٩________١٠
#كفى_صمتا
مريم السعدي
بارت 9
وفعلا مر اسبوع رجعتلي حيويتي كمت امشي واطلع وي ايهاب اتفقنا بعد يومين نروح للحله وي ماما وبابا وفعلا طلعنا ورحنا وصلنا المزرعه بس ردت اشوفهم طبينا لكيناها فارغه وبيها بس حرس ايهاب نطه للحرس الورقه واني عيوني تدور بس ردت اشوف عكرب ولو يثبت انهم هنا كال الحرس انهم باعو المزرعه وكعدو غير مزرعه ميندلون مكانها هنا اني فقدت كلها انعادت عليه تذكرت من كال بعد 20سنه يله تشوفيهم تخبلت حضني ايهاب وكال الكاتبه الله تشوفي اصبري رجعنا واني رجعت حالتي ابجي وكاطعه الاكل ايست كلش هالمره ايهاب مخله شي مسواه ووالدي ووالدتي وياه لحد مااقترح عليه اكمل كليه حقوق واتعلم اخذ حقي ويجي يوم واشوفه ومصير الحي يلتقي وبذاك الىكت محد يكدر يوكف بوجهي لان صرت حقوقيه حيل عجبتني فكرته ايام من التعب وقررت اجرب قدمنا سويه وداومت فعلا جانت حياه جديده بالنسبه الي سمر وفجر دافعها اشوف الكل فرحانه وتضحك الا ملامحي بين بيها التعب واني توني 29سنه عمري بس تشجعت اكمل وفعلا معفت اي محاضره ومااحجي وي اي طالب حصرت نفسي بقوقعه عن العالم الخارجي ابدعت وفاجات الاساتذه والدكاتره جنت ادرس بحب ولهفه بطموح من نوع خاص اساسه الانتقام -----لحد مافد يوم دك التلفون واني بالجامعه رديت
الو
الو
كان صوت متعب ومرهق
منو
بيوم من الايام احتاجيتي وكفه رجل تامنين بي ووكفتلج محتاجج تكدرين توفين الدين
عرفت صوته ولهجته رغم مرتين شايفته او ثلاثه
ايسر
اي ايسر
شونك
الحمد لله وانتي
يم الله بيك شي بشنواكدر اردلك الدين
بنتي
شبيها
مااعرف
اختنك صوته
شنو شبيها احجي وكفت بعد ما جنت كلعده عالمصطبه
مااعرف مريضه او شنو البيها مااعرف
ليش شنو شديصير عدها
تنهدت بالم بس نايمه ومتاكل ومن افوت يمها تكولي بابا حباب اطلع اليوم لمحت بفراشها دم وتخجل مني ماعدي احد اختي سافرت قبل فتره ووزوجتي سكتت
زوجتك وين
نطتج عمرها قبل 3شهور مكالج ابوج
شنو صدك ليش
تنهدت جانت مريضه شكلج كلشي متدرين عوفينا تكدرين تجين بس تشوفيها ماعدي غيرج
صفنت غمضت عيني اي اكدر وين اجي
انتي ببيتكم
االا اني بالجامعه
اي جامعه
مستنصريه
اجي عليج عادي
ااي
خوش جاي
مشكور سديت التلفون واخذت السويج وطلعت --- بعد وفاه هاله بشهرين سافرت هبه وامي صارت فد نوب متكدر تمشي والبنات يداروها علي يدرس سرى ومرى تقره وحدها وحبيبتي تركب تتعلم من بيبيتها تكعد يمها تكوللها هيج سوي وهيج سوي وهي تنفذ وتسوي اول ايام جان الاكل مطيب بعدها صار يناكل مدري اني تعلمت عليه مااعرف صارلها اسبوع مريضه موتتني وبس اطب للغرفه تبجي وتتوسل بيه اطلع وين اوديها اني لاخوات ضلن كل وحده بمحافضه ولا بيت جدها استقرو بالسماوه ضليت حاير بروحي تذكرتها عسى ولعل تجي تشوفها للعلم بعدني ممطلكها بعدها بذمتي التهيت بوفاه هاله وسفره هبه اتصل والدها قبل فتره وكتله بس يصير مجال امر نفض الامور المتعلقه وال العشرين ورقه بعدهن يمي لان ملحكت تاخذ الكيمياوي صرفت منهن 5للفاتحه وضميت الباقي وهسه دااوفي بيهن -----وصلت للجامعه جانت واكفه بالباب لابسه لبس جامعه شكلها متغير ضعفانه كلش بس بعده وجهها مدور اشرتلها اجتي كعدت ليوره
- السلام عليكم باوعتله عبالك كبران عشر سنين
- وعليكم السلام باوعت بالمرايه فشلان منج
- لا الحياه خذ واعطي اطلع ضل بالي عليها
