٣٥_______٣٦
كفى صمتاً
بارت ٣٥
مريم السعدي
ضليت صافنه لابيه اتعارك مابيه حيل ولابيه اسكت دراستي احلامي كلها راحت كمت ابجي واحضر هدومي مااعرف شاخذ ضليت صافنه كعدت عالجربايه والكناتير مفتحه كاعده كبالها صافنه
- عباس- روحي ضايعه مني الوب معقوله مريضه لا يا الله دخيلك يبو فاضل صعدت ماريد اعوفها ابد طبيت بهدوء للغرفه شفتها كاعده كدام الكنانتير كعدت يمها خليت ايدي على اكتافها صارت بحضني رغم طولها بس كدامي تصير عصفوره جريتها لحضني امسد على شعرها -- شبيها الحلوه
- بس عدنا باربيل ليش دتاخذني اذا عدك شغل
- باوعت بعينها اريد اغيرلج جو
- احس مبيه حيل والله
- سموره انتي كضيتي حياتج بالعتايج شوي طلعي غيري جو واني وياج والاه من تطلعين نفسيتج ترتاح
- بس علمود هالشي شو السالفه غريبه باوعت عالكنتور والله حتى مااعرف شلبس
- ابتسمت باوعت عالكنتور وياها ماعدج هدوم
- عدي بس كلها عبي وكلابيات وصداري وقمصان مال دوام
- زين لعد امشي ويايه نفوت للسوك نشتري جبب اني شايف بالسوة جبب شبابيه حلوه
- ها
- اي والله البسي يله بسع وكت ماعدي
- اي صفنت اي اي يله كمت كدامه لبست حجابي هو كاعد عالجربايه صافن بوجهي بانعكاس المرايه وكف جر العبايه من كنتوري فتحها وخلاها على راسي فوك الحجاب صار قريب مني رفعت عيني بعينه دمعت عيونه --- هاي شبيك
- مابيه شي قربت كصتي لكصتها طخيتها بهدوء غمضت عيني مابيه شي والله ---غمضت عيني وياه تنفسنا نفس النفس توقعت حيعيدها مره لخ ويبوسني بس بقى هيج لزمني من كتفي قربني لحضنه نفسه يرجف
- شبيك عباس همست
- احب احضنج همست مغمض وارجف متوقعت هيج تعلقت بيها خايف مرعوب تروح مني
- هدات ارتاحت روحي صدك اني بحضنه متوقعت فد يوم هيج راح ارتاح من يحضني لو قربه هيج يرجفني دفعته على كيفي بقه مغمض بقيت صافنه عليه فتح عينه مسحه من الدمع -- والله بيك شي
- مابيه همست
- ليش مدمعه عينك بس كولي مقهور عليه علمود امي مو وليش هسه يله حسيت
- بلعت ريكًجريت نفس باوعت ليفوك تمالكت روحي دخيلج ياشريفه بس تطلع مبيها شي اجيبها واجيج دخيلج انتي طبيه المرضى--- يله سمر امشي منلحك
- يله كيفك طلع وطلعت وراه نزلنا خاله جانت كاعده بالمطبخ صافنه وايدها علىً خدها
- يوم طالع للسوكً محتاجه شي
- سلامتك يمه
- خاله تحجي بتعب شبيهم اليوم طلعنا للسوك عباس يمشي كدامي وكلسا تعاي منا روحي منا ضمي ايدج ديربالج صوتج نصي واني خربانه ضحك بداخلي عيونه تصير نار من ابو المحل يباوع احسه راد يكسر السوك اشتريت جبتين وحده بيجيه والثاني بصلي على ذوقه جانت سبورت كلش حلوه واخذلي حذاء وحجابات عبالك صدك عروس كيفت كايدني ويجر بيه خايف عليه واني وياه حسيت بامان محاسته قبل رجعنا للبيت كدرتهن وهو ويايه يعدل بالدكم ويربط الحزام يفتر داير مدوري
- تخبل عليج
- ههه شكرا يله بعد ماعدج نقص
- لالا هاهي
- يله لعد حضري الجنطه
- زين عباس هناك وين نروح يعني
- باوعتلها جريت نفس من نروح تشوفين عود
- خوش رتبت وطليت سبحت تعطرت هواي
- عباس- ميت حسبه ببالي وتفكيري مشتا ابويه ضل يسال مو وكتها ومو وكتها هالروحه امي قنعته كالتله تغيير جو يله سكت امي طتني فلوس واني شجامع خليتها حوه ايدي حضرت اوراقي واوراقها وخليتها عالميز كدامي اسم المركز اللي باربيل والدكتور عدي ورقمه كلشي جاهز تمددت اسمعها تغني بالحمام ياطيور الطايره مري بهلي ياشمسنا الدايره ضوي لهلي سلميلي ياطيور الطايره دمعت عيني منين اجيبلج امج هسه منين الله لا ينطيك حامد اخ ربي الطف بينا يارب الطف بينا طلعت شعرها مبلل--- سمر نشفي بسع تتمرضين
