٢٣_______٢٤
كفى صمتا
بارت ٢٣
سمر- شبيك شبيك صيحت
- ليش دتصيحين ليش دتصيحين شلت ايدي اريد اضربها رفعت ايدها تحتمي بيها عفتها ودرت وجهي وصلت للبيت نزت وطبت للغرفه كبل طبيت وراها ماكو احد بعدهم مجايين واني ناري بعد مطافيه دخلت للغرفه جانت دتنزع حجابها ضهرها عليه بقيت ساكت التفتت عليه
- اكو شي
- تحبين محسن انتي
- بقيت اباوعله واشيل بشعري مالي خلك لاي شي
- شو انلصمتي احجي بهدوء ونار تغلي
- تردين اطلكج ويغقد عليك شيل ده من ده يرتاح ده عن ده
- فتت من يمه ردت اطلع مالي خلك ارد عقليه فارغه جرني من ايدي فر جسمي آي ايدي صيحت بعلو صوتي عوفنيييي
- وزقوم كمت اضرب عالباب اليوم يجي ابويه وانهي كلشي عدج شي ويا انتي عدج شي
- اي اي اي اصيح واحجي عدي محسن كل حياتي صارلي ام واب قبل لتتذكروني انتو مخله احد يمد ايده عليه من راحت امي مخلاني احتتتتاج شي لا اني ولا فجرررر اباوع عالبنات احجي بحركه دم وصياح هو فاتح عينه صافن --- اباوع على بنات عمي كلمن تتدلل على امها وابوها وطلبهم منفذ الا احنا لا ام ولا اب وهو جان بجينا تالي الليل يجيبلنا اشكال ولا فد يوم احتاجيت شييييي الوحيد الفهمني بالمكلره الغايشه بيها ولو ما كاعد بيت عمي حامد اتزوجه واخلص كمت املخ بشعري دفعته قوي دااطلع ---
- بس هو مديسوي هالشي بلاش
- وكفت صفنت شنو
- اي مو بلاش
- شون يعني منو ينطي فلوس قصدك اني
- جريت نفس ونار بكلبي العلوه مال ابوج ثوله
- هههه والبيت الكاعدين بي مالتي هزيت بايدي مااحس الا ضربني على وجهي وجرني من شعري وكعت ضل يضرب ببطني برجله عافني ورجع ليوره يكسر بالغراض بقيت اتلوى بالكع
- اي ضلييي ضلي لوبي وين الله وتموتين طلعت من الغرفه بعد ماكسرتها وعفته ايدها على بطنها وتبجي هاي دبسس شورطت روحي ويا ها اليوم كلشي ينتهي طبيت امي وبيدها علاليك اول مفاتت صحت كلللله من وراااج
- شبيك يمه ياستار شبيك
- جريت نفس روحي شوفي هاي خاف صار بيها شي
- منو شسويتله يمعزززه شسوويت
- نصيت راسي عضيت شفتي مو تتها كتل
- ليش ياعزه نزعت عباتي ركض وهو يصيح ورايه لسانها طويل كتلج ميت مره ماريدها دكلوها لعد كمت اتحجج وبالي ضل يم نومتها بالكع ومقرفصه طبت امي وكامت تصيح وتدعي ام لسان رجعت صرت نار طبيت للغرفه افتح بالباب واني تدفعني وتطلعني تكولي اطلع من البيت روووح ولي من خلقتي وهاي ترادد وتصيح وره امي --- حيوان جلب لو عدي اب جان مكدرت تمد ايدك حقير الله لايوفقك
- لج لو عدج اب جان رباج من طاح حضج شويه يمه خل اربيها شويييييبه خررتني امي تطلع لو اخابر ابوك
- سمر- ماريد ابقى اهنا رجعوني بيت عمي طلكوني منه اتزوج محسن موراد يتزوجني
- راسقي-انجبي لج سدي حلكج اشششش
- خاله اذا عدج رحم وضمير عوفيني تعبت مخبل ابنج مخببببل
- شنوووو منو المخبل بت الكلب
- صفنت دمعت عيني وهو هم صفن على حجايته برطمت ونصيت هالكلب عايشين ببيته كلشي مجاوبت وهو هم سكت طلع من الغرفه وصعد فوك كعدت خاله كعدت يمي
- ماما لتنقهرين حبيبتي اني اعلمه
- خاله عفيه هوفيني وحدي اريد ابقى
- ها سموره اني راسقي
