٣٧________٣٨
بارت ٣٧
كفى صمتا
طايره احس وياه محاوطني بعينه وين ماروح مبتسم براحه رجعنا للفندق بليل طبينا بالمصعد باوعلي داس عالرقم 6 باوعلي بخبث
- هاي وين مو3احنا
- ممم حتى تخافين زين ابتسمت
- لالالا عباس تقربت شفته ضل يصعد يباوعلي يضحك لالا عفيه
- تعاي هنا حضنتها صارت جوه كتفي وصلنا الطابق السادس طلعت تعاي
- وين مو طابقنا
- غيرت الطابق تعاي شوفي المنضر يخطف الانفاس رفعت حاجبي
- طبيت للطابق صنطه وصلنا لغرفه مدوره
- تفضلي مدام فتحت الباب اشرتلها
- الله حلوه
- مو هاي افضل غرفه بالفندق وبيها جاكوزي غمزتلها ابتسم
- شناوي انت
- شناوي اووف ربي شناوي
- شنو شبيك
- اريدج طبيت وسديت الباب برجلي حصرتها وره الباب تدرين الراحه الهسه بيها اني شنو
- نصيت راسي جر الدنبوسين من شالي
- هسه اكلج شنو جريت شابها برقه انثر شعرها بستها من راسها اني احبج قطعتها اباوع على شفافها منصيه راسها بخجل وخوف
- عباس شحتسوي
- اني رجل وانتي مريتي
- مو
- مو مو مو لتمومووين ارريد كلشي بيج يصير ملكي
- مديت شفتي مبرطمه
- شبيج شتردين بعد همست بس امري
- لا بس عبالي البس البدله البيضه يعني ماالبس البدله
- رفعت حاجبي ابتسمت مستحيل اتقربلج هسه بس الله يعينني اني ناويداسوي عرس مطنطن وناذر ذبيحه للسيده الشريفه ولج اني متت صار اسبوع
- هيج خفت عليه لو ميته جان شس--- قاطعني وخله ايده على شفافي
- لتكولين هيج وحاولي حاولي سمر ماطلع من جمال شفافج النديه الورديه غير كل حلو ماريد فد يوم هالشفاف الحلوه تنطق بشي محلو
- اي ميخالف بس انت هم علكيفك وياي شوي سوي والله اني هم اريد اتغير بس نوبات احس نفسي مضلومه
- انتي مرتي ومحد يكدر يحاجيج
- وحامد
- اوووف ولج لو تشوفين الشفته مجان جبتي اسمه باعي من عرفت بيج مريضه رحت للعينتين طبعا بطلعان الروح يله والله العضيم نخبوني نخب البستان صاير مو بستان صاير مركز الشرطه بس حرس
- اي
- اي والله خفت
- يعني شنو شغله
- يابه يطبه طوب هو ابو ميدري
- باوعت بعينه ضحكت
- احنا هسه مخطوبين بس مكطوع مهرنا بقت بس العرس وبت الشيخ لبن الشيخ جبناها كمت اكمز وهي تضحك براحه
- ههههه تقربت منه
- ها شبيج شتردين
- احضني هواي
- ليش هواي حضنتها اوووف ليش هواي ليش
- مااعرف احب تحضني هواي اريد ابقى بحضنك
- حبيبتي باوعت بعينها اني اذيتج هواي
- كلشي لتحجي
- ها ههه
- والله اسكت اني هسه انولدت من جديد
- فدوه لحلكج هذا المسقوله اسكيني بعد
- شنو اسكيني رجعت ليوره تقدم ويايه عبااااس
- عيوني تقدمت اضحك مخلي ايدي وره ضهري ثنينهن واتقدم عليها اضحك وهي ترجع خايفه
- شبيك شبيك روح روح اكش بايدي
- شنو ذبانه
- اي ذبانه زنبور روح
- زنبور مو دتعاي لعد حصرتها بالزاويه مال غرفه ادغدغ بيها وامشي شفافي على ركبتها تضحك وجسمها ينخض تدفع بيه عضيتها من ركبتها وكفت تدغدغ صفنت -- احجي احجي
