٣________٤
#كفى_صمتا
3
مريم السعدي
صعدت وطلع راسن عكرب لحنا وي حامد بس الولد سبع جاكي بالسياره ساق السياره سريع مع انه سيارته كيا سيفيا جانت ضل بالفروع اباوع العرك يصب اني ايست لحد ما طب لفرع من الفروع وطلع من فرع ثاني تيهناهم طلع عالشارع العام وطلع بره المنطقه باوعلي همس
لتخافين تيهتهم
وين حروح هسه
اوديج لبيتنا
ورطتك
لاكولين عي بس ليش هلكد خايفين منه اساسا زواجج باطل منه لتخافين
متعرف شنو من شي ذوله
ادري شنو فرعون
اكثر
لايابه كل قوي فوكاه القوى منه
باوعت مخروعه ضليت اباوعله بالمرايه حجايته حجايه راشد
شكو شبيج تباعين هيج
نصيت راسي مرديت باوعت عالشباك
هسه اوديج لاهلي لو شنو
جريت نفس رجعت راسي عالتخم ابويه خابر على رقمه تعذر منه وكله ورطناك مااعرف شحجه حسيت برعب وانه مراح يعوفون ابويه باوعلي بالمرايه
ها شكلج ايستي جريت نفس ابوج يكول هذا مجرم يعني شنو عده سوابق
اي هزيت راسي البنات بحضني متمددات
مسجون قبل
لا شيسجنه هذا عده ضهر يقتل وياذي وينهب محد يحاجي اكوله الحرس تارسه المزرعه احاجي واباوع من الشباك احس روحي جنت مسجونه عدهم
تدرين هذا وراها سالفه هيج مجلب بيج المثله مكاتل روحه على بناته هذا لو يحبج لو ---
قاطعته المثله ميحب ضالم بس هو حسب متكول امه ميريد لحم احو يتطشر هو لحمه مطشره شون غيره شايل خطيه
ههه باوعتلها بالمرايه الله موجود
خويه تعبناك ويانه بس والله هسه انطيك شكد متريد
حاله انسانيه يمكن اني وكفتلج باجر الله يهيا اليوكفلي
انشاء الله متعتاز احد
اشكرج باوعت بالمرايه ابوج كال اوديج شارع حيفا اكو مره واكفه يم اسواق المهنا براس فرع سيطره حيفا اني اندليت المهم وكال تشتري جهاز وسيم كرت حتى تتواصلين ويا
- خوش
- هذا محل هسه حنزل انداريت عليها اوراق جايبه مستمسكات شي
- االا بس
- يعني اخلي باسمي
- مااعرف باوعتله منحرجه
- اي عادي باوعت عليها شكلها مو ارهابي يعني قابل شحتسوي بالخط واذا مو باسمي نزلت اخذت خط وتلفون وخليته وسجلت رقم ابوها رفعت راسي لكيتها نايمه نصيت راسي الله عالضالم خطيه فوك قهرها طلعلها هذا وصلتها لشارع حيفا لمحت المره واكفه عالوصف كصيره وسمينه انداريت باوعت عليها رموشها كثيفه وسوده همست احم نسرين
- فزيت باوعتله ها احنا وين
- ذيج المره اشرت
- خاله بشرى دمعت عيني هاي خاله ابويه
- خوش لعد دمشي اوصلج الها
- اوكف طلعت 100هاي كافيه لو بعد
- كعدت عدل باوعت من الشباك خلي فلوسج جوه ايدج خاف تحتاجيهم
- لا تره ابويه متمكن بس من يم حامد مكدر لامكانيته من ناحيه الشرطه التوقيف حاول ويا وحامد عده ضهر بكل مكان اني دوختك من الصبح وانت مالك دخل شكد تامر كول
- لا بالعكس حالج حال خواتي روحي الله وياج
- دمولي عفيه 100كافي و15مال جهاز والسيم
- يابه دخليها
- مااروح اذا متاخذهن
- جيبي جيبي خل اوصلج كبل ليجي هذا عكرب مدري تمساح
- اي والله نزلنا كاد البنات وعبرنا الشارع وصلت لخاله حضنتني ضلت تدعي
- الله لا ينطي كلمن يستغل ضعف بني ادم لتبجين سوده عليه تعاي بالبيت منو هالشاب وياج جنه جلال خورشيد
- هه والله ياخاله متجوزين من سوالفج هذا السايق باوعت للولد خله ايده بجيبه ضخك بخجل ودار وجهه عالسياره رجع باوعلي باوعتله صدك يشبه جلال خورشيد المغني ---رحمه الله والديك ا خويه مقصرت
- تدللي وهذا رقمي اي شي تردين خابري مثل اخوج اني
- رحمه الله والديك درت وجهي ورحت وي خالتي وبناتي مكيفات طبيت لبيتها خالتي عدها شقه هناك وهي ممتزوجه داءما تجينا ماجايتها ابد كلش حبابه وحنينه والدي قايم بيها تشتغل بالمصرف شقتها بيها بلكون صغير واول ماطب مثل الممر صغير تارسته متسلق اخضر يخبل ومن الممر يطلع مطبخ صغير وراها هول وعاليمنه غرفه بابها عالهول وعاليسرى غرفه هم بابها عالهول كلش مرتبته البنات ارتاحو سبحو ونامو خطيه سوتلنا اكل وخابرت ابويه كلي راح حامد بس ابقي هنا فد اسبوع حد ماتبرد السالفه وكلي وكلنا محامي اسمه بجي امه ودعاءها حجيت وياها ممصدكه بروحي كالتلي مبقى شي المحامي طمن ابوج جريت نفس يارب بلكن يصير شي وارتاح بقيت اسولف وي خاله بشرى جانت من تجي عدنا اشيل هم رغم متخلي شي متجيبه بس لان تضل تحجي لان سفور ومااصلي اضوج منها غلطانه جنت كمت بس اريد اكعد يمها علمتني اصول الدين رغم ماامي علمتني بس مقتنعت كد ما مقتنعه هسه