- ااااذا سالت كوليلها صديقه امج
- ماشي ماشي شون توفت زوجتك
- جريت نفس باوعت بالمرايه ودرت وجهي عالشباك سدي الموضوع
- سكتت ودرت وجهي عالشباك بقينا نمشي هواي كلشي محجه ساكت لحد ماوصلنا بيت بسيط كلش نزل فتح الباب بالتدفع انفتحت الطرمه صغيره تكفي سياره وحديقه صايره ادغال نصيت راسب حسيته انحرج من الهوسه
- تفضلي همست
- طبيت وراه بثكل شفت مره متمدده بالمطبخ السلام عليكم
- الله يساعدج يمه --- هله يمه منو هاي -- صديقه هاله جتي تشوف البنات --- ياعيني الله يرحمها وبجت ومسحت عيونها بزيك الدشداشه
- تعاي نسرين فوتي
- فتت وراه مرتب البيت بس مبين مابي مره الله يعينه اشر على غرفه هنا نايمه مرى
- فوتي
- زين متفوت ويايه
- لا تخجل
- مو شونً تستغرب باوعت بعينه
- فوتي رحمه لاهلج تره حتخبل خاف احد مسويلها شي بالمدرسه
- ها لا ماكو شي انشاء الله طبيت على كيفي جانت نايمه ووجهها اصفر تخبل عبالك ملاك تطلع بكد بنتي سمر رجعت تذكرتها دمعت عيني مكدرت كمت ابجي بهدوء حست فتحت عينها انتي منو مستغربه
- ااني صديقه امج باوعتلي مستغربه ماعرفج
- اي مشايفتني شبيج مريضه شنو يوجعج تقربت منها
- مابيه شي
- لا بيج وجهج اصفر وخرت الغطا شفت بي شوي دم ابتسمت بعدت جسمها خجلانه شكد صار عمرج حبيبتي
- 11سنه
- ممم ياعمري هاي صرتي مره كومي كعدي خل احاجيج انتي متعرفين شنو بلوغ
- جج
- باعي البنيه بعمر الورده مثلج تصير عدها مثلج الام كل شهر وهيج ينزل عادي
- كمت اخاف
- كامت تبجي ىاكول خفت عبالي مثل ماما حصير هداتها وحضنتها بدون مااشعر سكتت بيدي --- يله كومي باعي اني شنو عدي بالجنطه فتحت جنطتي طلعتلها امدادات باعي هاي متفاركني خاف على غفله يصير عدي هبج اني ماخذه احتياطاتي هسه اجيبلج باكيتات 4خليهن جوه ايدج
- كلما هيج هاي تبقين بعد كل شهر هيج
- صفنت اني سامعه هيج شي بس عبالي مو هسه شكرا خاله
- علمتها شون تستعملها جانت خجلانه كلش نفس الوكت مرحه طلعت من جنطتي 10وهاي نكوطج لان صرتي جبيره اني من صرت اول مره هيج ماما كالتلي زهرتي يعني نبات وطلع بي ورد هسه انت طلعت ورداتج
- هههه شكرا خاله
- يله حبيبتي كومي سبحي مي حار حتى جسمج يدفه ويروح الم بطنج واني حسويلج حليب دافي
- اي ابتسمت شكرا
- طلعت جان ابوها واكف بالباب
- ايسر- ها شبيها باوعتها بقلق
- ماكو شي ابتسمت نصيت راسي
- جريت نفس افتهمت درت وجهي وطلعت للطرمه كعدت بالكع كبال الحديقه ادخن اتخيل شكل هاله اذا جانت موجوده بهاليوم جان فرحت يمكن بقيت صافن
- نسرين- فتحت الثلاجه دورت حليب ملكيت سويت قنداغ مي وشكر يحترك وفوكاه المي يجر البروده من الجسم خاله بشرى وماما داءما يسوو الي طلعت من الحمام وشربته شفتها غيرت جرجف الجربايه مالتها وعدلت الغرفه نشفت شعرها بقيت اباوعلها تبتسم وتنصي يله اني حروح اخابرج باجر وحدزهن الغراض بجيس اسود بيد بابا
- لالا خاله عفيه
- ميشوفهن شبيج هاي سر بينا
- خوش
- تقربت مني شكرا همزين جيتي داءما تعاي ببيتنا
- تلفوني يم بابا بس تحتاجيني خابري
- انشاء الله
- مع السلامه حبيبتي ومثل مكتلج لتاكلين شي بارد
- لا مااكل ابتسمت
- طلعت بره سلمت على امه وطلعت جان كاعد بالكع مرجي راسه عالحايط ةبال الحديقه ويدخن احس كومه هموم عده الله يعينه --- احم
- ايسر -ذبيت الجكاره ووكفت ها
- هاهي
- اشكرج جزيل الشكر باوعت بعينها الله يردهم لحضنج