- ابتسمت اي جنت مزيده العطر ختى من يحضني يسم بيه ريحه طيبه ضليت اسرح شعري واباوعله يباوعلي صافن اكو بنضرته حزن وتعب --- ابتسمت التفتت شبيك تباوع
- شبيه كمر كدامي داباوع عليه
- هه شكرا نصيت راسي سويت شعري ضفيره جنت لابسه دشداشه فانيله نص ردن وين ماروح يباوعلي طلعت الجبه علكتها كدامي وطلعت هدومه جنت كلش متشوقه لباجر اشتغل وابتسم
- شبيج تتبسمين وحدج
- متشوقه لباجر
- وكفت تمشيت كم خطوه وصلتلها راح اونسج
- صدك نزلت راسي ورافعه حاجبي اباوعله بدلال
- ابتسمت تره مااكدر على هالدلع
- ههه نصيت راسي رفعت راسها بستها من راسها اويلي عالريحه حسيتني بحنان بس روحي تعبانه جريتها حضنتها خايف افقدها قويت حضنتي
- صاير حباب عباس همست صاير تتغزل وتدلل هاي حنيتك خايفه منها
- باوعتلها تستاهلين سمر انتي ورده
- ها هاي اني رفعت حاجبي
- اي ليش وين اكو مثلج
- عباس شبيك اليوم
- شبيه مريتي
- ايدبس مو مثل قبل
- قررت اتغير ميصير يعني
- لا يصير لعد اني هم حصير عاقله
- عفيه بالسبعه حاولي متعصبين بستها من راسها تعاي نامي باجر من الصبح طلعتنا
- اوك رحت للمندر
- تعاي يمي باوعتلها بتوسل خايف تتخربط وماحس عليها
- لا نصيت راسي بخجل
- البارحه مو نمتي هنا
- مجنت حاسه استحي
- لعد اجي اني انام يمج
- مسوينا شي
- ها سمر رفعت تك حاجب حتضوجيني
- نصيت راسي
- تقربت منها ماسويلج شي لتخافين حضنتها بس المهم انتي بحضني مامن عليج
- قابل حطير باوعت بعينه انت شكد حباب شون جنت اكرهك اني
- ههه دتعاي لعد
- بس خل اجيب اللعابه
- هاي ليش مو اني يمج
- ها يله خوش
- تعاي بابا تعاي نيمتها اباوع بعينها جانت حريصه ليطلع جسمها او صدرها تغطيدبروحها واني وين رايح بالي ابد مو يم جسمها كل بالي يم مرضها نمت يمها تعاي على صدري
- لالا مرتاحه
- كيفج تملست شعرها اباوع بعينها اول مره اكون بهلقرب منها تره انتي كمر
- شكرا همست نصيت تقرب خله راسه بشعري شوي وسمعت صوت نفسه العالي تقربت نمت على صدره اسمع دكات كلبه حاوط جسمي بيده حيل همس سمر
- نعم
- لتعوفيني طيبي
- صفنت عليه ابتسمت اي ميخالف هلكد يحبني صدك يعني اني يحبني هيج عباس مجنت اتوقع بيوم راح احبه هسه احس روحي معلكه بي صدك لو كالو الاهتمام يولد الحب مكدرت انام متشوقه لباجر كمت خابرت فجر ردت جانت نايمه
- لج الو فجوره
- هلو سمسم شبيج ب1
- هه باجر اروح لاربيل وي عباس
- شنو اوكفي خل اصحصح
- هههه والله
- ليش
- كال تعبانه حتى نفير جو يمكن جيف راسي كام يوجعني
- زين شوكت ترجعين اختنكت من هسه
- يومين الخميس اجيج والله
- روحي الله وياج وطكي صور هواي تونسي حبيبي
- اوكي ههه
- سمر شنو دتحبي
- ااي يمكن
- الللله شون حلو
- وهو هم لو تشوفي شون خايف عليه ويحبني
- ذهب عباس
- اي والله انداريت باوعتله نايم وماد ايده الحنت نايمه عليها --- يله روحي انتي شونج
- اني زينه
- ومحسن
- محسن قبل 3بليل ب2اجه ومفتحت الباب ضل يتوسل مرديت تكطعت بعدين فات لغرفته لخد اليومً مشايفته تنهدت وملتهيه بالدروس والشغل ضايع يومي بس من تفوت سيارته للصبه مااعرف شيصير بيه
- فجر عوفي انطي مجال
- هو اني هم هيج سويت هو تعب ويانا هواي سمر خاي ياخذ اللي يريدها ماله نفس بيه شسوي اخلي روحي بروحه
- صح دمعت عيني شكد دتتاذه اكول لعباس اخذج ويايه
- لالا عدي امتحانات زين ودوامج صدك
- ممم اوف من اجي افهمج
- خوش يله ترحين وتجين بسلامه جيبيلي شي وياج
- بعيني ههه احبج
