
- كلش زينه جريت نفس باليل كامت نضفت وسوت عشا الحمد لله
- الحمد لله
- كايلتلها تلفوني عد ابوج شوكت متردين تخابرين
- اي ليش
- لا هيج بليل رادت تخابرج اني مقبلت
- ليش نترت بي خاف احتاجت شي
- خزرتها شو هاي تنتر باوعتلها ودرت وجهي مرديت عليها
- ضاج لان نترت اني بالي يم بنته خاف صار عدها شي خاف تريد تسال شي بقيت ساكته الطريق كله وصلت للجامعه
- شوكت تكملين محاضراتج
- ب1
- خوش هزيت راسي وطلعت رحت لشغلي كبل اني اساسا بالوحده يكممل دوامي كملت شغلي الشي الوحيد اللي مطلعني من همي هو الشغل طلعت وحده الا ربع رحتلها جانت دتنتضر اول مشافتني جتي صعدت وشمرت الدفاتر بصوت عالي سكتت طلعت ضلت تهز برجلها اباوعلها بالمرايه محجيت
- انت ليش متاخر صار عشر دقايق انتضر باوعتله بغضب وصوتي شويه عله
- باوعتلها بلا مبالاه باجر اجي اوكت همست ببرود
- خلنشوف
- وكفت السياره كلبي خلصان انداريت عليها تردين نزلي اذا معاجبج
- لا بس
- باعي تره اني مااعرف مره تصيح عليه معاجبج نزلي كتلج باجر اجي من وكت فلتقللين من احترامج واحترامي
- اي همست نصيت رجع طلع بقينا ساكتين لحد موصلنا نزلت وطلع راسن بقيت بليل افكر بمرى وبناتي ياترى بلغو عسه لا اكيد مثلي يتاخرون تمنيت يمي اعلمهم واداريهم اخ ياحضني شكد مشتاقلكم ثاني يوم هم الصبح اجه اوكت بقه ينتضر بالباب واني دااتريك دك هورن طلعت واللفه بيدي بس دقيقه
- باوعتلها وباوعت عاللفه نصيت راسي جريت نفس ماشي انتضر روحي كملي ورثت جكاره وادخن طلع ابوها سلم خطيه بيده ماعون وبي لفه وجاي
- لاعمي رحمه الله والديك
- لا ابني تريك
- خجلت ارده نصيت اخذتها من ايده كعدت عالرصيف اكل كعد بصفي هالانسان حيل بسيط ضل يسولف عالصبر والايمان بالله واني ساكت عرفت قصده يخفف عني فقدان زوجتي مجد بيه وكللي مشفت بامانتك اعرف بروحي شنو بس حلو من انسان بعمره تطلع من كلبه هالكلام ابتسمت اله ونطيته الماعون وكلاص الحاي بيدي بعده طلعت يله بابا بيباي
- الله وياج بابا
- نسرين- صعدت شرب الجاي وصعد اشر لابويه وصعد خله الكلاص بالمكان مال الكلاص بالسياره وطلع ضل كلما يوكف يشرب منه شكله جان ممتريك انتبه عليه اباوعله باوعلي بالمرايه
- تردين
- جج درت وجهي
- هاي شنو باللفه الجابها الحجي طيب بس اول مره اضوكه
- سبتمن
- شنوو عكدت حاجبي متفجرات هاي
- ههه نصيت راسي تمن وسبيناغ وبيض
- عزه بعينها لامي ادري دجاج تاكلون هيج خبط بس والله طيب الاسبيناغ مركه شجابها عالبيض
- اكله تركيه
- بس طيبه هسه اسويها ببيتنا احاجيها وماباوعلها ضليت ساكت بعد هالحديث لحد ماوصلت ونزلت طلعت وكملت شغلي لل12ونص طفرت هو لل12يكمل السغل بس اخاف لجنه هاي اني موجود وصلتلها توها دتطلع جتي صعدت وطلعت كبل كلشي محجينا ترفك وازدحام وكت طلعه موضفين فات من يمنا ابو قواطي عصير واني جنت غاسل بالدوام الكلاص مالهم اللي شربت بي جاي اشتريت قوطيه عصير برتقال صبيتلها بالكلاص مديت ايدي بدون ماباوعها تفضلي
- لاشكرا
- اخذي بمكان الجاي
- ماريد
- جريت نفس زين اخذي كلاصكم بعد مااخذ منكم شي
- جيب اخذته شربته وهو هم كمل القوطيه يباوعلي بالمرايه اباوعله وانصي وصلني للبيت وراح طبيت للبيت ابدل اشتاقيت للبنات كلش طلعت هدومهم وحضنتها ريحتهم بعدها بيها نمت واني بهدومي دك التلفون كعدت على دكته السايق
- الو
- الوًهلو خاله
- هلو شونج مراوي
- الحمد لله ههه خاله عادي تجين اليوم العصر
- ليش خو مبيج شي
- لا مابيه شي بس اليوم عيد ميلاد سرى واني وبيت جوارينه سويت كيك وهاي اول سنه من دون ماما وحجيتلها عنج كالت ليش مشفتها ميخالف تجين
- ها اي اجي شوكت تسوون العيد ميلاد
- هي دوامها ضهري تجي ب4مسوين مفاجاه الها
- فدوه لكلبج شكد اخت خنينه ياريت عدي هيج اخت
- اني اختج ههه
- صح انتي اختي يله بابا موجود
- اي هيانه هاج ----الو
- الو ابو علي تكدر تمرلي لو اجي وحدي
- لالا اجي رحمه اله والديج اذا عدج شي لتجين
- لالاعفيه اني اريد اجي
- ها ماشي جايج تحضري طلعت رحتلها جانت لابسه ثوب بصلي عريض بس هلكد حلو عليها يضحك وياها صعدت والعطر ترس السياره ممخليه هواي بس راسن بين مكدرت امنع روحي ماباوعلها هيه جانت دايره وجهه عالشباك وصلنا لمكتبه كلتلي اوكف بس دقيقه
- وين
- هسه بس اوكف هسه اجي
- براحتج عرفت دتجيي شي لسرى انحرجت خرب بابوج مرى صعدت ووياها جيس احمر سويت نفسي مشفت شي بس اكلني الخجل طلعت --- ليش كلفتي روحج
- اريد افرحهم
- جريت نفس الله يجير بخاطرج
- تسلم باوعتله ونصيت وصلنا جنت منحرجه لان اكو كم مره بالبيت خجلت كلش شنو موقعي هنا ومنو اني خال ياخذون نضره موحلوه
- تعاي تفضلي
- خاف عيب
- لا كايللهم صديقه هاله
- ها طبيت بثكل سلمت والله الوجوه كلها تضحك