- نصيت راسي طلع كدامي مشه مشيت وراه سد الباب قوي انداريت شفت ولد يطلع ب12سنه عمره
- علي-ها بابا
- هاعلاوي جيت هاك روح تسوك فاكهه
- اي
- نسرين- ضل يباوعلي مستغرب بس شكله يخبل ابتسمتله دار وجهه خجلان صعدت ليوره وطلع بالسياره ساكت باوعت بالمرايه احجيلي
- شحجي باوعتلها ودرت وجهي جريت نفس قبل 4شهور جيت لابوج كتله اذا ردت شي اني حاضر مقابل فلوس تدرين بيها
- لا
- اي هو بذاك الوكت جنت محتاج فلوس للكيمياوي مالتها ونطاني ابوج وملحكت بيوم الوديتج للكاضم ثاني يوم توفت
- تنهدت الله يرحمها باوعتله دمعت عينه وسكت شكد عدك جهال
- هي مرى وعلي وسرى
- الله يحفضهم ميباوع عليه ومجاوب بس هز راسه وصلنا عالشارع رفع راسه
- اوصلج للجامعه لو لاهلج
- لا لاهلي اذا متكدر ذبني عالشارع
- لا عادي رحمه الله والديج والله حرت وياها
- عادي مراهقه هالعمر صعب
- اي والله جريت نفس شوفي مثل موكفتي وي بنتي وهي يتيمه الله راح يهيا احد يوكف لبناتج
- انشاء الله فرحت بكلامه سكتنا وراها
- شون ترحين وتجين للجامعه
- تكسي
- ليش متخلين خط
- مااحب اختلط درت وجهي عالشباك
- اذا تردين خط الزمج اني خط دااريد الزم خط وابطل تكسي حتى ابقى دوام وخط
- مرديت عليه بقيت اباوع من الشباك هو هم سكت لحد موصلنا للبيت نزلت باوعلي اشكرج هواي
- مسويت شي بس انتضر هسه ادز شي لمرى بيدك مديت ايدي افتح الباب فتحها بابا ---هابابا
- ها حبيبتي شونج
- راح ايهاب
- اي الله ويا مشى منو وصلج ها ايسر الله يساعدك عمي شونك
- الله يخليك عمي نزلت من السياره سلمت عليه ضل يسال عن احوالي والجهال تعذرت منه لان داااجل موضوع الطلاك مديصير مجال كال لا عمي اني علمود سالفه الكليه والتقديم مو فد شي شوكت ميصيرلك مجال فرغلي روحك نمر للمحكمه
- خوش عمي بس هاي الفلوس مديت ايدي لجكمجه السياره بيها ركن مخفي دسته طلعت الورق يابه هاي الفلوس بس بقت ورقتين
- يابه خليهن
- لا عمي رحمه الله والديك ماحب يبقى دين عليه ومقصرت انت ---شفت نسرين طلعت بيدها جيس اسود نصيت راسي
- نسرين- هاي لمرى الجيس
- عاشت ايدج في امان الله عمي
- الله وياك يابه الله وياك طلع بسيارته باوعت لنسرين الدنيا من تكره بني ادم تفره فر
- اي بابا ادري مو فرت بتك
- الحمد لله الحمد لله يله بابا فوتي
- كلي الزم خط
- ها والله اني كلش احترمه واامن بي وانتي جربتي بنفسك ولد خدوم ومرتب وامين وبراحتج بعد
- اي هاهي خابره وكوله اخلص من التكاسي وشوكت تفض سالفه المحكمه تره طولت
- يابه شفتي للرجال ملتهي هم وضيفه وهم جهاله وهم تكسي يركض للكمه العيش
- والله اني هم بدت امتحانات مراح اكدر اغيب
- يله شوكت ماالله راد------
- الحله - العتايج
- محسن- كمت ارجع من الشغل الضهر لان هو مموجود واطلع العصر وارجع وره ساعتين قبل جيته بليل اصعد انام --فجر داومت وي سمر ورنا وعلا وردينه وزينه للمدرسه زينه صف سادس وسمر خامس انحسبت لان 11سنه ومدارس الحله يتساهلون وشافوها شاطره قبلو مضيعه سنه داومو كلهم فد مره وصلهم عكرب فجر تخبل بالملابس سمرلبست الحجاب وفوكاه عباه وكفلها على راسها ابويه وطلعو جانو مكيفات كلش عكس خواتي ميحبونً مدارس اللهم بس علا صف ثالث وحيل شاطره راحو للدوام عدت الايام صح مشاكل وصياح بين امي ونسوان ابويه بس فجر وسمر مرتاحين محد يمهم وهمه هم