١٣________١٤
#كفى-صمتا
13
مرت كم يوم عطله بالجامعه وراها خابرت على ابو علي --- الو
الو هلو ام سمر شونج
الحمد لله اكولك تره باجر دوام
ها بسيطه اي امرلج ب7ونص مثل كل يوم
اي والله
صدك تعذريلي من الحجي تره والله مصار مجال اجي خابرني عمود المحكمه
لا عادي اني هم جنت شويه مالي خلك هم جان مكدرت اروح
ليش شبيج سلامتج
لا هي شوي تعبانه
وهسه شون صرتي
لا الحمد لله احسن الجهال شونهم
الحمد لله اليوم اطلعهم شوي ضايجين
اي زين تسوي خطيه
اي تنهدت بقيت ساكت شفتها سكتت
يله عدج العافيه باجر امرلج --- بابا هاي خاله نسرين
اي بابا
طيني احاجيها
نسرين هاي مرى تريد تحاجيج الج خلك تحجين وياها
اي عادي طينيياها
هاج
الو هلو خاله
حبيبتي شونج
زينه وانتي شونج
زينه زينه خاله بابا حيودينا للملاعيب تجين ويانا
لا شعدي جايه
لا هاله حبابه لعد اني ويامن امشي علي وسرى يلعبهم بابا اني قابل اتزحلك والعب مرجوحه
اي عادي لعبي بعدج صغيره
لا خاله حبابه ماروح لعد اضل يم بيبي
لا لا راح اجي
يسسس شكرا خاله بابا خاله حاجي ويانا
هله بيها كوليلها امرلها فد ساعه خل تتحضر
سمعتي خاله
اي اي ماشي انتضركم
باي حروح ابدل ههه
يله روحي باي سديته اضحك وبكلبي فرحه مصدرها جهال ايسر صفنت تذكرت سمر وفجر وهمه منو ديطلعهم منو ينفه عنهم ويسمعهم هم محتاجيلي ومحتاجين اخد يسمعهم اذا جهال ايسر ابوهم وحنيته موجوده اني لا ام ولا اب لاحول ولا قوه الا بالله كمت بدلت لبست مامتو قصير عالركبه وجواه بنطرون وبوتين ولفيت شال وردي مشجر بلون المانتو الساده كلت لوالدي ابتسم بمكر وكلي روحي عيشي حياتج
لا بابا ني علمود هاليتامى اي بابا اعرف
ساعه ودك هورن طلعت شفتهم يضحكون بالسياره مكيفين باوعلي ايسر ضحك ودار وجهه على مرى الكاعده بالصدر نزلت وكعدت ليوره
- لا مرى ابقي
- لاخاله عيب انتي اكبر مني
- لا امي اكعدي خزرتها دمعت عينها من كلت امي الباب مال الصدر مفتوحه وهي كدامي شفافها رجفت حتبجي
- يله يله حكعد بالصدر امشي محضرتلج كومه حجي هه غيرت الموضوع مردت تبجي صعدت ليكدام باوعلي ايسرمبتسم بخجل وطلعنا كلسا يباوع لصفحتي وينصي مو بوجهي على جسمي ومو نضره متفحص او قليل ادب لا معرفت شبي
- ايسر-بس خفت لا تنطب بطسه وتنفتح الباب وتوكع بالشارع ملزوكه بالباب تكول راح اكلها خجلانه ومتوتره متدري خجلان اكثر منها وصلنا الزوراء نزلت هي والجهال للتفتيش النساءي واني طببت السياره جان السقوط توه ومشددين التفتيش من وره الامفجارات الدتصير طبو
- نسرين- طبيت وي البنات مشينا شوي تاخر ايسر كمت كلسا اتلفت شوي استغرب بس وجود علاوي ومشيته ورانا مامنه تحسه رجال وديحمي خواته فدوه لطوله مشينا تسولف اني ومرى وسرى مجلبه بجنطتي حسيت احد همس هايابه خو متاخرت شكد حلوه حجايته هايابه بيها كومه معاني باوعت بعينه