- عباس همست
- ها حبيبي همست ميت بيها
- حباب وخر شفتك عوف ركبتي
- واني شسويت هو عضيتها رجعت عضيها برقه وكعت بيدي ماعت بالكع هههه ولج سمر
- ها همست
- ولج شبيج كومي خرب حضي خرب حضي ياهو الالزمها توكع بيدي الن دلون موبيدي
- باوعتله خزرته المن لازم
- يووووه كومه
- ها دوخر لعد ماه
- لا والله اشاقه خل اشبع هناك تنجلبين والله
- اييي ماه خل ابقه مريضه لعد
- اش انجبي لتخربطين وخرت جريت نفس وكفت جريت ايدها اخذتها نمت عالجربايه جريتها على جسمي باوعت بعينها شنو سرج انتي
- سريش يمعود
- ليش حبيتج وانتي عروم ههه
- مو كتلك حصير عاقله لزمني بكفوف ايده من وجههي ضل يباوع بعيني نزلت من جسمه بقيت اباوع بعينه باسني من راسي شم ريحتي بقوه بقيت مغمضه حاضني غفيت بحضنه --- كعدت الصبح الفجريه منضر الغرفه يخبل كمت فتحت البردات منضر الجبل كدامنا كلش حلو فتحت كل البردات بدلت تراكسودي وغسلت بقيت اباوع عالشباك احس بحريه بانطلاق رهيب ماكو قيود حسيت انحضنت من وره وباسني من ركبتي
- صباح العافيه حبيبي الله لا يحرمني من شوفه عيونج
- شكرا ههه انداريت عليه طبيت لحضنه
- يله حبييبي بدلي خل نرجع دك التلفون ---الو ها عمي اي اي اليوم راجع هسه حطلع لا والله عمي منربط عالشركه محمد شعده يمك ها عمي صدك جذب ابن اخوك عمي طلعت من الغرفه مردتها تنغث --- عمي محمد وين
- يمي
- شيسوي يمك
- حابسه يمي واذا ماردت اليوم بليل اخوك ماتلكوه ولا تشوفوه بعد
- عمي شبيك
- لعد تريد تاخذها لامها
- المن اخذ كدك اني والله العضيم اني لارايح منا ولا جاي والشبكه منربطت والله العضيم زين ابويه وين
- ابوك يدور على محمد
- لالابشرفك زين ماكتله
- لا انت راح تتصل بي وتكوله يمي ومن توصل ترد سمر ارده لاهله
- سديته منه اكفر مخبل والله مخبل خابرت ابويه -- ها بويه محمد تره يم عمي بالبستان ليضل بالك لالا مطالع لبغداد اليوم نجيكم بليل اي الحمد لله تونست سديت التلفونً منه ياضالم الك يوم اثاري يكرط اخويه لان اوديها لامها شنو انت شنو ملتك خرب حته غيرتك رجعت للغرفه اخذتها وطلعت اكلنا بالطريق ورجعنا جنت متوتر بالي يم محمد وصلنا ب8 بالعتايح طبيت للفرع عكرب شفته باوعتله --- شفتها زين لو لا خابره عمي خلي يدز اخويه لاابتلي بيكم
- سمر- عباس شكو شبي محمد
- ماكو شي يمعوده تنهدت طببت السياره وطبيت لامي بستها من راسها خطيه بجت من شافت سمر حضنتها صعدت فوك جسمي متكسر اسوق بتوتر تدمرت بقيت اتصفن شنو من بشر هذا مراح يجي يوم نخلص من ضلمه نمت بقيت سمر جوه