- خاله اروحلج فدوه عوفيني تعببببت اريد ارتاح وحدي
- اي يمه اي اخذي راحتج مسحت الدم من جفنها النازل قطره وطلعت كلبي معصور خرب شرفك عباس الله شحيسوي بينا من وراك طلعت وسديت الباب باوعتها اخر مره وطلعت رفعت راسي فوك اباوع عالدرج اريد افتهم شصار وتعاركو صعدت فوك لكيته ديلم هدومه بسرعه ويدردم بقيت ساكته يمكن احسن قرار ديسوي جريت نفس ---ماما عباس ضغطت عليك هواي اني وابوك ادري واني ماعدي غيركم انت ومحمد وادري بيك متعجبك ومطايقها مااعرف ليش
- ههههه لا وتسال دباعي لسانها احجي واشمر بايدي
- المهم يمه دز على محسن نفض كلشي خل هو ياخذها البنيه تعبت واني تعبت وابوك هم وانت هم كلش انضغط عليك
- وابويه شتكوليله مراح يرضى
- جريت نفس بهدوء وذبيته مالك دخل اني احاجي باوعت بعينه عاكد حاجبه صافن
- ااااني هسه حروح لبغداد ابقى هناك ارتاح من اجي عود نتفاهم
- يعني تطلكها
- شلت الجنطه طلعت من الغرفه مرديت وصلت لباب المطبخ انداريت على اني متوصل بيت عمي حامد تره احركه للبيت ومحسن ميطب هنا
- شنو خليت ايدي على حلكي راح وسد الباب عزه بعيني هذا ابني خبل كعدت عالكرسي بالمطبخ صافنه شنو ميريدها وسنو متوصل بيت حامد وميجي محسن
- ليش يغار وليش ميريد عزه بس لا مسويله عمل لا يا الله كمت هليت الغده طب مصعب كال
- ها شون العرايس
- هههه والله لو تدري
- ها خير انشاء الله
- ههه عباس نزل لبغداد
- شنو شلت التلفون
- عوفه مصعب عوفه جريت نفس ميريدها ليش نلح عليه عوفه كم يوم يرتاح ومن وحده يرجع
- ليش هالشكل
- يمعود متمالخسن لو ماستر الله وجيت جان موتتها
- شحده اكسره
- مصعب حنضل احنا هيج خلي البنيه ياخذها محسن هي كالت اني موافقه على محسن تعبت هاي يتيمه اني اخاف من الله
- هزيت راسي حسبي الله ونعم الوكيل صيحيها
- لا عوفها خل ترتاح نوبات اكو شغلات تحتاج راحه وصبر ووكت عوفهم هسه
- لشوكت
- همه من وحدهم يفكون اسمع مني
- اخ راسقي تعبوني ولدج
- انت كدها مصعب لازم يتربون حتى يصيرون اقوياء وانت لازم تضل قوي
- منج قوته انه
- بعد كل اهلي وناسي انشاء الله خير
- بيت ام محسن
- فجر- المغرب اجه محسن تفاجا مموجوده سمر
- لعد وينها سمر
- اجه عباس عليها اخذها
- ها
- اي والله
- خبل هذا اييي باجر دوامج
- اييي ههه
- باعيني فجوره شنو محتاجه
- ها
- للمدرسه
- لا سلامتك
- انه جبتلج الدفاتر والقرطاسيه ابو المكتبه كال هاي للسادس بعدما وصيته بس ضلت الجنطه
- عدي مال عام
- مابيه شي
- لالا
- والحذاء
- هم عدي مال سمر واحد ومالتي بعده مصغران
- جا خوش
- زين انه مااعرف للهدوم وخاف مايعجبج ذوق امي طلعت فلوس من جيبي هاج هاي فلوس روحي وي خاله راسقي عدها ذوق واختاري على كيفج
- باوعتله دمعت عيني جنت هواي محتاجه غراض بس اخجل احجي مجان امو احد بال غرفه مال جدو ركضت حضنته شكرا الله يخليك والله انت احن الكل
- ههه ابتعدت عنها باوعتلها ولج عيب صرتي مره انتي محتاجه شي وماتكليلي
- لا
- لا انتي تكذبين علي
- نصيت راسي مو استحي اكولك وبس اتطلب