- شكو شنو احد حاحاكم
- ابتسمت ومنويكدر يحاجينا وعلي ويانا
- اي علاوي رجال بقيت اباوع بعينها شنو قصدها بهالابتسامه الدافيه ركضت سرى وعلي كام يصيح بابا نصعد بالمكص
- ايسر-ولك يامكص اني مالي كلب
- اهو اصعد وحدي
- روح هاك طيته حمره وركض باوعتي يابه عللي
- ها ها
- هنا حنكعد اشرت عالحدايق وانت تروح وترجع لهنا بعد ساعه ساعه علي مو اكثر اعوفك وارجع
- اي والله اي باي
- نسرين- طار علي وسرى تلعب بالزحليكات كدامنا وبصفي مرى كاعده تسولف وتقلد على المعلمات خربتني ضحك تباوع بعيني تشوفني دنيا وامل بحضن امومه دافيه واشوفها سمر اه ياسمر وين انتي ياروح امج شنو دتحسين ومنو مضوجج هم لكيتي وحده بمكاني مثل مرى دمعت عيني ومكدرت اخفي
- خاله شبيج
- تلاشت ملامحها وغابت ضحكتها باوعتني بقلق تسالني عن حالي شكولها واني طالعه اونسهم التفت ايسر راسن من سالت
- ايسر- شبيج همست
- مبيه هيج مدري شطب بعيني كمت مكدرت اوكف دموع عيني تمشيت خطوتين
- وين خاله
- هسه بس اغسل حسيته ديمشي ورايه صاح بصوت ناصي نسرين
- هسه بس اغسل ارجع روح يم مرى بقه واكف بالنص يباوع على مرى ويباوعلي غسلت بالبوري المخلي بالحديقه ورجعت شفته بعده واكف باوعني بالم همس
- دياذيج قربهم مو
- لا بالعكس والله بس اني هيج داءما مو يمك
- هزيت راسي جريت حسره رجعت كعدت وي مرى سرى صعدت المرجوحه وصاحت بابا فرني عفتهم ورحت افرهم صحت على مرى تعاي بابا صعدي
- لا استحي
- ولج نسوان ديصعون تعاي
- ها خوش كمت رحت لبابا اخذت حاله ويايه
- نسرين- وين
- خاله نصعد اني وياج
- استحي ولج
- دباعي هاي شكبره
- ها صعدت مرى دفعتها ضل تنهز وتضحك متونسه هي وسرى واني على صحكتهم اضحك بصفي ايسر يباوعلي ويدفع بسرى وتصيح اقوى بابا اقوى
- اي لج خرب ابوج حتطيرين
- بابا قوي طيرني
- اي بابا باوعت لنسرين تبتسم وتباوعلها --- اصعدي بذيج بصف مرى
- اي صعدت وكمت افر على كيفي واسولف وي مرى على البنات ومكياجهن الزوراء اشكال نشوف بيها نفر بهدوء حسيت واحد دفعني من ضهري فزيت كبر ايده وحرارتها عدلت كعدتي انداريت باوعتله ضحك اني هم ضحكت دفعني قوي كلبي كام يدك سريع وي نزلت المرجوحه يروح كلبي رخيت جسمي احس بالهوه الينضرب بوجهي احساس رائع احساس طفله مفاقده عزيز بله هم حسيت روحى بكد مرى اويمكن اصغر جتنا سرى تركض تتوسل تريد تصعد للكوب وابوها يخاف وكفت مرى بابا نصعد كلنا
- لج بابا ادوخ
- لا بابا حباب
- ايسر-باوعت لنسرين كومي تصعدين
- لاعزه استحيً جرتني مرى ابتسم بمكر ابوها سكتت وصلنا الكوب وصعدنا اني يم مرى وهو وسرى شويه وشغل واشتغل الضحك مرى ضمت راسها بجتفي ضحكت عليها حضنتها وابوها ورانا يصيح جبانه نرلنا تمشينا شوي لحديقه الحيوانات لمح صديقه من بعيد صاحو ايسسر اندار عليهم باوعلي مو شفتك وغلست الا تفضحنا تقرب صديقه سلم