ملتهين بالدراسه مرت الايام واني يوميه جايب شي لفجر وسمر وخواتي من المزرعه اي نوع فاكهه غريبه او عصاير هالسوالف فجر وسمر يساعدون امي اكثر من خواتي بس يكرهون العجوز لان تضربهم ابسط شي اذا كالتلهم جيبو فلان شغله تضربهم وتدفعهم سمر تلاسن فجر تسكت مترادد مرت الايام بسرعه ابويه كمت ماشوفه الا نادرا واغلس وافوت احسن شي سواه من زعل ريحني ---اليوم رجعت جانت امتحانات نص السنه طبيت البيت كلها نايمه بس سمر بالصبه مال بيت ---ها ولج شو كاعده
- دااقره اني وفجر
- لعد وينها صار اسبوع مشايفها
- ذيج دنلعب بالحديقه
- فجوره صحت بهداوه رفعت راسها
- هلو محسين
- تجر بالحجايه وهذا شعرها على وجهها تنكرط--- شونج دتسوين يولي
- دباوع عالنمل وين يروح
- هههههه ليش باوعت بالكع مسيره مال نمل وهي تمشي وراهم ولج شسويلهم عوفيهم تردين تندلين بيتهم ههههههههاي والله سوالف عليج
- لا جبتلهم اكل
- فتحت ايدها بيدها خبر دهن خربت ضحك حضنتها كامت تكركر ويه ضحكتي باوعت بعينها شنو انتي رب البراءه والطفوله من تصحكين تضحكلي الدنيا
- هههه دشداشتك توصخت بالخبز دهن
- فداج يله سمر امشي جوه اقري
- لاحباب هنا احسن
- ليش
- اكو ريحه مطيبه بالبيت
- ريحتيش
- مااعرف عوفني اقرررره صحت
- ششش ولج ب10منا العالم نايمه طبيت فعلا اكو ريحه دورت طلعت بالمطبخ يم مكان نومه العجوز تقدمت شغلت الضوه العجوز مصفوحه عالحايط تقربت اكثر لكيت قياء وراها صفنت شون نامت وره متقيات هزيتها احاول اكعد بيها ماكو ركض خابرت عمي مصعب لان الوالد لل1يله يطب والجهاز مغلق كل يوم هيج ومحد يعرف وين لافي شوي وعمي مصعب يمي هو وعباس ركضو عليها فحصها عباس بنبضها باوع لابو يابه هاي مسلمتها هاي صاعد الضغط ومتقياه وراها توفت شون محسيتو عليها انكلب البيت بدقيقتها اباوع على سمر تباوع بشماته واكفه وره عمي مصعب وفجر تبجي وي النساوين كامو يصيحون خلت ايدها على اذنها ترجف قرفصت جوه الدرج البيت كله مهامني الا هي وجدي جريتها للغرفه شششش كافي كافي
- ماتت ماتت بعد منشوفها مثل بابا
- اي راحت يم الله
- هسه تكوله لبابا فجر تكول يارب يموتون
- تحجي وتبجي منهاره
- لاحبيبتي لا متكوله ششش كافي تعاي نامي وديتها للفراش غطيتها نامي غمضي عينج
- اي اي
- ترجف وتحجي وينها لعابتج
- ذيج طينياها
- هاج غطيها زين طلعت ركض وي الزلم
- مصعب- سمر عمي فوتي حيطبون الزلم فوتي جوه باوعت بعينها شماته وحقد
- عباس - شديكولج عمج
- تستاهل تموت شوف حتى الله جيفها قبل لتموت
- عباس-اشششششش شنو هاي بلا تربيه دفعتها امشي وليي
- انشاء الله تحترك بنار جهنم هسه بابا يلاكيها هناك وينتقم منها
- عباس-خليت ايدي على حلكها خزتنا طببتها للغرفه حسج مااسمعه ادبسز
- انت معليك مني فاهم معللليك
- لج اششش منا العالم شنو انتي شنو هالوكاحه والصلافه
- اكرهكم كلكم كلكم اكرهكم هسه كلكم تموتون موتتها وهسه تشوف اشرتله بيدي الحركه مال حلفان هسه تشوف
- تسدين حلكج لو شون
- ماسده شتسوي يعني صححت بي
- تقدمت عليها رجعتها عالحايط سديت حلكها وشرف الشريفه هسه اورمج هنا خاف محد كادرلج والله مبين عليج عاقله وبريءه طلعتي بله اسود حسج اذا طلع اموتج وراها فهمتي
- ولي مكروه حقير مثل عمو حامد كلكم مثله انشاء الله تموتون
- باوعت عليها ودرت وجهي وطلعت مو مال نقاش زعطوطه وحاقده ومتخاف ابد