- كعدت كدامها وهي واكفه لزمتها من اديها انتي اميره تامرين واحنا نتفذ ادري ماتتطلبين شغلات فارغه الا اذا جنتي فد نوب محتاجه الها حبيبه انه حخصثلج سبوعيه ومن ترحين بيت عمي مصعب انطيها لخاله راسقي هي تشتريلج التردي انتي ماتستحين منها واذا خجلتي منها انطي لسمر تنطيها ليها
- خوش شكرا نصيت راسي
- بعد كلبي لا تخجلين مني هذا حقج اشرت على راسها باصبعي فاهمه خليها هنايا هذا حقققج وشتردين انتي بس امري
- دمعت عيني رفعت واسي باوعتله احضنني
- شنو ههه
- حباب صار كومه محاضنني
- جا غير صرتي مره
- انت موً تكول انتي بنيتي
- اي والله
- لعد احضنني بس هالمره وهاهي
- هههه بعد روحي تقربت حضنتها انه ماحس باي رجوله وياها بس اخافن على مشاعرها تحس بغير احساس بستها من راسها انه طالع كملتي شغلج
- اي كله
- عفيه بالسبعه يله محتاجه شي مدديت ايدي بجيبي يا جان نسيت
- شكو
- هاج انتي تحبينه كوجه صغار الحامضه
- اللله اروح اجيب ملح كمت اكمز
- هههه ماتكبرين انتي يولدصرتي مره لاتضلين تكمزين ثكلي
- اي خوش ثكلت ----
- بغداد- كراده داخل
- مرت ايام طويله عاللي صار بيني وبينه لا شفته بعدها ولا شافني ولاخابر ولا خابرت ولاحتى جهاله خابرو تاذيت وانصدمت احساسي جان ويا هيالي رقته ونعومته ويايه دمرتني ً مر شهر كامل على طول ادخل بصفحته اكلب ينشر منشورات الم دينيه اخر فتره ينشر انه كلبه جان ميت ورجع احتتيه ليش متصل بيه لا ماريد يتصل مرت كم يوم --
- ايسر- ابتعدت وبقيت انتضر من بعيد اريدمنها اشاره واروحلها ركض بس مامو كطعت الامل علي ديتعبني ومرى بس تنك تريد تخابرها واني مااقبل كبرو الجهال والمسووليه كبرت كم مره جوي خواتي يمي بس احس اتعب اكثر بجيتهم مرى كلش زينه بالمدرسه تبهرني هالبنيه من كلشي كامله الحمد لله بس علي بالنازل حول على تجاره وهالسنه 2مدمرني سهراته وطباته وطلعاته كمت اراقبه لحد هسه لاجكاير ولا شوب بس مرعوب منه الولد اليطلع وياهم من المنطقه بس يبقى الخوف عدي مو بيدي بين الحياه وبين كلبي دك التلفون ابو نسرين عرفت عالقضيه كال باجر عدنا موعد قربو الجلسه لعدم تفاهم الطرفين سواها المحامي من يمه كتله ماشي امر حسيت شي انتزع مني راح تروح ويطبها طوب الاغلىً منها وراحو شفت علي فات للبيت جر الصونده من الطرمه وطلعها للشارع --- عليييي
- ها بابا
- دتسوي
- هيج سياره مال صاحبي حمت
- شنو جاي بيها طلعت وراه واشىف ولد جنه بريعصي مدكدك والصوت شعلوه اغاني والسياره عاللوك صفنتزمنيلك هذا
- صديقي
- ادري ادري منين تعرفه
- اعرفه ياب
- ولك خاف حواسم ذولي باوعت رقم السياره حكومي تعالل علللي
- ها بابا
- ووجع روح عمي روح دكيت عالسياره بيدي طلع الولد صاح علي عالتلفون نضل ووله طب علي يصيح ليش تخجلني كدامه طلعو خواته سحلته للبيت
- ابن الكلب هذا حواسم
- بابا انت لتتدخل بيني وبين اصدقاءي انت معليك
- شون معليه هي هاي تربيتي خرب حضي لزمته من قميصه عتيته تكطعت لدكم وانفتح ضل يصيح ويكمز بقيت صافن باهت جمدت شلت ايدي اضربه صارت مرى بوجهي لابابا لا فدوه لعينك لتضربه بعد ميسويها
- وخري انتييي