- ها ولك شعدك جاي يم جماعتك يقصد القروده
- يابه غير جيت اسالهم عليك باوعت لنسرين وجهه صار احمر من الضحك اخذت مرى وتقدمت همزين هذا صاحبي عوبنجي سولفت شوي ويا وترخصت باوعت لنسرين شبيج ردتي تموتين
- خربني ضحك
- هااباوعت رافع حاجبي درت وجهي عنها مااعرف ليش حسيت بغيره سرى كتلت روحها عالنفاخه اخذتلها الها ولمرى باوعت لنسرين مبتسمه اخذتلها وحده هاج
- هاي شنو بس لا لعلي
- لا الج باوعت بعينها
- ههه شكرا نصيت حسبني من بناته رجعت تذكرت بناتي معاشو الطفوله تمنيتكم ويايه واشبعكم حنان اخ ربي نضره منك الهم رجعنا لكينا علي ينتضرنا اخذنا وطلعنا من الزوراء طبينا مطعم واني مقبلت بس كال لخاطر الجهال سكتت كعدنا وطلبو بيتزا باوعلي شتحبين تاكلين جنت كلش خجلانه نصيت راسي
- اطلب على ذوقي
- اي عادي
- عدهم شون كنتاكي الا بشده
- اي عادي اطلب
- خوش
- طلب كنتاكي والجهال داسو بالبيتزا جنت كلش منحرجه ومماخذه راحتي بالاكل وهو خبصني اكلي واكلي اخر شي طلعنا لفه سفري لان اكلي كله بقه وطلعنا رجعني الي بالاول من داانزل طاني الجيس
- لا ماريد
- هاي حصتج يابه مااكلتي شي
- والله مااكدر الله يخليك لتضغط
- يله هاهي كيفج
- باي خاله
- باي مروش باي سرى جانت مطفيه دتغفي باي علاوي
- باي خاله باي
- طلعت ورجعت للبيت يمكن جنت مغير جو اكثر من الجهال بس طلعت من عيني امي جانت مصخنه وركض للمستشفى اخذتها بعد الفحص كلولي التهاب كلوي هذا شنو بعد صاعده اليوريا وانحباس ادى الى التهاب كلوي ابر على مضادات حيويه فكت ونزلت السوائل بتت بيها مستشفى الجهال وحدهم ب10اتصلت بابن جيراننا كتله دز امك يمهم كال صار للصبح رجعنا ورمت اطرافها بصوره غريبه والدكتور صرح انه السواءل اذا وصلت للرئه تكتلها اي علاج مفادها لل6ونص دكيت على نسرين حتى تطلع مااكدر اعوف امي
- الو
- الو منو
- اسف كعدتج مو
- منو ايسر
- اي اي
- ها فزيت ايسر شكو الجهال خو مبيهم شي
- لا لا الحمد لله اتصلت لان الفون حيخلص شحن وردت اكولج اني اليوم مااكدر امر عليج لان والدتي بالمستشفى شويه تخربطت
- لالا سلامتها زين انت وين هسه
- اني بايت من البارحه وياها نيمتها مستشفى
- صددك زين والجهال منو يمهم
- والله بيت جوارينا
- زين ماشي روح عدها العافيه انشاء الله
- رحمه الله والديج
- ووالديك سديته صافنه شون بله ذوله وحدهم فكرت اروح بس كلت لا لطلطه بدلت واتصفن اخلي مرى ترتاح واني اسوي البيت والاكل وادرسهم هم لالا مو هالحد لتنجرفين نسرين هواي دتتعلقين بيهم تره
شلت اللفكس مال جامعه وطلعت بابا صاح نسرين
ها بابا
تعاي يابه متريكتي
رجعت بابا خاف مالحك
بعده ابو علي مجاي
باوعني مستغرب