-
- ساءق التكسي-اني ايسر مواليد 1985سكنه الشعله متزوج وعدي 3اطفال بنات 2 وولد الجبيره صف رابع ابتداءي وعدي 4خوات كلهم متزوات باقيه وحده بس 2كليه اداره والدتي عايشه الله يخليها شمعه ووالدي توفى قبل عشر سنين زوجتي مريضه بمرض موزين خلاني اشتغل شغله 2وهي التكسي السياره موسيارتي سياره ولد صاحبي بالكراج والولد خطيه يوم الي ويوم اله كال لان هو هم موضف مثلي اني موضف بوزاره المعادن راتبي احمد لله زين نت عايش مترهي منه بس مرض زوجتي اذاني ماديا ومعنويا حبيبتي من الصغر وطلعت روحي يله طوني اياها اهلها متضررين مثلي امكانيه مو كلش مخليت مكان موديتها وصلت للكيمياوي احسها تحسنت بلكن تتشافى تعبت واني اشوفها توكع كدامي اليوم طلعتلي هالبنيه والله هانت مشكلتي عليه من شفتها حاضنه اطفالها مثل البزونه وتركض منا ومنا والضالم لاحكها الله يعينها ويعينني ببقت ببالي مشكلتها واني بطريق الرجعه للكراج ارجع السياره للولد صديقي وصلت للكراج واشوف البيك اب نفسها تخبلت طبيت بثقه قابل اضل مهزوم واني مجرد سايق نزلت تقدمو عليه الاثنين الجانو بيها كالو
- سلام
- عليكم السلام تفضلو مويد هاك السويج اهلي تخربطو تره ---اوكف اوكف ناس رايديك باوعلي مستغرب المن موصل يول كلبو للكراج من الضهر
- شكو المن
- حامد- تعال ولك وين وديتها الجانت وياك وين تعرفها
- منو ميت نفر اوصل كل يوم المن تقصد
- تعرف كلش زين عليمن قصدي لزمني من زندي قوي لا تغشم روحك
- رديت ايده قوي وخرررر ايدك بقيت اباوعله يا الله وجهه مال مجرمين احجي عدل داجاوبك عدل
- المره الوياك اللي جانت وينها
- منو
- ام البنات اللهم طولج ياروح عكرب شوف شغلك
- تقدم واحد جثيث لو نه رصاصي ووه عينه اسود كال خالي احنا ثكال لا تتورط ويانا وين ذبيت المره
- ام البنات ذبيتها بالكراده عالشارع واخذت غير كروه شمعرفني
- خالي تره بيها شرف وتروح بين الرجلين
- مااعرف وينها اني البيه مكفيني
- مويد -عمي تره الولد ميت قهر بكلبه ومرته مريضه وحاير بيها يوميه مسفرها لبلد
- اذا تخاف على مريتك كول الصح
- يابه كلولي وصلنا وركض صعدت وطلعت شمعرفني وراها طلابه لو ادري فلا اصعدها
- هسه احنا مارايدين شي انه اخيك عكرب بس كللنا وين بالضبط
- انداريت شفت سياره شرطه وراه وحامد ديحجي وياهم صدك انجر بوشي نصيت راسي عمي والله ذبيتها ومااعرف وينها بعد
- زين شون عرفت بيت عمها وين
- ها اا هي دلتني
- ها زين ماشي بس اذا عرفنا الك علاقه تره تتاذه
- اي عمي هذا مويد صاحبي يعرف كلشي عني عود كله وين امون ويدليك في امان الله اني راجع اهلي يتانوني درت وجهي وحامد يباوعني بشك اني من يمي انزعب الله يساعدها مره ومكسوره طلعت ورجعت للبيت بالف حسبه ببالي قبل لا اوصل دكيت عليها رقمها ضل بجيبي بالبطاقه مال سيم الجديده الو
- الو منو
- اني ايسر اووو الوصلتج
- ها اخويه تفضل
- تره حامد بعده ببغداد لاكاني بالكراج ردت انغسل الا شوي بس اني عثولتها
- ها عفيه دير بالك على روحك خاف يصير بيك شي من ورايه
- لا ماكو شي انشاءء الله انتي لتطلعين الله يساعدج صدك مسنود لواء واكف بصفه جان ديحاجي لعد شكد واصل هي البلد ضلت للحثنلكيه للاسف
- مشكور رحمه الله والديك -----
- يتبع
-
- مريم السعدي
-
-
-
-#كفى_صمتا
الجزء4
ايسر- ايام مرت وزوجتي حالتها تسوء وتقاوم لخاطر الجهال هطيه واني من الصبح لليل اكرب واخاف من رنه التلفون من يدك اخاف يكلولي تخربطت وماعدي اوديها صارت متبقة فلوس بجيبي التهيت لراسي اول ماارجع ادرس علي ومرى وسرى وراها انام جفي وهي خطيه كاضيتها نوم وكوه تشيل راسها الله يلطف بحالها سنتين على هالحال كمت اتمنالها الموت حتى ترتاح بي ايام صعبه كلش اختي الصغيره ويايه ويايه خطيه تكوي ملابس الجهال تسويلهم الريوك واني ماعدي شي اجازيها بي غير الدعاء والحضن الاخوي هالفتره احس حيل تقربت منها هبه صارت اعز خواتي والدتي هم مريضه خطيه ضغط يصعد وينزل واني حاير بين هاي وذيج وكومه اللحم العدي
-- -