- ماوخر ماوخر احجي وابجي لتضربه
- لج وخري خل اشوف منو اليصيح وميريد اتدخل دفعته قوي ونزلت عليه ضرب هو يصيح جوه ايدي وكفت مرى بوجهي تصيح وخررر عوفه حيموت اخويه عوفه
- يموت خلي اموته ولا يلبسني العار ابن الكلللب
- وكفت بوجهه ادفع بابويه على وكع بالكع يعدل بقميصه ويرادد وابويه صاير نار دفعت ابويه يم الباب يدفعني يريد يروحله واني ماخلي اخر شي ضربني راشدي بقيت صافنه ممستوعبه ايدي على خدي بابا صفن دمعت عينه وعلي صاح بابا بعلو صوتها طب ابويه للبيت صعد فوك بعد منزل تقدم علي يمي اسف مرى من ورايه
- بقيت منصيه اول مره بحياتي انضرب --لتبجين مرى والله انتي بحنان اني
- حرام عليك هيج تتعارك وي ابوك باوعتله بعتب وابجي
- بس يتدخل
- لان يدري مو خوش ولد شوف لبسم شىن تغير من تعرفت عليه
- طاك مرى تعرفين شنو الطاك
- واحنا بابا ممقصر علينا بشي لازم شغلتين حتى يوفر علي اصحه باعي لبسك المشكك
- نصيت راسي باوعت لسرى لتبجين حبيبتي مابيه شي
- علي لاطلع وياه وانتبه لدراستك بابا مرايد منك شي بس امشي عدل تره هواي تعب ويانا
- اني اصرف على روحي
- ليش هي بس الصرف نسيت علي شون تاذه من راحت ماما كعدك وكلك انت صرت رجال البيت نتعاون اني وياك جنت صف سادس شوف روحك قبل وشوف هسه حنت متخليني اطلع للطرمه تكول مااتحمل احد يباوعلج هسه منو ديطلع للسوك وين غيرتك خويه ابو الغيره والله يكصوني كص
- فتحت عيني باوعتلها بعد ماهليح خنكتني العبره وكفت حطلع ارجعله غراضه واجي بستها من راسها مرى الله يخليج لتشيلين بكلبج عليه حتى امي مترضى
- حبيبي انت حزام ضهري حضنته طب لغرفته لملم الغراض وطلع اندار ساعه واجي
- الله ومحمد وعلي وياك طلع علي وكعدت بالمطبخ يم سرى سكتتها ودرستها وفوتتها تنام بابا بعد منزل طبيت اسبح ومااسمع الا انفجار يهز البيت علي علي بره دخيلك ياعلي طلعت والشامبو براسي نزل ابويه ركض باوعلي اخوج وين
- كتله طلع لطمت على وجهي ندك عليه مغلق ابويه كام يكمز ويفتر بالبيت وين ادور عليه هسه وين اخذ السويج وطلع اني كلت راح علي كعدت على ركبي ابجي والطم
- ايسر- ياربي مالي كلب افقد بعد ضليت افتر بالفروع والتلفون بيدي اخابر كله مغلق دخيلك ربي مااتحمل دخيلك طلعت يم مكان الانفجار الشعله منطقه دائما مكتضه بالناس كومه ضحتيا ناس تشيل وناس تركض واني ادور بالوجوه مثل المخبل من ضيمي كمت اصبح علي يييي كم واحد يرد ها مابيه شي اباوع علي مو وياهم يربي دخيل محمد لك عللللللي ماكو موموجود كمت اشوف الشباب كلهم ابني كمت انقل وياهم نسيت روحي سيارتي خلنا بيها6يونون وعدل للمستشفى اللي جروح واللي شضايه واللي فاقد اتلفت مثل الحلم الكابوس دم بكل مكان واصوات ناس تصرح البقاء لله نسوان وزلم وامهات ملوعه كلب جتي تركض بلهفه خايفه الشاف ابنه يبجي والماشافه هم يبجي اريد اوكف مااكدر ارتجيت بالحايط اجر نفس كعدت بالكع مضل بيه حيل ربي سلمت امري الك غمضت عيني دقايق خليت ايدي على راسي كمت اردد يامن عليه معولي يامن اليه شكوت احوالي يارحيم ارحم عبدك الضعيف
- يتبع
-
-
-كفى صمتا
مريم السعدي