- فجر- خابرتني سمر كالت اني بالبيت متت اريد اروح الها بس عباس تعبان اخجل اكوله وهي هم كالت تعبان خطيه بقيت كاعده الوب صار الليل سمعت صوت سياره محسن طبت الطرمه تمددت اتخيله طب وي سماع صوت مشيته خطواته نزل المسواك قفل البيبان وفات من يم غرفتي غمضت عيني حسيته وكف باوعت عالباب الضوه الحراها خف هاي اقدامه كدامي حيدك الباب هسه بعده واكف وكفت تقربت من الباب لزمت الباب مدكها نزلت اليده على كيفي فتحت الباب بهدوء صار بوجهي منصي من فتحت الباب فتح عينه ونصه راسه حجابي مو براسي فتحت الباب نصها اباوع عليه ويباوعلي وينصي ويرجع يباوعلي بتعب باوعتله بعتب انت الخليتنه بهالموقف بقيت ساكته كلشي محجينا نصه راسه مشه خطوتين بقيت واكفه راح رجع دار وجهه عليه جر نفس
- ارد احاجيج
- واني حاضره تفضل
- لبسي شي على راسج لترعنين
- موً اني بنتك طبيت جريت شالي وخليته على راسي شفته فات للغرفه انداربت عليه سد الباب
- خلي مفتوح كلتها بنتره وراسي بالكع كعدت عالقنفه كعدت كدامي
- رايد مني شي
- ليش مقاطعتني رفعت راسي اباوعلها بغضب
- اني مقاطعتك لا عادي حالي حال خواتك يعني خواتك تشوفهم كل يوم احاجي ببرود
- فجر لتستفزيني
- اني فجوره رفعت تك حاجب وكفت محسن روح اريد انام جريت لعابتي ضل صافن عليه شلت اللحاف انداريت عليه سد الباب وراك
- فجر
- ها محسن تريد شي
- فجر تعبت
- باوعتله دمعت عينيدبس الله يدري شكد مشتاقتله
- فجوره بيوم الماشوفج اتعب والله
- انت حتتزوج راح تشوف الدنيا بعينها
- فجوره وكفت والله تعبت مو شهر مر عذاب نصيت عذاب فجر والله عذاب احاجيها ماباوع بعينها مااكدر
- نزلت دموعي جر غترته تنهد يباوع على سكف الغرفه بقيت ساكته انتضره يكمل حجي مديكدر يحجي تعبان ويفر بعينه عني مااعرف شبي
- شبيك بس كولي
- تورطت وورطت بت خالتي
- شتريد انت كول واني انفذ
- مااعرف رجعت كعدت باوعتلها دمرتيني انتي حتضيعيني والله
- يفر براسه ويحجي وكفت كدامه ميباوع بعيني يتهرب بعينه عني تقربت منه لزمت لحيته بايدي الاثنين غمض عينه نزلت دموعه على خده شبيك ياعيني همست
- تعبان نصيت تعبان والله حاير بامري حعوف الكل واهج
- واني اخيرا باوع بعيني ذبلت عينه
- شون بيج انتي شوون
- اني شسويتلك
- فتحتي عيني شفتج مره بيوم مهري بيوم مهري يله حسيتج مررره افهمي جنت اشوفج طففله
- وهسه همست ميلت براسي اباوعله بتوسل عيني متوكف دمع
- انتي اوف رببببي انتي نبضي الينبض اني بلياج اموووت
- بس كلي شسوي
- انتي كوليلي حاير بامري وحق هو الله
- محسن انهي كلشي ارجعلي الي انته كلشي حلو بحياتي
- وشنو ذنب البنيه وامي افشلها وي اختها
- واني محسن تقبل اروح لغيرك
- لا نترت بيها لا فجر ومنو هذا الياخذج اموت بيوم تطلعين من هالبيت تطلع جنازتي
- اسم الله عمضت عيني خليت راسي على كتفه جر نفس بعمق مخنوك دفعني بقوه وطلع عاف غترته سد الباب نمت عالحربايه ابجي شفت غترته بالكع كمت شلتها اشم بيها وابجي ربي لتحرمني منه دعوه يتيمه محرومه من امها وابوها فيت طلعت الصبح للمدرسه سمر بعد مشفتها طلعت وداخلي مكسور شاسوي مااعرف رجعت للبيت لكيت تلفون خاله ام محسن اخذته بدون محد يشوف طلعت رقمها خطيبه محسن وضميته