- اموت عليج باي سديته بقيت افتر بالغرفه فرحانه رجعت فليت شعري وسرحته ورجعت ضفرته مسحت حذائي وحذاء عباس حضرتهن رتبت الجنط صفنت لبست دشداشتي وربطتي ونزلت جوه احضر الريوك جانت ب2عباس كال ب3ونص نطلع سويت بيض وبتيته حميت الخبز وسويت طما وخيار وحضرت الجاي باوعت ساعه 3صعدت كعدته متشوقه --- عباس عباس
- همم فتحت عيني رفعت راسي فاز شبيج راسج
- لالا ههه كوم نتريك
- رجعت خليت راسي عالمخده خليت ايدي علىً كصتي ليش بيش الساعه
- ب3وخمسه يله
- شوكت كعدتي لج جريتها حضنتها بصدري شوكت كاعده
- هه منمت مكدرت متشوقه كلش
- هه وشسويتي هالوكت كله موموزين عليج متنامين
- سويت ريوك وحضرت كلشي وخابرت فحر
- شنو رفعت راسي رخيت ايدي من حضنتها شون خابرتي فجر
- من تلفونك
- خزرتها شوفي سمر التلفون بعد متلزمي
- نصيت اي ميخالف
- تنهدت يله كومي شسويتي ريوكً هو انتي تعرفين
- اي اعرف عيني بس ضامه مواهبي
- ها زين لعد خل نشوف نزلنا سوه كعدت كدامي فتحت القبغ مال ماعون بيض وبتيته صاير شكله يشهي
- واووو
- ههه يله بسم الله
- مديت ايده اكل واباوعلها حتى وجهي مغسلته صبت الحاي وصعدنا جانت تبدل بسرعه ولهفه ضحكتني خايف عليها كلش خايف من الحاي خايف من كلشي نزلت الجنط طلعت امي تلبس بالروب والنومه بعينها
- هايمه رايحين دير بالك عليها ماوصيك
- اي يوم ليضل بالج ابويه نايم
- لالا ديصلي
- لعد خل يكمل حتى نسلم ونطلع لتشيلين الجنطه يابه باوعتلها
- سمر-خفيفه هي مال يومين
- ميخالف باوعت للغرفه ابويه ديسلم كمل صلاته رفع راسه يبتسم لسمر ها يابه قبل الله
- اجمعين ياب ها طالعين
- ايدانشاء الله نصت سمر باست ايده باسها من راسها باوع بعينها دير بالج على عباس تره خوش عباس
- انداريت على عباس اي عمو بعيني
- يله يابه عباس توكل بالله
- في امان الله يابه
- الله وياك بويه
- طلعت من البيت اني وسمر وطلعت باوعتلها تخافين من السرعه
- هه لالا احب الاكشن
- هلو ياب اكشن ههه لعد استعدي للمغامره طلعت سريع لان الشارع فارغ فجريه بقيت امشي وهاي تسولف وارد عليها جانت مرتاحه نوكف بالسيطرات كم سيطره ونطلع انداريت عليها لكيتها نايمه لزمت ايدها تنهدت ربي دخيلك الطف بحالها والله شبعت اذيه وضلم خنكتنيزالعبره واني لازمها كم يوم كضيت الطريق تدمع عيوني وامسحها طبينا اربيل ب10ونص الصبح حجزت فندق هالحجي كله كضتها نايمه من حجزت وكملت كعدتها يله خاتون كومي
- وصلنا
- ايي ههه من زمان
- حرامات مشفت الطريق
- هسه افرج مكان مكان بس نزلي خل نرتاح
- اي نزنا الجنط وصعدنا بالمصعد اتذكرت وي بابا من جننا نصعد اموت خوف لزمته من زنده
- ها شبيج
- اخاف من المصعد
- لعد هاي عرامتج ووكاحتج
- اهو عباس
- تعاي لتخافين خليت ايدي على جتفها قوي وصلنا جانت الغرفه 3طابق طبينا جانت بس تتلفت تبتسم
- ها حلو
- اي كلش هه يله اخذي راحتج اجيب شي ناكله جعت البيض والبتيته مالتج مطيب
- داشوفك فرغت الماعون
- ههه ام لسان يله جايج لتنامين
- ماشيً
- نزلت جبت لحم بعجين اتصلت وحجزت عالمفراس والست سكنر فحص الراس بعد ساعه الحجز مالتنه صعدت وبيديدالاكل طبيت جانت دتبدل
- ها سمر
- ها جيت
- اي تعاي ناكل حتى نروح للمستشفىً نسوي فحوصات وراها نطلع مصيف
- ها ليش مديوجعني راسي
- لا هنا عندي دكتور صديقي بس يشوف ليش هالوجع وهاهي
- كيفك كعدت عالكرسي مال ميز الطعام اللي بصفحه الغرفه مخلي كعد كدامي وخلالي لبن ولحم بعجين جانت تخبل مدري لان متونسه اكلت كومه جان يراقبني مبتسم كملنا وبدلت وطلعنا للمركز ضل يسال ويمشي عالوصف لحد موصلنا مركز جبير ودايره مدايره كلها حدايق تخبل ضليت افر براسي طبينا ضل يحجي وي الاستعلامات دلتنا البنيه وطبينا راسن سلم عالدكتور وعرفه عليه الدكتور وكف كلي تفضلي
